Yesu Shihilɛ Kɛ Esɔɔmɔ Nitsumɔ

Haomɔ yɛ Abɔɔ lɛ Mli

Beni Yesu sɔle eta lɛ, Iɛ kɛ ebɔfoi anɔkwafoi 11 lɛ la yijiemɔ lalai amɛha Yehowa. Kɛkɛ ni amɛkpeleke shi kɛjɛ ŋwɛitsu lɛ nɔ, ni amɛbote jenamɔ mli duŋ ni mli ejɔ ŋanii Iɛ mli, ni amɛyi mli kɛfo Kidron Jɔɔ Iɛ kɛmiiya Betania gbɛ. Shi beni amɛnyiɛ gbɛ lɛ nɔ kɛyaa lɛ, amɛwa yɛ he ni mɛi sumɔɔ waa lɛ, yɛ Getsemane abɔɔ Iɛ mli. Nɛkɛ abɔɔ nɛɛ yɛ he ko yɛ Mu Gɔŋ lɛ nɔ loo yɛ emasɛi gbɛ kpaakpa. Yesu kɛ ebɔfoi lɛ ekpe yɛ biɛ yɛ bei babaoo mli yɛ mutsei lɛ ateŋ.

Beni eshiɔ bɔfoi lɛ ateŋ mɛi kpaanyɔ​—ekolɛ yɛ abɔɔ Iɛ shinaa lɛ naa gbɛ Iɛ​—​—kɛkɛ ni efa amɛ akɛ: “Nyɛtaraa shi yɛ biɛ, koni maya mayasɔle yɛ jɛi.” Kɛkɛ ni etsɛ mɛi krokomɛi etɛ Iɛ efata ehe​—Petro, Yakobo, kɛ Yohane​—ni amɛyi mli kɛtee abɔɔ lɛ mli shɔŋŋ. Yesu werɛ eho ehe ni ehao waa diɛŋtsɛ. Ni ekɛɛ amɛ akɛ: “Misusuma miihao kɛyashi gbele mli po; nyɛhia shi yɛ biɛ ni nyɛkɛ mi ashia kpe.”

Beni Yesu tee hiɛ fioo lɛ, eho egbee shikpɔŋ, ni ekɛ ehiɛ ebu shi ni ekɛ hiɛdɔɔ babaoo bɔi sɔlemɔ akɛ: “Mi-Tsɛ, kɛji aaaho lɛ, ha ni kpulu nɛɛ aho mihe aya; shi kɛlɛ jeee bɔ ni mi misumɔɔ, shi moŋ bɔ ni bo osumɔɔ.” Mɛni ji nɔ ni etsɔɔ lɛ? Mɛni hewɔ ni “[e]hao kɛyashi gbele mli” lɛ? Ani eeya sɛɛsɛɛ yɛ eyiŋ ni ekpɛ akɛ eeegbo ni ekɛ kpɔmɔ nɔ lɛ aha lɛ mli?

Dabi kwraa! Yesu kpaaa fai ni ajie Iɛ kɛjɛ gbele lɛ mli. Be ko beni Petro wo lɛ ŋaa akɛ ejo afɔleshaa gbele Iɛ naa foi po lɛ, etsɔɔ akɛ enyaaa nakai susumɔ Iɛ he. Shi moŋ, ewerɛ eho ehe ejaakɛ esusuɔ akɛ gbɛ ni etsɛŋ ni eeetsɔ nɔ egbo​—tamɔ awuiyelɔ ni ehe guɔ egbo​—lɛ kɛ heguɔgbee baaba e-Tsɛ lɛ gbɛi nɔ. Agbɛnɛ eenu he akɛ yɛ ŋmɛlɛtswai fioo komɛi asɛɛ lɛ abaasɛŋ Iɛ yɛ sɛŋmɔtso nɔ tamɔ afeɔ mɛi fɔji fe fɛɛ Iɛ​—musubɔlɔ ni teɔ shi woɔ Nyɔŋmɔ! Enɛ ji nɔ ni ha ehao waa nakai lɛ.

Beni esɔle be kakadaŋŋ sɛɛ lɛ, Yesu ku esɛɛ ni ebana akɛ bɔfoi etɛ Iɛ miiwɔ. Kɛkɛ ni ekɛ Petro wie ni ekɛɛ lɛ akɛ: “Aso nyɛnyɛɛɛ nyɛkɛ mi ashi kpe ŋmɛlɛtswaa kome pɛ? Nyɛshia kpe ni nyɛsɔlea, koni nyɛkabote kaa mli.” Shi kɛlɛ, beni ena nɔnyɛɛ shishi ni amɛyɔɔ kɛ bɔ ni jenamɔ yi ewa kɛyashi lɛ, ekɛɛ amɛ akɛ: “Mumɔ lɛ miikpɛ̃lɛ moŋ, shi heloo Iɛ egbede.”

Kɛkɛ ni Yesu ku esɛɛ etee nɔ ni ji shii enyɔ nɔ ni eyakpa fai akɛ Nyɔŋmɔ ajie “nɛkɛ kpulu nɛɛ,” ni ji gbɛfaŋ nɔ loo Yehowa suɔmɔnaa nii kɛha Iɛ lɛ kɛjɛ enɔ. Beni eku esɛɛ lɛ, ebanina mɛi etɛ lɛ ekoŋŋ ni amɛmiiwɔwɔi yɛ be mli ni kulɛ esa akɛ amɛsɔleɔ koni amɛkayaje kaa mli lɛ. Beni Yesu kɛ amɛ wie lɛ, agbɛnɛ amɛleee hetoo ni amɛbaaha Iɛ dɔŋŋ.

Yɛ naagbee lɛ, Yesu shi amɛ ekoŋŋ yɛ nɔ ni ji shii etɛ nɔ ni etee aaafee tɛfɔɔ jɛkɛmɔ ni eho ekula shi ni ekɛ bolɔmɔ ni naa wa waa kɛ yaafonui sɔle akɛ: “Ataa, kɛji oosumɔ lɛ, jiemɔ kpulu nɛɛ kɛjɛ minɔ!” Yesu miinu piŋmɔ he waa diɛŋtsɛ yɛ heguɔgbee ni gbele ni eeegbo tamɔ awuiyelɔ lɛ kɛbaaba e-tsɛ gbɛi Iɛ nɔ Iɛ hewɔ. Ejaakɛ, ni abaafolɔ enaa akɛ musubɔlɔ​—mɔ ko ni lomɔɔ Nyɔŋmɔ lɛ​—wa waa fe bɔ ni eeenyɛ ekpee naa!

Shi kɛlɛ, Yesu tee nɔ esɔle akɛ: “Shi kɛlɛ jeee bɔ ni mi misumɔɔ lɛ, shi moŋ bɔ ni bo osumɔɔ.” Yesu kɛ toiboo ba esuɔmɔnaa nifeemɔ shi eha Nyɔŋmɔ. Enɛ hewɔ lɛ, ŋwɛibɔfo ko pue kɛjɛ ŋwɛi ni ekɛ ekaawoo wiemɔi komɛi bawo lɛ hewalɛ. Ekolɛ, etamɔ nɔ ni ŋwɛibɔfo, lɛ kɛɛ Yesu akɛ e-Tsɛ lɛ kɛ ŋmɔlɔ kpɛlɛɔ enɔ.

Shi kɛlɛ, mɛɛ jatsu ni tsii ka Yesu kɔji anɔ nɛkɛ! Lɛ diɛŋtsɛ enaanɔ wala namɔ kɛ adesai aweku lɛ fɛɛ hu nɔ he eba sane. Jwɛŋmɔŋ nɔnyɛɛ ni eyɔɔ mli lɛ da naakpa. No hewɔ lɛ Yesu tee nɔ esɔle kɛ ekaa, ni ehe latsaa lɛ fimɔ tamɔ la kulibii ni miitsere miishwie shi. The Journal of the American Medical Association lɛ tsɔɔ mli akɛ, “eyɛ mli akɛ enɛ ji henumɔ ko ni efɔɔɔ kaa moŋ, shi latsaa ni tamɔ la . . . baanyɛ aba yɛ shihilɛi ni henumɔi ni mli wa yɔɔ mli Iɛ amli.”

Yɛ sɛɛ mli lɛ, Yesu ku esɛɛ etee bɔfoi lɛ aŋɔɔ nɔ ni ji shii etɛ nɔ, ni ena akɛ amɛmiiwɔ lolo. Awerɛho lɛ po kɛkɛ eha etɔ amɛ. Ni ekɛɛ amɛ akɛ: “Nyɛ lɛ nyɛhe ejɔ nyɛ ni nyɛwɔɔ nɛɛ? Efa; ŋmɛlɛtswaa lɛ eshɛ, naa, aaaŋɔ gbɔmɔ Bi lɛ aaawo eshafeelɔi adɛŋ. Nyɛtea shi ni nyɛhaa wɔyaa; naa mɔ ni baatsɔɔ misɛɛ gbɛ lɛ eshɛ shi eta.”

Beni eyaa nɔ ewieɔ lolo lɛ, Yuda Iskariot banina amɛ, ni asafo babaoo ko fata ehe ni amɛhiɛ jatɛŋi kɛ kanei kɛ tawuu nibii. Mateo 26:​30, 36-47; 16:​21-23; Marko 14:​26, 32-43; Luka 22:​39-47; Yohane 18:​1-3; Hebribii 5:⁠7.

◆ Beni Yesu kɛ ebɔfoi lɛ shi ŋwɛitsu lɛ nɔ Iɛ, nɛgbɛ enyiɛ amɛhiɛ kɛtee, ni mɛni eyafee yɛ jɛmɛ?

◆ Beni Yesu sɔleɔ Iɛ, no mli Iɛ mɛni bɔfoi lɛ feɔ?

◆ Mɛni hewɔ ni Yesu werɛ eho ehe nakai lɛ, ni mɛɛ faikpamɔ ko ekɛfɔ Nyɔŋmɔ hiɛ?

◆ Mɛni ji nɔ ni Yesu he latsaa ni fimɔ tamɔ Ia ni tsereɔ shwieɔ shi lɛ tsɔɔ?