Sɔlemɔ Yɛ Nɛkɛ “Naagbee Gbii Nɛɛ Amli”
“Nohewɔ lɛ nyɛsaraa befɛɛbe ni nyɛsɔlea.”—Luka 21:36.
1. (a) Nɛgbɛ Luka tsĩ sɔlemɔ Ioo “faikpamɔ” tã yɛ klɛŋklɛŋ? (b) Beni abi Yesu akɛ “Nuntsɔ, tsɔɔmɔ wɔ sɔlemɔ” lɛ, mɛni efee yɛ he?
1 EYƐ mli akɛ atsĩ sɔlemɔ tã mra yɛ Luka Sanekpakpa lɛ shishijee mii (yɛ yitso 1, kuku 13 lɛ mli) yɛ Zakaria ‘fai ni ekpa Nyɔŋmɔ lɛ’ gbɛfaŋ moŋ, shi yitso 11 lɛ mli tɔ̃ɔ dani Yesu wie sane nɛɛ he saŋŋ. Klɛŋklɛŋ kwraa lɛ, Yesu ha sane ko ni ekaselɔi lɛ ateŋ mɔkome bi akɛ “Nuntsɔ, tsɔɔmɔ wɔ sɔlemɔ, tamɔ bɔni Yohane hu tsɔɔ ekaselɔi lɛ” hetoo. (Luka 11:1) Yesu ha Iɛ hetoo akɛ:
“Kɛ́ nyɛmiisɔle lɛ, nyɛkɛɛ akɛ: Wɔ-Tsɛ ni yɔɔ ŋwɛi, ogbɛi lɛ afee krɔŋkrɔŋ; omaŋtsɛyeli lɛ aba; afee nɔni osumɔɔ yɛ shikpɔŋ lɛ nɔ hu, taakɛ bɔni afeɔ yɛ ŋwɛi lɛ; ha wɔ daanɛɛ wɔdaa-ŋmaa, ni okɛ wɔhe eshai afa wɔ, ejaakɛ wɔ hu wɔkɛfaa mɔfɛɛmɔ ni tɔ̃ɔ wɔnɔ; ni okɛ wɔ akaya kaa mli.”—Luka 11:2-4.
2. (a) Nyɔŋmɔ gbɛi Iɛ hiɛ baa nyam kɛtsɔɔ enɛ nɔ yɛ mɛɛ gbɛ nɔ; ni no kɛ mɛɛ ŋmalɛi kpaa gbee? (b) Mɛɛ sane ni tamɔɔɔ enɛ kwraa Iɛ moŋ yɔɔ je lɛ mli ŋmɛnɛ, ni mɛɛ gbɛ nɔ aaatsɔ ajaje no?
2 Enɛ tamɔ ŋmalɛi ni yɔɔ 1 Maŋtsɛmɛi Awolo 8:41-43 kɛ Yesaia 56:6-8 ni atsɛ yɛ nikasemɔ ni tsɔ enɛ hiɛ lɛ mli lɛ; ni kadimɔ bɔniYesu bu e-Tsɛ gbɛi lɛ akɛ nii ni he hiaa eha. Eji anɔkwale akɛ ŋmɛnɛ, aabule Yehowa gbɛi lɛ yɛ je lɛ mli. Maŋhedɔɔ mumɔ, ni mɔ aaafo ekome enɔ̃ mli ni ehiɛ ehe fɔfɔle, ni ‘mɔ aaahiɛ Nyɔŋmɔjamɔ su ni ekwa emli hewalɛ’ shi egbaaa enaa kwraa, kɛ nibii krokomɛi ni tamɔ nakai lɛ eha agbe Nyɔŋmɔ gbɛi lɛ he guɔ ni abulelɛ, aloo akwa no kwraa. (2 Tim. 3:5) Nohewɔ lɛ esa akɛ Nyɔŋmɔ atsuu lɛdiɛŋtsɛ egbɛi lɛ he yɛ sɔlemɔ nɛɛ hetoohamɔ mli. (Ezek. 36:23) Abaasaa nɛkɛ hiɛgbejianii ni yaa nɔ nɛɛ kɛji Nyɔŋmɔ maŋtsɛyeli ni Kristo Yesu kwɛɔ nɔ lɛ te shi eshi jeŋmaji lɛ kɛ amɛnɔyelɔi taakɛ atsɔɔ yɛ Lala 2 lɛ.
3. Yɛ enɛ gbɛfaŋ lɛ, mɛɛ kɔkɔ Petro bɔ, ni mɛɛ shiwoo ekɛha?
3 Nɛkɛ nibii nɛɛ baaba yɛ Yehowa gbi ni ebɛŋkɛ, taakɛ Biblia mli gbalɛ ni baa mli lɛ tsɔɔ faŋŋ lɛ, nɔ. Belɛ ebaahi jogbaŋŋ akɛ wɔɔɔbo Petro ŋaawoo kɛ kɔkɔbɔɔ ni jɛ Nyɔŋmɔ mumɔ mli nɛɛ toi, akɛ:
“Mɛi ni kwɛɔ gbɛ ni amɛshweɔ Nyɔŋmɔ gbi lɛ baa lɛ, nɔ̃ mli ni ŋwɛi aaahere kɛ la ni eeeshã, ni jeŋshishijeenii hu aaasere yɛ la mli. Shi yɛ eshiwoo lɛ naa lɛ wɔmiikwɛ ŋwɛi hee kɛ shikpɔŋ hee ni jalɛ hiɔ mli lɛ gbɛ. Nohewɔ lɛ, suɔmɔmɛi, akɛni nyɛkwɛɔ nii nɛɛ agbɛ nɛɛ nyɛbɔa mɔdɛŋ, koni ana nyɛ ni muji loo kpa ko bɛ nyɛhe yɛ ehiɛ, yɛ hejɔlɛ mli.”—2 Pet. 3:12-14.
4. Yɛ Nuntsɔ lɛ Sɔlemɔ lɛ mli lɛ, te klɛŋklɛŋ nibimɔi enyɔ lɛ tsa amɛhe tɛɛŋ; mɛɛ gbɛ nɔ enɛ waà wɔ yɛ, yɛ nibimɔi krokomɛi lɛ agbɛfaŋ?
4 Be mli ni aaagbe nibii nɛɛ fɛɛ afeemɔ naa lɛ, áfã Nyɔŋmɔ gbɛi lɛ he ni atsuu he kɛwula shi. Nohewɔ ni nakai nibimɔi enyɔ lɛ tsara nɔ yɛ Luka 11:2 yɛ Nuntsɔ lɛ Sɔlemɔ lɛ mli ni nomɛi ji klɛŋklɛŋ nibimɔi lɛ. Enɛɛmɛi ji nibii wuji ni abaatsu yɛ wɔgbii nɛɛ amli kɛ wɔsɛɛ hu. Kɛji wɔkai nomɛi befɛɛbe kɛ hiɛdɔɔ lɛ, ebaawa wɔ ni wɔna jwɛŋmɔ ni ŋmɛɔ pɛpɛɛpɛ yɛ wɔdaagbi hiamɔnii kɛ naagbai ni awie he atsa nɔ yɛ sɔlemɔ lɛ mli lɛ ahe. Yɛ najiaŋ ni wɔɔɔfo wɔkome wɔnɔ̃ mli, nii ni efeemɔ waaa lɛ, wɔɔɔbi wɔhe tsutsu moŋ akɛ: Mɛɛ subaŋ kɛ gbɛ ji nɔni kɛji mikɔ ni ekɛ Nyɔŋmɔ suɔmɔnaanii ni atsɔɔ yɛ e-Wiemɔ lɛ mli lɛ baakpa gbee, ni ebaawo egbɛi lɛ hiɛ nyam?
EKAA NI AJEƆ AKƐFĨƆ SHI LƐ HE YƐ SƐƐNAMƆ
5. (a) Mɛni ji nɔni afɔɔ namɔ yɛ Yesu abɛbuai amli yɛ mɛi ni ekɛtsuɔ nii yɛ mli lɛ agbɛfaŋ? Ha nɔkwɛmɔnɔ ko. (b) Ŋamɛi akɛtsu nu yɛ abɛbua ni yɔɔ Luka 11:5-8 lɛ mli; ni mɛni amɛtsu?
5 Yɛ nɔni awie he kɛtsɔ hiɛ lɛ sɛɛ lɛ, Luka gba nɔkwɛmɔnɔ ko ni Yesu kɛha ni nɔko ni yɔɔ sɔrɔto ko yɔɔ mli lɛ, he sane. Bei pii lɛ, kɛ́ akɛ mɔkome aloo mɛi ni fa fe nakai tsu nii yɛ nɔkwɛmɔnɔ ko mli lɛ, amɛteŋ mɔfɛɛmɔ tamɔɔ mɛi ni ataoɔ akɛ amɛdamɔ shi amɛha lɛ nɔŋŋ. Akɛ nɔkwɛmɔnɔ lɛ, kɛji aaafee ŋwɛi Tsɛ lɛ he mfoniri, taakɛ afee yɛ bi nyenyeŋtswibɔlɔ lɛ nɔkwɛmɔnɔ lɛ mli yɛ Luka 15:11-32 lɛ, ewaaa haaa wɔ kwraa akɛ wɔɔɔna bɔni, kɛtsɔ nɔni binuu lɛ tsɛ kɛɛ ni efee lɛ nɔ lɛ, efee ŋwɛi Tsɛ lɛ he mfoniri yɛ gbɛ ni ja nɔ eha lɛ. Shi anyɛŋ analɛ nakai yɛ nɔkwɛmɔnɔ ni Yesu ha nɛɛ mli; ekɛɛ:
“Nyɛteŋ namɔ ni yɔɔ shieŋtsɛ ni eeetee enɔɔ nyɔɔŋteŋ ni eyakɛɛlɛ akɛ: Shieŋtsɛ, faami aboloi etɛ, ejaakɛ mishieŋtsɛ ko ejɛ gbɛ ebato mi, ni mibɛ nɔko ni mikɛbaama ehiɛ; ni mɔni yɔɔ tsuŋ lɛ aaahere nɔ akɛ: Kaagba minaa: aŋa shinaa lɛ momo ni mi kɛ mibii jwere saa nɔ, minyɛŋ shi mate ni mahao. Miikɛɛ nyɛ akɛ, kɛ́ ka eshieŋtsɛ ni jilɛ lɛ hewɔŋ kulɛ eteŋ shi ni ehalɛ, shi enaagbamɔ lɛ hewɔ lɛ eeehe shi kɛ̃ ni eeehalɛ bɔfɛɛbɔ ni etaoɔ.”—Luka 11:5-8.
6. Anaa sɔrɔtofeemɔ agbo yɛ mɔko ni yɔɔ abɛbua lɛ mli lɛ kɛ Yehowa teŋ yɛ mɛɛ gbɛnɔ; ni Yesu tsɔ no nɔ ema mɛni nɔ mi?
6 Biɛnɛɛ wɔnuɔ akɛ kulɛ mɔni yɔɔ hegbɛ ni ebaanyɛ eha faikpalɔ lɛ nɔni etaoɔ lɛ ekpɛlɛɛɛ akɛ efeɔ nibimɔ lɛ ho nɔko, shi ekɛɛ moŋ kɛ: “Kaagba minaa.” Esumɔɔɔ akɛ ehaa nɔni ataoɔ lɛ. Efeee enii tamɔ ŋwɛi Tsɛ lɛ kwraa, ni anaa sɔrɔtofeemɔ wulu yɛ ekɛ ŋwɛi Tsɛ Iɛ teŋ. Yɛ nakai feemɔ mli lɛ, eha oti ni yɔɔ nɔkwɛmɔnɔ lɛ mli lɛ je kpo jogbaŋŋ. Eji nakai nuu ni kɛ ebii jwere saa nɔ lɛ sumɔ akɛ eeeto shi ni eŋɔ nii ni ataoɔ Iɛ eha kulɛ, ehe ebahiaŋ akɛ faikpalɔ lɛ ‘agba enaa’ aloo ejɛ ekaa ni ekɛfĩ shi yɛ enibimɔ lɛ mli. No ji nii ni Yesu maa nɔ mi lɛ.
7, 8. Nɔni Yesu kɛɛ efata he lɛ maa enɛ nɔ mi yɛ mɛɛ gbo nɔ; ni te enɛ woɔ wɔ hewalɛ waa ehaa tɛɛŋ?
7 Nɔni Yesu wie kɛtsa nɔ lɛ maa enɛ nɔ mi faŋŋ; ekɛɛ: “Nohewɔ lɛ miikɛɛ nyɛ akɛ: Nyɛkãa he nyɛbia, ni aaaha nyɛ; nyɛkãa he nyɛtaoa, ni nyɛ aaana; nyɛkãa he nyɛshia, ni aaagbele nyɛ.” (Luka 11:9, NW) Kɛkɛ ni etee nɔ etsɔɔ sɔrɔtofeemɔ ko ni emu esane lɛ naa akɛ: “Kɛji nyɛ ni nyɛji mɛifɔji lɛ nyɛle bɔni nyɛfeɔ ni nyɛkɛ nikeenii kpakpai keɔ nyɛbii lɛ, enyiɛ nɔŋŋ nyɛ-Tsɛ ni yɔɔ ŋwɛi lɛ eŋɔŋ mumɔ krɔŋkrɔŋ ehaŋ mɛi ni biɔlɛ lɛ?”—Luka 11:13.
8 Bo lɛ feemɔ nuu ni ‘ekaa ni eje ni ekɛfĩ shi yɛ enibimɔ lɛ mli’ hewɔ lɛ ená nɔni etaoɔ lɛ yɛ nyɔɔŋteŋ po, lɛ he mfoniri okwɛ! Eshifimɔ lɛ he ba sɛɛnamɔ. Belɛ enɛ woɔ ekaa waa akɛ akɛ nɔni Yesu kɛ nakai nɔkwɛmɔnɔ lɛ mɔɔ lɛ atsu nii, akɛ: ‘Nyɛkãa, he nyɛbia—nyɛtaoa—nyɛshia.’ Okafɔ̃ɔ sɔlemɔ loo oha ohemɔkɛyeli he jɔ yɛ shi ni atoɔ awoɔ o-Maŋtsɛyeli-shiɛmɔ aloo kaselɔ-feemɔ nitsumɔ lɛ befɛɛbe lɛ hewɔ, aloo yɛ oshihilɛ yɛ weku ni mli egbala mli, aloo ta ni otswaa oshiɔ bodiɛŋtsɛ ogbɔjɔmɔ ko ni ehé shi kwraa fe bɔni osusu, ni onyɛko oye nɔ, lɛ hewɔ.
9. Mɛɛ sɔlemɔ kɛ nifeemɔ mli shifimɔ he nɔkwɛmɔnii atsɔɔ yɛ Bɔfoi Asaji 4:24-30 kɛ Bɔfoi Asaji 5:41 kɛ 42 lɛ?
9 Shĩ ni afiɔ yɛ sɔlemɔ mli kɛ ehe nitsumɔ ni sa lɛ he nɔkwɛmɔnɔ kpakpa ko ba yɛ Kristofoi esafo lɛ shishijee abii lɛ amli. Beni Petro kɛ Yohane bɔ shiteekɛwoo ni amɛkɛkpe yɛ Akuashɔŋ lɛ hiɛ lɛ he amaniɛ sɛɛ lɛ, kwɛmɔ sɔlemɔ ni asɔle kutuu taakɛ aŋma yɛ Bɔfoi Asaji 4:24-30 lɛ, titri wiemɔi ni yɔɔ kuku 29 lɛ: “Agbɛnɛ hu, Nuntsɔ, kwɛmɔ amɛhe gbeyei ni amɛwoɔ lɛ, ni oha otsuji lɛ kɛ ekaa pii ajaje owiemɔ lɛ.” No sɛɛ nɔŋŋ beni agwao bɔfoi lɛ fɛɛ beni akɛ amɛ ba Akuashɔŋ lɛ hiɛ ekoŋŋ sɛɛ lɛ, nɔni aŋma yɛ Bɔfoi Asaji 5:41 kɛ 42 lɛ kɛɛ: “Kɛkɛ ni amɛje Akuashɔŋ lɛ hiɛ amɛtee kɛ miishɛɛ, akɛ egbɛi lɛ ahewɔ lɛ abu amɛ mɛi ni sa akɛ abɔɔ amɛ ahora. Ni amɛfɔ̃ɔɔ nitsɔɔmɔ kɛ Yesu Kristo shiɛmɔ yɛ sɔlemɔwe lɛ kɛ shiai befɛɛbe.” Nakai bɔfoi lɛ ateŋ mɔkomɔko naaa shiteekɛwoo kpitiokpitio fe bɔfo Paulo, shi aŋma akɛ ekɛɛ: “Minyɛɔ nii fɛɛ mifeɔ yɛ mɔni wajeɔ mi ni ji Kristo lɛ mli.”—Fil. 4:13.
‘BƆNI EHE HIAA EHA AKƐ ASƆLE BEFƐƐBE NI AKAFƆ̃Ɔ LƐ”
10. Dani Luka aaawie abɛbua kroko ni kɔɔ sɔlemɔ he titri lɛ he lɛ, mɛni ebɔ amaniɛ akɛ Yesu kɛɛ: ni enɛ tsɔɔ mlibaa yɛ gbɛ̀i enyɔ anɔ yɛ mɛɛ gbɛ nɔ?
10 Yɛ Yesu shikpɔŋnɔ sɔɔmɔ lɛ naagbeegbɛ lɛ, ekɛ nɔkwɛmɔnɔ ko mli sɔrɔtotsɔɔmɔ ma sane nɔ mi yɛ gbɛ ko ni sa kadimɔ waa nɔ, taakɛ Luka tsɔɔ lɛ: “Ni . . . [Yesu bu amɛ] abɛ ko ekɛtsɔɔ akɛ esa akɛ asɔleɔ daa ni ekaje tsine.” (Luka 18:1) Klɛŋklɛŋ kwraa lɛ, wɔbaasusu nɔni ha ebu nakai abɛ lɛ, he. (Sane kome ji akɛ, bei pii lɛ Luka tsaa yiŋtoo hewɔ ni abu abɛi komɛi lɛ, taakɛ anyɛɔ anaa yɛ Luka 18:9 kɛ 19:11 lɛ.) Kɛji wɔku wɔsɛɛ kɛtee Luka 17:22-37 Iɛ, wɔnaa akɛ Luka wie nɔni Yesu kɛɛ yɛ bɔni nibii baabalɛ eha be mli ni “nɛkɛ yinɔbii nɛɛ” aaakwalɛ lɛ, ahe. (Luka. 17:25) Yesu wiemɔi nɛɛ kɛ Mateo Sanekpakpa lɛ yitso 24 nyiɛ, ni nomɛi ba mli yɛ egbii lɛ anɔ, ni Yudafoi anibii agbɛjianɔtoo lɛ naagbee tsa no nɔ kɛba, dani agbɛnɛ hu amɛyɛ mlibaa wulu ko kɛha wɔgbii nɛɛ, nibii agbɛjianɔtoo ni yɔɔ amrɔ nɛɛ “naagbee be” lɛ.—Dan. 12:4.
11. (a) Nibii ni yaa nɔ ŋmɛnɛ lɛ tamɔ nɔni tee nɔ yɛ Noa kɛ Lot gbii lɛ anɔ yɛ mɛɛ gbɛ nɔ? (b) Mɛni Yesu kadi pɔtɛɛ; ni ani nɔko yɛ ŋmɛnɛ ni tamɔ no?
11 Ni mɛni ji nibii ni yaa nɔ yɛ nɛkɛ yinɔbii nɛɛ ateŋ ŋmɛnɛ lɛ? Hɛɛ, daagbi lɛ, yinɔ nɛɛ mli saji miitsɔ tamɔ bɔni eji yɛ Noa gbii lɛ anɔ beni “Nyɔŋmɔ kwɛ shikpɔŋ lɛ, ni naa, enɔ efite; ejaakɛ heloo fɛɛ efite egbɛ yɛ shikpɔŋ lɛ nɔ,” ni shikpɔŋ lɛ nɔ “eyi obɔ kɛ yiwalɛ” lɛ. (1 Mose 6:12, 13) Kɛlɛ Yesu ewieee nomɛi ahe, shi moŋ ewie nɔkroko ni sa kadimɔ waa fe nomɛi lɛ he. Mɛni ni? No gbii lɛ anɔ lɛ, gbɔmɛi lɛ kɛ amɛjwɛŋmɔi fɛɛ ewo daagbi nifeemɔi tamɔ ‘niyeli kɛ ninumɔ, yoowɛɛ kɛ gbalahamɔ’ mli. Nakai nɔŋŋ eba “mli yɛ Lot gbii lɛ amli hu” be mli ni afee nibii krokomɛi hu afata nɔni atsĩ tã nɛɛ ahe, tamɔ nihemɔ, nihɔɔmɔ, nitɛomɔ kɛ tsumaa lɛ. (Luka 17:26-29) Yɛ najiaŋ ni amɛ aaaye amɛtsui ni amɛhɛle shi yɛ efɔŋfeemɔ kɛ yiwalɛnifeemɔ ni yaa nɔ lɛ he moŋ lɛ, jeee amɛhe sane ji nɔko kwraa. “Amɛhiɛ bɛ amɛhe nɔ” ni amɛjie amɛjwɛŋmɔ kwraa kɛjɛ odase kpele ni Noa tsɔ ewiemɔ kɛ lɛlɛ ni ekpɛ lɛ nɔ eye lɛ nɔ. (Mat. 24:39; 2 Pet. 2:5) Abaanyɛ akɛɛ nakai nɔŋŋ yɛ mɛi pii asubaŋ he ŋmɛnɛ, titri yɛ bɔni amɛfeɔ amɛnii amɛhaa yɛ odase ni mli wa ni ayeɔ yɛ jeŋ fɛɛ yɛ Nyɔŋmɔ maŋtsɛyeli lɛ he taakɛ agba ato yɛ Mateo 24:14 lɛ gbɛfaŋ Jeee mɛi pii ahe sane ji nɔni ashiɛɔ nɛɛ; nibii krokomɛi babaoo yɛ ni heɔ amɛbe kɛ amɛjwɛŋmɔ fɛɛ. Kadimɔ hu akɛ yɛ bei sɔrɔtoi enyɔ ni wɔwie he nɛɛ agbɛfaŋ lɛ, Yesu tsɔɔ akɛ naagbee kojomɔ ni akɛba gbɔmɛi lɛ anɔ lɛ ba trukaa “ni ekpata amɛ fɛɛ kwa amɛhiɛ.”—Luka 17:27, 29.
12. Yɛ Luka 17:31-37 naa lɛ, mɛni wɔɔɔnyɛ wɔkase ni wɔkɛtsu nii?
12 Wɔheɔ wɔyeɔ akɛ ofata mɛi fioo ko ni yeɔ amɛtsui yɛ nɔni yaa nɔ yɛ je lɛ mli ŋmɛnɛ lɛ ahe, ni oosumɔ akɛ obo nɔni Nyɔŋmɔ Wiemɔ lɛ yɔɔ kɛɛmɔ yɛ nibii nɛɛ ahe lɛ toi. Kɛji, taakɛ atsɔɔ yɛ Luka 17:31-37 lɛ, oona akɛ esani otse ohe ni okafĩ nibii agbɛjianɔtoo nɛɛ sɛɛ ni ofeee ojwɛŋmɔ akɛ ‘ooobaa okome osusuma (owala) yi’ oha bodiɛŋtsɛ ohe lɛ, no lɛ kaafite be ko kwraa. Daamɔ Yehowa kɛ emaŋtsɛyeli lɛ masɛi. Okɛ owala shihilɛ mli hegbɛi ni oyɔɔ amrɔ nɛɛ kɛ nɔni ooona wɔsɛɛ lɛ fɛɛ asha Nyɔŋmɔ suɔmɔnaanifeemɔ kwraa. Kaafɔ̃ osɛɛ ni okɛ akɔnɔ ‘hiŋmɛii kwɛ nii ni oshi yɛ osɛɛ lɛ. ‘Kaimɔ Lot ŋa lɛ.’ (Luka. 17:32) Moŋ lɛ, oha ni ana bo akɛ ofata mɛi ni Yesu kɛɛ ‘amɛjɛɛɛ je lɛ mli, taakɛ bɔni mi hu mijɛɛɛ je lɛ mli” lɛ ahe.—Yoh. 17:14-17.
13. Mɛni ji otii ni yɔɔ abɛbua ni eŋma he sane yɛ Luka 18:2-5 lɛ mli?
13 Agbɛnɛ kɛji wɔɔɔwie abɛ ni yɔɔ Luka 18:2-5 lɛ he lɛ, wɔnaa akɛ awie faikpalɔ ko he yɛ jɛmɛ hu, shi yɛ enɛ mli lɛ, yoo okulafo ko, kɛ agbɛnɛ nuu ko ni yɔɔ hegbɛ akɛ eeehalɛ nɔni he hiaalɛ lɛ ahe awie, ni akɛ “kojolɔ ko . . . ni esheee Nyɔŋmɔ gbeyei ni asaŋ ebuuu gbɔmɔ ko” lɛ fee nuu nɛɛ he mfoniri. Naagbee lɛ ekɛ mligbigbilimɔ kwɛ koni aye jalɛsane aha yoo okulafo lɛ, ni tamɔ bɔni ekɛɛ lɛ, “akɛni nɛkɛ yoo okulafo nɛɛ miigba minaa hewɔ.” Ŋwanejee ko bɛ he akɛ yoo lɛ fĩ shi yɛ enibimɔ lɛ mli, ni enɛ haa wɔnaa akɛ ‘ebiɔ ni wɔsɔle daa ni ekaje wɔtsine.’
14. (a) Mɛni Yesu kɛɛ Nyɔŋmɔ baafee ni esoro no kwraa yɛ nɔni nakai kojolɔ ‘ni sheee Nyɔŋmɔ gbeyei lɛ fee lɛ he? (b) Mɛni wɔɔɔnyɛ wɔkase yɛ enɛ mli yɛ be gbɛfaŋ?
14 Nakai kojolɔ lɛ je nuu ni awie ehe yɛ Luka 11:7 lɛ, ejaakɛ biɛnɛɛ hu wɔnaa akɛ mɔni akɛtsu nii lɛ yɛ sɔrɔto kwraa yɛ Nyɔŋmɔ he. Kadimɔ nɔni Yesu kɛɛ akɛ Nyɔŋmɔ baafee ni haa esoroɔlɛ kwraa yɛ nakai Kojolɔ ‘ni sheee Nyɔŋmɔ gbeyei’ lɛ he lɛ. Nyɔŋmɔ ‘baaha aye jalɛsane aha ehalamɔbii lɛ . . . eyɛ mli akɛ etoɔ etsui shi ehaa amɛ.’ Ni ebaafee nakai “oya.” (Luka 18:6-8) Wɔbaanyɛ wɔkase nibii babaoo kɛjɛ wiemɔi nɛɛ amli. Enɛ hewɔ esa akɛ wɔbɔɔ mɔdɛŋ akɛ wɔɔɔna Nyɔŋmɔ jwɛŋmɔ yɛ saji fɛɛ amli lɛ, kɛ́ yɛ wɔdiɛŋtsɛ wɔsane ko mli jio, bɔni eyiŋtoi aaatsu nii aha lɛ gbɛfaŋ jio. Taakɛ bɔfo Petro tsɔɔ mli lɛ: “Jeee tsɛ [Yehowa] haa eshiwoo lɛ sɛɛ tsɛɔ, taakɛ bɔni mɛikomɛi buɔ akɛ esɛɛ etsɛ lɛ, shi moŋ etsui shi etoɔ ehaa wɔ [mɛi ni wɔ ji Nyɔŋmɔ webii lɛ], ejaakɛ esumɔɔɔ akɛ mɛikomɛi alaaje, shi moŋ akɛ mɛi fɛɛ atsake amɛtsui.” Ni taakɛ gbalɔ lɛ jaje Yehowa wiemɔi ni kɔɔ ninaa lɛ mlibaa he eha lɛ: “Kɛ́ eshashao shi hu jiŋŋ, mɛɛlɛ kɛ̃; ejaakɛ ebaaba lɛɛlɛŋ, ekpeŋ sɛɛ.”—2 Pet. 3:9; Hab. 2:3; kwɛmɔ Kpojiemɔ 6:10 kɛ 11 hu.
15. Enɛ kɔɔ mɔdiɛŋtsɛ naagbai ahe yɛ mɛɛ gbɛ nɔ; ni mɛni naa foi sa akɛ ajoɔ?
15 Yɛ wɔdiɛŋtsɛ wɔnaagbai agbɛfaŋ hu, wɔbaanyɛ wɔna nɔmimaa akɛ kɛji efee tamɔ nɔni wɔfaikpamɔi ahetoohamɔ sɛɛ miigbala shi Iɛ, ekafee wɔ akɛ Nyɔŋmɔ nyɛsɛɛ atsu nɔko yɛ he aloo esumɔɔɔ akɛ ofeɔ nakai. Kɛji taakɛ ebalɛ yɛ yoo okulafo lɛ gbɛfaŋ lɛ, aaye wɔ sanefɔŋ aloo aawa wɔ yi lɛ, mɛɛ gbɛ nɔ wɔtsɔɔ yɛ akɛ wɔheɔ wɔyeɔ akɛ aaaye jalɛsane aha wɔ? Esaaani wɔyaa nɔ wɔsɔleɔ kɛkɛ, shi moŋ esa akɛ wɔkɔ gbɛ ko ni tsɔɔ hemɔkɛyeli hu. Kɛji wɔku wɔnɔkwayeli mli beni afee ni wɔjo yiwaa naa foi kɛkɛ lɛ, no lɛ ehe ebahiaŋ akɛ wɔɔɔya nɔ wɔsɔle. Kɛ́ wɔɔɔfee nakai lɛ, no baatsɔɔ akɛ wɔbɛ hemɔkɛyeli ni ebaaha nɔni tsɔɔ akɛ Nyɔŋmɔ tsuji Kristofoi lɛ ateŋ mɛikomɛi ji wɔ lɛ hu aŋmɛɛ wɔ.—1 Kor. 11:23-27; 2 Tim. 3:12.
16. Mɛɛ gbɛɔ nɔ wɔɔɔnyɛ wɔŋɔ sane ni abi yɛ Luka 18:8 lɛ yɛ akɛ mpoa ni atswa wɔdiɛŋtsɛ ni sɛɛnamɔ aba he?
16 Ekolɛ eeefee mɔko hiɛ yaa akɛ Yesu kɛ sanebimɔ nɛɛ aaamu ewiemɔi lɛ anaa akɛ: “Beni Gbɔmɔbi lɛ aaaba lɛ, ani eeebana hemɔkɛyeli yɛ shikpɔŋ lɛ nɔ?” (Luka 18:8) Ekɛ sanebimɔ lɛ sɛŋ kɔɔyɔɔ mli nɛkɛ. Enɛ aaanyɛ atsɔɔ akɛ yɛ nakai be mli lɛ, anaŋ hemɔkɛyeli babaoo moŋ, shi wɔnyɛŋ wɔkpɛ mli akɛ no mli lɛ anaŋ hemɔkɛyeli krɔŋŋ ko kwraa yɛ shikpɔŋ nɛɛ nɔ hekoheko. Wɔbaanya wɔŋɔ enɛ akɛ mpoa ni atswa wɔdiɛŋtsɛ moŋ. Bɔfɛɛbɔ ni wɔhi shi wɔha akɛ Yehowa tsuji ni ejɔɔ amɛhe nɔ lɛ, esaaa akɛ wɔshwãa wɔfɔ̃ɔ wɔhe nɔ. (1 Kor. 10:12, 13) Jeee ŋaawoo ni yɔɔ Luka 11:9 akɛ ‘wɔya nɔ wɔbi—wɔtao—wɔshi’ lɛ nɔ wɔɔɔye kɛkɛ, shi, taakɛ Yesu ma nɔ mi akɛ ehe hiaa ni afee yɛ nɛkɛ gbii nɛɛ amli lɛ, esa akɛ ‘wɔkwɛ jogbaŋŋ, ni wɔshĩ kpe ni wɔsara.’ Enɛ biɔ ni wɔfi shi kɛwula shi, ni wɔdamɔ wɔnitsumɔ lɛ nɔ ni ahereee kɛ shi ni ateɔ awoɔ wɔ lɛ anaa, ni wɔye wɔdiɛŋtsɛ wɔgbɔjɔmɔi hu anɔ.—Mar. 13:32-37: 14:38.
17. Titri lɛ, te sa akɛ wɔsɔlemɔ feɔ ehaa tɛɛŋ; ni namɔ nɔkwɛmɔnɔ sɛɛ esani wɔnyiɛ?
17 Yaa nɔ osɔle yɛ hemɔkɛyeli mli beni afee ni onyɛ oye anɔkwa ni okakpale kɛtee sɛɛ. (Heb. 10:39) Yɛ kaa ni mli wa mli lɛ, yaa nɔ osɔle, taakɛ Yesu fee be mli ni efĩlɛ fe fɛɛ lɛ, koni kɛ́ hooo kwraa lɛ, afee Nyɔŋmɔ suɔmɔnaanii. (Mat. 26:38-44) Nyɔŋmɔ naà sɔlemɔ ni tamɔ nakai lɛ he miishɛɛ. Ehaa wɔ mɛi ni wɔsɔleɔ lɛ naà hegbɛ wɔtsɔɔ bɔni wɔyeɔ wɔtsui yɛ ehe wɔhaa, suɔmɔ ni wɔyɔɔ akɛ wɔtsu nɔko lɛ mliwalɛ, ni anɔkwayeli ni yɔɔ yiŋtoo ni wɔkɛfoɔ nii lɛ mli lɛ jeɔ kpo faŋŋ. Etoɔ etsui shi moŋ, shi ebaaye jalɛsane oya kɛji be lɛ shɛ.—Lala 55:17, 18; Rom. 1:9-12.
‘NYƐSARAA BEFƐƐBE NI NYƐSƆLEA’
18. (a) Mɛɛ kɔkɔbɔɔ kɛ ŋaawoo Yesu kɛha yɛ egbalɛ Iɛ naamuamɔ mli? (b) Te wɔɔfee tɛɛŋ wɔje “nii ni baaba” lɛ fɛɛ mli hu?
18 Yɛ nɔni awie he nɛɛ kɛ gbeekpamɔ naa lɛ, Luka Sanekpakpa lɛ tsɔɔ bɔni, yɛ Yesu gbalɛ ni kɔɔ egbii lɛ kɛ wɔgbii nɛɛ hu ahe la naamuamɔ mli lɛ, ebɔ kɔkɔ eshi ‘fufeemɔ kɛ daatɔɔ kɛ shihilɛ mli yeyeeyefeemɔ ni aaahé wɔtsuii, koni nakai [naagbee kojomɔ gbi] lɛ akabati wɔ shi trukaa’ lɛ. Kɛkɛ ni efee sane lɛ faŋŋ akɛ: “Nohewɔ lɛ nyɛsaraa befɛɛbe ni nyɛsɔlea, koni nyɛnyɛ nii ni baaba nɛɛ fɛɛ mli nyɛje, ni nyɛnyɛ Gbɔmɔbi lɛ hiɛ nyɛdamɔ.” (Luka 21:34-36) Enɛ etsɔɔɔ akɛ ahaŋ nɔkonɔko asa wɔhe kwraa, shi moŋ aatsɔɔ akɛ wɔkaha ebati wɔ shi trukaa tamɔ tsɔne tiɔ mɔ shi trukaa lɛ, aloo wɔha ebanina wɔ ni wɔsako wɔhe. Esani wɔkɛ hiɛdɔɔ asɔle befɛɛbe moŋ ni wɔbɔ mɔdɛŋ akɛ wɔɔɔtsu nii yɛ wɔsɔlemɔi Iɛ anaa beni afee ni ana wɔ akɛ wɔyɛ ‘shidaamɔ [ni sa] yɛ Gbɔmɔbi lɛ hiɛ.’
19. Mɛɛ saji wɔɔnyɛ wɔbi wɔhe yɛ sɔlemɔ gbɛfaŋ ni sɛɛnamɔ aaaba he; ni Nehemia nɔkwɛmɔnɔ lɛ yeɔ buaa wɔ yɛ mɛɛ gbɛ nɔ?
19 Yɛ wiemɔi babaoo ni akɛkai wɔ akɛ wɔfi shi ni wɔkagbugbaa nɛɛ ahewɔ lɛ, shii enyiɛ osɔleɔ? Ani osɔleɔ yɛ bei krɛdɛi komɛi pɛ amli tamɔ yɛ niyeli shishi aloo yɛ kpeei ashishi pɛ? Ani osɔlemɔi lɛ ji nɔni jɛ jwɛŋmɔ mli ni naabu jajeɔ kɛkɛ, aloo okãa he ‘okpaã fai’ kɛ hiɛdɔɔ kɛjɛɔ otsui mli tɔ̃ɔ, ni beikomɛi po “ŋtsɔidɔɔmɔi ni anyɛŋ akɛɛ” hu fataa he? (Rom. 8:26) Bɔfɛɛbɔ ni nɔni he hiaa bo lɛ yɔɔ eha lɛ, obaanyɛ ofee nɔni Nehemia fee yɛ Maŋtsɛ lɛ hiɛ ni mɔkomɔko enaaa lɛ eko: “Kɛkɛ ni mikpá ŋwɛi Nyɔŋmɔ lɛ fai.” (Neh. 2:4) Aha sɔlemɔ ni ekɛ hemɔkɛyeli sɔle lɛ hetoo. Kaimɔ hu akɛ eyɛ mli akɛ mɛikrokomɛi asɔlemɔi aaanyɛ awa bo moŋ, shi mɔkomɔko nyɛŋ aye onajiaŋ yɛ sɔlemɔ mli.a
[Shishigbɛ niŋmaa]
a Ajie kɛjɛ May 15, 1979 Blɔfo Buu-Mɔɔ lɛ mli.