-
Oleee Emli Nɔ Ni Baahi!Buu-Mɔɔ—2008 | July 15
-
-
Yaa Lɛ
15, 16. (a) Foo abɛbua ni kɔɔ yaa lɛ he lɛ abotia lei. (b) Mɛni yaa lɛ damɔ shi kɛha, ni mɛni he abɛbua nɛɛ wieɔ yɛ Maŋtsɛyeli lɛ shweremɔ lɛ he?
15 Jeee mɛi abɔ ni baatsɛ́ amɛhe akɛ Yesu Kristo kaselɔi lɛ ji nɔ ni he hiaa fe fɛɛ, shi moŋ kaselɔi kpakpai ni amɛaaji lɛ ji nɔ ni he hiaa fe fɛɛ. Yesu wie Maŋtsɛyeli lɛ shweremɔ ni baaha aná kaselɔi kpakpai nɛɛ he yɛ abɛbua kroko ni kɔɔ yaa he lɛ mli. Ekɛɛ akɛ: “Asaŋ ŋwɛi maŋtsɛyeli lɛ tamɔ yaa ni afɔ̃ yɛ ŋshɔ mli ni eŋɔ loi srɔtoi fɛɛ eko.”—Mat. 13:47.
16 Yaa lɛ ní damɔ shi kɛha Maŋtsɛyeli shiɛmɔ nitsumɔ lɛ duɔ loi srɔtoi fɛɛ. Yesu tee nɔ ewie akɛ: “Beni [yaa lɛ] yi lɛ, agbala kɛba shia nɔ, ni amɛtara shi amɛbua ekpakpai lɛ anaa amɛwo kpaii amli; shi nii ni ehiii lɛ amɛshɛrɛ amɛshwie. Nakai nɔŋŋ abaafee yɛ je nɛŋ naagbee lɛ. Ŋwɛibɔfoi lɛ aaaje kpo aba ni amɛaabahala mɛi fɔ̃ji lɛ yɛ jalɔi lɛ ateŋ; ni amɛkɛ nomɛi aaawo la flɔnɔɔ lɛ mli. Jɛi yaafo kɛ nyanyɔji ashishikpemɔ aaahi.”—Mat. 13:48-50.
17. Mɛɛ be loi kpakpai lɛ ni ajieɔ kɛjɛɔ nɔ ni ehiii lɛ mli lɛ baaya nɔ?
17 Ani loi kpakpai lɛ ni ajieɔ kɛjɛɔ nɔ ni ehiii lɛ mli nɛɛ kɔɔ naagbee kojomɔ ni abaakojo gwantɛŋi lɛ kɛ abotiai lɛ ní Yesu tsɔɔ akɛ ebaaya nɔ beni eba enunyam lɛ mli lɛ he? (Mat. 25:31-33) Dabi. Abaakojo gwantɛŋi lɛ kɛ abotiai lɛ beni Yesu baaba yɛ amanehulu kpeteŋkpele lɛ mli lɛ. Shi loi kpakpai lɛ ni ajieɔ kɛjɛɔ nɔ ni ehiii lɛ mli lɛ baaya nɔ yɛ “je nɛŋ naagbee” be lɛ mli.b Nakai be lɛ mli wɔyɔɔ amrɔ nɛɛ, ni ji gbii ni baatsɔ amanehulu kpeteŋkpele lɛ hiɛ lɛ. No hewɔ lɛ, mɛɛ gbɛ nɔ ajieɔ loi kpakpai lɛ kɛjɛɔ nɔ ni ehiii lɛ mli amrɔ nɛɛ?
18, 19. (a) Mɛɛ gbɛ nɔ agbálaa adesai amli amrɔ nɛɛ? (b) Mɛni esa akɛ mɛi ni hiɛ tsui kpakpa lɛ afee? (Kwɛmɔ shishigbɛ niŋmaa ni yɔɔ baafa 21 lɛ hu.)
18 Aná mɛi babaoo ni tamɔ loi kɛjɛ adesai ni damɔ shi kɛha ŋshɔ lɛ mli kɛba Yehowa asafo lɛ mli yɛ wɔbei nɛɛ amli. Amɛteŋ mɛi komɛi baa Kaimɔ lɛ, amɛteŋ mɛi komɛi hu baa asafoŋ kpeei, ni mɛi krokomɛi hu yɛ he miishɛɛ ákɛ akɛ amɛ aaakase Biblia lɛ. Shi ani mɛi nɛɛ fɛɛ batsɔmɔɔ anɔkwa Kristofoi? ‘Abaagbala amɛ kɛba shia nɔ,’ shi Yesu tsɔɔ akɛ abaabua “ekpakpai lɛ” anaa awo kpaii loo kɛntɛŋi, ni damɔ shi kɛha Kristofoi asafoi lɛ amli. Abaashɛrɛ nɔ ni ehiii lɛ ashwie, ni yɛ naagbee mli lɛ akɛ amɛ baawo okadifeemɔ la flɔnɔɔ lɛ mli, ni tsɔɔ akɛ abaakpata amɛhiɛ.
19 Taakɛ loi ni ehiii lɛ ji lɛ, mɛi babaoo ni tsutsu ko lɛ amɛkɛ Yehowa Odasefoi kaseɔ Biblia lɛ ekpa nakai feemɔ. Kristofoi abii komɛi sumɔɔɔ ni amɛnyiɛɔ Yesu nanemaahei lɛ asɛɛ. Amɛsumɔɔɔ ni amɛsɔmɔ Yehowa, ni amɛteŋ mɛi komɛi ni kpɛɔ amɛyiŋ akɛ amɛaasɔmɔ Yehowa lɛ sɔmɔɔ lɛ be kukuoo ko pɛ, kɛkɛ lɛ amɛkpa.c (Ezek. 33:32, 33) Shi ehe miihia waa ni mɛi fɛɛ ni hiɛ tsui kpakpa lɛ aha abua amɛ naa awo kpaii ni damɔ shi kɛha Kristofoi asafoi lɛ amli, ní amɛya nɔ amɛhi he ni yɔɔ shweshweeshwe dani naagbee kojomɔ gbi lɛ ashɛ.
-
-
Oleee Emli Nɔ Ni Baahi!Buu-Mɔɔ—2008 | July 15
-
-
20, 21. (a) Mɛni wɔkase ni kɔɔ Maŋtsɛyeli lɛ shweremɔ he yɛ Yesu abɛbuai ní wɔsusu he lɛ amli? (b) Mɛni otswa ofai shi akɛ obaafee?
20 Mɛni wɔkase ni kɔɔ Maŋtsɛyeli lɛ shweremɔ he yɛ Yesu abɛbuai ní wɔsusu he lɛ amli? Klɛŋklɛŋ lɛ Maŋtsɛyeli nitsumɔ lɛ eshwere waa yɛ shikpɔŋ lɛ nɔ taakɛ ebalɛ yɛ sinapi wu lɛ gbɛfaŋ lɛ. Nɔ ko nɔ ko nyɛŋ atsĩ Yehowa nitsumɔ lɛ shweremɔ naa! (Yes. 54:17) Agbɛnɛ hu Yehowa buɔ mɛi ni ‘feɔ tsũi yɛ [sinapi tso lɛ] hɔŋ lɛ shishi’ lɛ ahe kɛjɛɔ Satan kɛ eje lɛ dɛŋ. Nɔ ni ji enyɔ lɛ, Nyɔŋmɔ ji mɔ ni haa nitsumɔ lɛ shwereɔ. Eyɛ mli akɛ mɛi babaoo miitsɔmɔ kaselɔi moŋ, shi adesai enaaa, ni amɛnuuu bɔ ni feɔ ni mɛi batsɔmɔɔ kaselɔi lɛ shishi amrɔ nɔŋŋ, taakɛ bɔ ni masha lɛ shaa mã muu lɛ fɛɛ lɛ! Nɔ ni ji etɛ lɛ, jeee mɛi fɛɛ ni boɔ sane lɛ toi lɛ ji loi kpakpai. Amɛteŋ mɛi komɛi tamɔ loi ni ehiii ni Yesu wie amɛhe yɛ ebɛbua lɛ mli lɛ.
-
-
Oleee Emli Nɔ Ni Baahi!Buu-Mɔɔ—2008 | July 15
-
-
b Eyɛ mli akɛ Mateo 13:39-43 lɛ miiwie Maŋtsɛyeli shiɛmɔ nitsumɔ lɛ fã kroko he moŋ, shi ekɛ abɛbua ni kɔɔ yaa lɛ he lɛ fɛɛ náa amɛmlibaa yɛ be kome mli, ni ji yɛ “je nɛŋ naagbee” be lɛ mli. Okadifeemɔŋ loi lɛ amligbalamɔ lɛ ji nifeemɔ ni miiya nɔ taakɛ bɔ ni nidumɔ kɛ nikpamɔ nitsumɔ lɛ yaa nɔ yɛ wɔbei nɛɛ amli fɛɛ lɛ.—October 15, 2000 Buu-Mɔɔ lɛ, baafa 25-26; Já Anɔkwa Nyɔŋmɔ Kome Lɛ, baafa 178-181, kuku 8-11.
-