• Ye Obua Onyɛmimɛi Yei Kristofoi Lɛ
    Buu-Mɔɔ (Nikasemɔ Nɔ)—2020 | September
    • Yesu ta shi eetsɔɔ nii. Marta kɛ Maria ta enaji anaa amɛmiibo lɛ toi. Mfonirii: 1. Nyɛmi nuu ko kɛ eŋa eyasara nyɛmi yoo ko ni eda yɛ afii amli lɛ yɛ eshĩa. Nyɛmi nuu lɛ kɛ yoomo lɛ miigba sane, ni eŋa lɛ kɛ nibii ni amɛhé kɛba lɛ miimamɔ shi. 2. Nyɛmi nuu ko kɛ eŋa eyafata nyɛmi yoo ko kɛ ebiyoo he kɛmiifee weku jamɔ ni amɛná miishɛɛ. 3. Nyɛmi nuu ko miiye eebua nyɛmimɛi yei enyɔ komɛi ni amɛtsake amɛtsɔne lɛ tai lɛ.

      Kɛ́ wɔhã wɔnyɛmimɛi yei lɛ na akɛ wɔsumɔɔ amɛsane ni wɔsusuɔ amɛhe lɛ, belɛ wɔmiikase Yesu (Kwɛmɔ kuku 6-9)e

       6. Tamɔ bɔ ni wɔnaa yɛ Luka 10:38-42 lɛ, mɛɛ gbɛ nɔ Yesu ye ebua Marta kɛ Maria?

      6 Yesu ná dekã ehã yei ni sheɔ Nyɔŋmɔ gbeyei lɛ, ni etsɔɔ akɛ naanyo kpakpa ji lɛ. Susumɔ naanyo ni ekɛ yei enyɔ ni eeenyɛ efee akɛ amɛji oshijafoi lɛ bɔ lɛ he okwɛ. Amɛji Maria kɛ Marta. (Kanemɔ Luka 10:38-42.) Bɔ ni ekɛ amɛ wie ehã kɛ bɔ ni ekɛ amɛ ye ehã lɛ hewɔ lɛ, amɛsheee gbeyei akɛ amɛbaabɛŋkɛ lɛ. Akɛ nɔkwɛmɔnɔ lɛ, be ko be ni eyasara amɛ yɛ amɛshĩa lɛ, Maria sheee gbeyei akɛ ebaata enaji anaa ni ebo lɛ toi tamɔ tsɔɔlɔ kɛ ekaselɔ.c Ni be ni Marta nu he akɛ Maria yeee ebuaaa lɛ lɛ, enyɛ ekɛɛ Yesu ni esheee gbeyei. Nakai gbi lɛ, Yesu tsɔɔ yei nɛɛ nibii kpakpai pii. Shi jeee nakai gbi lɛ pɛ Yesu yasara amɛ kɛ amɛnyɛmi nuu Lazaro. Efɔɔ amɛ saramɔ, ni enɛ hãa wɔnaa akɛ esusuɔ amɛhe waa. (Yoh. 12:1-3) No hewɔ lɛ, ebɛ naakpɛɛ akɛ be ni hela mɔ Lazaro waa lɛ, Maria kɛ Marta kɛɛ Yesu akɛ ebaye ebua amɛ.​—Yoh. 11:3, 5.

  • Ye Obua Onyɛmimɛi Yei Kristofoi Lɛ
    Buu-Mɔɔ (Nikasemɔ Nɔ)—2020 | September

    • c Niiamlitaomɔ wolo ko wie akɛ: “Kaselɔi taa amɛtsɔɔlɔi anaji anaa, ni amɛfeɔ nakai kɛ́ aatsɔse amɛ koni amɛbatsɔmɔ tsɔɔlɔi. Shi no mli lɛ aŋmɛɛɛ yei gbɛ ni amɛbatsɔmɔ tsɔɔlɔi. . . . No hewɔ lɛ, Yudafoi hii pii ahiɛ baafee amɛ yaa akɛ Maria yata Yesu naji anaa ni eebo nibii ni Yesu tsɔɔ lɛ toi.”