Yesu Shihilɛ Kɛ Esɔɔmɔ Nitsumɔ

Nɔyelɔ Ni He Wa Fe Adesa ni Asumɔɔ Lɛ

Beni Yesu tsɔ naakpɛɛ gbɛ nɔ elɛ gbɔmɛi akpei abɔ lɛ, efee gbɔmɛi lɛ naakpɛɛ. Amɛkɛɛ, “Anɔkwa, mɔ nɛɛ ji gbalɔ Iɛ ni baa je lɛŋ lɛ.” Amu sane naa akɛ jeee akɛ Yesu ji gbalɔ ni da fe Mose Iɛ pɛ kɛkɛ, shi moŋ eji nɔyelɔ ni asumɔɔ fe fɛɛ. No hewɔ Iɛ amɛtsɔ ŋaa akɛ amɛbaamɔ lɛ ni amɛfee Iɛ maŋtsɛ.

Shi Yesu le nɔ ni amɛtaoɔ amɛfee lɛ. No hewɔ Iɛ ekɛ oyaiyeli shi jɛmɛ koni amɛkagbala lɛ amɛwo enɛ mli. Ejie asafoi Iɛ gbɛ, ni eha ekaselɔi lɛ bote amɛlɛlɛ lɛ mli ni amɛku amɛsɛɛ amɛya Kapernaum, kɛkɛ ni egbala ehe shi kɛtee gɔŋ Iɛ nɔ koni eyasɔle. Yesu kome hi jɛmɛ nakai gbɛkɛ lɛ fɛɛ.

Beni shɛ maŋkɛ lɛ Yesu jɛ gɔŋ Iɛ nɔ ena bɔ ni kɔɔyɔɔ ni naa wa tswaa kɛ bɔ ni ehaa ŋshɔkei wuji teɔ shi yɛ ŋshɔ lɛ hiɛ Iɛ. Akɛni nyɔŋtsere Iɛ eye emuu akɛni ebɛŋkɛ Hehoo lɛ hewɔ lɛ, Yesu na lɛlɛ ni ekaselɔi lɛ yɔɔ mli lɛ ni amɛmiiwiri waa yɛ kɔɔyɔɔ Iɛ kɛ ŋshɔkei ni amɛkɛkpeɔ Iɛ hewɔ. Amɛkɛ amɛhewalɛ fɛɛ miiwiri lɛlɛ lɛ.

Beni Yesu na enɛ pɛ kɛkɛ ni ekpeleke shi kɛjɛ gɔŋ lɛ nɔ ni ebɔi ŋshɔ Iɛ hiɛ nyiɛmɔ kɛmiiya amɛŋɔɔ yɛ lɛlɛ lɛ he. Shi efee tamɔ nɔ ni eeho amɛhe. Beni amɛna lɛ Iɛ amɛbɔi bolɔmɔ akɛ: “Naa mumɔ ko!”

Yesu kɛ wiemɔi nɛɛ shɛje amɛmii: “Nyɛnaa tsui, miŋ; nyɛkashea gbeyei.”

Shi Petro kɛɛ: “Nuntsɔ, kɛji boŋ lɛ, fami koni matsɔ nu Iɛ hiɛ kɛba oŋɔɔ.”

Yesu ha Iɛ hetoo akɛ: “Ba!”

Kɛkɛ ni Petro shi lɛlɛ lɛ ni ebɔi nu lɛ nɔ nyiɛmɔ ni eeya Yesu ŋɔɔ. Shi beni ekwɛ ahum ni tswaa lɛ, Petro she gbeyei ni ebɔi shiumɔ, ni ebo akɛ: “Nuntsɔ, heremɔ mi!”

Kɛkɛ ni Yesu kpa enine mli amrɔ nɔŋŋ, ni emɔ emli ni ekɛɛ lɛ akɛ: “Bo ni ohemɔkɛyeli faaa, mɛni hewɔ oje ŋwane?”

Beni Petro kɛ Yesu tee lɛlɛ lɛ mli ekoŋŋ lɛ, kɔɔyɔɔ lɛ kpa tswaa, ni kaselɔi lɛ anaa kpɛ amɛhe. Shi ani esa akɛ amɛnaa akpɛ amɛhe? Eji amɛnu ‘aboloo lɛ shishi’ ni amɛyoo naakpɛɛ nii ni Yesu efee ŋmlɛtswaa fioo ko dani enɛ aaaba yɛ be mli ni ekɛ aboloo bibii enumɔ kɛ looi bibii enyɔ elɛ gbɔmɛi akpei abɔ Iɛ shishi kulɛ efeŋ amɛ naakpɛɛ tsɔ akɛ eeenyɛ enyiɛ yɛ ŋshɔ hiɛ ni eha ahum akpa tswaa. Shi agbɛnɛ kaselɔi lɛ koto lɛ ni amɛkɛɛ Yesu akɛ: “Lɛlɛŋ, Nyɔŋmɔ bi jio.”

Etsɛɛɛ ni amɛyashɛ Genesaret, ŋa kpalanaa ko ni yɔɔ fɛo ni woɔ yibii babaoo Iɛ ni bɛŋkɛ Kapernaum lɛ nɔ. Amɛyawa yɛ jɛmɛ. Shi beni amɛshi lɛlɛ lɛ ni amɛba shikpɔŋ lɛ, gbɔmɛi lɛ yɔse Yesu, kɛkɛ ni amɛtee maji Iɛ amli amɛyatao helatsɛmɛi. Beni atere mɛnɛɛmɛi yɛ amɛsaatsei anɔ kɛba ni amɛtara etade naamui Iɛ ahe pɛ kɛkɛ ni amɛhe wa amɛ ni atsa amɛ kwraa.

Enɔ jetsɛremɔ lɛ, asafoi Iɛ ni na bɔ ni Yesu lɛ gbɔmɛi akpei abɔ Iɛ na akɛ Yesu eshi jɛmɛ. No hewɔ lɛ beni lɛlɛi bibii komɛi jɛ Tiberia ba lɛ, amɛyatara mli ni amɛmiiya Kapernaum amɛyatao Yesu. Beni amɛna Iɛ lɛ, amɛbi Iɛ akɛ: “Rabi, te be ni oba biɛ hu?” Hetoo ni Yesu kɛha lɛ baajie nɔ ko diɛŋtsɛ ko kpo. Yohane 6:​14-25; Mateo 14:​22-36; Marko 6:​45-56.

◆ Beni Yesu tsɔ naakpɛɛ gbɛ nɔ elɛ gbɔmɛi akpei abɔ Iɛ sɛɛ lɛ, mɛni ji nɔ ni gbɔmɛi Iɛ yasumɔ akɛ amɛaafee Iɛ?

◆ Mɛni Yesu na kɛjɛ gɔŋ ni no mli Iɛ ekome too eyɔɔ jɛmɛ lɛ nɔ, ni mɛni efee yɛ no sɛɛ?

◆ Mɛni hewɔ esaaa akɛ kaselɔi lɛ anaa kpɛɔ amɛhe yɛ nibii nɛɛ ahe lɛ?

◆ Mɛni ba beni amɛyashɛ ŋshɔ Iɛ naa Iɛ?

[Baafa 31]February Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)