Yesu Shihilɛ Kɛ Esɔɔmɔ Nitsumɔ

Kaimɔ Gbɛkɛnaashi Niyenii Lɛ

BENI Yesu efɔ ebɔfoi lɛ anaji ahe sɛɛ lɛ, etsɛ ŋmalɛ ni yɔɔ Lala 41:10 lɛ yisɛɛ ni ekɛɛ: “Mɔ ni yeɔ midɛŋ ŋmaa lɛ, efa enane eshi mi.” Kɛkɛ ni ehao yɛ emumɔ mli, ni etsɔɔ mli akɛ: “Nyɛteŋ mɔ kome baatsɔɔ misɛɛ gbɛ.”

Enɛ dɔ bɔfoi lɛ ni amɛbɔi Yesu bimɔ ekomekome akɛ: “Nuŋtsɔ, miŋ lo?” Ni Yuda Iskariot po fata he ni abi lɛ nakai. Yohane, ni no mli lɛ eta Yesu masɛi yɛ okpɔlɔ Iɛ he lɛ ho egbee Yesu tsitsi mli ni ebi Iɛ akɛ: “Nuŋtsɔ, namɔ ni?”

Yesu ha hetoo akɛ: “Nyɛ mɛi nyɔŋma-kɛ-enyɔ lɛ ateŋ mɔ komeŋ, mɔ nine ni kɛ minine kpeɔ yɛ kã lɛ mli Iɛ. Gbɔmɔ bi Iɛ miiya taakɛ bɔ ni aŋma yɛ ehe lɛ moŋ: shi kpoo ha mɔ ni tsɔɔ gbɔmɔ bi lɛ sɛɛ gbɛ Iɛ! Fãŋ nɔ ni anaaa afɔ nakai gbɔmɔ Iɛ.” Yɛ no sɛɛ lɛ, Satan bote Yuda mli ekoŋŋ, ni eŋɔ etsui mli ni egbele eha efɔŋfeemɔ ekɛtsu nii. Sɛɛ mli yɛ nakai nyɔɔŋ lɛŋ Iɛ Yesu tsɛ Yuda yɛ gbɛ ni ja nɔ akɛ “laajemɔ bi Iɛ.”

Agbɛnɛ Yesu kɛɛ Yuda akɛ: ‘Nɔ ni ofeɔ Iɛ, feemɔ mramra.” Kaselɔi krokomɛi Iɛ ateŋ mɔ ko mɔ ko nuuu nɔ ni Yesu kɛɛ nɛɛ shishi. Mɛi komɛi susu akɛ akɛni Yuda ji mɔ ni hiɛ shika fotro Iɛ hewɔ Iɛ, Yesu miikɛɛ Iɛ akɛ: “Yaahe nii ni he hiaa wɔ oto gbijurɔ Iɛ,” aloo akɛ eya ni ekɛ nɔ ko ayaha ohiafoi lɛ.

Beni Yuda eshi jɛmɛ sɛɛ Iɛ Yesu kɛ ebɔfoi anɔkwafoi lɛ to gbijurɔyeli aloo kaimɔ hee kroko ko shishi. Ekɔ aboloo, ni esɔle ni eda shi, ni ekumɔ mli, ni ekɛha amɛ, ni ekɛɛ: “Nyɛhea nyɛyɛa.” Ni etsɔɔ,mli akɛ: “Enɛ ji migbɔmɔtso ni aŋɔhaa yɛ nyɛ hewɔ lɛ; nyɛfea enɛ ni nyɛŋɔkai mi.”

Beni amɛteŋ mɔ fɛɛ mɔ eye aboloo lɛ eko lɛ, Yesu wo kpulu ni wein yɔɔ mli lɛ, ni ŋwanejee ko bɛ he akɛ no ji kpulu ni ji ejwɛ nɔ ni akɛtsuɔ nii yɛ Hehoo gbijurɔyeli lɛ mli. Ni esɔle ni eda shi yɛ no hu hewɔ, ni ekpa mli eha amɛ, ni ekɛɛ amɛ ni amɛnu emli nii Iɛ eko, ni ekɛɛ: “Nɛkɛ kpulu nɛɛ ji kpaŋmɔ hee lɛ yɛ mila ni aaaŋɔshwie shi aha nyɛ lɛ mli.”

No hewɔ lɛ, yɛ anɔkwale mli Iɛ, eji Yesu gbele Iɛ kaimɔ. Daa afi lɛ, esa akɛ ati mli yɛ Nisan 14, taakɛ Yesu kɛɛ lɛ, koni aŋɔkai lɛ. Ebaaha mɛi ni yeɔ lɛ akai nɔ ni Yesu kɛ eŋwɛi Tsɛ Iɛ efee koni amɛha adesai ana hegbɛ ni amɛjo gbele fɔbuu naa foi lɛ. Kɛha Yudafoi ni batsɔmɔ Yesu sɛɛnyiɛlɔi lɛ, gbijurɔyeli nɛɛ baaye Hehoo lɛ najiaŋ.

Kpaŋmɔ hee Iɛ, ni Yesu la ni afɔse ashwie shi lɛ haa etsuɔ nii lɛ, yeɔ Mla kpaŋmɔ momo Iɛ najiaŋ. Yesu Kristo ji teŋdamɔlɔ kɛha kui enyɔ​—Yehowa Nyɔŋmɔ, yɛ afa kome, kɛ Kristofoi 144,000 ni akɛ mumɔ efɔ amɛ lɛ yɛ afa kroko lɛ. Kɛfata eshaifaa ni ekɛhaa lɛ he Iɛ, kpaŋmɔ Iɛ hu ŋmɛɔ gbɛ ni atoɔ ŋwɛi maŋtsɛmɛi kɛ osɔfoi amaŋ ko shishi. Mateo 26:​21-29; Marko 14:​18-25; Luka 22:​19-23; Yohane 13:​18-30; 17:​12; 1 Korintobii 5:⁠7.

◆ Mɛɛ Biblia gbalɛ Yesu tsɛ yisɛɛ kɛkɔ ehefatalɔ ko he, ni te etsɔɔ bɔ ni ekɔɔ ehe lɛ mli eha tɛŋŋ?

◆ Mɛni hewɔ ni edɔ ekaselɔi Iɛ waa nakai lɛ, ni mɛni amɛteŋ mɔ fɛɛ mɔ bi Iɛ?

◆ Mɛni Yesu kɛɛ Yuda ni efee, shi te bɔfoi krokomɛi lɛ nu nɛkɛ famɔi nɛɛ ashishi amɛha tɛŋŋ?

◆ Beni Yuda eshi jɛmɛ sɛɛ Iɛ, mɛɛ gbijurɔyeli Yesu to shishi, ni mɛɛ yiŋtoo he nii etsuɔ?

◆ Namɛi ji kui ni yɔɔ kpaŋmɔ hee lɛ mli Iɛ, ni mɛni kpaŋmɔ lɛ tsuɔ?