Yesu Shihilɛ kɛ Esɔɔmɔ Nitsumɔ

Naagbee Puemɔi, kɛ Pentekoste yɛ Afi 33 Ŋ.B.

AGBƐNƐ Yesu to gbɛjianɔ kɛha ebɔfoi 11 lɛ fɛɛ ni amɛkɛ Iɛ akpe yɛ gɔŋ ko nɔ yɛ Galilea. Eka shi faŋŋ akɛ amɛgba kpee Iɛ he sane amɛtsɔɔ kaselɔi krokomɛi ni eshwɛ lɛ, ni mɛi ni fa fe 500 naa bakpe shi. Mɛɛ kpee ni haa mɔ miishɛɛ nɛkɛ be nɛɛ bafee nɛkɛ beni Yesu bapue ni ebɔi amɛ nitsɔɔmɔ Iɛ!

Yesu gbala mli etsɔɔ gbɔmɛi babaoo Iɛ kɛfata nibii krokomɛi ni ekɛɛ amɛ Iɛ he akɛ Nyɔŋmɔ kɛ hewalɛ fɛɛ eha Iɛ yɛ ŋwɛi kɛ shikpɔŋ nɔ. Ni ewo amɛ hewalɛ akɛ: “No hewɔ Iɛ nyɛyaa ni nyɛyafea jeŋmaji fɛɛ mikaselɔi, nyɛbaptisia amɛ nyɛwoa Tsɛ lɛ kɛ Bi Iɛ kɛ mumɔ krɔŋkrɔŋ Iɛ gbɛi amli, ni nyɛtsɔa amɛ ni amɛye nii fiaa ni mikɛɛ nyɛ Iɛ nɔ.”

Susumɔ he okwɛ! Akɛ nɛkɛ famɔ nɛɛ ha hii, yei, kɛ gbekɛbii fɛɛ ni amɛkɛ amɛhe awo kaselɔ-feemɔ nitsumɔ Iɛ mli. Shitee-kɛ-wolɔi baabɔ mɔdɛŋ ni amɛtsi amɛshiɛmɔ kɛ nitsɔɔmɔ Iɛ naa, shi Yesu shɛje amɛmii akɛ: “Ni naa, mikɛ nyɛ yɛ daa kɛyashi nibii agbɛjianɔtoo Iɛ naagbee.” Yesu kɛ esɛɛnyiɛlɔi Iɛ yɛ kɛtsɔ mumɔ krɔŋkrɔŋ Iɛ nɔ, koni eye ebua amɛ ni amɛgbe amɛsɔɔmɔ nitsumɔ Iɛ naa.

Yɛ fɛɛ mli Iɛ, Yesu jie ehe kpo akɛ hiɛkalɔ etsɔɔ ekaselɔi Iɛ yɛ gbii 40 mli yɛ eshitee kɛmiijɛ gbohii ateŋ Iɛ sɛɛ. Ekɛ Nyɔŋmɔ Maŋtsɛyeli lɛ he famɔi ha amɛ, yɛ ehe kpojiemɔi nɛɛ amli, ni ema nɔ ni amɛgbɛnaa nii ji akɛ ekaselɔi Iɛ anɔ mi eha amɛ. Yɛ be ko mli po lɛ, ejie ehe kpo etsɔɔ enyɛ bi Yakobo ni etsɔ mɔ ni be ko lɛ ejeee heyelilɔ nɛɛ yiŋ akɛ Lɛ ji Kristo lɛ lɛlɛŋ.

Beni bɔfoi Iɛ yɔɔ Galilea lolo lɛ, eka shi faŋŋ akɛ Yesu fa amɛ ni amɛku amɛsɛɛ amɛya Yerusalem. Beni ekɛ amɛ kpe yɛ jɛmɛ lɛ, ekɛɛ amɛ akɛ: “Nyɛkajea Yerusalem, shi moŋ nyɛmɛa Tsɛ Iɛ shiwoo lɛ, ni nyɛnu yɛ minaa lɛ; ejaakɛ Yohane lɛ, nu ekɛ baptisi, shi nyɛ lɛ eyeŋ gbii pii ko ni akɛ mumɔ krɔŋkrɔŋ aaabaptisi nyɛ.”

Yɛ sɛɛ mli lɛ, Yesu kɛ ebɔfoi lɛ kpe ekoŋŋ ni enyiɛ amɛhiɛ kɛjɛ nakai maŋtiase Iɛ mli kɛtee Betania, ni yɔɔ Mu Gɔŋ Iɛ bokagbɛ jɔɔ Iɛ afa gbɛ lɛ tɔɔ. Naakpɛɛ sane ji akɛ, yɛ nibii fɛɛ ni ekɛ amɛ wie, yɛ ŋwɛi ni etsɛŋ ni ebaaya Iɛ he Iɛ fɛɛ sɛɛ lɛ, amɛheɔ amɛyeɔ lolo akɛ ebaato e-Maŋtsɛyeli Iɛ ema shikpɔŋ nɔ. No hewɔ lɛ amɛbi lɛ akɛ: “Nuŋtsɔ, ani nɛkɛ be nɛɛ mli obaatee maŋtsɛyeli Iɛ shi oma shi oha Israel Iɛ?”

Ni Yesu aaabɔ mɔdɛŋ ekoŋŋ akɛ eeejaje amɛniiashishinumɔ ni ejaaa lɛ moŋ lɛ, eha amɛ hetoo kɛkɛ akɛ: “Jeee nyɛhe sane ko ji akɛ nyɛaale bei loo yinɔi Iɛ ni Tsɛ Iɛ eto yɛ Iɛ diɛŋtsɛ ehewalɛ mli Iɛ.” Kɛkɛ ni yɛ be mli ni emaa nitsumɔ ni esa akɛ amɛtsu Iɛ nɔ mi ekoŋŋ Iɛ, ekɛɛ: “Kɛ mumɔ krɔŋkrɔŋ Iɛ na ba nyɛnɔ lɛ, nyɛaana hewalɛ ni nyɛaatsɔmɔ midasefoi yɛ Yerusalem kɛ Yudea kɛ Samaria fɛɛ, kɛyashi shikpɔŋ Iɛ naagbee hei lɛ.”

Beni amɛka he amɛkwɛɔ Iɛ lɛ, kɛkɛ ni Yesu bɔi ehe nɔ womɔ kɛ ŋwɛigbɛ yaa, kɛkɛ ni atatu ko batsi ehe ni ehaaa amɛna Iɛ dɔŋŋ. Be mli ni etsake ehe ni ejie helooŋ gbɔmɔtso Iɛ sɛɛ pɛ kɛkɛ ni ekwɔ kɛtee ŋwɛi akɛ mumɔŋ gbɔmɔ. Beni mɛi 11 Iɛ yaa nɔ amɛkwɛɔ ŋwɛi lolo Iɛ, hii 2 ni wo atadei yɛji bapue yɛ amɛmasɛi. Nɛkɛ ŋwɛibɔfoi ni etsɔmɔ amɛhe gbɔmɛi nɛɛ babi amɛ akɛ: “Nyɛ Galilea hii, mɛɛba nyɛdamɔ shi nyɛkwɛɔ ŋwɛi nɛkɛ? Nɛkɛ Yesu nɛɛ ni aŋɔ Iɛ kɛjɛ nyɛŋɔɔ kɛtee ŋwɛi nɛɛ, ebaaba nakai nɔŋŋ, tamɔ bɔ ni nyɛna akɛ eyaa ŋwɛi Iɛ.”

Gbɛ nɔ ni Yesu tsɔ eshi shikpɔŋ nɔ Iɛ jeee nɔ ni yɔɔ hoo ni maŋbii fɛɛ na, shi esɛɛnyiɛlɔi anɔkwafoi lɛ pɛ na kɛ amɛhiŋmɛii. No hewɔ lɛ ebaaku esɛɛ yɛ nakai gbɛ nɔŋŋ nɔ​—ni mɛi fɛɛ enaŋ lɛ kɛ hoofeemɔ, shi moŋ esɛɛnyiɛlɔi anɔkwafoi lɛ pɛ baayoo akɛ eku esɛɛ ni eje ba ni eba yɛ Maŋtsɛyeli hewalɛ mli lɛ shishi.

Agbɛnɛ bɔfoi lɛ kpeleke shi kɛjɛ Mu Gɔŋ lɛ nɔ, ni amɛfo Kidron Jɔɔ Iɛ ni amɛbote Yerusalem mli ekoŋŋ. Ni amɛhi jɛmɛ yɛ famɔ ni Yesu kɛha amɛ lɛ toiboo mli. Gbii nyɔŋma sɛɛ, beni ayeɔ Yudafoi a-Gbijurɔ ni ji Pentekoste Iɛ yɛ afi 33 Ŋ.B., ni ekaselɔi Iɛ ateŋ mɛi aaashɛ 120 ebua amɛhe naa yɛ ŋwɛitsu ko nɔ lɛ, kɛkɛ ni anu gbɛɛmɔ ko ni tamɔ ahum ko ni miitswa waa, ni ebayi shia Iɛ fɛɛ obɔ. Kɛkɛ ni amɛna lalilɛii ni batara mɛi ni yɔɔ jɛmɛ Iɛ ateŋ mɔ fɛɛ mɔ yiteŋ, ni kaselɔi Iɛ fɛɛ bɔi wiemɔi sɔrɔtoi awiemɔ. Enɛ ji mumɔ krɔŋkrɔŋ ni Yesu wo shi yɛ he akɛ ebaafɔse eshwie amɛnɔ Iɛ! Mateo 28:​16-20; Luka 24:​49-52; 1 Korintobii 15:​5-7; Bɔfoi lɛ Asaji 1:​3-15; 2:​1-4.

◆ Namɛi Yesu kɛ famɔi ha yɛ Galilea gɔŋ Iɛ he beni ekɛ amɛ gbalaa mli lɛ, ni mɛni ji nɛkɛ famɔi nɛɛ?

◆ Mɛɛ miishɛjemɔ Yesu kɛha ekaselɔi lɛ, ni mɛɛ gbɛ nɔ ekɛ amɛ baahi shi yɛ?

◆ Yɛ eshitee Iɛ sɛɛ Iɛ, bei enyiɛ Yesu kɛjie ehe kpo etsɔɔ ekaselɔi Iɛ, ni mɛni etsɔɔ amɛ.

◆ Namɔ, ni eka shi faŋŋ akɛ ejeee kaselɔi lɛ ateŋ mɔ ko dani Yesu gbo, Yesu jie ehe kpo etsɔɔ?

◆ Mɛɛ naagbee kpeei enyɔ Yesu kɛ ebɔfoi lɛ kpe, ni mɛni ba yɛ nɛkɛ bei nɛɛ amli?

◆ Mɛɛ gbɛ nɔ Yesu baaku esɛɛ yɛ gbɛ ni etsɔ nɔ etee Iɛ nɔŋŋ nɔ yɛ?

◆ Mɛni ba yɛ Pentekoste yɛ afi 33 Ŋ.B.?