• Mɛni Baawa Bo Ni Oya Nɔ Okase Biblia Lɛ?
    Oyi Aná Wala Kɛya Naanɔ!—Biblia Kasemɔ Ni Baafee Sanegbaa

    • 4. Hã Biblia lɛ ni okaseɔ lɛ afee nɔ ko ni he hiaa bo waa

      Bei komɛi lɛ, ekolɛ, wɔbaanu he akɛ wɔbɛ dekã kwraa, ni no hewɔ lɛ, wɔnáŋ be ni fa kɛkase Biblia lɛ. Mɛni baawa wɔ? Nyɛkanea Filipibii 1:10 lɛ, ni nyɛsusua sanebimɔi nɛɛ ahe:

      • Mɛni ji nibii ni osusuɔ akɛ ‘amɛhe hiaa waa’ yɛ shihilɛ mli lɛ ekomɛi?

      • Te ooofee tɛŋŋ ohã Biblia lɛ ni okaseɔ lɛ afee nɔ ko ni he hiaa bo waa lɛ?

      A. Mfonirii ni ato naa: Mfonirii ni miitsɔɔ tɛi kɛ shia ni akɛmiiwo goga ko mli. 1. Shia kɛ tɛi agboi. 2. Goga ni akɛ shia ewo mli ni eshwɛ fioo ni ebaayi. 3. Akɛ tɛi agboi lɛ eko eshwie shia lɛ nɔ yɛ goga lɛ mli, ni eshwɛ tɛi lɛ eko jwere shi. B. Mfonirii ni ato naa: 1. Shia kɛ tɛi agboi lɛ nɔŋŋ. 2. Nakai goga lɛ nɔŋŋ ni akɛ tɛi agboi ewo mli ni eshwɛ fioo ni ebaayi. 3. Akɛ shia ewo tɛi agboi lɛ ahe, ni eyi goga lɛ. Eshwɛ shia lɛ fioo yɛ goga lɛ masɛi.

      1. Kɛ́ okɛ shia wo goga mli ni obɔ mɔdɛŋ akɛ okɛ tɛi baafata he lɛ, tɛi lɛ fɛɛ eyaŋ mli

      2. Kɛ́ okɛ tɛi lɛ wo mli klɛŋklɛŋ lɛ, no lɛ, gbɛ baahi mli bɔ ni obaanyɛ okɛ shia lɛ pii awo mli. Nakai nɔŋŋ kɛ́ okɛ “nibii ni he hiaa waa lɛ” ye klɛŋklɛŋ gbɛhe yɛ oshihilɛ mli lɛ, obaanyɛ otsu amɛhe nii, ni obaaná be kɛfee nibii krokomɛi hu

      Biblia lɛ ni wɔkaseɔ lɛ tsɔɔ akɛ, wɔnuɔ he akɛ Nyɔŋmɔ he miihia wɔ, ni tsɔɔ akɛ, wɔmiisumɔ ni wɔle Nyɔŋmɔ ni wɔjá lɛ. Nyɛkanea Mateo 5:3 lɛ, ni nyɛsusua sanebimɔ nɛɛ he:

      • Mɛɛ sɛɛ wɔnáa kɛ́ wɔhã Biblia lɛ ni wɔkaseɔ lɛ fee nɔ ko ni he hiaa wɔ waa?