Ani Okaiɔ?

Ani ona akɛ Buu-Mɔɔ ni akalaa nyɛsɛɛ nɛɛ lɛ ahe yɛ sɛɛnamɔ babaoo? Belɛ mɛni hewɔ okɛ nɔ ni nyiɛ sɛɛ nɛɛ ekaaa ojwɛŋmɔ okwɛɛɛ?

◻ Mɛɛ anɔkwa saji teɔ shi ewoɔ he ni akɛɛ afɔ Yesu yɛ Iɛ ni aaabu lɛ he krɔŋkrɔŋ Iɛ?

Biblia Iɛ etsiii he pɔtɛɛ ni afɔ Yesu yɛ lɛ ta. Mateo kɛ Luka Sanekpakpa lɛ kɛ nibii ni he hiaa Iɛ pɛ haa. (Mateo 2:​1, 5; Luka 2:​4-7) Yohane 7:​40-42 tsɔɔ akɛ gbɔmɛi pii yɛ ni amɛleee efɔmɔ he, mɛi komɛi susuɔ akɛ afɔ lɛ yɛ Galilea. Agbɛnɛ yɛ Yesu diɛŋtsɛ shikpɔŋ nɔ shihilɛ be mli lɛ, etswaaa nibii ni kɔɔ efɔmɔ he lɛ he adafi.​—12/15, baafa 5.

◻ Te Kristofonyo aaafee tɛŋŋ ahiɛ emiishɛɛnamɔ mli yɛ be mli ni edamɔɔ gbɔmɔtsoŋ helai, nɔnyɛɛ kɛ ohia mli naagbai anaa lɛ?

Nyɔŋmɔ Wiemɔ Iɛ kɛ miishɛjemɔ kɛ gbɛtsɔɔmɔ ni he hiaa Iɛ haa. Kɛji wɔkane lalai lɛ loo wɔbo toi lɛ, ekɛ miishɛjemɔ ni sa baaha wɔ. David woɔ wɔ ŋaa akɛ: “Shɛ ojatsu lɛ ofɔ Yehowa nɔ, ni lɛ eeehiɛ omli.” Ni ema nɔ mi kɛha wɔ akɛ Yehowa ji mɔ ni “boɔ sɔlemɔ toi” Iɛlɛŋ. (Lala 55:​23; 65:⁠3) Yehowa gbɛjianɔtoo lɛ etsɔ ewoji lɛ kɛ asafoŋ onukpai lɛ anɔ efee klalo be fɛɛ be akɛ ebaaye ebua wɔ ni wɔnyɛ wɔdamɔ wɔnaagbai lɛ anaa.​—1/1, baafai 14-15.

◻ Mɛni Yesu tsɔɔ yɛ be mli ni ekɛɛ: “Kɛ tso ŋmɔŋ afee [lɛ] enɛ lɛ, tso gbiŋ lɛ, te aaafee lɛ tɛŋŋ” beni ayaa ni ayasɛŋ lɛ lɛ? (Luka 23:⁠31)

Yesu miiwie Yudafoi amaŋ lɛ he akɛ tso. Akɛni Yesu kɛ shwɛɛnii ko ni ji Yudafoi ni he lɛ amɛye Iɛ yɔɔ amɛteŋ lolo hewɔ lɛ, maŋ Iɛ yɛ nu ko loo nɔ ŋmɔŋ ko yɛ amɛmli. Shi kɛ ajie mɛnɛɛmɛi fɛɛ kɛjɛ maŋ Iɛ mli lɛ, mumɔŋ tso ko ni egbɔ pɛ baashwɛ, maŋ gbɛjianɔtoo ni egbo.​—1/15, baafa 9.

◻ Te aaatee tɛŋŋ ni “mɛi ni tsuii amli tse” ni awie amɛhe yɛ Mateo 5:8 lɛ “amɛaana Nyɔŋmɔ” hu?

“Amɛaana Nyɔŋmɔ” yɛ be mli ni amɛaana ni eeefee nii eha emuuyeli mlihiɛlɔi lɛ. (Okɛto 2 Mose 33:​20; Hiob 19:​26; 42:5 he.) Shi Hela wiemɔ ni yɔɔ Mateo 5:8 ni atsɔɔ shishi akɛ ‘amɛɛana’ Iɛ hu tsɔɔ “ni akɛ jwɛŋmɔ aaana nii, ayoo, ale.” Akɛni Yesu jie Nyɔŋmɔ su kɛ baŋ kpo etsɔɔ yɛ emuuyeli mli hewɔ lɛ, nakai su kɛ baŋ Iɛ mli-lee Iɛ ye ebua “mɛi ni tsuii amli tse” Iɛ ni ‘amɛna Nyɔŋmɔ.’ (Yohane 14:​7-9)​—1/15, baafa 16.

◻ Mɛni hewɔ wɔmuɔ sane naa akɛ Yesu ji bɔfonukpa Mikael lɛ?

Nyɔŋmɔ Wiemɔ Iɛ tsiɔ bɔfonukpa kome pɛ ta, ni ewieɔ nakai bɔfo Iɛ he ekɛtoɔ Nuŋtsɔ Yesu ni etee lɛ shi Iɛ he: “Nuŋtsɔ Iɛ diɛŋtsɛ kɛ oshebɔɔ kɛ ŋwɛibɔfonukpa gbee kɛ Nyɔŋmɔ tɛtrɛmaŋtrɛ aaajɛ ŋwɛi akpeleke shi.” (1 Tesalonikabii 4:16) Wɔnaa yɛ Yuda 9 akɛ nɛkɛ ŋwɛibɔfonukpa nɛɛ gbɛi ji Mikael.​—2/1, baafa 17.

◻ Mɛɛ hei ejwɛ nɛkɛ wɔbaanyɛ wɔkɛ woo aha mɛi krokomɛi yɛ?

Esa akɛ wɔkɛ woo aha maŋkwramɔŋ nɔyelɔi, wɔkɛha nitsumɔtsɛmɛi, wɔkɛha mɛi krokomɛi ni yɔɔ wɔweku Iɛ mli, kɛ mɛi krokomɛi ni yɔɔ asafo lɛ mli.​—2/1, baafai 20-2.

◻ Mɛɛ nɔkwɛmɔ nɔ fɛfɛo Yesu fee efɔ shi eha mɛi ni yɔɔ fɔlɔi ni amɛdara yɛ afii amli lɛ yɛ be mli ni eshwɛ fioo ni ebaagbo Iɛ?

Beni Yesu tsotsoro shi ni epiŋɔ yɛ sɛŋmɔtso lɛ nɔ lɛ, esusu enyɛ lɛ gbɔmɔtsoŋ kɛ mumɔŋ hilɛkɛhamɔ he kɛtsɔ ebɔfo Yohane ni esumɔɔ Iɛ Iɛ ni ekɛ lɛ wo edɛŋ akɛ ekwɛ lɛ Iɛ nɔ. (Yohane 19:​25-27)​—2/15, baafa 8.

◻ Mɛni hewɔ esa akɛ Yesu ana amanehulu?

Yesu amanehulu Iɛ ha ana sane ni kɔɔ emuuyeli mli ni Nyɔŋmɔ tsuji aaahiɛ aha Iɛ lɛ naa. Ewulaa Iɛ hu kɛhaa enitsumɔ akɛ Osɔfonukpa ni naa mɔbɔ kɛha adesai. (Hebribii 4:15)​—2/15, baafai 14-15.

◻ Mɛɛ saji ni he hiaa atuatsemɔ ni ba yɛ Eden lɛ ha amɛte shi?

Ani adesa baanyɛ atse ehe kɛjɛ Nyɔŋmɔ he ni eye ehe nɔ yɛ omanyeyeli mli? Ani eja gbɛ yɛ Nyɔŋmɔ gbɛfaŋ akɛ eeebi ni aba he shi aha enɔyeli? Kɛ alɛɛ mli lɛ, ani adesai komɛi baajɛ amɛ diɛŋtsɛ amɛsuɔmɔ mli amɛhala akɛ amɛaasɔmɔ Nyɔŋmɔ yɛ gbɛ ni pɛsɛmkunya bɛ mli nɔ?​—3/1, baafa 6.

◻ Mɛni hewɔ mɛi komɛi eye Kaimɔ lɛ shishi nibii lɛ eko yɛ gbɛ ni ejaaa nɔ lɛ?

Ekolɛ mɛi ni darako yɛ mumɔŋ lɛ ateŋ mɛi komɛi nako Nyɔŋmɔ yiŋtoi lɛ ahe shishinumɔ ni ŋmɛɔ pɛpɛɛpɛ. Amɛnako amɛle akɛ mufɔɔ Iɛ “jeee mɔ ni sumɔɔ aloo mɔ ni hiɛɔ foi lɛ sane ni . . . shi moŋ Nyɔŋmɔ.” (Romabii 9:16) Jeee mɔ aŋkro Iɛ ji mɔ ni baakpɛ eyiŋ akɛ eesumɔ ni aŋɔ Iɛ awo kpaŋmɔ hee lɛ mli ni ebatsɔ Kristo naanyo niyelɔ. Yehowa halamɔ lɛ ji sane lɛ, ni emumɔ Iɛ yeɔ nakai halamɔ lɛ he odase. (Romabii 8:16: 1 Korintobii 12:18)​—3/15, baafa 21.

◻ Mɛni ji “wiemɔ krɔŋŋ” ni awieɔ he yɛ Zefania 3:9 lɛ?

No ji anɔkwale ni kɔɔ Nyɔŋmɔ kɛ eyiŋtoi ahe lɛ he shishinumɔ ni ja.​—4/1, baafai 21-2.