• Mɛɛ Gbɛ nɔ Yehowa Tsɔɔ Ekudɔɔ Esafo Lɛ?
    Ekome ni Afee Kɛmiija Anɔkwa Nyɔŋmɔ Kome Lɛ

    • 11. (a) Mɛɛ nitsumɔ ni sɛɛnamɔ yɔɔ he yei ni yɔɔ teokrase gbɛjianɔtoo lɛ mli lɛ tsuɔ? (b) Mɛɛ be mli ehe bahiaa ni amɛkɛ nɔ ko aha amɛyiteŋ, ni mɛni hewɔ?

      11 Ŋmalɛi lɛ tsɔɔ akɛ esa akɛ hii akwɛ nɔkwɛmɔ gbɛhei ni yɔɔ asafo lɛ mli lɛ anɔ. Enɛ baaa yei ashi yɛ gbɛ ko nɔ, ejaakɛ amɛteŋ mɛi pii fata ŋwɛi gboshiniyelɔi yɛ Maŋtsɛyeli lɛ mli lɛ ahe. Kɛ yei ni ji Kristofoi lɛ kɛ heshibaa, hetsemɔ kɛ jeŋba kpakpa kwɛ amɛwekui anɔ lɛ, amɛ hu amɛyeɔ amɛbuaa ni asafo lɛ naa gbɛi kpakpa. (Tito 2:3-5) Amɛtsuɔ babaoo yɛ mɛi heei ni yɔɔ wiemɔ lɛ he miishɛɛ ni anaa amɛ ni akɛ amɛ hu baa gbɛjianɔtoo lɛ mli lɛ mli. (Lala 68:12) Shi hii ni ahala amɛ yɛ asafo lɛ mli lɛ ji hii ni tsɔɔ nii yɛ mli. (1 Tim. 2:12, 13) Ni kɛji akɛ hii ni he esa bɛ yɛ kpee ko ni asafo lɛ to he gbɛjianɔ lɛ shishi lɛ, belɛ yoo baaha eyiteŋ yɛ be mli ni ekwɛɔ kpee lɛ nɔ loo esɔleɔ lɛ.a Yɛ nɛkɛ gbɛ nɔ lɛ, ejieɔ bulɛ kpo etsɔɔ Yehowa gbɛjianɔtoo lɛ, taakɛ Yesu to okadi kɛha mɛi fɛɛ yɛ heshibaa kɛha e-Tsɛ lɛ mli lɛ.—1 Kor. 11:3-16; Yoh. 8:28, 29.

  • Mɛɛ Gbɛ nɔ Yehowa Tsɔɔ Ekudɔɔ Esafo Lɛ?
    Ekome ni Afee Kɛmiija Anɔkwa Nyɔŋmɔ Kome Lɛ

    • a Shi yiteŋhaa nɔ he ehiaaa lɛ kɛji eeshiɛ yɛ shia kɛ shia, ejaakɛ gbɛnaa nii akɛ ashiɛ sanekpakpa lɛ ka Kristofoi fɛɛ anɔ. Shi kɛ ehe ebahia akɛ efee shia Biblia mli nikasemɔ yɛ ewu hiɛ (ni ji eyitso lɛ, eyɛ mli akɛ ekolɛ ejeee Kristofonyo po) lɛ, esa akɛ eha eyiteŋ. Agbɛnɛ yɛ shihilɛ kroko mli lɛ, kɛ asafo lɛ mlinyo ko ni ji nuu ni ejɔɔ ehe nɔ yɛ jɛmɛ yɛ be mli ni efeɔ shia Biblia mli nikasemɔ ko ni etsɔ hiɛ eto he gbɛjianɔ momo lɛ, esa akɛ eha eyiteŋ, shi esa akɛ nuu lɛ asɔle.