Yesu Shihilɛ kɛ Esɔɔmɔ Nitsumɔ
Gbɛnaa Nii ni Yɔɔ Kaselɔ-Feemɔ Mli
YƐ BE mli ni eshi Farisinyo ko ni ehe gbɛi, ni eka shi faŋŋ akɛ eji Akuashɔŋ lɛ mli nyo lɛ shia lɛ, Yesu kɛ ehiɛ tsɔɔ Yerusalem. Asafoi babaoo nyiɛ esɛɛ. Shi mɛni ji amɛjwɛŋmɔ? Mɛni diɛŋtsɛ yɔɔ enɔkwa sɛɛnyiɛlɔ ni mɔ ko aaaji lɛ mli?
Beni amɛfaa gbɛ kɛyaa lɛ, Yesu tsɔ ehiɛ eha asafoi Iɛ ni ewie nɔ ko ni ekolɛ no ha amɛnaa kpɛ amɛhe: “Kɛji mɔ ko miiba miŋɔɔ ni enyɛɛɛ etsɛ kɛ enyɛ kɛ eŋa kɛ ebii kɛ enyɛmimɛi hii kɛ nyɛmimɛi yei kɛ lɛ diɛŋtsɛ esusuma hu tete lɛ, enyɛŋ etsɔ mikaselɔ.”
Te Yesu tsɔɔ tɛŋŋ? Jeee akɛ esa akɛ esɛɛnyiɛlɔi lɛ anyɛ amɛwekumɛi diɛŋtsɛ. Shi moŋ, esa akɛ amɛnyɛ amɛ kɛ shishinumɔ akɛ amɛaasumɔ Iɛ babaoo fe bɔ ni amɛaasumɔ amɛ. Awie akɛ Yesu blematsɛ Yakob “nyɛ” Lea ni esumɔɔ Rahel, ni tsɔɔ akɛ esumɔɔ Rahel babaoo fe bɔ ni esumɔɔ enyɛmiyoo Lea.
Susumɔ enɛ hu he, Yesu kɛɛ akɛ esa akɛ kaselɔ anyɛ “Iɛ diɛŋtsɛ esusuma hu tete po,” aloo ewala. Agbɛnɛ nɔ ni Yesu tsɔɔ ji akɛ esa akɛ anɔkwa kaselɔ Iɛ asumɔ Lɛ babaoo fe bɔ ni esumɔɔ Iɛ diɛŋtsɛ ewala. No hewɔ lɛ Yesu miima nɔ mi akɛ ni mɔ ko aaatsɔ ekaselɔ lɛ ji gbɛnaa nii ni hiɛdɔɔ yɔɔ mli. Ejeee nɔ ko ni akpɛlɛɔ nɔ kɛkɛ ni asusuuu he jogbaŋŋ.
Tɔlɛ kɛ yiwaa yɛ Yesu kaselɔ ni mɔ ko baatsɔ lɛ mli, taakɛ etee nɔ etsɔɔ nɛɛ: “Ni mɔ fɛɛ mɔ ni wooo esɛŋmɔtso etere ni enyiɛ misɛɛ lɛ, enyɛŋ mikaselɔ etsɔ.” No hewɔ lɛ esa akɛ anɔkwa kaselɔ lɛ asumɔ akɛ eeetsɔ nakai ahorabɔɔ ni tamɔ jatsu ni Yesu ŋmɛ etsui shi yɛ mli lɛ mli, ni kɛ ehe miihia lɛ, kɛfata he lɛ, egbo yɛ Nyɔŋmɔ henyɛlɔi adɛŋ, nɔ ni etsɛŋ hu ni Yesu baafee lɛ
No hewɔ lɛ ni mɔ ko aaafee Kristo kaselɔ lɛ ji sane ni he hiaa akɛ asafo babaoo ni nyiɛ esɛɛ Iɛ aaapɛi mli amɛkwɛ jogbaŋŋ. Yesu tsɔ anɔkwa sane ko nɔ ema enɛ nɔ mi kɛtsɔ nɔkwɛmɔ nɔ ko nɔ. Ekɛɛ akɛ: “Nyɛteŋ namɔ ni kɛji eetao mɔɔ ema lɛ ni etaŋ shi, ni ebu naa ekwɛ da akɛ eyɛ nii bɔ ni aaashɛ naagbee lo? Koni akaba akɛ, beni eje shishi ni eyanyɛɛɛ naa egbe lɛ, mɛi fɛɛ ni naa lɛ baabɔi ehe fɛoyeli akɛ: Nɛkɛ gbɔmɔ nɛɛ bɔi mɔɔ maa, shi enyɛɛɛ naa egbe.”
No hewɔ Iɛ Yesu miifee nɔkwɛmɔ nɔ kɛmiiha asafo ni nyiɛ esɛɛ lɛ akɛ dani amɛaatsɔmɔ ekaselɔi lɛ, esa akɛ amɛkpɛ mli yɛ amɛyiŋ ni amɛyoo kɛji akɛ amɛbaanyɛ amɛtsu nɔ ni yɔɔ mli Iɛ he nii, taakɛ bɔ ni nuu ni taoɔ mɔɔ ama lɛ baata shi ni ejwɛŋ nibii ni eyɔɔ Iɛ he akɛ eeenyɛ naa egbe lo lɛ. Yɛ be mli ni ekɛ nɔkwɛmɔ nɔ kroko haa lɛ, Yesu tee nɔ akɛ:
“Aloo mɛɛ maŋtsɛ ni kɛji ekɛ maŋtsɛ kroko yaawuu Iɛ ni etaŋ shi, ni eya ajina da akɛ mɔ ni hiɛ mɛi akpei nyɔŋmai enyɔ kɛbaa enɔ nɛɛ eeenyɛ ekɛ lɛ ayakpe kɛ mɛi akpei nyɔŋma lo? Kɛ jeee nakai lɛ, beni mɔ kome Iɛ nyiɛ shɔŋŋ kɛbu lɛ, eeetsu bɔfoi kɛya eŋɔɔ ni ekpa kpatamɔ he fai.”
Kɛkɛ ni Yesu ma sane titri ni yɔɔ enɔkwɛmɔ nii lɛ amli Iɛ nɔ mi, akɛ: “Nakai nɔŋŋ kɛ nyɛteŋ mɔ fɛɛ mɔ ni kwaaa nibii fɛɛ ni eyɔɔ lɛ, enyɛŋ mikaselɔ etsɔ.” No ji nɔ ni esa akɛ asafoi ni nyiɛ esɛɛ Iɛ, kɛ agbɛnɛ, hɛɛ, mɔ fɛɛ mɔ ni kaseɔ Kristo lɛ ajɛ esuɔmɔ mli afee. Esa akɛ amɛfee klalo akɛ amɛkɛ nɔ fɛɛ nɔ ni amɛyɔɔ Iɛ baasha afɔle—amɛnibii fɛɛ, ni wala diɛŋtsɛ fata he—kɛ amɛaanyɛ amɛtsɔmɔ ekaselɔi. Ani oosumɔ ni ofee anɛ? Yesu tee nɔ akɛ:
“Ŋoo hi.” Ekɛɛ yɛ e-Gɔŋ nɔ Shiɛmɔ Iɛ mli akɛ ekaselɔi Iɛ ji “shikpɔŋ Iɛ nɔ ŋoo,” ni eshishi ji akɛ amɛnyɛɔ amɛnaa gbɔmɛi anɔ hewalɛ amɛkɛbaa amɛyi, taakɛ bɔ ni ŋoo diɛŋtsɛ nyɛɔ ebaa nii ayi Iɛ. Kɛkɛ ni Yesu mu sane Iɛ naa akɛ: “Shi kɛji ŋoo naanu gbo Iɛ, mɛni akɛaawo Iɛ ŋoo dɔŋŋ? Esaaa shikpɔŋ loo tumu nɔ tete; tsi atsiɔ ashwieɔ. Mɔ ni yɔɔ toi ni ekɛaanu Iɛ, ha ni enu!”
No hewɔ Iɛ Yesu miitsɔɔ akɛ esaaa akɛ mɛi ni efee kaselɔi yɛ be saŋŋ mli Iɛ po gbɔjɔɔ yɛ amɛfaishitswaa akɛ amɛaaka he amɛhi shi nakai Iɛ mli. Kɛ amɛgbɔjɔ Iɛ, sɛɛnamɔ ko baŋ amɛhe, ni amɛbaafee mɛi ni je nɛɛ aaaye amɛhe fɛo ni amɛsaaa yɛ Nyɔŋmɔ hiɛ, yɛ anɔkwale mli Iɛ, amɛbaafee ahorabɔɔ amɛha Nyɔnmɔ. No hewɔ Iɛ, abaashɛre amɛ ashwie, hɛɛ, abaakpata amɛhiɛ kwraa tamɔ ŋoo ni hewalɛ ko bɛ mli ni ewo muji. Luka 14:25-35; 1 Mose 29:30-33; Mateo 5:13.
◆ Akɛ “anyɛ” mɔ ko wekumɛi kɛ mɔ diɛŋtsɛ he Iɛ tsɔɔ mɛni?
◆ Mɛɛ nɔkwɛmɔ nii enyɔ Yesu kɛha, ni mɛni ji nɔ ni amɛtsɔɔ?
◆ Mɛni ji sane titri ni yɔɔ Yesu sane Iɛ naamuu ni kɔɔ ŋoo he Iɛ mli?