8. Mɛni ji Yehowa shishijee yiŋtoo kɛha shikpɔŋ lɛ, ni, mɛni tsɔɔ akɛ ekɛ ehe ekpɛtɛ nakai yiŋtoo lɛ he?

⁸ Enɛɛmɛi fɛɛ ji gbɛ ni yɔɔ Nyɔŋmɔ yiŋtoo mli koni eha shikpɔŋ muu le fɛɛ atsɔ paradeiso ni yɔɔ feɔ, hɛɛ, jeŋ muu fɛɛ paradeiso. (1 Mose 1:​28; Yesaia 55:​10, 11) Paulo wie Yesu he akɛ “naagbee Adam” yɛ 1 Korintobii 15:​45. Enɛ tsɔɔ akɛ Nyɔŋmɔ kɛ ehe ekpɛtɛ shishijee yiŋtoo ni kɔɔ shikpɔŋ lɛ he lɛ he ni akɛ mɔ ko baatsu nii ni klɛŋklɛŋ Adam lɛ nyɛɛɛ atsu lɛ he nii.

17, 18. (a) Yesu ni atsɛ akɛ “naagbee Adam” lɛ tsɔɔ mɛni? (b) Jeŋ saji ni baa kɛjɛ 1914 lɛ tsɔɔ mɛni?

¹⁷ Yesu le akɛ klɛŋklɛŋ Paradeiso ni ba shikpɔŋ lɛ nɔ lɛ Bɔlɔ lɛ kɛ gbɛnaa nii baafɔ enɔ akɛ eku sɛɛ ekɛ Paradeiso aba koni ekwɛ ni gbɔmɛi ayi jeŋ muu fɛɛ abɔɔ lɛ mli obɔ. Wɔkaneɔ yɛ 1 Korintobii 15:​45, 47 akɛ: “Nakai aŋma hu akɛ: ‘Adam ni ji klɛŋklɛŋ gbɔmɔ lɛ tsɔ susuma ni hiɛ ka,’ naagbee Adam lɛ tsɔ mumɔ ni haa mɔ yi naa wala. Klɛŋklɛŋ gbɔmɔ lɛ ni jɛ shikpɔŋ nɔ lɛ, shikpɔŋ nɔ nyo ni; gbɔmɔ ni ji enyɔ lɛ, ji Nuŋtsɔ ni jɛ ŋwɛi lɛ.” Adam ni ji enyɔ lɛ ba kɛjɛ ŋwɛi ni lɛ ji mɔ ni Yehowa kɛ nitsumɔ wo edɛŋ koni eku sɛɛ eto Paradeiso ema shikpɔŋ nɛɛ nɔ ekoŋŋ lɛ. Enɛ nɔ Nuŋtsɔ Yesu damɔ ni ekɛɛ efɔŋfeelɔ ni musuŋ tsɔɔ lɛ lɛ akɛ: “Obaafata mihe yɛ Paradeiso” lɛ. (Luka 23:43) Ejeɔ kpo kɛjɛɔ nɛkɛ sanegbaa nɛɛ mli faŋŋ akɛ abaato Paradeiso ama shikpɔŋ nɛɛ nɔ yɛ ŋwɛi Maŋtsɛyeli lɛ ni yɔɔ Yesu Kristo, “naagbee Adam” lɛ ni awo ehiɛ nyam lɛ dɛŋ lɛ shishi.