Baatsɔ Misɛɛnyiɛlɔ—Mɛni Ebiɔ?

9:62

Kɛ́ mɔ ko kɛ tsina kɔi miipuku sũ mli lɛ, ja ejie ejwɛŋmɔ yɛ nibii ni yɔɔ esɛɛ lɛ anɔ dani jɔi bibii ni egbálaa lɛ baaya lɛ trɔmɔɔ. Nakai nɔŋŋ esaaa akɛ Kristofonyo ko hãa nibii ni eshi yɛ je lɛ mli lɛ gbalaa ejwɛŋmɔ.​—Fip 3:13.

Kɛ́ wɔkɛ naagbai kpe lɛ, ewaaa akɛ wɔbaasusu akɛ tsutsu shihilɛ ko ni wɔyɔɔ mli lɛ nɔ bɛ; ebaanyɛ efee shihilɛ ko ni wɔyɔɔ mli dani wɔbale anɔkwale lɛ po. Shi bei pii lɛ, wɔwieɔ bei nɛɛ ahe oookɛɛ no mli lɛ wɔkɛ naagba ko kwraa ekpeee. Nakai pɛpɛɛpɛ Israelbii lɛ fee be ni amɛshi Ejipt lɛ. (4Mo 11:5, 6) Kɛ́ wɔtee nɔ wɔjwɛŋ nii ahe nakai lɛ, ebaanyɛ ehã wɔku wɔsɛɛ kɛya wɔtsutsu shihilɛ lɛ mli. No hewɔ lɛ, ehi akɛ wɔbaajwɛŋ jɔɔmɔi ni wɔnáa amrɔ nɛɛ ahe, ní wɔkɛ wɔjwɛŋmɔ ama miishɛɛ ni wɔbaaná yɛ Maŋtsɛyeli lɛ shishi lɛ moŋ nɔ!​—2Ko 4:16-18.