Beni nuŋtsɔ lɛ nu nɔ ni eba lɛ, ena he miishɛɛ waa. Yɛ anɔkwale mli lɛ, ‘ejie tsulɔ nukpa kutumpɔfo lɛ yi akɛ eye sane kɛ nilee ni atsuɔ he nii.’ Lɛlɛŋ, Yesu kɛfata he akɛ: “Ejaakɛ je nɛŋ bii lɛ le amɛnɔ lɛ mli ŋaa fe la bii lɛ.”

Yesu ejieee tsulɔ nukpa lɛ yi yɛ ekutumpɔo lɛ hewɔ, shi moŋ yɛ nii ni ekwɛɔ kɛyaa shɔŋŋ, enilee ni anyɛɔ atsuɔ he nii lɛ hewɔ. Bei pii lɛ “je nɛŋ bii lɛ” kɛ amɛshika loo hegbɛ lɛ tsuɔ nii yɛ nilee mli ni amɛkɛ mɛi ni baanyɛ ake amɛ nii yɛ sɛɛ mli lɛ feɔ nanemɛi. No hewɔ lɛ ehe miihia ni Nyɔŋmɔ tsuji, ni ji “la bii lɛ,” hu kɛ heloonaa nibii ni amɛyɔɔ, amɛ “kutumpɔo mamona” lɛ atsu nii yɛ nilee mli koni ehe aba sɛɛnamɔ aha amɛ.