Yesu Shihilɛ kɛ Nitsumɔ

Mɔbɔnalɛ Nitsumɔ ni Akɛtee Yudea

OTSlI komɛi dani enɛ aaaba lɛ, yɛ Henɔjɔɔmɔ Gbijurɔ ko ni aye yɛ Yerusalem lɛ mli lɛ, Yudafoi lɛ bɔ mɔdɛŋ ni amɛgbe Yesu. No hewɔ Iɛ efa gbɛ kɛtee kooyigbɛ, eka shi faŋŋ akɛ kɛtee he ni bɛŋkɛ Galilea Ŋshɔ lɛ.

Ebɔi gbɛfaa kɛmiiba wuoyigbɛ kɛmiibɛŋkɛ Yerusalem etsɛko, ni eeshiɛ yɛ gbɛ lɛ nɔ yɛ Perea akrowai lɛ, yɛ Yordan Faa Iɛ bokagbɛ kpokpaa wulu lɛ nɔ. Kpaako egbe abɛbua ko ni kɔɔ niiatsɛ lɛ kɛ Lazaro he lɛ naa. Agbɛnɛ etee nɔ etsɔɔ ekaselɔi Iɛ nii ni etsɔ hiɛ etsɔɔ beni eyɔɔ Galilea Iɛ.

Akɛ nɔkwɛmɔ nɔ lɛ, ekɛɛ akɛ faŋ nɔ ni akɛ “teji wiɛ ŋmɔ ekuɔ ni ashɛ lɛ afɔ ŋshɔŋ” fe ni mɔ ko aaatɔtɔ “bibii nɛɛ” ateŋ mɔ kome nane. Agbɛnɛ ema eshaifaa nɔ mi ni etsɔɔ mli akɛ: “Ni kɛji shii kpawo etɔ onɔ gbi kome, ni esaa eku esɛɛ eba oŋɔɔ shii kpawo gbi kome ni ekɛɛ mishwa mihe lɛ, ŋɔɔ ofa lɛ.”

Beni kaselɔi lɛ bi Iɛ akɛ, “fatamɔ wɔhemɔkɛyeli lɛ he oha wɔ!” lɛ, Yesu ha hetoo akɛ: “Kɛji nyɛyɛ hemɔkɛyeli tamɔ sinapi kuli lɛ, kulɛ nyɛaakɛɛ sikaminotso nɛɛ akɛ: Faa kɛ oshishifa ni oyama ŋshɔŋ! ni eeebo nyɛ toi.” No hewɔ Iɛ hemɔkɛyeli bibioo ko po baanyɛ atsu nibii wuji.

Yɛ no sɛɛ lɛ, Yesu gba amɛ shihilɛ diɛŋtsɛ mli niiashikpamɔ ko ni feɔ su ni esa akɛ Nyɔŋmɔ Ofe Iɛ tsulɔ ana Iɛ he nɔkwɛmɔ nɔ. Yesu kɛɛ: “Shi nyɛteŋ namɔ yɔɔ tsulɔ ni ekɛ tsina kɔi miihu aloo eelɛ kooloi, ni kɛ ejɛ ŋmɔshi eba pɛ lɛ, eeekɛɛ Iɛ akɛ: baata shi mramra ni oye nii? Shi ekɛŋ lɛ moŋ akɛ: Saamɔ nɔ ni mibaye lɛ oto, ni omia koni osɔmɔ mi ni maye nii ni manu nɔ ko da, ni no sɛɛ lɛ, koni bo hu oye nii ni onu nɔ ko? Ani eeeda nakai tsulɔ Iɛ shi, akɛ efee nɔ ni afa Iɛ lɛ? Mikpaaa shi. Nakai nɔŋŋ nyɛ hu, kɛ nyɛfee nibii fɛɛ ni afa nyɛ lɛ, nyɛkɛa akɛ: Tsuji ni he bɛ sɛɛnamɔ ko ji wɔ; nɔ ni ji wɔ gbɛnaa akɛ wɔtsuɔ lɛ, no pɛ wɔtsu nɛɛ.” No hewɔ lɛ esaaa akɛ Nyɔŋmɔ tsuji nuɔ he akɛ amɛmiifee ejurɔ ko amɛmiiha Nyɔŋmɔ kɛtsɔ sɔɔmɔ ni amɛkɛhaa Iɛ lɛ nɔ. Shi moŋ, esa akɛ amɛkai hegbɛ ni amɛna akɛ amɛaaja Iɛ akɛ eshiabii ni anyɛɔ akɛ he fɔɔ amɛnɔ lɛ yɛ be fɛɛ mli.

Eka shi faŋŋ akɛ beni ekɛ nɛkɛ nɔkwɛmɔ nɔ nɛɛ eha lɛ sɛɛ etsɛɛɛ kwraa ni tsulɔ ko ba. Maria kɛ Marta, Lazaro nyɛmimɛi yei ni yɔɔ Betania yɛ Yudea lɛ tsu lɛ. Tsulɔ lɛ kɛɛ: “Nuŋtsɔ, naa, mɔ ni osumɔɔ lɛ lɛ he miiye.”

Yesu ha hetoo akɛ: “Nɛkɛ hela nɛɛ, jeee gbele hela ni, shi moŋ Nyɔŋmɔ anunyam Iɛ hewɔ ni, bɔni afee ni awo Nyɔŋmɔ Bi lɛ hiɛ nyam.” Beni eye gbii enyɔ yɛ he ni eyɔɔ lɛ, Yesu kɛɛ ekaselɔi lɛ akɛ: “Nyɛhaa wɔyaa Yudea ekoŋŋ.” Shi, amɛkai lɛ akɛ: “Rabi, eyeko gbii ko ni Yudafoi lɛ tao bo tɛi atswia lɛ, ni ooya jɛi ekoŋŋ lo?”

Yesu hu ha hetoo ni ekɛbi amɛ sane nɛɛ: “Ani jeee ŋmɛlɛtswai nyɔŋma kɛ enyɔ yɔɔ shwane mli? Kɛji mɔ nyiɛ shwane lɛ, etɛɛɛ, ejaakɛ enaa je nɛɛ mli la lɛ. Shi kɛji mɔ nyiɛ nyɔɔŋ lɛ, no etɛɔ, ejaakɛ Ia bɛ emli.”

Eka shi faŋŋ akɛ nɔ ni Yesu tsɔɔ ji akɛ “shwane,” aloo be ni Nyɔŋmɔ eto kɛha Iɛ kɛha eshikpɔŋ nɔ sɔɔmɔ nitsumɔ Iɛ bako naagbee, no hewɔ mɔ ko mɔ ko nyɛŋ aye lɛ awui, ja eba naagbee da. No hewɔ Iɛ ehe miihia ni ekɛ “shwane” be ni faaa Iɛ fɛɛ ni eshwɛ kɛha lɛ lɛ atsu nii, ejaakɛ yɛ no sɛɛ lɛ, “jenamɔ” baaba be ni ehenyɛlɔi lɛ baagbe lɛ.

Yesu kɛfata he akɛ: “Wɔ shieŋtsɛ Lazaro ewɔ; shi miiya ni mayatsiɛ lɛ yɛ wɔ Iɛ mli.”

Eka shi faŋŋ akɛ akɛni kaselɔi lɛ susu akɛ Lazaro miiwɔ diɛŋtsɛ ni tsɔɔ akɛ eejɔɔ ehe ni akɛ enɛ ji okadi ni tsɔɔ akɛ ehiɛ baatsɛ hewɔ lɛ, kaselɔi lɛ here nɔ akɛ: “Nuŋtsɔ, kɛ wɔ ewɔ lɛ, no Iɛ ehe baawa Iɛ mɔ.”

Kɛkɛ ni Yesu kɛɛ amɛ yɛ faŋŋ mli akɛ: “Lazaro egbo; ni nyɛ hewɔ Iɛ eŋɔɔ minaa akɛ mibɛ jɛi lɛ, bɔni afee ni nyɛhe nyɛye; shi nyɛhaa wɔyaa eŋɔɔ.”

Akɛni Toma yɔse akɛ abaanyɛ agbe Yesu yɛ Yudea, ni eesumɔ ni efi esɛɛ hewɔ lɛ, ewo enanemɛi kaselɔi lɛ hewalɛ akɛ: “Nyɛhaa wɔ hu wɔyaa, ni wɔkɛ Iɛ ayagbo.” No hewɔ Iɛ kaselɔi lɛ kɛ amɛwala wo oshara mli, ni amɛfata Yesu he kɛtee mɔbɔnalɛ nitsumɔ ni kɛ amɛ tee Yudea nɛɛ mli. Luka 13:​22; 17:​1-10; Yohane 10:​22, 31, 40-42; 11:​1-16, New World Translation.

◆ Nɛgbɛ Yesu shiɛ yɛ nyɛsɛɛ nɛɛ nɔŋŋ lɛ?

◆ Mɛɛ tsɔɔmɔi Yesu ti mli, ni mɛɛ shihilɛ ni ba diɛŋtsɛ etsɔɔ mli koni ekɛma sane oti ko nɔ mli?

◆ Mɛɛ adafi atswa Yesu, ni ewiemɔ ni ji “shwane” kɛ “jenamɔ” Iɛ tsɔɔ mɛni?

◆ Mɛni ji nɔ ni Toma tsɔɔ beni ekɛɛ ‘nyɛhaa wɔyaa koni wɔkɛ Iɛ hu ayagboi’ lɛ?