Afii Akpe Hiɛnɔkamɔ Lɛ Ye Kunim
1. Mɛɛ saji abi yɛ Mesia lɛ baa lɛ hewɔ?
1 BENI Mesia lɛ ni akɛ be kakadaŋŋ emɛ lɛ aahu lɛ ba Yudafoi lɛ aŋɔɔ lɛ, ani ebama amɛshishijee hemɔkɛyeli yɛ wɔsɛɛ be mli wala kɛtsɔ gbohiiashitee lɛ nɔ mi, aloo ebakpɛlɛ amɛ wɔŋjalɔi ajwɛŋmɔ hee ni amɛna ni kɔɔ susuma ni yɔɔ mɔ mli ni gbooo lɛ nɔ? Akɛni ekɛ ŋwɛi hiɛnɔkamɔ ba hu hewɔ lɛ, ani Yesu Kristo miitsɔɔ akɛ mɛi fɛɛ ni ahere amɛ yiwala lɛ baaya ŋwɛi? Aloo Hebri kɛ Kristofoi a-Hela Ŋmalɛi Iɛ fɛɛ kɛ naanɔ wala yɛ shikpɔŋ nɔ he hiɛnɔkamɔ haa gbɔmɛi akpekpei abɔ?
WƆSƐƐ BE WALA KƐTSƆ GBOHIIASHITEE NƆ
2. Mɛni Yesu tsɔɔ ni kɔɔ wɔsɛɛ be wɔla he hiɛnɔkamɔ he?
2 Yesu etsɔɔɔ wɔŋjalɔi ajwɛŋmɔ ni kɔɔ adesa susuma ko ni hɔ gbɔmɔ mli ni gbooo, shi moŋ etsɔɔ akɛ wɔsɛɛ be he hiɛnɔkamɔ kɛha wala lɛ fɛɛ damɔ gbohiiashitee nɔ. Etsɔɔ mli akɛ: “Ejaakɛ bɔni bi lɛ yɔɔ wala yɛ lɛ diɛŋtsɛ emli lɛ, nakai nɔŋŋ eha bi lɛ hu akɛ ehi wala yɛ lɛ diɛŋtsɛ emli. Ni eha lɛ hegbɛ akɛ ekojo, ejaakɛ gbɔmɔ bi ji lɛ. Enɛ akafee nyɛ naakpɛɛ; ejaakɛ ŋmlɛtswaa lɛ miiba, nɔ mli ni mɛi fɛɛ ni yɔɔ gbohiiabui lɛ amli lɛ aaanu egbee, ni amɛaaje kpo, mɛi ni efee ekpakpa lɛ aaate shi kɛaatee wala mli, ni mɛi ni etsu nishaianii lɛ aaate shi kɛaatee kojomɔ lɛ mli.”—Yoh. 5:26-29.
3. Mɛni ji nɔ ni Kristendom jamɔ he nilelɔi lɛ ateŋ mɛi komɛi kpɛlɛɔ nɔ agbɛnɛ yɛ susumɔ lɛ he?
3 Nɔ ni yɔɔ miishɛɛ ji akɛ, ŋmɛnɛŋmɛnɛ beaŋ Kristendom jamɔ he nilelɔi miikpɛlɛ jwɛŋmɔ ni ji akɛ Hebri loo Kristofoi a-Hela Ŋmalɛi lɛ fiii susuma ni yɔɔ mɔ mli ni gbooo lɛ sɛɛ lɛ nɔ. Akɛ nɔkwɛmɔ nɔ lɛ, The New International Dictionary of New Testament Theology (Vol. 3, 1978) maa nɔ mi akɛ “kwɛ bɔni KM [Kpaŋmɔ Momo] lɛ leee susuma ni soro lɛ yɛ gbɔmɔtso lɛ he aloo susuma ni jeɔ kpo kɛjɛɔ gbɔmɔtso lɛ mli yɛ gbele mli lɛ he nɔ ko kwraa ha.” Ni agbɛnɛ: Mat. 10:28 etsɔɔɔ susuma lɛ ni gbooo ni yɔɔ, shi moŋ bɔni anyɛŋ atsake ŋwɛi kojomɔ ni akɛbaa mɔ ni tsakeee esubaŋ lɛ nɔ lɛ. . . . KH [Kpamɔ Hee] lɛ naa gbɔmɔ akɛ nɔ̃ kome ni ewoɔ tsakemɔ ni ekɛaaba gbɔmɔ muu lɛ fɛɛ nɔ lɛ he shi, shi jeee efa ko pɛ ni aaaje mli ana wala. . . . kɛ gbohiiashitee bako lɛ anyɛŋ ana shihilɛ ni gbele bɛ mli.”
ŊWƐI KƐ SHIKPƆŊ NƆ HIƐNƆKAMƆ
4. Mɛni ji mɔ ni Yehowa Odasefoi kpɛlɛɔ nɔ, shi mɛni ji nɔ ni amɛkpoɔ, ni mɛni hewɔ?
4 Ákɛ Kristofoi a-Hela Ŋmalɛi lɛ tsɔɔ akɛ Kristofoi lɛ ateŋ mɛi komɛi anine shɛɔ “ŋwɛi tsɛmɔ” lɛ nɔ lɛ, Yehowa Odasefoi ejeee enɛ he ŋwane. (Heb. 3:1) Nɔ ni amɛkɛɔ akɛ ebɛ mli ji akɛ nɛkɛ “ŋwɛi tsɛmɔ” nɛɛ fiteɔ Nyɔŋmɔ shishijee yiŋtoo akɛ eeeha shikpɔŋ lɛ atsɔ paradeiso ni hii kɛ yei ni ji jalɔi ahi nɔ obɔ lɛ. Amɛnyɛŋ amɛkpɛlɛ jwɛŋmɔ ni ahiɛ akɛ Hebri Ŋmalɛi lɛ amli gbalɛi ni gbaa shikpɔŋ nɔ paradeiso ni aaaku sɛɛ akɛba lɛ he sane efɔɔ shi lɛ fɛɛ etsɔ woji gbohii loo saji ni baŋ mli lɛ nɔ. Amɛheɔ enɛ amɛyeɔ waa ejaakɛ “shikpɔŋ hee” ni “jalɛ hiɔ mli” lɛ he shiwoo lɛ ji nɔ ni Kristofoi a-Hela Ŋmalɛi lɛ ema nɔ mi.—2 Pet. 3:13; Kpoj. 21:1-4.
5, 6. Biblia lɛ haa Ŋmalɛ mli hiɛnɔkamɔ ni bɔ he enyɔ lɛ mli feɔ faŋŋ yɛ mɛɛ gbɛ nɔ: (a) ŋwɛi nɔ? (b) shikpɔŋ nɔ nɔ̃?
5 Biblia lɛ kasemɔ kɛ hiɛdɔɔ eha Yehowa Odasefoi ehe eye akɛ Kristofoi a-Ŋmalɛ mli hiɛnɔkamɔ lɛ bɔ he enyɔ: Nikeenii ni ji shihilɛ ni gbele bɛ mli yɛ ŋwɛi kɛha mɛi fioo ko ni afo amɛyibɔ he husu, kɛ naanɔ wala yɛ shikpɔŋ nɔ kɛha yibɔ ko ni fa babaoo. Ŋwɛi hiɛnɔkamɔ ákɛ akɛ Kristo “baaye maŋtsɛ” lɛ ji nɔ ni akɛhaa akɛ “duromɔ” ni esaaa, ni akɛhaa “halamɔbii” 144,000 lɛ aloo “mɛi nii ahala” ni je shishi kɛjɛ bɔfoi lɛ kɛ klɛŋklɛŋ Kristo kaselɔi lɛ anɔ lɛ. (Luka 12:32; Rom. 5:17; 8:33; Kpoj. 5:9, 10; 7:1-4; 14:1-4) Yɛ mɛnɛɛmɛi ateŋ lɛ, ‘mɛi ni baashwɛ kɛyashi beni Nuntsɔ lɛ eba’ lɛ ateŋ mɛi fioo ko pɛ yɔɔ wala mli yɛ shikpɔŋ nɔ bianɛ.—1 Tes. 4:14-17; Kpoj. 12:17.
6 Shikpɔŋ nɔ hiɛnɔkamɔ lɛ ji shishijee hiɛnɔkamɔ ni Adam kɛ Hawa nine baanyɛ ashɛ nɔ, eji amɛhi Yehowa nɔyeli shishi ni amɛtaooo shihilɛ mli heyeli kulɛ. (Kwɛmɔ Mose klɛŋklɛŋ yitsei etɛ lɛ.) Gbɔmɔ lɛ “shikpɔŋ nɔ nyo ni yɛ ebɔɔ su naa.” (1 Kor. 15:47, The Jerusalem Bible) Nibii ni etaoɔ ni eshweɔ yɛ ebɔɔ su naa lɛ ji shikpɔŋ nɔ nibii. “Ŋwɛi lɛ, Yehowa ŋwɛi ni, shi shikpɔŋ lɛ eŋɔha gbɔmɛi abii.” (Lala 115:16) ” Ni Biblia lɛ kɛɔ faŋŋ akɛ Yehowa ‘ebɔɔɔ shikpɔŋ lɛ efolo, shi moŋ eshɔ ni ahi nɔ.’ (Yes. 45:18) No hewɔ lɛ naanɔ wala yɛ shikpɔŋ nɔ paradeiso shihilɛ mli he hiɛnɔkamɔ lɛ ji Ŋmalɛ naa nii kɛ adebɔɔ mli taomɔnii. Ejeee nɔ ko ni esa akɛ hiɛ agbo yɛ he.
AFII AKPE HIƐNƆKAMƆ KƐHA KUI ENYƆ
7. Mɛɛ hiɛnɔkamɔ Abraham shiwoo lɛ kɛ Daniel gbalɛ lɛ hiɛ kɛha shikpɔŋ nɔ gbɔmɛi?
7 Akɛni mumɔŋ Israelbii 144,000 lɛ ji “seshi” lɛ aloo “Abraham anɔkwa seshibii” kɛ “eshiwoo lɛ naa anɔkwa gboshiniyelɔi” hewɔ lɛ (Gal. 3:26-29, Phillips) , ehi jogbaŋŋ akɛ aaakai akɛ shiwoo ni akɛha Abraham lɛ hu kɛɛ akɛ: “Ni oseshi lɛ mli aaajɛ ajɔɔ shikpɔŋ Iɛ nɔ jeŋmaji fɛɛ.” (1 Mose 22:16-18) Gbalɔ Daniel hu wie “majimaji kɛ asafoi kɛ wiemɔi” ni “gbɔmɔ bi” Yesu Kristo baaye amɛnɔ kɛjɛ “ŋwɛi” “maŋtsɛyeli lɛ kɛ nɔyeli” lɛ mli. Ekɛ “mɛi ni ahala amɛ” ni awie amɛhe akɛ “mɔ ni yɔɔ ŋwɛi shɔŋŋ lɛ mɛi krɔŋkrɔŋi” lɛ baafee enɛ.—Dan. 7:13, 14, 27; 2 Tim. 2:10.
8. Mɛni tsɔɔ akɛ Paulo kɛ Yohane yoo akɛ yiwalaheremɔ jeee nɔ ni yɔɔ kɛha “mɛi ni ahala” lɛ pɛ?
8 Klɛŋklɛŋ Kristofoi lɛ jeee mɛi ni leee gbalɛi nɛɛ ni wieɔ kui enyɔ ahe lɛ: “seshi” lɛ kɛ “majimaji” kɛ “mɛi krɔŋkrɔŋi” lɛ kɛ “asafoi kɛ wiemɔi” lɛ ahe nɔ ko. Yɛ be mli ni emaa enɛ nɔ mi, yɛ be ni ewie mɛi ni baafee “Kristo nanemɛi niyelɔi” lɛ ahe kɛ mɛi ni ‘abaawo amɛ kɛ lɛ hiɛ nyam hu’ yɛ ŋwɛi lɛ ahe lɛ sɛɛ lɛ, Paulo wie adesa “bɔɔnii” ni amɛ “gbɛkwɛmɔ kpɛ̃kpɛ̃ɛkpɛ̃” lɛ ji ni aha “amɛye amɛhe kɛjɛ fitemɔ nyɔŋyeli lɛ mli,” aloo kɛjɛ esha mli koni amɛná “Nyɔŋmɔ bii lɛ anunyam heyeli” lɛ. (Rom. 8:15-21) Yɛ be mli ni eŋmaa wolo eyaha Kristofoi ni yɔɔ ŋwɛi hiɛnɔkamɔ tamɔ lɛ lɛ, bɔfo Yohane wie Kristo he akɛ “ni lɛ ji wɔhe eshai [“mɛi ni ahala amɛ”] lɛ ahe kpatamɔnɔ; shi jeee wɔ nɔ̃ lɛ kɛkɛ he, shi moŋ jeŋ muu lɛ fɛɛ nɔ̃ lɛ hu he.”—1 Yoh. 2:2; 3:1-3.
9. (a) Mɛɛ ninaai ekolɛ Yohane ena yɛ be mli ni eŋma eklɛŋklɛŋ wolo lɛ? (b) Mɛɛ gbɛ nɔ amɛmaa kui enyɔ ni ahere amɛyiwala ni yɔɔ lɛ nɔ mi?
9 Beni Yohane ŋmaa nɛkɛ wiemɔi nɛɛ lɛ, no mli lɛ eka shi faŋŋ akɛ enine eshɛ Kpojiemɔ ni yɛ be mli ni ena mumɔŋ Israelbii 144,000 “ni asɔo amɛnaa” yɛ mli lɛ sɛɛ lɛ, ena “asafo babaoo, ni mɔ ko mɔ ko nyɛŋ akane ni jɛ jeŋmaŋ fɛɛ jeŋmaŋ kɛ akutsei kɛ maji kɛ majianɔ wiemɔi amli” lɛ nɔ momo. Mɛnɛɛmɛi jeɔ “amanehulu kpeteŋkpele” lɛ mli ni “Toobi” Yesu Kristo tsɔɔ amɛ gbɛ kɛyaa “wala nubui ahe.” (Kpoj. 7:4-17) Ni agbɛnɛ nakai Kpojiemɔ lɛ nɔŋŋ mli Yohane na Kristo nɔyeli afii akpe lɛ he ninaa, ni no mli ni etsĩ kui enyɔ lɛ ata ekoŋŋ yɛ lɛ: mɛi ni “naa klɛŋklɛŋ shitee” lɛ mli gbɛfaŋnɔ ni “ye maŋtsɛ,” kɛ “adesai” ni Nyɔŋmɔ baajɔɔ amɛ “ni amɛaatsɔmɔ emaŋbii” lɛ.—Kpoj. 20:1–21:8.
10. Ŋmɛnɛ, mɛɛ kui enyɔ yɔɔ afii akpe hiɛnɔkamɔ nɛɛ, ni kɛ akɛ amɛyibɔ lɛ to he lɛ te anaa tɛɛŋ?
10 Ŋmɛnɛ, afii akpe hiɛnɔkamɔ lɛ yeɔ kunim yɛ “asafoku bibioo” ni atsɛ amɛ ni amɛkɛ Kristo abatara “maŋtsɛsɛii anɔ” yɛ ŋwɛi ni amɛye maŋtsɛ afii akpe lɛ atsuii amli. (Luka 12:32; 22:28-30) “Asafo babaoo” lɛ ni kɛ amɛhe eyabɔ Kristofoi ni afɔ amɛ mu ni amɛshwɛ lɛ ahe lɛ hu ekpɛlɛ nakai afii akpe hiɛnɔkamɔ lɛ nɔ ni amɛmiijaje “maŋtsɛyeli lɛ he sanekpakpa nɛɛ . . . ni akɛye jeŋmaji lɛ fɛɛ odase.” (Mat. 24:14) Nɛkɛ kui enyɔ nɛɛ fɛɛ bua amɛhe naa yɛ Nuntsɔ lɛ Gbɛkɛnaashi Niyenii ni aye yɛ March 31, 1980 lɛ shishi. Mɛi ni ye Kaimɔ lɛ niyenii ni ji aboloo lɛ kɛ wein lɛ eko lɛ ayibɔ ji 9,564 yɛ jeŋ fɛɛ, yɛ anɔkwale mli lɛ, amɛji 144,000 ni kɛ Kristo baaye maŋtsɛ yɛ emaŋtsɛyeli be ni feɔ afii akpe lɛ mli lɛ ateŋ “mɛi ni eshwɛ” ni amɛyi faaa kwraa. Shi mɛi ni fata mɛnɛɛmɛi ahe ji mɛi krokomɛi 5,717,092 ni ba akɛ mɛi ni baye nɔ ni yaa nɔ lɛ he odase, ni amɛkɛtsɔɔ hiɛsɔɔ ni amɛyɔɔ kɛha Yehowa gbɛjianɔtoo ni yɔɔ nyam nɛɛ ni atsɔ e-Bi lɛ afɔleshaa nɔ ato he gbɛjianɔ lɛ. Mɛnɛɛmɛi nyaa yɛ naanɔ wala yɛ paradeiso shikpɔŋ nɔ he gbɛkamɔ lɛ hewɔ.
AFII AKPE HIƐNƆKAMƆ LƐ YƐ LOLO!
11. Mɛɛ be ni yɛ mɛɛ gbɛ nɔ afii akpe hiɛnɔkamɔ lɛ baaba mli diɛŋtsɛ?
11 Hɛɛ, afii akpe hiɛnɔkamɔ lɛ kahe eyɛ shihilɛ mli ŋmɛnɛ. Ebaaba mli diɛŋtsɛ yɛ “amanehulu kpeteŋkpele” lɛ sɛɛ, yɛ be mli ni Kristo kɛ 144,000 lɛ ni ji “mɛi ni ahala amɛ” lɛ jeɔ amɛnɔyeli lɛ shishi yɛ ŋwɛi kɛha afii 1,000 lɛ, ni “asafo babaoo” lɛ ni tamɔ gwantɛŋi lɛ, kɛ mɛi krokomɛi ni atee amɛ shi kɛba wala mli yɛ shikpɔŋ nɔ lɛ akpekpei akpei babaoo lɛ boteɔ jɔɔmɔi ni bɛ naagbee mli yɛ nakai Mesia maŋtsɛyeli lɛ shikpɔŋ nɔ nɔyelihe lɛ mli lɛ.—Mat. 25:34; Kpoj. 20:12, 13.
12. Te encyclopedia ko etsɔɔ Millennium Ioo afii akpe lɛ mli eha tɛɛŋ?
12 Hiɛnɔkamɔ ni tamɔ nɛkɛ he miihia adesai waa ŋmɛnɛ. Jeŋ nilelɔi jeee mɛi ni leee hiɛnɔkamɔ nɛɛ he nɔ ko. Ejaakɛ 1977 Britanica, Macropedia lɛ tsɔɔ afii akpe lɛ mli nɛkɛ: “Nɛkɛ afii 1,000 be, ni ale akɛ Millennium lɛ ji be ni abuɔ no akɛ be mli ni toiŋjɔlɛ, heyeli kɛmiijɛ efɔŋ mli, kɛ jalɛ nɔyeli ni baaba shikpɔŋ nɔ ni gbɔmɔ shweɔ lɛ aaaba mli yɛ naagbee kɛtsɔ Nyɔŋmɔ hewalɛ nɔ. . . . millennialism loo afii akpe hemɔkɛyeli lɛ kɔɔ adesa weku lɛ shikpɔŋ ni gbɛkpamɔi ahe. . . . millennialism loo afii akpe hemɔkɛyeli lɛ bɔɔ mɔdɛŋ ni eha sanebimɔi ni tamɔ enɛɛmɛi ahetoo yɛ mfonirifeemɔ ni mli ka shi faŋŋ mli: Te jeŋ nɛɛ naagbee kwraa lɛ baaji aha tɛɛŋ? Ani adesai baanyɛ aha naanɔ lamɔ ni kɔɔ paradeiso shikpɔŋ ni aaahi nɔ lɛ he lɛ aba mli, aloo abaakpata gbɔmɛi fɛɛ ahiɛ yɛ la amanehulu ko ni amɛ diɛŋtsɛ amɛ buulufeemɔ loo Nyɔŋmɔ kojomɔ kɛbaaba amɛnɔ lɛ mli?”—Niŋmaai ni atsɔmɔ lɛ ji wɔ nɔ̃.
13. (a) Ani oheɔ oyeɔ akɛ ebaafite shikpɔŋ lɛ yɛ “la amanehulu” ko mli? Mɛni hewɔ ohaa hetoo nakai? (b) Mɛni ji Nyɔŋmɔ shishijee yiŋtoo kɛha shikpɔŋ lɛ?
13 Kɛha encyclopedia ŋmalɔi kɛ Nyɔŋmɔjamɔ mli hiɛnyiɛlɔi ni bɛ hemɔkɛyeli lɛ, nɛkɛ sanebimɔi nɛɛ baanyɛ afee woloŋlee he saji ni yɔɔ miishɛɛ kɛkɛ. Shi kɛha gbɔmɛi babaoo ni yɔɔ tsuijurɔ yɛ shikpɔji fɛɛ nɔ lɛ amɛji ŋmɛnɛŋmɛnɛ beaŋ naagbai ni yɔɔ diɛŋtsɛ ni amɛhe sane he hiaa amɛ waa. Yehowa Odasefoi ená nɛkɛ sanebimɔi nɛɛ ahetoo yɛ Biblia lɛ mli. Kɛha amɛ lɛ, hiɛnɔkamɔ akɛ amɛaahi shi kɛya naanɔ “yɛ shikpɔŋ nɔ paradeiso mli” lɛ jeee “naanɔ lamɔ.” Nakai hiɛnɔkamɔ lɛ yɛ shishitoi ni ji anɔkwale, ni damɔ Biblia mli nilee ni ji anɔkwale lɛ nɔ. Hebri kɛ Hela Ŋmalɛi lɛ fɛɛ tsɔɔ akɛ Nyɔŋmɔ eŋmɛŋ gbɛ ni efɔŋfeelɔi afite shikpɔŋ lɛ “yɛ la amanehulu mli.” (Kpoj. 11:18; Yes. 45:18) Ni nakai nɔŋŋ lɛ diɛŋtsɛ hu efiteŋ shikpɔŋ lɛ. (Lala 104:5) Beni ebɔ gbɔmɔ ni ekɛ lɛ to paradeiso lɛ fa ko mli Iɛ, Nyɔŋmɔ jie E-yiŋtoo akpo etsɔɔ lɛ, ni ji akɛ, koni gbɔmɔ “aye” shikpɔŋ lɛ nɔ kɛtsɔ paradeiso shihilɛi ni eeelɛɛ mli kɛbɔle jeŋ fɛɛ ni amɛyi “shikpɔŋ lɛ nɔ obɔ [jeee ni eteke nɔ],” kɛ hii kɛ yei ni ji jalɔi ‘ni abɔ amɛ yɛ Nyɔŋmɔ subaŋ nɔ.’—1 Mose 1:26-28;
14. Yɛ mɛɛ gbɛ nɔ afii ekpe hiɛnɔkamɔ Iɛ kɛ Nyɔŋmɔ “naanɔ yiŋ ni eto” Iɛ yaa pɛpɛɛpɛ?
14 Enɛ ka he eji Nyɔŋmɔ “suɔmɔnaa nii,” ni kɛtsɔ e-Mesia maŋtsɛyeli lɛ nɔ lɛ, aaafee “yɛ shikpɔŋ nɔ taakɛ afeɔ yɛ ŋwɛi lɛ.” (Mat. 6:10, JB) Biblia mli sane muu lɛ tsɔɔ ni ŋwanejee ko kwraa bɛ he akɛ Nyɔŋmɔ eŋmɛko eshishijee yiŋtoo lɛ he. (Yes. 46:9, 10) Millennium, aloo Kristo afii 1,000 nɔyeli lɛ kɛ, Nyɔŋmɔ “naanɔ yiŋ ni eto,” ni efa ji ni “eŋɔ nibii fɛɛ eto yitso kome shishi yɛ Kristo mli, nii ni yɔɔ ŋwɛi kɛ nii ni yɔɔ shikpɔŋ lɛ nɔ lɛ fɛɛ, yɛ emli” lɛ yaa pɛpɛɛpɛ. (Efe. 3:11; 1:8-10) Yɛ gbɛ kroko nɔ lɛ, afii akpe lɛ jeee oti lɛ diɛŋtsɛ; eji shishijee kɛkɛ, Nyɔŋmɔ shishijee yiŋtoo kɛha shikpɔŋ lɛ he nitsumɔ.
EJEEE “HELOO GBƐFAŊ NIBII ATAOMƆ HE LAMƆ”
15, 16. Te Katolek osɔfo ko etsɔɔ afii akpɛ hiɛnɔkamɔ lɛ mli eha tɛɛŋ, shi mɛni ji nɔ ni eka shi faŋŋ akɛ ehiɛ ekpa nɔ?
15 Nyɔŋmɔjamɔ mli henyɛlɔi lɛ yeɔ Yehowa Odasefoi ahe fɛo yɛ afii akpe hiɛnɔkamɔ lɛ he shiɛmɔ lɛ hewɔ. Shi nɛkɛ hefɛoyelɔi nɛɛ kɛ miishɛɛ babaoo sumɔɔ akɛ amɛaaloo mɛi kpakpai fɛɛ kɛaaya ŋwɛi ni amɛkɛ mɛi fɔji lɛ aya naanɔ piimɔ mli yɛ hell-la mli koni amɛshi shikpɔŋ lɛ kwraa ni ebɛ Nyɔŋmɔ “naanɔ yiŋ ni eto” lɛ mli dɔŋŋ. Akɛ nɔkwɛmɔ nɔ lɛ, Frenchnyo Dominican osɔfo H. C. Chéry, ni ehe gbɛi akɛ mɔ ni wieɔ eshiɔ Yehowa Odasefoi waa lɛ tsɛɔ paradeiso he hiɛnɔkamɔ ni áku sɛɛ akɛba shikpɔŋ nɔ ekoŋŋ lɛ akɛ, “heloo gbɛfaŋ nibii ataomɔ he lamɔ.”
16 Klɛŋklɛŋ lɛ, esa akɛ akai nɛkɛ Katolek osɔfo nɛɛ akɛ Katolek Sɔlemɔ lɛ ewieko eshiko afii akpe hiɛnɔkamɔ lɛ dã aloo ni amɛaatsɔɔ mli akɛ eji musubɔɔ wiemɔ. Enɛ bɛ naakpɛɛ, ejaakɛ hiɛnɔkamɔ nɛɛ damɔ Biblia lɛ nɔ ni “Sɔlemɔ lɛ mli Onukpai” lɛ ateŋ klɛŋklɛŋbii lɛ kɛ mɛi ni ehe gbɛi waa lɛ ateŋ mɛi babaoo bu enɛ akɛ eji “Kristofoi ahemɔkɛyeli lɛ mli tsɔɔmɔi ni he hiaa lɛ ateŋ ekome.” Ani Polycarp, Papias, Irenaeus, Justin Martyr kɛ Tertullian hu ji ‘heloo gbɛfaŋ nibii ataomɔ he lalɔi’?
17. Mɛni hewɔ mɔ ko mɔ ko nyɛŋ afolɔ Yehowa Odasefoi anaa yɛ gbɛ ni ja nɔ akɛ amɛji ‘heloo gbɛfaŋ nibii ataomɔ he lalɔi’ lɛ?
17 Eji anɔkwale akɛ mɛnɛɛmɛi ateŋ mɛi komɛi kɛ mɛi krokomɛi gbe afii akpe hiɛnɔkamɔ lɛ he guɔ yɛ sɛɛ mli, kɛtsɔ to ni amɛkɛ afii akpe lɛ mli jɔɔmɔi ni agba afɔ shi lɛ to heloo naa akɔnɔi ahe lɛ hewɔ, aloo bɔni amɛkɔ̃dɔ̃ eshishinumɔ Iɛ amɛkɛ to kwasafoŋ kɛ maŋkwramɔŋ he po lɛ hewɔ. Shi mɔ ko mɔ ko bɛ ni baanyɛ afolɔ Yehowa Odasefoi anaa yɛ anɔkwale mli akɛ amɛmiifee enɛ ŋmɛnɛ. Ŋmɛnɛ po, yɛ jeŋ ni diɔ miishɛɛ sɛɛ nɛɛ mli lɛ, nɛkɛ Kristofoi nɛɛ miiwuu hemɔkɛyeli he ta waa amɛshi heloo gbɛfaŋ nibii asɛɛdii kɛ miishɛɛ nibii asɛɛdii yɛ amɛ diɛŋtsɛ amɛshihilɛ mli kɛ agbɛnɛ yɛ amɛ asafoi amli. Amɛmaa mumɔŋ nibii ni jara wawai lɛ anɔ mi. Amɛle jogbaŋŋ akɛ kɛji akɛ heloo gbɛfaŋ nibii asɛɛdii ye mɔ ko nɔ kunim yɛ “naagbee be” nɛɛ mli lɛ, amɛnaŋ afii akpe lɛ kɔkɔɔkɔ (Luka 21:34-36; Dan. 12:4) Agbɛnɛ hu amɛbɛ hiɛnɔkamɔ ko akɛ amɛkɛ afii akpe lɛ aaaba kɛtsɔ adesa kwasafoŋ tsakemɔi agbɛjianɔtooi anɔ. Amɛkɛ amɛhe fɔɔ he ni Nyɔŋmɔ kɛ ehe aaawo mli kwraa kɛtsɔ e-Mesia maŋtsɛ lɛ nɔ lɛ nɔ. Nɛkɛ “maŋtsɛmɛi a-Maŋtsɛ” nɛɛ baanyiɛ ŋwɛi tabilɔi lɛ ahiɛ ni amɛwu ni amɛha efɔŋfeemɔ fɛɛ ni yɔɔ shikpɔŋ lɛ nɔ lɛ aba naagbee.—Kpoj. 19:11–20:3.
PARADEISO—MUMƆŊ KƐ HELOO NAA
18. Mɛɛ gbɛ nɔ wɔɔkpa gbɛ akɛ mumɔŋ paradeiso Iɛ aaaya hiɛ lolo yɛ afii akpe be lɛ mli?
18 Yehowa Odasefoi yɛ mumɔŋ paradeiso lɛ mli momo. Agbɛnɛ hu, amɛkɛ hekɛnɔfɔɔ miikpa be mli ni amɛaatsɔmɔ mɛi ni diɔ mumɔŋ nibii asɛɛ kwraa yɛ Kristo nɔyeli afii 1,000 lɛ mli fɛɛ lɛ gbɛ, yɛ be mli ni ‘aaagbele’ okadi “woji” ni jieɔ Nyɔŋmɔ taomɔnii lɛ akpo lɛ anaa lɛ.—Kpoj. 20:12.
19. Mɛni hewɔ ni afii akpe lɛ baabi he ni akɛaasha afɔle babaoo kɛ nitsumɔ ni wa lɛ?
19 Yɛ ŋmalɛi lɛ ni wieɔ Kristo afii akpe lɛ he lɛ akanemɔ jogbaŋŋ (ákɛ nɔkwɛmɔ nɔ lɛ Kpojiemɔ 20:11–21:8) hewɔ lɛ, Yehowa Odasefoi le akɛ afii akpe lɛ baabi afɔle babaoo ni mɛi ni yɔɔ shikpɔŋ lɛ he hiɛnɔkamɔ lɛ kɛ amɛhe baashã. Nitsumɔ babaoo yɛ ni abaatsu ni akɛsaa shikpɔŋ lɛ nɔ ni eha enɔ afee fɛo, shi amɛkɛ pɛsɛmkunya esaŋ paradeiso shihilɛi lɛ kɛhaŋ amɛ diɛŋtsɛ amɛhe kɛ amɛwekui. Yɛ anɔkwale mli lɛ Kristo afii 1,000 nɔyeli lɛ ji kojomɔa “gbi” kɛha mɛi ni jeɔ “Nyɔŋmɔ ofe lɛ gbi wulu lɛ nɔ ta” ni kɛ oyaiyeli baa lɛ mli lɛ (Bɔf. 17:30, 31; Kpoj. 16:14, 16) ; eji kojomɔ gbi hu kɛha gbohii akpekpei abɔ ni abaatee amɛ shi ni adamɔ nii ni amɛbaatsu yɛ paradeiso shikpɔŋ lɛ nɔ lɛ nɔ akojo amɛ lɛ. (Yoh. 5:28, 29; Luka 23:42, 43) Ehe baahia ni mɛi ni yɔɔ wala mli yɛ Mesia lɛ afii akpe nɔyeli lɛ shishi lɛ kɛ jalɛ gbɛi atsɔse gbɔmɛi babaoo ni anyɛŋ akane amɛ ni abaatee amɛ shi nɛɛ yɛ gbɛ ni pɛsɛmkunya bɛ mli nɔ. (Okɛto Yesaia 11:1-9 he.) Dabi, jeee “heloo gbɛfaŋ nibii ataomɔ he lamɔ” nɛ! Ebaabi nitsumɔ babaoo ni wa, agbɛnɛ hu, yɛ mumɔŋ ŋɛlɛ nɔ.
20. Mɛni baaba beni afii 1,000 lɛ eba naagbee lɛ, ni mɛɛ gbɛkpamɔ ka shi kɛha anɔkwafoi lɛ?
20 Nɔ ni fata he lɛ, afii akpe lɛ baafee shishijee kɛkɛ. Yɛ naagbee kaa lɛ sɛɛ lɛ, yɛ be mli ni afii 1,000 lɛ eba naagbee lɛ, akɛ nakai hii kɛ yei ni hi shi akɛ anɔkwafoi amɛha Nyɔŋmɔ jeŋ muu fɛɛ maŋtsɛyeli lɛ baabote naanɔ wala mli yɛ paradeiso shikpɔŋb lɛ nɔ.—1 Kor. 15:24-28; Kpoj. 20:7-10.
HIƐNƆKAMƆ NI BAANYƐ ATSƆ ONƆ̃
21, 22. (a) Yehowa Odasefoi yɛ miishɛɛ akɛ amɛaafee mɛni yɛ be fɛɛ mli? (b) Mɛni ji amɛhiɛnɔkamɔ kɛha wɔsɛɛ be ni ebɛŋkɛ lɛ?
21 Enɛ ji hiɛnɔkamɔ ni amrɔ nɛɛ Yehowa Odasefoi Kristofoi fe 2,000,000 ni yɔɔ shikpɔji fe 200 nɔ lɛ yɔɔ. Ehe shi jogbaŋŋ yɛ amɛ jwɛŋmɔi kɛ amɛtsuii amli babaoo akɛ amɛyɛ he miishɛɛ yɛ be fɛɛ mli akɛ amɛbaana hetoo amɛha mɔ fɛɛ mɔ ni biɔ ‘hiɛnɔkamɔ ni yɔɔ amɛmli lɛ shishi lɛ.—1 Pet. 3:15.
22 Kɛjɛ 1914 kɛbaa nɛɛ, jeŋ saji ni haa Biblia mli gbalɛ baa mli lɛ tsɔɔ akɛ “naagbee be” lɛ mli wɔyɔɔ nɛɛ, ni ákɛ “amanehulu babaoo” ni eko bako nakai da lɛ ebɛŋkɛ. (Dan. 12:1-4; Mat. 24:3-21) Akɛ yibaamɔ kɛmiitsɔ nakai “amanehulu kpeteŋkpele” lɛ mli lɛ he shiwoo eha “mɛi ni ahala amɛ” lɛ ateŋ shwɛɛnii lɛ kɛ amɛnanemɛi ni ji “asafo babaoo” lɛ. (Mat. 24:22; Kpoj. 7:9, 10, 14) Yɛ no sɛɛ lɛ abaaha amɛ afii akpe hiɛnɔkamɔi lɛ aba mli. Ani oheɔ enɛ oyeɔ? “Shi nɔhiɛkamɔ Nyɔŋmɔ lɛ kɛ miishɛɛ kɛ hejɔlɛ fɛɛ awo nyɛ obɔbɔɔbɔ yɛ hemɔkɛyeli mli, koni nyɛna hiɛnɔkamɔ ni ateke nɔ.”c—Rom. 15:13.
[Shishigbɛ niŋmai]
a Kwɛmɔ yitso 7, “Nɔ Ni Abaakpa Gbɛ Kɛjɛ Kojolɔi Adɛŋ Afii Akpe ni yɔɔ God’s Kingdom of a Thousand Years Has Approached ni Watch Tower Bible and Tract Society fee ni atsɔɔ shishi yɛ Buu-Mɔɔ lɛ mli yɛ July 1,1981 nɔ lɛ baafa 19.
b Kɛha emlitsɔɔmɔ lolo lɛ ofainɛ kɔnemɔ wolo, Life Does Have a Purpose ni Watch Tower Bible and Tract Society fee lɛ, kɛjɛ yitsei 12 kɛyashi 16.
c (Ajie kɛjɛ April 15, 1981 Blɔfo Buu-Mɔɔ lɛ mli)
[Mfoniri ni yɔɔ baafa 14]
Abaatsɔɔ mɛi ni abaatee amɛ shi lɛ jalɛ gbɛi yɛ Mesia lɛ afii akpe nɔyeli Iɛ shishi