Yesu Shihilɛ Kɛ Esɔɔmɔ Nitsumɔ

Yesu Yɛ Galilea Ŋshɔ lɛ Naa

BƆFOI Iɛ ku amɛsɛɛ kɛtee Galilea agbɛnɛ, taakɛ Yesu etsɔ hiɛ efa amɛ akɛ amɛfee lɛ. Shi amɛleee nɔ ni esa akɛ amɛfee yɛ jɛmɛ. Yɛ be ko sɛɛ lɛ, Petro kɛɛ Toma, Natanael, Yakobo kɛ enyɛmi Yohane, kɛ bɔfoi krokomɛi enyɔ akɛ: “Miiya wuo.”

Mɛi ekpaa Iɛ ha hetoo akɛ: “Wɔ hu wɔkɛo miiya.”

Amɛtsu nii yɛ jenamɔ muu Iɛ fɛɛ shi amɛgbeee loo ko. Shi beni je tsɛreɔ lɛ, Yesu bapue yɛ ŋshɔ lɛ naa, shi bɔfoi Iɛ yooo akɛ Yesu ni. Ebo etsɛ amɛ akɛ: “Bii, nyɛyɛ niyenii ko Io?”

Amɛha lɛ hetoo kɛtsɔ nu lɛ hiɛ akɛ: “Dabi!”

Kɛkɛ ni ekɛɛ amɛ akɛ: “Nyɛfɔa yaa lɛ yɛ lɛlɛ lɛ ninejurɔ gbɛ, ni nyɛaana nɔ ko.” Ni beni amɛfee nakai lɛ, amɛnyɛɛɛ amɛgbala amɛyaa lɛ ejaakɛ eyi obɔ kɛ looi. Kɛkɛ ni Yohane bo akɛ: “Nuŋtsɔ lɛ ni!” Kɛkɛ ni Petro wo etade lɛ, ni etu egbee ŋshɔ Iɛ mli, ni esere aaafee abasaŋ oha loo nɔ kɛtee shikpɔŋ. Ni bɔfoi krokomɛi lɛ nyiɛ esɛɛ yɛ lɛlɛ bibioo Iɛ mli, ni amɛgbala yaa ni eyi obɔ kɛ loo lɛ.

Beni amɛshɛ ŋshɔ Iɛ naa lɛ, no mli lɛ atsɛ Ia ni looi jwere nɔ, kɛ aboloo. Kɛkɛ ni Yesu kɛɛ: “Nyɛkɛ looi ni nyɛgbe bianɛ Iɛ eko abaa.” Kɛkɛ ni Petro kwɔ lɛlɛ lɛ, ni eyagbala yaa Iɛ kɛba shia lɛ nɔ. Ni looi wuji komekomei 153 yɔɔ mli!

Kɛkɛ ni Yesu fɔ amɛ nine akɛ: “Nyɛbasaa nyɛnaa nɔ ko.”

Shi amɛteŋ mɔ ko nyɛɛɛ abi lɛ akɛ, “Namɔ jio?” ejaakɛ amɛle akɛ Yesu ni. Enɛ ji eshitee lɛ sɛɛ shii kpawo ni ejie ehe kpo etsɔɔ, kɛ shii etɛ nɔ ni ejie ehe kpo etsɔɔ ebɔfoi Iɛ akɛ kuu. Kɛkɛ ni eha amɛ niyenii lɛ eko, eha amɛteŋ mɔ fɛɛ mɔ aboloo kɛ loo.

Beni amɛye nii amɛgbe naa lɛ, ekolɛ Yesu kɛ eyitso tsɔɔ looi babaoo ni bua shi lɛ, ni ebi Petro akɛ: “Simon, Yona bi, ani osumɔɔ mi fe enɛɛmɛi Io?” Ekolɛ eetsɔɔ akɛ, Ani okɛ ohe ekpɛtɛ wuoyaa nitsumɔ lɛ he fe nitsumɔ ni mito he gbɛjianɔ mihao akɛ otsu lɛ?

Petro ha hetoo akɛ: “Ole akɛ midɔɔ ohe.”

Yesu ha lɛ hetoo akɛ: “Lɛɛ mitoobii lɛ!”

Ebi lɛ ekoŋŋ, nɔ ni ji shii enyɔ akɛ: “Simon, Yona bi, ani osumɔɔ mi lo?”

Petro ha hetoo akɛ: “Hɛɛ, Nuŋtsɔ, ole akɛ midɔɔ ohe.”

Yesu fa Iɛ ekoŋŋ akɛ: “Kwɛmɔ mitooi Iɛ!”

Kɛkɛ ni ebi nɔ ni ji shii etɛ akɛ: “Simon, Yona bi, odɔɔ mihe Io?”

Agbɛnɛ sane lɛ fee Petro awerɛho. Eesusu akɛ benɛ Yesu heee enɔkwayeli lɛ eyeee. Ejaakɛ etsɛko tsɔ, yɛ be mli ni ayeɔ Yesu sane koni agbe Iɛ lɛ, Petro kwa Iɛ shii etɛ akɛ eleee lɛ. No hewɔ lɛ Petro kɛɛ: “Nuŋtsɔ, ole nii fiaa, ole akɛ midɔɔ ohe.”

Ni Yesu fa lɛ nɔ ni ji shii etɛ akɛ: “Lɛɛ mitooi lɛ!”

No hewɔ lɛ Yesu kɛ Petro tsu nii akɛ ŋmɛlɛ ko ni gbɛɛɔ koni eha nitsumɔ ni etaoɔ ni Iɛ kɛ mɛi krokomɛi Iɛ atsu Iɛ agbɛɛ yɛ amɛtoiiaŋ. Etsɛŋ ni ebaashi shikpɔŋ Iɛ nɔ, ni eesumɔ ni amɛnyiɛ hiɛ ni akɛsɔmɔ mɛi ni abaagbala amɛ kɛba Nyɔŋmɔ toikuu lɛ ateŋ Iɛ.

Taakɛ bɔ ni afimɔ Yesu ni agbe lɛ yɛ nitsumɔ ni Nyɔŋmɔ kɛha lɛ akɛ etsu ni etsu lɛ hewɔ lɛ, agbɛnɛ eejie Iɛ kpo akɛ nɔ ko ni tamɔ nakai baaba Petro nɔ. Yesu kɛɛ lɛ akɛ: “Beni oji obalanyo lɛ, bo diɛŋtsɛ omiaa, ni onyiɛɔ he ni osumɔɔ. Shi kɛ ogbɔ lɛ, oookpa oniji amli, ni mɔ kroko aaamiao, ni ekɛo aaatee he ni osumɔɔɔ.” Yɛ la odasefonyo gbele ni mɛɔ Petro lɛ fɛɛ sɛɛ lɛ, Yesu wo lɛ hewalɛ akɛ: “Yaa nɔ onyiɛ misɛɛ.”

Beni etsɔ ehe lɛ, Petro na Yohane ni ebi akɛ: “Nuŋtsɔ, shi mɔ nɛ hu?”

Ni Yesu ha Iɛ hetoo akɛ: “Kɛji miisumɔ akɛ ehi shi kɛyashi mibaabe lɛ, ohe sane mɛni ji no? Bo Iɛ yaa nɔ onyiɛ misɛɛ.”

Kaselɔi lɛ ateŋ mɛi pii banu nɛkɛ Yesu wiemɔi nɛɛ ashishi akɛ no tsɔɔ akɛ bɔfo Yohane gboŋ gbi ko gbi ko. Shi taakɛ bɔfo Yohane tsɔɔ mli yɛ sɛɛ mli lɛ, Yesu ekɛɛɛ akɛ egboŋ, shi ekɛɛ kɛkɛ akɛ: “Kɛji miisumɔ akɛ ehi shi kɛyashi mibaabe lɛ, ohe sane mɛni ji no?” Yohane 21:​1-25; Mateo 26:​32; 28:​7, 10.

◆ Mɛni tsɔɔ akɛ bɔfoi Iɛ leee nɔ ni esa akɛ amɛfee yɛ Galilea?

◆ Te fee tɛŋŋ ni bɔfoi Iɛ yɔse Yesu yɛ Galilea Ŋshɔ Iɛ naa?

◆ Shii enyiɛ Yesu ejie ehe kpo agbɛnɛ kɛjɛ be mli ni ete shi Iɛ?

◆ Mɛɛ gbɛ nɔ Yesu tsɔ ema nɔ ni esumɔɔ ni bɔfoi Iɛ afee Iɛ nɔ mi yɛ?

◆ Mɛɛ gbɛ nɔ Yesu tsɔɔ gbɛ ni Petro baatsɔ nɔ agbo lɛ yɛ?

◆ Mɛɛ Yesu wiemɔi komɛi ni kɔɔ Yohane he mɛi pii yanuuu shishi Iɛ?