Yesu Shihilɛ Kɛ Esɔɔmɔ Nitsumɔ

Niiatsɛ Lɛ Kɛ Lazaro Na Tsakemɔ

YESU miigba nɔkwɛmɔ nɔ ko ni kɔɔ niiatsɛ ko kɛ ohiafo ko ni baa nii ni atsɛɔ lɛ Lazaro lɛ he sane. Niiatsɛ lɛ damɔ shi kɛha jamɔ mli hiɛnyiɛlɔi ni akɛ mumɔŋ hegbɛi kɛ gbɛnaa nii eduro amɛ lɛ, ni Lazaro feɔ gbɔmɛi foji lɛ ni mumɔ niyenii he hɔmɔ yeɔ amɛ Iɛ ahe mfoniri. Yesu tee nɔ yɛ nɛkɛ sane nɛɛ mli, ni etsɔɔ naakpɛɛ tsakemɔ ni ba yɛ hii enyɔ nɛɛ ashihilɛi amli lɛ mli.

Yesu kɛɛ: “Ni eba mli akɛ ohiafo lɛ bagbo, ni ŋwɛibɔfoi bawo lɛ kɛtee Abraham mlishi; ni niiatsɛ lɛ hu bagbo, ni afu lɛ. Ni beni eyɔɔ hejaramɔi amli yɛ gbohiiajeŋ [Hades] ni eyaahole ehiŋmɛii anɔ Iɛ ena Abraham yɛ shɔŋŋ, kɛ Lazaro ni hɔ emlishi.”

Akɛni niiatsɛ lɛ kɛ Lazaro jeee gbɔmɛi pɔtɛɛ ni hi shĩ, shi moŋ amɛfeɔ gbɔmɛi akui sɔrɔtoi enyɔ he okadi hewɔ lɛ, yɛ sane naatsɔɔmɔ ni ja naa lɛ, amɛgbele lɛ hu teɔ nɔ ko he okadi. Mɛni ji nɔ ni amɛgbele Iɛ feɔ he okadi aloo amɛdamɔ shi kɛha?

Yesu etsɔɔ tsakemɔ ko ni ba amɛshihilɛi amli lɛ mli kɛtsɔ nɔ ni ewie nɛɛ nɔ. ‘Mla lɛ kɛ Gbalɔi lɛ gba kɛbashi Yohane nɔ; kɛjɛ nakai belɛ nɔ kɛbaa nɛɛ aashiɛ Nyɔŋmɔ maŋtsɛyeli lɛ.’ No hewɔ Iɛ, Yohane kɛ Yesu Kristo shiɛmɔ lɛ nɔ niiatsɛ lɛ kɛ Lazaro fɛɛ damɔɔ amɛgboiɔ amɛhaa amɛ tsutsu shihilɛi lɛ.

Nakai heshibalɔi, ni tsake amɛtsui ni ji Lazaro kuu lɛ gbo kɛha amɛ tsutsu mumɔŋ shihilɛ ni ehiii Iɛ ni amɛtsake amɛbaje ŋwɛi duromɔ gbɛhe mli. Yɛ be mli ni tsutsu lɛ amɛkɛ amɛhiɛ fɔɔ jamɔ mli hiɛnyiɛlɔi lɛ anɔ koni amɛna nibii bibii ni shwieɔ shi kɛjɛɔ amɛ mumɔŋ okpɔlɔ nɔ Iɛ eko amɛye lɛ, amrɔ nɛɛ mumɔŋ anɔkwalei ni Yesu kɛhaa lɛ miitsu amɛhiamɔ nii ahe nii. Yɛ nɛkɛ gbɛ nɔ lɛ belɛ akɛ amɛ eba Abraham Kpeteŋkpele lɛ. Yehowa Nyɔŋmɔ mlishi ni damɔ shi kɛha gbɛhe ni duromɔ yɔɔ mli lɛ.

Yɛ gbɛ kroko nɔ lɛ, mɛi ni feɔ niiatsɛ kuu lɛ baa ŋwɛi mlifu shishi ejaakɛ amɛtee nɔ amɛkpoo Maŋtsɛyeli lɛ he sane lɛ ni Yesu tsɔɔ lɛ. No hewɔ Iɛ amɛ hu amɛgboiɔ amɛhaa amɛtsutsu shihilɛ ni tamɔ nɔ ni duromɔ yɔɔ mli lɛ. Yɛ anɔkwale mli lɛ, awieɔ amɛhe akɛ amɛyɛ piŋmɔ ko ni ji okadifeemɔ mli nɔ mli. Bo toi yɛ be mli ni niiatsɛ lɛ wieɔ lɛ:

“Ataa Abraham, naa mi mɔbɔ ni otsu Lazaro ni ekɛ ewaonaa ayatsɔ nu mli ni ekɛbajɔɔ mililɛi he, ejaakɛ miina nɔ yɛ lalilɛi nɛɛ mli.” Nyɔŋmɔ kojomɔ shɛɛ saji ni tamɔ la ni Yesu kaselɔi lɛ jaje lɛ ji nɔ ni piŋɔ aŋkroaŋkroi ni yɔɔ niiatsɛ Iɛ kuu lɛ mli lɛ. Amɛmiisumɔ ni kaselɔi Iɛ akpa nɛkɛ shɛɛ saji nɛɛ jajemɔ koni no aha amɛna hejɔlɛ fioo kɛjɛ amɛpiŋmɔi lɛ amli.

“Shi Abraham kɛɛ: Mibi, kaimɔ akɛ bo Iɛ ona onii kpakpai lɛ yɛ owala be lɛ mli ni nakai nɔŋŋ hu Lazaro hu na nibii fɔji; shi agbɛnɛ ashɛje emii yɛ biɛ ni, bo lɛ, aapiŋo. Ni enɛɛmɛi fɛɛ sɛɛ hu lɛ, jɔɔ kpeteŋkpele ko ka wɔkɛ nyɛ teŋ, koni mɛi ni taoɔ ajɛ biɛ aya nyɛŋɔɔ Iɛ akanyɛ, ni mɛi hu ni taoɔ ajɛ jɛi afoŋ kɛba wɔŋɔɔ lɛ akanyɛ.”

Kwɛ bɔ ni eja ni esa hu akɛ tsakemɔ ni tamɔ nɛkɛ aaaba yɛ Lazaro kuu Iɛ kɛ niiatsɛ lɛ kuu lɛ teŋ! Tsakemɔ yɛ shihilɛ mli lɛ ba mli yɛ nyɔji fioo ko sɛɛ yɛ Pentekoste yɛ afi 33 Ŋ.B., beni akɛ kpaŋmɔ hee Iɛ to Mla kpaŋmɔ momo lɛ najiaŋ lɛ. Ebafee faŋŋ ni tɔmɔ ko bɛ he akɛ kaselɔi lɛ ena Nyɔŋmɔ hiɛ duromɔ, shi jeee Farisifoi lɛ kɛ jamɔ mli hiɛnyiɛlɔi krokomɛi lɛ. “Jɔɔ kpeteŋkpele” lɛ ni laa okadi niiatsɛ lɛ kɛ Yesu kaselɔi ateŋ yɛ biɛ lɛ damɔ shi kɛha Nyɔŋmɔ lɛ kojomɔ ni tsakeee lɛ.

Kɛkɛ ni niiatsɛ lɛ kpa “ataa Abraham” fai akɛ etsu Lazaro “mitsɛ we lɛ; ejaakɛ miyɛ nyɛmimɛi enumɔ.” Niiatsɛ lɛ miitsɔɔ akɛ wekukpaa ni mli wa ka ekɛ tsɛ kroko teŋ, ni Iɛ ji Satan Abonsam diɛŋtsɛ. Niiatsɛ Iɛ miibi ni Lazaro aba Nyɔŋmɔ kojomɔ saji Iɛ ashi bɔni afee ni no akaha “nyɛmimɛi enumɔ,” ni ji ejamɔŋ hefatalɔi lɛ, miiba “piŋmɔ he nɛɛ.”

“Ni Abraham kɛɛ lɛ akɛ: Mose kɛ Gbalɔi Iɛ yɛ amɛdɛŋ; ha amɛbo nomɛi atoi!” Hɛɛ, kɛji akɛ “nyɛmimɛi enumɔ” lɛ baaje piŋmɔ nɛɛ mli lɛ, nɔ ni esa akɛ amɛfee pɛ ji ni amɛbo Mose kɛ Gbalɔi lɛ aŋmalɛi lɛ ni yɔseɔ Yesu akɛ Mesia lɛ aniŋmaai lɛ atoi ni amɛbatsɔmɔ ekaselɔi. Shi niiatsɛ lɛ kpoo enɛ akɛ: “Dabi, ataa Abraham, shi kɛji mɔ ko jɛ gbohii ateŋ tee amɛŋɔɔ lɛ, no amɛaatsake amɛtsuii. Shi ekɛɛ lɛ akɛ: Kɛ amɛbooo Mose kɛ Gbalɔi lɛ atoi lɛ, no lɛ kɛji mɔ ko te shi kɛjɛ gbohii ateŋ tete lɛ, amɛyiŋ tsɔŋ.” Nyɔŋmɔ kɛ okadii kɛ naakpɛɛ nii krɛdɛɛi komɛi haŋ koni ekɛtsɔ gbɔmɛi ni tamɔ nɛkɛ yiŋ. Esa akɛ gbɔmɛi akane Ŋmalɛi Iɛ ni amɛkɛtsu nii kɛ amɛmiisumɔ ni amɛna ehiɛ duromɔ. Luka 16:​16, 22-31; Yohane 8:⁠44.

◆ Mɛni hewɔ esa akɛ niiatsɛ lɛ kɛ Lazaro gbalɛ lɛ afee okadi nɔ lɛ, ni amɛgbele lɛ feɔ mɛni he mfoniri?

◆ Mɛni ji piŋmɔi ni niiatsɛ lɛ naa nɔ yɛ mli Iɛ, ni mɛni ebiɔ koni atsɔ no ni aha ehe ajɔ Iɛ?

◆ Mɛni ji nɔ ni “jɔɔ Kpeteŋkpele” lɛ damɔ shi kɛha?

◆ Namɔ ji niiatsɛ lɛ tsɛ diɛŋtsɛ, ni namɛi ji enyɛmimɛi enumɔ Iɛ?