Wɔbaanyɛ Wɔje Nyɔŋmɔ Mlifu lɛ Mli

4, 5. Mɛni tsɔɔ akɛ Nyɔŋmɔ mlifu yɛ nibii agbɛjianɔtoo fɔŋ ni yɔɔ ŋmɛnɛ lɛ nɔ?

⁴ Biblia lɛ, kɛ adesai ayinɔsane eha efee faŋŋ akɛ kɛjɛ beni Adam fee esha kɛbaa nɛɛ, ‘Nyɔŋmɔ mlifu ehi’ adesai anɔ. (Yoh. 3:36) Sane nɛɛ ji anɔkwale akɛni adesai fɛɛ gboiɔ lɛ hewɔ. Satan nɔyeli ni teɔ shi ewoɔ Nyɔŋmɔ nɔ̃ lɛ nyɛko abu adesai ahe kɛjɛ naagbai ni amɛkɛkpeɔ lɛ ahe, ni adesa nɔyeli ko hu nyɛko atsu amɛshishibii lɛ fɛɛ ahiamɔ nii ahe nii. (1 Yoh. 5:19) No hewɔ lɛ ta kɛ awuiyeli miiya nɔ, ni mɛi miiye ohia.

⁷ Bɔfo Paulo kɛɛ akɛ, Yesu “jie wɔ kɛjɛ mlifu ni baaba lɛ mli.” (1 Tes. 1:10) Beni Yehowa baajie enaagbee mlifu lɛ kpo lɛ, ebaakpata eshafeelɔi ni tsakeee amɛtsui lɛ ahiɛ kɛya naanɔ. (2 Tes. 1:6-9) Namɛi baaje mli? Biblia lɛ kɛɔ akɛ: “Mɔ ni heɔ bi lɛ nɔ yeɔ lɛ, eyɛ naanɔ wala; shi mɔ ni booo bi lɛ toi lɛ, enaŋ wala, shi moŋ Nyɔŋmɔ mlifu hiɔ enɔ.” (Yoh. 3:36) Hɛɛ, kɛ́ nibii agbɛjianɔtoo nɛɛ ba naagbee lɛ, mɛi fɛɛ ni yɔɔ wala mli yɛ nakai beaŋ ni yɔɔ hemɔkɛyeli yɛ Yesu kɛ kpɔ̃mɔnɔ lɛ mli lɛ baaje Nyɔŋmɔ naagbee mlifu gbi lɛ mli.