Yesu Shihilɛ kɛ Esɔɔmɔ Nitsumɔ

Piŋmɔ yɛ Tso Iɛ Nɔ

AKƐ ojotswalɔi enyɔ fata Yesu he, ni anyiɛ amɛ fɛɛ amɛhiɛ kɛmiiya ni ayagbe amɛ. Ni mɛi ni eto kɛnyiɛ yuu lɛ bawa yɛ he ko ni kɛ maŋ lɛŋ jɛkɛɛɛ tsɔ, ni atsɛɔ jɛmɛ Golgota, aloo Yitsoŋoŋo He.

Ajie gboklɛfoi Iɛ atadei yɛ amɛhe. Kɛkɛ ni aha amɛ wein ni akɛ ebɔɔ efutu mli. Etamɔ nɔ ni yei ni yɔɔ Yerusalem lɛ feɔ, ni Romabii lɛ etsiii naa akɛ akɛ nɛkɛ tsofa ni kuɔ piŋmɔ naa nɛɛ akaha mɛi ni asɛŋɔ amɛ lɛ. Shi, beni Yesu sa enaa lɛ, ekpoo akɛ enuuu. Mɛni hewɔ? Eka shi faŋŋ akɛ eesumɔ ni ehiɛ ehenumɔi Iɛ fɛɛ amli yɛ nɛkɛ ehemɔkɛyeli Iɛ he kaa kpele nɛɛ mli.

Agbɛnɛ akpa Yesu mli akpɛtɛ tso lɛ he ni ahole eniji anɔ kɛteke eyitso. Kɛkɛ ni asraafoi Iɛ kala plɛkoi agboi amɛwo eniji kɛ enaji amli. Etsɔmɔ ehe kɛ piŋmɔ beni plɛkoi Iɛ tsɔmɔɔ eheloo kɛ efai amli lɛ. Beni awo tso Iɛ nɔ adamɔ shi jaŋŋ lɛ, piŋmɔ lɛ naa bawa fe nine, ejaakɛ egbɔmɔtso lɛ tsiimɔ lɛ miigbala Iɛ ni eeha plɛkoi Iɛ anaa fala lɛ miilɛɛ. Ni kɛlɛ, yɛ najiaŋ ni eeekamɔ amɛnɔ kitai lɛ, ‘Yesu sɔle moŋ eha Roma asraafoi Iɛ akɛ: “Ataa, ŋɔɔ ofa amɛ, ejaakɛ amɛleee nɔ ni amɛfeɔ.”

Ni Pilato ha aŋma okadi ko yɛ tso lɛ nɔ ni kaneɔ akɛ: “Yesu, Nazarenyo, Yudafoi lɛ amaŋtsɛ Iɛ.” Etamɔ nɔ ni jeee bulɛ ni eyɔɔ eha Yesu lɛ pɛ hewɔ ni eŋma enɛ, shi moŋ akɛni enyɛɔ Yudafoi osɔfoi lɛ yɛ nyɛ ni amɛnyɛ enɔ ni ebu Yesu gbele fɔ lɛ hu hewɔ. Pilato ha aŋma okadi Iɛ yɛ wiemɔi sɔrɔtoi etɛ mli koni mɛi fɛɛ anyɛ akane​—yɛ Hebri mli, yɛ Latin wiemɔ ni akɛtsuɔ nii Iɛ mli, kɛ agbɛnɛ yɛ Hela ni ale jogbaŋŋ Iɛ hu mli.

Osɔfonukpai lɛ, ni Kaiafa kɛ Hana fata he lɛ fɛɛ anaa kpɛ amɛhe. Nɛkɛ sanejajemɔ yɛ faŋŋ mli nɛɛ fite amɛ kunimyeli nyamɔ lɛ. No hewɔ Iɛ amɛwie amɛshi, ni amɛkɛɛ: “Kaaŋma akɛ: ‘Yudafoi lɛ amaŋtsɛ,’ shi moŋ akɛ Iɛ ekɛɛ akɛ: ‘Mi ji Yudafoi Iɛ amaŋtsɛ lɛ.’” Akɛni edɔ Pilato waa akɛ osɔfoi Iɛ kɛ lɛ etsu amɛyiŋtoi ahe nii hewɔ lɛ, eha amɛ hetoo kɛ mlifu ni ekɛɛ: “Nɔ ni miŋma lɛ, miŋma.”

Agbɛnɛ osɔfoi lɛ, kɛ gbɔmɛi asafoi babaoo lɛ fɛɛ bua amɛhe naa yɛ he ni agbeɔ gbɔmɛi Iɛ yɛ lɛ, ni osɔfoi Iɛ te shi wo okadi Iɛ odaseyeli lɛ. Amɛti amale odaseyeli ni akɛha yɛ mra mli beni Sanhedrin lɛ kojoɔ Iɛ Iɛ mli ekoŋŋ. No hewɔ lɛ, ebɛ naakpɛɛ akɛ mɛi ni hoɔ Iɛ bɔi lɛ jɛmɔ, ni amɛhoso amɛyitsei kɛ hefɛoyeli ni amɛkɛɛ: “Ei, bo ni okumɔɔ sɔlemɔtsu ni osaa omaa lɛ gbii etɛ Iɛ nɛ! Heremɔ bo diɛŋtsɛ oyiwala. Kɛji Nyɔŋmɔ bi jio lɛ, jɛɛ sɛŋmɔtso lɛ nɔ okpleke shi ko!”

Ni osɔfonukpai lɛ kɛ amɛjamɔ mli hiɛnyiɛlɔi Iɛ hu wie kɛfo mli akɛ: “Mɛi krokomɛi ayiwala ehereɔ, shi Iɛ diɛŋtsɛ enɔ Iɛ enyɛɛɛ ehere. Kɛji Israel maŋtsɛ lɛ ji Iɛ lɛ, ha ni ejɛ sɛŋmɔtso lɛ nɔ agbɛnɛ ekpleke shi, ni wɔɔhe Iɛ wɔye. Ekɛɛ Nyɔŋmɔ nɔ ehiɛ ka: ha ni ejie Iɛ ko, kɛji eyɛ he tsui Iɛ; ejaakɛ ekɛɛ akɛ: ‘Nyɔŋmɔ Bi ji mi.’”

Akɛni su nɛɛ na amɛnɔ hewalɛ hewɔ lɛ, asraafoi Iɛ hu fata he yɛ ehefɛoyeli lɛ mli. Amɛkɛ fɛoyeli ha Yesu wein ni naa ewa, ni amɛwo nɔ kɛteke enaabu ni egbi Iɛ po. Amɛye ehe fɛo akɛ: “Kɛ bo ji Yudafoi lɛ amaŋtsɛ lɛ, heremɔ oyiwala!” Ojotswalɔi lɛ​—ni asɛŋ mɔ kome yɛ Yesu ninejurɔ nɔ, kɛ mɔ kroko hu yɛ ebukɛ Iɛ​—po ye ehe fɛo. Susumɔ he okwɛ! Gbɔmɔ kpele fe fɛɛ ni ehi wala mli, hɛɛ, mɔ ni kɛ Yehowa Nyɔŋmɔ na gbɛfaŋnɔ ni akɛbɔ nibii fɛɛ lɛ, ni etswa efai shi akɛ eeena nɛkɛ amanehulu kɛ jɛmɔi nɛɛ!

Asraafoi lɛ loo Yesu kponɔ gbɛ atadei Iɛ ni amɛja mli ejwɛ. Ni amɛfɔ̃ oshikii koni amɛkɛna mɔ nɔ ni amɛaaji. Shi, mligbɛ atadei Iɛ, ebɛ tsamɔ he, ni mama ni jara wa waa akɛlo. No hewɔ lɛ asraafoi lɛ kɛɛ yɛ amɛteŋ akɛ: “Nyɛkahaa wɔgbalaa no mli, shi nyɛhaa wɔfɔa nɔ oshiki, ni wɔna mɔ nɔ ni aaatsɔ.” Enɛ hewɔ lɛ, amɛleee akɛ amɛmiiha ŋmalɛ nɛɛ miiba mli akɛ: “Amɛja mitadei lɛ amli amɛha amɛhe, ni mihebo lɛ amɛfɔ nɔ oshiki.”

Sɛɛ mli lɛ ojotswalɔi lɛ ateŋ mɔ kome kpɛlɛ nɔ akɛ eeefee anɔkwale akɛ maŋtsɛ ji Yesu Iɛlɛŋ. No hewɔ Iɛ, eka ehefatalɔ Iɛ hiɛ, ni ekɛɛ lɛ akɛ: “Ani bo hu ni oyɔɔ fɔbuu kome lɛ nɔŋŋ mli nɛɛ, osheee Nyɔŋmɔ gbeyei? Ni wɔnɔ lɛ sa wɔ, ejaakɛ wɔ nifeemɔ nii ahe nyɔmɔwoo wɔna nɛɛ; shi mɔ nɛ lɛ efeko nɔ ko ni esaaa.” Kɛkɛ ni ekɛ Yesu wie, ni ekpa lɛ fai akɛ: “Kaimɔ mi beni oooba yɛ omaŋtsɛyeli lɛ mli Iɛ!”

Ni Yesu ha lɛ hetoo akɛ: “Lɛlɛŋ, miikɛo ŋmɛnɛ akɛ: Okɛ mi aaahi Paradeiso!” (NW) Nɛkɛ shiwoo nɛɛ baaba mli yɛ be mli ni Yesu yeɔ nɔ akɛ Maŋtsɛ yɛ ŋwɛi ni eteɔ nɛkɛ efɔŋfeelɔ ni etsake etsui nɛɛ shi kɛbaa wala mli yɛ shikpɔŋ nɔ yɛ Paradeiso ni mɛi ni baafo Harmagedon lɛ kɛ amɛhefatalɔi lɛ baana hegbɛ akɛ amɛaasaa nɔ lɛ mli lɛ. Mateo 27:​33-44; Marko 15:​22-32; Luka 23:​27, 32-43; Yohane 19:​17-24.

◆ Mɛni hewɔ ni Yesu kpoo akɛ enuuu wein ni akɛ ebɔɔ efutu mli Iɛ?

◆ Eka shi faŋŋ akɛ, mɛni hewɔ ni akɛ okadi lɛ kpɛtɛ Yesu sɛŋmɔtso Iɛ he lɛ, ni mɛɛ naataomɔ lolo ekɛba yɛ Pilato kɛ osɔfonukpai lɛ ateŋ?

◆ Mɛɛ jɛmɔi akɛshwie Yesu nɔ lolo yɛ sɛŋmɔtso lɛ nɔ, ni eka shi faŋŋ akɛ mɛni wo he hewalɛ?

◆ Mɛɛ gbɛ nɔ aha gbalɛ ko ba mli yɛ nɔ ni afee yɛ Yesu atadei Iɛ ahe lɛ he yɛ?

◆ Mɛɛ tsakemɔ ko ojotswalɔi lɛ ateŋ mɔ kome fee, ni mɛɛ gbɛ nɔ Yesu baaha enibimɔ lɛ aba mli yɛ?