1. Namɔ ji Yesu?

Yesu ji ŋwɛibɔfo ko ni yɔɔ hewalɛ waa. Yehowa Nyɔŋmɔ bɔ lɛ, dani ebɔ nibii krokomɛi fɛɛ. Enɛ hewɔ lɛ, atsɛɔ lɛ “bɔɔ nii fɛɛ ateŋ kromɔbi.” (Kolosebii 1:​15) Biblia lɛ tsɛɔ Yesu akɛ Nyɔŋmɔ ‘Bi koome,’ ejaakɛ Yehowa kome too pɛ ni bɔ lɛ. (Yohane 3:​16) Yesu kɛ e-Tsɛ Yehowa fee ekome kɛtsu nii, ni ewa e-Tsɛ lɛ ni ebɔ nibii krokomɛi fɛɛ. (Kanemɔ Abɛi 8:​30.) Ekomefeemɔ ni mli wa yɛ Yesu kɛ Yehowa teŋ lolo. Atsɛɔ lɛ “Wiemɔ lɛ,” ejaakɛ ekɛ anɔkwayeli sɔmɔɔ akɛ Nyɔŋmɔ naawielɔ, ni ekɛ saji kɛ gbɛtsɔɔmɔi ni jɛ Nyɔŋmɔ ŋɔɔ hãa.​—Yohane 1:14.

Akɛni Adam kɛ Hawa, ni ji gbɔmɛi ni abɔ klɛŋklɛŋ lɛ, gbo Nyɔŋmɔ nɔ toi hewɔ lɛ, wɔfeɔ esha, wɔnaa nɔ, ni wɔgboiɔ.a Shi nɔ ko yɛ ni abaanyɛ afee yɛ he. Yehowa eto gbɛjianɔ koni ekpɔ̃ wɔ kɛje esha kɛ gbele mli, kɛtsɔ e-Bi Yesu Kristo nɔ. Biblia lɛ tsɔɔ akɛ, Yesu tsɔ egbele lɛ nɔ ehã wɔná kpɔmɔnɔ. Kpɔmɔnɔ ji nɔ ko ni awoɔ koni aŋmɛɛ mɔ ko he. Yesu adesa wala ni eye emuu lɛ ji kpɔmɔnɔ lɛ. (Kanemɔ Mateo 20:​28.) Be ni Yesu jɛ esuɔmɔ mli eŋmɛɛ hegbɛ ni eyɔɔ akɛ ebaahi shi yɛ shikpɔŋ lɛ nɔ kɛya naanɔ lɛ he lɛ, no gbele gbɛ kɛhã wɔ koni wɔnine ashɛ nɔ fɛɛ nɔ ni je Adam kɛ Hawa dɛŋ lɛ nɔ ekoŋŋ. Nɔ ni Yesu fee lɛ tsɔɔ akɛ, lɛ kɛ Yehowa sumɔɔ wɔ waa. Nikasemɔ nɛɛ baahã ohiɛ asɔ Yehowa kɛ Yesu waa, yɛ Yesu gbele lɛ hewɔ.

1. Mɛɛ gbɛ nɔ wɔbaanyɛ wɔná Yesu gbele lɛ he sɛɛ ŋmɛnɛ?

Akɛni wɔji eshafeelɔi hewɔ lɛ, wɔfeɔ nibii pii ni Yehowa sumɔɔɔ. Shi kɛ́ wɔshwa wɔhe lɛɛlɛŋ yɛ wɔhe eshai lɛ hewɔ, wɔtsɔ Yesu Kristo nɔ wɔbi Yehowa ni ekɛ wɔhe ake wɔ, ni wɔfee bɔ fɛɛ bɔ ni wɔbaanyɛ ni wɔkafee nakai eshai lɛ ekoŋŋ lɛ, no lɛ, naanyobɔɔ ni mli wa waa baabakã wɔ kɛ Nyɔŋmɔ teŋ. (1 Yohane 2:1) Biblia lɛ kɛɛ: “Kristo gbo shi kome nyɔŋlo yɛ eshai ahewɔ, lɛ jalɔ lɛ yɛ mɛi ni ejaaa lɛ anajiaŋ, bɔ ni afee ni enyiɛ nyɛhiɛ kɛya Nyɔŋmɔ ŋɔɔ.”​—1 Petro 3:18.

2. Mɛɛ gbɛ nɔ wɔbaanyɛ wɔná Yesu gbele lɛ he sɛɛ wɔsɛɛ?

Yehowa tsu Yesu koni ekɛ adesa wala ni eye emuu ni eyɔɔ lɛ ahã “koni mɔ fɛɛ mɔ ni jieɔ hemɔkɛyeli kpo yɛ [Yesu mli] lɛ hiɛ akakpãtã shi moŋ ená naanɔ wala.” (Yohane 3:​16; shishigbɛ niŋmaa) Nɔ ni Yesu fee nɛɛ hewɔ lɛ, etsɛŋ, Yehowa baafo nibii gbohii fɛɛ ni ejɛ Adam toigbele lɛ mli kɛba lɛ sɛɛ. Enɛ tsɔɔ akɛ, kɛ́ wɔjie hemɔkɛyeli kpo yɛ afɔle ni Yesu shã lɛ mli lɛ, wɔbaaná hegbɛ ni wɔhi shi kɛya naanɔ yɛ shikpɔŋ ni etsɔ paradeiso nɔ!​—Yesaia 65:​21-23.

KASEMƆ PII OFATA HE

3. Yesu gbele lɛ jieɔ wɔ kɛjeɔ esha kɛ gbele mli

VIDIO: Mɛni Hewɔ Yesu Gbo?​—Fã 1 (2:01)

• Mɛɛ hegbɛ ŋmɛɛ Adam be ni egbo Nyɔŋmɔ nɔ toi lɛ?

Nyɛkanea Romabii 5:​12 lɛ, ni nyɛsusua sanebimɔ nɛɛ he:

• Mɛɛ gbɛ nɔ Adam esha lɛ sa ohe?

Nyɛkanea Yohane 3:​16 lɛ, ni nyɛsusua sanebimɔ nɛɛ he:

• Mɛni hewɔ Yehowa tsu e-Bi lɛ kɛba shikpɔŋ lɛ nɔ lɛ?

1. No mli lɛ, Adam eye emuu dani egbo Nyɔŋmɔ nɔ toi lɛ, no hewɔ ni adesai feɔ esha ni amɛgboiɔ lɛ

2. No mli lɛ, Yesu ji adesa ni eye emuu, ni ebo Nyɔŋmɔ toi, no hewɔ lɛ, adesai ená hegbɛ ni baahã amɛye emuu ni amɛhi shi kɛya naanɔ

4. Mɛi fɛɛ baanyɛ aná Yesu gbele lɛ he sɛɛ

VIDIO: Mɛni Hewɔ Yesu Gbo?​—Fã 2 (2:00)

• Te feɔ tɛŋŋ mɛi fɛɛ náa gbɔmɔ kome gbele he sɛɛ lɛ?

Nyɛkanea 1 Timoteo 2:​5, 6 lɛ, ni nyɛsusua sanebimɔ nɛɛ he:

• No mli lɛ, Adam ji gbɔmɔ ni eye emuu, shi akɛni efee esha hewɔ lɛ, gbɔmɛi fɛɛ feɔ esha ni amɛgboiɔ. No mli lɛ, Yesu hu ji gbɔmɔ ni eye emuu. Mɛɛ gbɛ nɔ ekɛ “kpɔmɔnɔ ni sa” hã?

5. Kpɔmɔnɔ lɛ ji nikeenii ni Yehowa kɛhã bo

Yehowa nanemɛi lɛ naa kpɔmɔnɔ lɛ akɛ nikeenii ni ekɛhã amɛ. Akɛ nɔkwɛmɔnɔ lɛ, nyɛkanea Galatiabii 2:​20 lɛ, ni nyɛsusua sanebimɔ nɛɛ he:

• Mɛɛ gbɛ nɔ bɔfo Paulo tsɔɔ akɛ, enaa kpɔmɔnɔ lɛ akɛ lɛ ehewɔ akɛhã?

Be ni Adam fee esha lɛ, abu lɛ kɛ eseshibii lɛ fɛɛ gbele fɔ. Shi Yehowa hã e-Bi lɛ bagbo koni onyɛ ohi shi kɛya naanɔ.

Nyɛkanea ŋmalɛi ni nyiɛ sɛɛ nɛɛ, ni okwɛ akɛ te Yehowa nu he ehã tɛŋŋ be ni e-Bi lɛ piŋɔ lɛ. Nyɛkanea Yohane 19:​1-7, 16-18 lɛ, ni nyɛsusua sanebimɔ nɛɛ he:

• Te onuɔ he ohãa tɛŋŋ yɛ nɔ ni Yehowa kɛ Yesu fee ehã bo lɛ hewɔ?

EMLI OTI

Yesu gbele lɛ hewɔ lɛ, Yehowa baanyɛ ekɛ wɔhe eshai ake wɔ, ni wɔbaanyɛ wɔhi shi kɛya naanɔ.

Mɛni Okase?

• Mɛni hewɔ Yesu gbo?

• Mɛɛ shishinumɔ naa Yesu adesa wala ni eye emuu lɛ ji kpɔmɔnɔ ni sa?

• Mɛɛ gbɛ nɔ obaanyɛ oná Yesu gbele lɛ he sɛɛ?

EHE SAJI KROKOMƐI

Obaana nɔ hewɔ ni atsɛɔ Yesu adesa wala ni eye emuu lɛ akɛ kpɔmɔnɔ lɛ.

“Mɛɛ Gbɛ nɔ Yesu Afɔleshaa lɛ Ji ‘Kpɔmɔnɔ Kɛhã Mɛi Babaoo’?” (jw.org lɛ nɔ sane)

Obaana nɔ ni esa akɛ wɔfee koni ahere wɔ kɛje esha kɛ gbele mli.

“Mɛɛ Gbɛ Nɔ Yesu Hereɔ Mɛi Ayiwala?” (jw.org lɛ nɔ sane)

Ani Yehowa baanyɛ ekɛ eshai ni yɔɔ hiɛdɔɔ po ake?

“Sanebimɔi ni Biblia lɛ Eha Hetoo” (Buu-Mɔɔ, May 1, 2013)

Obaana bɔ ni Kristo afɔleshaa lɛ he nii ni nuu ko kase lɛ wa lɛ ni etsake.

“Yiwalɛ Nifeemɔ Kudɔɔɔ Mi Dɔŋŋ” (jw.org lɛ nɔ sane)

1. Mɛni ji nɔ kome ni wɔbaanyɛ wɔfee kɛda Nyɔŋmɔ kɛ Kristo shi yɛ nɔ ni amɛfee amɛhã wɔ lɛ hewɔ?

Biblia lɛ ewo shi akɛ, “mɔ fɛɛ mɔ ni jieɔ hemɔkɛyeli kpo yɛ [Yesu mli] lɛ” baanyɛ ahi shi kɛya naanɔ. (Yohane 3:​16; shishigbɛ niŋmaa) Kɛ́ akɛɛ wɔjie hemɔkɛyeli kpo lɛ, te atsɔɔ tɛŋŋ? Jeee akɛ wɔbaahe Yesu nɔ wɔye kɛkɛ. Esa akɛ wɔtsɔ yiŋ ni wɔkpɛɔ kɛ wɔnifeemɔi hu anɔ wɔhã ana akɛ wɔheɔ enɔ wɔyeɔ. (Yakobo 2:​17) Kɛ́ wɔtsɔ wɔnifeemɔ kɛ wɔwiemɔ nɔ wɔhã ana akɛ wɔheɔ enɔ wɔyeɔ lɛ, naanyobɔɔ ni yɔɔ wɔ kɛ Yesu kɛ e-Tsɛ Yehowa teŋ lɛ mli baawa.​—Kanemɔ Yohane 14:21.