Yitso 18

“Mlakwamɔ Gbɔmɔ” Lɛ Hiɛkpatamɔ

 1. Mɛni hewɔ ŋmɛnɛ ji be ni gbɔmɛi babaoo biɔ ni toiŋjɔlɛ aba majimaji ateŋ fe be fɛɛ lɛ?

¹ BE KO bako nɛkɛ da ni adesai babaoo ebi ni toiŋjɔlɛ aba jeŋmaji lɛ ateŋ. Eka shi faŋŋ akɛ ejɛ “nuklea yinɔ” ni wɔyɔɔ mli lɛ hewɔ ni kɛbashi amrɔ nɛɛ maji ni etee hiɛ ni naa shɛɔ enumɔ yɛ nɛkɛ nuklea okplɛmii nɛɛ eko ni maji babaoo hu miibɔ mɔdɛŋ ni amɛnine ashɛ teemɔŋ sane ni kɔɔ efeemɔ he lɛ nɔ. Nuklea okplɛmii nɛɛ miiwo adesai ahe gbeyei ni jeee kɛmiijɛ hei ni abaanyɛ atswa kɛjɛ yɛ shikpɔŋ gbiŋ nɔ kɛkɛ shi moŋ kɛmiijɛ ŋshɔ shishi tawuu lɛji ni tswaa osramaŋi amli.

 2. Mɛɛ nifeemɔi ni ekaaa kɛha majimaji ateŋ toiŋjɔlɛ ji nɔ ni wɔyeɔ he odase ŋmɛnɛ?

² Ejeee nɔ ko ni yɔɔ naakpɛɛ mɔ, akɛ, aaana maŋkwramɔŋ nɔyelɔi ni miibɔ mɔdɛŋ yɛ anɔkwale mli akɛ amɛaatsi nuklea ta ni ji klɛŋklɛŋ nɔ̃ lɛ naa. Yɛ nuklea hiɛkpatamɔ diɛŋtsɛ ni ka jeŋ nɔyelɔi ahiɛ hewɔ lɛ, amɛbɔɔ mɔdɛŋ akɛ amɛaajie su ni tsɔɔ mɔ he susumɔ kpo. Atsɔ gbɛi sɔrɔtoi anɔ koni aŋmɛɛ saji ahe akɛsaa bɔni afee ni akɛ toiŋjɔlɛ aba maji ni kɛ amɛhe yeee lɛ ateŋ. Aanu he akɛ esa akɛ abiɔ mɔdɛŋ fɛɛ ni aaanyɛ bɔni afee ni ana wɔsɛɛ be ko ni toiŋjɔlɛ yɔɔ mli. “Toiŋjɔlɛ kɛha yinɔ ko” he hiɛnɔkamɔ ni hiɔ shi. Yɛ kpee ko ni maji nyɔŋmai etɛ kɛ ejwɛ fee yɛ 1973 ni kɔɔ Europa Shweshweeshwe Shihilɛ kɛ Ekomefeemɔ he lɛ jieɔ majimaji ateŋ henumɔ yɛ sane lɛ he lɛ kpo. Yiŋtoo lɛ ji ni aku majimaji ateŋ mlakwamɔ naa!

 3. (a) Jeŋ saji ni yaa nɔ bianɛ lɛ tamɔ nɔ ni eeshɛ he ko ni abaanu mɛɛ bolɔmɔ ni akɛbaajie he yi lɛ he? (b) Kɛkɛ lɛ namɔ egbi baashɛ lɛ, ni mɛni hewɔ ebaaha mɛi ni bolɔɔ lɛ anaa akpɛ amɛhe lɛ?

³ Bɔ ni nibii yaa nɔ yɛ je lɛ mli lɛ bafeɔ tamɔ eebote shihilɛ ko ni baaha adesai ni kudɔɔ saji abolɔ kɛ nyamɔ ni amɛjie amɛhe amɛhe yi akɛ “hejɔlɛ yɛ ni wɔyɛ shweshweeshwe!” Kɛji nakai shihilɛ lɛ shɛ yɛ Jeŋmaji Ekomefeemɔ kpee lɛ nɔkpɛlɛmɔ ŋmlɔ shishi lɛ, ani no tsɔɔ “toiŋjɔlɛ kɛha adesai ayinɔ” lɛ shishijee? Biblia mli gbalɛ yɛ nɔ ko kɛɛmɔ yɛ sane lɛ he. Eyɛ babaoo kɛɛmɔ yɛ nibii ni baaba yɛ bei kɛ yinɔi lɛ amli lɛ he, ejaakɛ, Biblia lɛ Feelɔ, kɛ adesai Abɔlɔ lɛ, ji Be-Bulɔ. Egbi lɛ baashɛ! Nɔ ni tamɔ omanye ni majimaji ateŋ maŋkwramɔ eye yɛ “toiŋjɔlɛ kɛ shweshweeshwe shihilɛ” ni etswa ema shi agbɛnɛ yɛ naagbee lɛ tsiŋ E-gbi lɛ etoŋ. Jeee adesai to Egbi lɛ. Gbɛjianɔ ni amɛto kɛha majimaji ateŋ toiŋjɔlɛ, ni no nɔ amɛdamɔɔ ni amɛnuɔ he akɛ esa akɛ amɛbolɔ akɛ “Hejɔlɛ yɛ ni wɔyɛ shweshweeshwe” lɛ baafee okadi ni agba afɔ shi akɛ be eshɛ ni E-gbi lɛ baapue. Nɔ ni ekɛbaa lɛ baaha adesai anaa akpɛ amɛhe. Amɛnaa baakpɛ amɛhe ejaakɛ amɛheko nɔ ni egba yɛ e-Wiemɔ lɛ mli kɛ nɔ ni edasefoi lɛ shiɛɔ lɛ amɛyeko.

 4. Mɛni Paulo ŋma eklɛŋklɛŋ aha Tesalonika Kristofoi lɛ ni kɔɔ be ni aaaboIɔ akɛ “HHHHHejɔIɛ yɛ ni wɔyɛ shweshweeshwe!” lɛ he?

⁴ Afii ohai babaoo ni eho nɛ lɛ, mɛi hi shi ni miitao E-mumɔ naa gbalɛ Wiemɔ lɛ mli kɛ miikwɛ E-gbi lɛ baa lɛ gbɛ. Afii ohai nyɔŋma kɛ nɛɛhu ni eho lɛ, bɔfo Paulo ŋma wolo eyaha Kristofoi asafo hee ni ato yɛ Tesalonika kɛ Makedonia lɛ ni ekɛɛ nakai Biblia mlibotelɔi lɛ akɛ: “Shi bei lɛ kɛ yinɔi lɛ ahewɔ lɛ, anyɛmimɛi, ehiaanyɛ akɛ aŋmaanyɛ. Ejaakɛ nyɛ diɛŋtsɛ nyɛle krɛdɛɛ akɛ Nuŋtsɔ lɛ gbialɛ baaba tamɔ julɔ baa nyɔɔŋ lɛ. Ejaakɛ be mli ni amɛaakɛɛ akɛ: ‘Hejɔlɛ yɛ ni wɔyɛ shweshweeshwe lɛ!’ no mli nɔŋŋ hiɛkpatamɔ aaabatua aamɛ trukaa tamɔ kɔɔmɔ tuaa yoo ni musu eda lɛ, ni amɛjeŋ mli kɔkɔɔkɔ. Shi, anyɛmimɛi, nyɛ lɛ nyɛbɛ duŋ mli, ni gbi lɛ aaabatinyɛ shi tamɔ julɔ. Ejaakɛ nyɛ fɛɛ lɛ, la bii ji nyɛ kɛ shwanebii hu: Wɔjee nyɔɔŋ aloo duŋ bii. Belɛ no hewɔ lɛ nyɛkahaa wɔmiiwɔa tamɔ mɛi ni eshwɛ lɛ, shi moŋ nyɛhaa wɔshia kpe ni wɔhiɛ akaa shi.”​—1 Tesalonikabii 5:​1-6.

 5. (a) Paulo ŋma eklɛŋkIɛŋ wolo lɛ eyaha Tesalonika Kristofoi lɛ yɛ mɛɛ be ni Yesu gba mɛni yɛ he lɛ teŋ gbɛ? (b) Shi kɛ̃lɛ, amɛteŋ mɛi komɛi susu akɛ mɛni ebɛŋkɛ, ni mɛni amɛtao akɛ amɛnine aaashɛ nɔ?

⁵ Bɔfo Paulo ŋma nakai klɛŋklɛŋ wolo lɛ eyaha asafo ni yɔɔ Tesalonika, Makedonia lɛ, aaafee afi 50 Ŋ.B. Enɛ ji kɛjɛ afi 33 Ŋ.B. kɛyashi 70 Ŋ.B. lɛ teŋ gbɛ, be ni Yesu Kristo wie he yɛ egbalɛ lɛ mli yɛ Mu Gɔŋ lɛ nɔ akɛ nɔ ni baakadi lɛ ji “tai kɛ tai atatsii,” ejaakɛ “maŋ baate shi awo maŋ ni maŋtsɛyeli hu baate shi awo maŋtsɛyeli” yɛ nakai be lɛ mli. Nɔ fɛɛ nɔ baanyɛ aba, ja toiŋjɔlɛ be. (Mateo 24:​4-7) Shi kɛ̃lɛ, yɛ afi ni nyiɛ be mli ni Paulo ŋma eklɛŋklɛŋ wolo lɛ sɛɛ kɛbaa lɛ mli lɛ, Kristofoi ni yɔɔ Tesalonika lɛ ateŋ mɛi komɛi ŋmɛɛ amɛhe amɛha jwɛŋmɔ ni ahiɛ akɛ “Nuŋtsɔ [Yehowa] gbi lɛ eshɛ eta” lɛ. Shi kɛ̃lɛ, odaseyeli ko bɛ ni tsɔɔ akɛ yɛ nakai be lɛ mli lɛ, 50/51 Ŋ.B. lɛ, mɛi ni yeɔ nɔ yɛ nakai belɛ mli lɛ miikɛɛ akɛ, “Hejɔlɛ yɛ ni wɔyɛ shweshweeshwe!” wiemɔ ni Paulo etsɔ hiɛ eŋma yɛ eklɛŋklɛŋ wolo lɛ mli akɛ ebaatsɔ ‘hiɛkpatamɔ ni baa trukaa’ ni baaba mɛi ni biɔ toiŋjɔlɛ yɛ je lɛ mli lɛ anɔ lɛ hiɛ lɛ. Tesalonika Kristofoi lɛ miitsɔ haomɔ be mli yɛ amɛyi ni jamɔ mli shitee-kɛ-wolɔi wala lɛ hewɔ, ni amɛmiisumɔ ni abua amɛnaa amrɔ nɔŋŋ kɛya ŋwɛi ni amɛkɛ Nuŋtsɔ Yesu Kristo ayahi shi ni amɛje haomɔ mli.

 6, 7. Akɛni ehe miihia ni amɛtsɔɔ amɛ-hemɔkeyeli yɛ yiwaa shishi hewɔ lɛ mɛni Paulo ŋma eyaha nakai Tesalonikabii lɛ?

⁶ No hewɔ lɛ, aaafee afi 51 Ŋ.B. lɛ, bɔfo Paulo na akɛ ehe miihia ni eŋma wolo kroko eyaha Tesalonika Kristofoi lɛ bɔni afee ni eha amɛŋmɛ pɛpɛɛpɛ yɛ mumɔŋ. Etsɔɔ akɛ eyɛ miishɛɛ yɛ amɛ tsuishiŋmɛɛ kɛ hemɔkɛyeli yɛ yiwaa kɛ haomɔ shishi lɛ he, ni ekɛɛ akɛ: “Enɛ ji Nyɔŋmɔ jalɛ kojomɔ lɛ he okadi ni haa abuɔnyɛ akɛ nyɛsa Nyɔŋmɔ maŋtsɛyeli ni nyɛnaa amanehulu yɛ he lɛ.” Ewooo amɛ shi akɛ etsɛŋ ni abaajie haolɔi lɛ kɛjɛ amɛhe, shi moŋ ekɛ enine tsɔɔ “Yesu Kristo kpojiemɔ kɛmiijɛ ŋwɛi kɛ ebɔfoi hewalɔi lɛ fɛɛ” lɛ nɔ. Akɛni ele akɛ esa akɛ amɛya nɔ amɛtsɔɔ amɛ Kristofoi ahemɔkɛyeli yɛ shihilɛ ni mli wawai ashishi hewɔ lɛ, ekɛɛ akɛ:

⁷ “Enɛ hewɔ hu ni wɔsɔleɔ daa wɔhaa nyɛ koni wɔ-Nyɔŋmɔ lɛ aha nyɛsa tsɛmɔ lɛ, eha emlihilɛ taomɔ nii lɛ fɛɛ kɛ hemɔkɛyeli nitsumɔ lɛ ayi obɔ yɛ hewalɛ mli, bɔni afee ni awo wɔ Nuŋtsɔ Yesu Kristo gbɛi lɛ hiɛ nyam yɛ nyɛmli, ni nyɛ hu nyɛhiɛ aba nyam yɛ emli, yɛ wɔ Nyɔŋmɔ lɛ kɛ wɔ Nuŋtsɔ Yesu Kristo duromɔ lɛ naa.”​—2 Tesalonikabii 1:​5-12.

 8. Bɔni afee ni nɔ ni amɛkpaa gbɛ lɛ akafee yaka yɛ Yerusalem hiɛkpatamɔ ni baa lɛ he Iɛ, Paulo bi ni amɛkahao amɛhe yɛ mɛɛ jwɛŋmɔ he?

⁸ Shikpɔŋ nɔ Yerusalem hiɛkpatamɔ (yɛ afi 70 Ŋ.B.) miibɛŋkɛ, yɛ nakai yinɔ lɛ mli, ni bɔfo Paulo sumɔɔɔ ni Tesalonika Kristofoi lɛ anine anyɛ shi yɛ amɛgbɛkpamɔi ni bɛ mli lɛ mli dani Yudafoi amaŋ lɛ amanehulu lɛ aha aloo yɛ esɛɛ amrɔ nɔŋŋ. Akɛni ena akɛ ehe miihia ni ejaje amɛjwɛŋmɔ hewɔ lɛ, ebaanyɛ eya nɔ ni eŋma akɛ: “Anyɛmimɛi, yɛ wɔ Nuŋtsɔ Yesu Kristo ba ni eba [Hela, parousia] lɛ kɛ wɔnaa ni abaabua yɛ eŋɔɔ lɛ hewɔ akɛ nyɛkahaa ahosoa nyɛ oya kɛjɛa nyɛjwɛŋmɔ lɛ he, ni asaŋ nyɛkahaa akɛ mumɔ ko aloo wiemɔ ko aloo wolo ko ni aaakɛɛ akɛ ejɛ wɔŋɔɔ lɛ miihaoanyɛ akɛ Nuŋtsɔ [Yehowa] lɛ gbi lɛ eshɛ eta.”​—2 Tesalonikabii 2:​1, 2.

 9. Mɛni ji nɔ ni PauIo kɛɛ Tesalonikabii lɛ yɛ Kristo ba ni eba lɛ kɛ Kristofoi ni aaabua amɛnaa kɛya eŋɔɔ lɛ he yɛ eklɛŋklɛŋ wolo Iɛ mli?

⁹ Bɔfo Paulo kɛ enanemɛi maŋsɛɛ sanekpakpa shiɛlɔi Silvano (Sila) kɛ Timoteo to nakai Tesalonika asafo lɛ, ni beni ehe bahia akɛ eshi asafo lɛ, eŋma nɔ ko yɛ nɔ ni etsɛɔ lɛ “wɔ Nuŋtsɔ Yesu Kristo ba ni eba kɛ wɔnaa ni abaabua yɛ eŋɔɔ lɛ hewɔ” lɛ he yɛ klɛŋklɛŋ wolo ni eŋma eyaha amɛ lɛ mli. Yɛ 1 Tesalonikabii 4:​14-18 lɛ eŋma akɛ: “Ejaakɛ kɛ wɔheɔ wɔyeɔ akɛ Yesu gbo ni ete shi lɛ, belɛ nakai nɔŋŋ Nyɔŋmɔ baatsɔ Yesu nɔ aŋɔ mɛi ni ewɔ lɛ hu afata ehe kɛba. Ejaakɛ wɔmiikɛɛnyɛ enɛ yɛ Nuŋtsɔ lɛ wiemɔ ko naa, akɛ wɔ mɛi ni wɔhiɛ kamɔ ni baashwɛ yɛ Nuŋtsɔ lɛ baa be lɛ mli lɛ, wɔtsɔŋ mɛi ni ewɔ lɛ ahiɛ; ejaakɛ lɛ Nuŋtsɔ lɛ diɛŋtsɛ kɛ oshebɔɔ kɛ ŋwɛibɔfonukpa gbee kɛ Nyɔŋmɔ tɛtrɛmantrɛ aaajɛ ŋwɛi akpeleke shi, ni gbohii ni yɔɔ Kristo mli lɛ tsutsu baate shi, no sɛɛ lɛ wɔ mɛi ni wɔhiɛ kamɔ ni eshwɛ lɛ, aaasha wɔ kɛ amɛ fɛɛ yɛ atatui amli kɛaatee Nuŋtsɔ lɛ kpeemɔ yɛ kɔɔyɔɔ mli, ni nakai wɔ kɛ Nuŋtsɔ lɛ aaayahi shi daa. No hewɔ nyɛkɛ nɛkɛ wiemɔi nɛɛ atsea nyɛtsui aŋmɛa nyɛmli.”

10, 11. Mɛɛ bɔfo Mateo gbalɛ Iɛ mli sane ko ni kɔɔ Kristo shihilɛ he lɛ agbɛnɛ amɛjwɛŋmɔ kɛtee nɔ?

¹⁰ Yɛ amaniɛbɔɔ ni ba kɛtsɔ Paulo nɔ nɛɛ sɛɛ lɛ, no mli lɛ Mateo Sanekpakpa lɛ hu yɛ ni aaja yɛ nakai be lɛ mli. Aŋma enɛ aaafee afi 41 Ŋ.B., yɛ Hebri wiemɔ mli kɛ agbɛnɛ yɛ Hela wiemɔ ni mɔ fɛɛ mɔ le yɛ Ŋ.B. klɛŋklɛŋ afii oha lɛ mli lɛ mli. No hewɔ lɛ ebaanyɛ eba akɛ no mli lɛ agbala Tesalonika asafo lɛ jwɛŋmɔ kɛtee nɔ ni bɔfo Mateo ŋma ni kɔɔ Yesu gbalɛ ni ekɛha yɛ Mu Gɔŋ lɛ nɔ lɛ nɔ. Mateo sane lɛ kɛɔ wɔ akɛ, yɛ beni Yesu egba Yerusalem hiɛkpatamɔ (yɛ 70 Ŋ. B.) lɛ efɔ shi sɛɛ lɛ etee nɔ ekɛɛ akɛ:

¹¹ “Shi no gbii lɛ anɔ amanehului lɛ asɛɛ lɛ, etsɛŋ ni hulu aaawo duŋ, ni nyɔŋtsere kpɛŋ dɔŋŋ, ni ŋulamii aaatserɛ kɛaajɛ ŋwɛi atswia shi, ni ŋwɛi hewalɛi lɛ aaahoso. Kɛkɛ ni gbɔmɔ bi lɛ okadi lɛ aaapue yɛ ŋwɛi, ni no lɛ shikpɔŋ lɛ nɔ akutsei fɛɛ aaawo yara, ni amɛaana gbɔmɔ bi lɛ akɛ eeba yɛ ŋwɛi atatui lɛ anɔ kɛ hewalɛ kɛ anunyam babaoo. Ni eeetsu ebɔfoi lɛ kɛ tɛtrɛmantrɛ ni gbee wa, ni amɛaabua emɛi ni ahala lɛ anaa kɛaajɛ kɔɔyɔi ejwɛ lɛ nɔ, kɛaajɛ ŋwɛi naagbee he kome nɔ kɛyashi naagbee he kroko nɔ.”​—Mateo 24:​29-31.

12. (a) Ani Paulo kpa gbɛ akɛ ebaabua Kristofoi anaa kɛya Kristo ŋɔɔ yɛ ŋwɛi yɛ Yerusalem hiɛkpatamɔ lɛ sɛɛ nɔŋŋ? (b) Mɛni Paulo kai amɛ akɛ esa akɛ no aba klɛŋklɛŋ dani Yehowa hiɛkpatamɔ gbi lɛ aba?

¹² Agbɛnɛ bɔfo Paulo le akɛ Nyɔŋmɔ halamɔbii anaabuamɔ kɛtsɔ bɔfoi ni yɔɔ gbɔmɔ Bi ni awo ehiɛ nyam lɛ nɔ lɛ baŋ yɛ Yerusalem hiɛkpatamɔ yɛ nakai yinɔ lɛ mli lɛ sɛɛ nɔŋŋ, koni no aha abua Tesalonika Kristofoi lɛ anaa kɛya Nuŋtsɔ Yesu Kristo ŋɔɔ. Ele akɛ, dani “Yehowa gbi” ni kɛ hiɛkpatamɔ baa lɛ aaaba lɛ, esa akɛ nibii babaoo aba fe Yerusalem hiɛkpatamɔ ni Romabii lɛ kɛbaaba kɛ lakamɔ bolɔmɔ akɛ “hejɔlɛ yɛ ni wɔyɛ shweshweeshwe!” ni jɛ maŋkwramɔ nɔyelɔi lɛ ŋɔɔ lɛ. Bɔfo Paulo kai Tesalonika Kristofoi lɛ yɛ nɛkɛ shishijee nii nɛɛ he, yɛ nɛkɛ wiemɔi nɛɛ amli: “Nyɛkahaa mɔ ko miishishiuanyɛ yɛ gbɛ ko gbɛ ko nɔ; ejaakɛ ja Nyɔŋmɔjamɔ kwamɔ lɛ eba fɛɛ da, ni ajie esha gbɔmɔ lɛ ni ji hiɛkpatamɔ bi lɛ kpo.”​—2 Tesalonikabii 2:⁠3.

13. (a) Mɛni ji nɔ ni Paulo kɛ wiemɔ “hemɔkɛyeli kwamɔ” lɛ etsɔɔɔ? (b) Te fee tɛŋŋ ni Paulo le nɔ ni wiemɔ lɛ diɛŋtsɛ shishi ji akɛni afolɔ enaa akɛ ekwa hemɔkɛyeli lɛ hewɔ?

¹³ Aah, hɛɛ! Klɛŋklɛŋ lɛ esa akɛ Nyɔŋmɔjamɔ kwamɔ lɛ aba da. Mɛni bɔfo Paulo tsɔɔ kɛ “Nyɔŋmɔjamɔ kwamɔ” lɛ? Ani eetsɔɔ Kristofoi ahemɔkɛyeli kɛ nifeemɔ lɛ kɛkɛ ni Kristo kaselɔi lɛ aaatsĩ amɛhe kɛjɛ he kɛkɛ, ehe ni amɛaaŋmɛɛ kɛkɛ ni sane ko kɔɔɔ amɛhe nɔ ko? Dabi! Wiemɔ lɛ tsɔɔ nɔ ko ni mli wa fe nakai. Bɔfo Paulo le enɛ. Ejaakɛ lɛ diɛŋtsɛ lɛ afolɔ enaa akɛ eye Nyɔŋmɔjamɔ kwamɔ he fɔ, shi Yudafoi ni heee yeee ni afo amɛ ketia lɛ ji mɛi ni folɔ enaa nakai. No hewɔ ni beni eyaa eyasara Yerusalem yɛ naagbee kwraa lɛ, Kristofoi asafo lɛ anɔyeli kuu lɛ wo Paulo ŋaa yɛ yiŋtoo pɔtɛɛ ko hewɔ, akɛ: “Anyɛmi, kwɛmɔ Yudafoi akpei abɔ ni ehe eye nɛɛ; ni amɛ fɛɛ, mla lɛ he hiɛdɔlɔi ji amɛ. Shi ábata ohe sane áha amɛ, ákɛ otsɔɔ Yudafoi ni yɔɔ jeŋmaji lɛ ateŋ lɛ akɛ amɛkwa Mose, ni okɛɔ akɛ amɛkafolɔ amɛbii aketia, ni asaŋ amɛkanyiɛ amɛ kusum nii asɛɛ. Agbɛnɛ lɛ, te aaafee tɛŋŋ? Be fɛɛ be ni aaafee lɛ maŋ lɛ naa baakpe shi sa; ejaakɛ amɛaanu akɛ oba [Hola, e·leʹly·thas]. No hewɔ lɛ feemɔ nɔ ni wɔkɛɛo nɛɛ.” (Bɔfoi lɛ Asaji 21:​18-23) Paulo sɛɛ ni eeetsɔ eha Mose lɛ ji Nyɔŋmɔjamɔ kwamɔ yɛ Yudafoi lɛ ajwɛŋmɔi amli.

14. Mɛni ji nɔ ni shishijee Hela wiemɔ nɛɛ shishi diɛŋtsɛ ji ni mɛɛ shishinumɔi ebaná?

¹⁴ Taakɛ Hela wiemɔ ni akɛtsu nii lɛ tsɔɔ lɛ, “Nyɔŋmɔjamɔ kwamɔ” lɛ shishi diɛŋtsɛ ji, “ni aaadamɔ sɛɛ flɛŋŋ,” “hetsimɔ,” “heshigbalamɔ.” Akɛ nɔkwɛmɔ nɔ lɛ, wɔkaneɔ yɛ Luka 8:13 akɛ: “Ni kaa be mli lɛ, mɛi komɛi aaakwa hemɔkɛyeli lɛ.” “Mɛi komɛi baatse atua amɛshi hemɔkɛyeli lɛ.” (Mo) Agbɛnɛ hii Hebribii 3:12 kɛɔ akɛ: “Nyɛkwɛa ni ahia, anyɛmimɛi, koni nyɛteŋ mɔ ko akahi tsui fɔŋ ni heee yeee ni ekpale kɛjɛ Nyɔŋmɔ hiɛkalɔ lɛ he.” “Anyɛmimɛi, nyɛkwɛa ni ahia koni tsui fɔŋ ni heee yeee akahi nyɛteŋ mɔ ko mli, ni etsirɛ nyɛ ni no ha nyɛkwa Nyɔŋmɔ hiɛkalɔ lɛ jamɔ.” (Mo) “Tsui fɔŋ ni heee yeee, ni tsiɔ ehe kɛjɛɔ Nyɔŋmɔ ni hiɔ shi daa lɛ he.” (AT; Je) . No hewɔ lɛ, kɛha blema Helabii lɛ, amɛwiemɔ ni ana “Nyɔŋmɔjamɔ kwamɔ” kɛjɛ mli lɛ shishi ji “kwamɔ” aloo “shitee-kɛ-woo,” kɛ agbɛnɛ hu “shimɔ; laajemɔ.” Enɛ hewɔ ni ŋmɛnɛŋmɛnɛ beaŋ shishitsɔɔmɔi komɛi hiɛ jwɛŋmɔ ni ji “atuatsemɔ” yɛ 2 Tesalonikabii 2:3 lɛ.

15. Yɛ mɛɛ gbɛ nɔ ŋmɛnɛŋmɛnɛ beaŋ shishitsɔɔlɔi tsɔɔ akɛ asusuɔ wiemɔ “hemɔkɛyeli kwamɔ” lɛ he waa?

¹⁵ Akɛ nɔkwɛmɔ lɛ, Roma Katolek JerusaIem Bible lɛ kaneɔ akɛ: “Enyɛŋ eba kɛyashi Shitee-Kɛ-Woo kpeteŋkpele lɛ aaaba, ni atuatselɔ lɛ, Mɔ ni Elaajeɔ lɛ aaapue da.” An American Translation kaneɔ akɛ: “Ejaakɛ ebaŋ kɛyashi atuatsemɔ lɛ aaaba ni Toigbele gbɔmɔ lɛ aaapue​—mɔ ni abu lɛ fɔ aha hiɛkpatamɔ lɛ.” Revised Standard Version lɛ kaneɔ akɛ: “Ejaakɛ nakai gbi lɛ baŋ, ja atuatsemɔ lɛ eba klɛŋklɛŋ ni ájie mlakwamɔ gbɔmɔ kɛ kpo, hiɛkpatamɔ bi lɛ.” Moffatt kaneɔ akɛ: “Ebaŋ ja Atuatsemɔ lɛ eba klɛŋklɛŋ da, kɛ Mlakwamɔ lɛ kpojiemɔ, Mɔ ni ato lɛ aha hiɛkpatamɔ lɛ.” Ni The New English Bible lɛ kaneɔ akɛ: “Nakai gbi lɛ nyɛŋ aba ja naagbee atua ni atseɔ ashiɔ Nyɔŋmɔ lɛ eba, be mli ni abaajie efɔŋfeemɔ kpo yɛ gbɔmɔ su mli, gbɔmɔ ni abu lɛ fɔ aha hiɛkpatamɔ lɛ.” Wɔnyɛɔ wɔnaa kɛjɛɔ bɔ ni 2 Tesalonikabii 2:3 kaneɔ kɛjɛɔ shishitsɔɔmɔi sɔrɔtoi amli lɛ amli akɛ, wiemɔ, “Nyɔŋmɔjamɔ kwamɔ” lɛ tsɔɔ nɔ ko waa kɛhaa amɛ.

AKƐSHIƆ NAMƆ?

16. (a) Te wɔfeɔ tɛŋŋ wɔleɔ nɔ ni hemɔkɛyeli kwamɔ Ioo shimɔ nɛɛ jɛɔ mli baa lɛ? (b) Mɛni tsɔɔ kɛji akɛ nɛkɛ “mlakwamɔ gbɔmɔ (esha gbɔmɔ) ” nɛɛ ji gbɔmɔ aŋkro ko, ni kɛji akɛ nɛkɛ “gbɔmɔ” nɛɛ ji antikristo kɛkɛ?

¹⁶ Belɛ akɛ nɛkɛ Nyɔŋmɔjamɔ kwamɔ, shitee-kɛ-woo, nɛkɛ atuatsemɔ, nɛkɛ kwamɔ nɛɛ shiɔ namɔ? Nɛkɛ atuatsemɔi ni yaa nɔ nɛɛ mlitsɔɔmɔ lɛ feɔ lɛ faŋŋ akɛ Yehowa Nyɔŋmɔ, mɔ ni Nyɔŋmɔjamɔ kwamɔ nɛɛ baatsɔ e-Gbi lɛ hiɛ lɛ ji mɔ ni akɛshiɔ. Nɔ ni jɛɔ “mlakwamɔ gbɔmɔ” (esha gbɔmɔ) lɛ ni ji “hiɛkpatamɔ bi” lɛ kpo ni ajieɔ lɛ mli baa ji hemɔkɛyeli kwamɔ nɛɛ. Ani eji gbɔmɔ diɛŋtsɛ? Dabi, ejaakɛ gbɔmɔ aŋkro ko nyɛŋ ahi shi yɛ be kakadaŋŋ ni yɔɔ gbalɛ lɛ mlibaa mli lɛ mli. Nɔ ni kɛ nɛkɛ sane mlitsɔɔmɔ nɛɛ kpaa gbeɔ ji bɔ ni An American Translation lɛ kɛ wiemɔ “toigbele gbɔmɔ ni abaakpata ehiɛ” lɛ tsu nii lɛ. Wɔkadiɔ akɛ atsɛɛɛ mɔ nɛɛ akɛ “Antikristo Lɛ.” Lɛlɛŋ, shi ebafeɔ antikristo. Taakɛ bɔ ni bɔfo Yohane kɛɛ yɛ lɛ diɛŋtsɛ egbii lɛ ahe, yɛ be mli ni eŋmaa aaafee afi 98 Ŋ.B. lɛ: “Agbɛnɛ antikristoi pii eba, . . . namɔ ji amalelɔ, kɛ jeee mɔ ni kwaa akɛ Yesu ji Kristo lɛ? Mɔ ni kwaa tsɛ lɛ kɛ bi lɛ, lɛ ji antikristo lɛ.” (1 Yohane 2:​18, 22) Jeee akɛ akwaa Nyɔŋmɔ Bi lɛ pɛ, shi akwaa Nyɔŋmɔ ni ji Tsɛ lɛ hu.

17. Nɔ hewɔ ni atsɛɔ nɛkɛ “hiɛkpatamɔ bi” nɛɛ akɛ mɔ ni teɔ shi ewoɔ Nyɔŋmɔ lɛ tsɔɔ mɛni, ni mɛɛ be mli hiɛkpatamɔ lɛ baa?

¹⁷ No hewɔ lɛ, eja moŋ akɛ aaatsɛ “esha gbɔmɔ lɛ” (mlakwamɔ gbɔmɔ Iɛ) akɛ anti-Nyɔŋmɔ (mɔ ni teɔ shi ewoɔ Nyɔŋmɔ) . Nɛkɛ mɔ ni teɔ shi ewoɔ Nyɔŋmɔ nɛɛ yeee Nyɔŋmɔ mla nɔ, ni akɛni ete shi ewo Nyɔŋmɔ ni ji Tsɛ lɛ hewɔ lɛ, ete shi ewo Nyɔŋmɔ Bi, Yesu Kristo hu. Dani eeepue po Iɛ, no mli lɛ atsɛɔ “esha gbɔmɔ lɛ” mlakwamɔ gbɔmɔ lɛ, akɛ “hiɛkpatamɔ bi.” Nakai okadi wiemɔ lɛ tsɔɔ akɛ hiɛkpatamɔ seshinyo ni akojo lɛ yaha hiɛkpatamɔ, “abu lɛ fɔ aha hiɛkpatamɔ.” Hiɛkpatamɔ sa “esha gbɔmɔ lɛ” (mlakwamɔ gbɔmɔ Iɛ) ; enyɛŋ ejo naa foi. Nɛkɛ hiɛkpatamɔ ni sa nɛɛ baaba nɛkɛ mɔ nɛɛ nɔ yɛ “Yehowa gbi” lɛ nɔ. Ajieɔ nɛkɛ mɔ ni teɔ shi ewoɔ Nyɔŋmɔ nɛɛ kpo dani nakai gbi lɛ shɛɔ.

18. (a) Akɛni “hemɔkɛyeli kwamɔ” Iɛ kɔɔ mlakwamɔ gbɔmɔ lɛ he hewɔ lɛ, mɛni enɛ tsɔɔ yɛ wekukpaa ni ka nakai mɔ lɛ kɛ Nyɔŋmɔ teŋ lɛ he? (b) Ani heloo naa Yudafoi ni yɔɔ Paulo gbii lɛ amli lɛ kɛ Nyɔŋmɔ yɛ toiŋjɔlɛ wekukpaa mli, ni amɛbaanyɛ amɛjɛ mli amɛkwa hemɔkɛyeli Iɛ?

¹⁸ Nɛkɛ “esha gbɔmɔ lɛ” (mlakwamɔ gbɔmɔ lɛ) ni ato lɛ aha hiɛkpatamɔ Iɛ kɛ “Nyɔŋmɔjamɔ kwamɔ” lɛ, shitee-kɛ-woo lɛ, atua ni atseŋ ashiɔ Nyɔŋmɔ lɛ yɛ tsakpaa. Anɔkwasane nɛɛ haa efeɔ faŋŋ akɛ shishijee lɛ “mlakwamɔ gbɔmɔ” (esha gbɔmɔ) lɛ kɛ Nyɔŋmɔ yɛ, ni ekɛ Nyɔŋmɔ yɛ toiŋjɔlɛ wekukpaa mli. Beni bɔfo Paulo ŋmaa ewolo lɛ eyaha Tesalonika Kristofoi lɛ, no mli lɛ jeee heloo naa Yudafoi ni afo amɛ ketia lɛ ji mɛi ni kɛ Nyɔŋmɔ yɔɔ toiŋjɔlɛ mli ni gbeekpamɔ ka amɛ kɛ lɛ teŋ lɛ. Nɛkɛ Yudafoi nɛɛ ji mɛi ni tee asafo yuu shi yɛ Tesalonika ni no nyɛ bɔfo Paulo nɔ ni ejo foi kɛjɛ maŋtiase lɛ mli, ni yɛ no sɛɛ hu lɛ ejo foi kɛjɛ Beroia lɛ. (Bɔfoi lɛ Asaji 17:​6-15) Paulo ŋma yɛ klɛŋklɛŋ wolo ni ekɛyaha Tesalonikabii lɛ mli akɛ: “Ejaakɛ amanei ni nyɛna yɛ nyɛ diɛŋtsɛ nyɛmaŋbii lɛ adaŋ lɛ, no nɔŋŋ amɛ [asafoi ni yɔɔ Yudea] hu amɛna yɛ Yudafoi lɛ adɛŋ, mɛi ni gbe Nuŋtsɔ Yesu kɛ amɛ diɛŋtsɛ amɛ gbalɔi lɛ hu, ni amɛwaa wɔ hu yi, ni amɛsaaa Nyɔŋmɔ hiɛ, ni amɛkɛ gbɔmɛi fɛɛ yeee, mɛi ni tsiɔ wɔ gbɛ hu akɛ wɔkawie wɔtsɔɔ jeŋmaji lɛ ni ahere amɛyiwala, ni amɛkɛ woɔ amɛhe eshai lɛ obɔ daa nɛɛ; shi mlifu lɛ enina amɛ kɛmɔ shi.”​—1 Tesalonikabii 2:​14-16.

19. Belɛ namɛi anɔ abaakpa gbɛ akɛ hemɔkɛyeli kwamɔ lɛ baaje shishi kɛjɛ, ni mɛni hewɔ ejeɔ shishi kɛjɛɔ amɛteŋ lɛ?

¹⁹ Belɛ nɛgbɛ mɔ abaanyɛ akpa gbɛ akɛ Nyɔŋmɔjamɔ kwamɔ lɛ baaje shishi kɛjɛ, ákɛ ja Kristofoi asafo lɛ mli? Kristofoi ni Tesalonika asafo lɛ damɔ shi kɛha amɛ lɛ ji mɛi ni bɔfo lɛ ŋma amɛ akɛ: “Paulo kɛ Silvano kɛ Timoteo ŋma yaha Tesalonikabii asafo lɛ ni yɔɔ wɔ Tsɛ Nyɔŋmɔ lɛ kɛ Nuŋtsɔ Yesu Kristo mli lɛ: duromɔ kɛ hejɔlɛ ni jɛ wɔ Tsɛ Nyɔŋmɔ lɛ kɛ Nuŋtsɔ Yesu Kristo lɛ dɛŋ aha nyɛ.” (2 Tesalonikabii 1:​1, 2) Nɛkɛ Kristofoi nɛɛ baanyɛ akwa Nyɔŋmɔ, amɛte shi amɛwo ni amɛtse atua amɛshi Nyɔŋmɔ ejaakɛ amɛ kɛ lɛ kɛ e-Mesia Yesu Kristo yɛ ekomefeemɔ mli ni amɛnine miishɛ duromɔ kɛ toiŋjɔlɛ nɔ kɛmiijɛ amɛ Nyɔŋmɔ ni ji amɛ Ŋwɛi Tsɛ lɛ ŋɔɔ kɛtsɔ e-Bi Yesu Kristo nɔ. Belɛ namɛi ji nɛkɛ atuatselɔi ni jɛ Kristofoi asafo lɛ mli lɛ?

20, 21. (a) Mɛni hewɔ hemɔkɛyeli kwamɔ Iɛ ejeee shishi kɛjɛɛɛ Yudafoi amaŋ lɛ teŋ, shi moŋ eje shishi kɛjɛ Kristofoi asafo lɛ mli lɛ? (b) Mɛni wiemɔi Paulo kɛbɔ Efeso onukpai lɛ kɔkɔ yɛ hemɔkɛyeli kwamɔ ni baa lɛ he?

²⁰ Bɔfo Paulo diɛŋtsɛ bɔ kɔkɔ akɛ Nyɔŋmɔ jamɔ kwamɔ lɛ, jamɔ mli shitee-kɛ-woo aloo atuatsemɔ lɛ baaba kɛjɛ asafo lɛ ni agbɛnɛ eji Nyɔŋmɔ nɔ̃ akɛni E-kpoo Yudafoi amaŋ lɛ akɛ ewebii ni ehala amɛ lɛ hewɔ lɛ teŋ. Mɛi ni feɔ Nyɔŋmɔ asafo lɛ agbɛnɛ ji mumɔŋ Israelbii, mumɔŋ Yudafoi, ni amɛjeee heloo naa Yudafoi ni afo amɛ ketia Iɛ amaŋ lɛ dɔŋŋ. Afii komɛi asɛɛ yɛ be mli ni Paulo eŋma ewolo ni ji enyɔ lɛ eyaha Tesalonikabii lɛ asɛɛ Iɛ, Paulo bana lɛ diɛŋtsɛ ehe yɛ Mileto maŋ lɛ mli, yɛ Asia Bibioo lɛ, yɛ be mli ni efaa enaagbee gbɛ kɛyaa Yerusalem lɛ. Ewie etsɔɔ “onukpai akuu” ni jɛ Efeso asafo ni bɛŋkɛ jɛmɛ lɛ mli lɛ yɛ Mileto. Yɛ be mli ni etsɔɔ hiɛ egbaa amɛ Nyɔŋmɔjamɔ kwamɔ ni baaba lɛ he sane lɛ, Paulo kɛɛ nakai onukpai loo nɔkwɛlɔi lɛ akɛ:

²¹ “No hewɔ lɛ nyɛlea nyɛhe nɔkwɛmɔ kɛ tooikuu lɛ fɛɛ ni mumɔ krɔŋkrɔŋ lɛ ewonyɛ amɛ nɔkwɛlɔi lɛ, koni nyɛlɛ Nyɔŋmɔ asafo lɛ ni ekɛ lɛ diɛŋtsɛ elá he lɛ. Ejaakɛ mile akɛ kɛ mikpa mihe lɛ, klaji fulɔi baabote nyɛteŋ, ni amɛbaaŋ tooikuu lɛ yi; ni nyɛ diɛŋtsɛ nyɛteŋ hu lɛ, hii ni wieɔ nii ni ejaaa aaate shi,”ni amɛaakpɛlɛ kaselɔi lɛ amɛshwie amɛsɛɛ.’​—Bɔfoi lɛ Asaji 20:​28-30.

22, 23. (a) Petro hu bɔ kɔkɔ eshi hemɔkɛyeli kwamɔ ni baa lɛ yɛ mɛɛ ewoji lɛ amli, ni eŋma eyaha namɛi? (b) Yɛ mɛɛ gbɛ nɔ Petro tsɔ nɔ ni ewie lɛ nɔ eye ebua wɔ ni wɔyoo mlakwamɔ “hiɛkpatamɔ bi” lɛ?

²² Bɔfo Paulo naanyo bɔfo Petro hu le Nyɔŋmɔjamɔ kwamɔ ni baa lɛ. Petro wie yɛ ewolo ni ji enyɔ kɛ enaagbee nɔ ni eŋma aaafee afi 64 Ŋ. B. lɛ mli yɛ lɛ diɛŋtsɛ ehe akɛ, eeŋma eyaha “mɛi ni nine eshɛ hemɔkɛyeli ni jara tamɔ wɔ nɔ lɛ nɔŋŋ nɔ yɛ wɔ Nyɔŋmɔ kɛ wɔ yiwalaherelɔ Yesu Kristo jalɛ lɛ mli lɛ.”

²³ Petro tee nɔ ewie yɛ wolo ni eŋma eyaha mɛnɛɛmɛi lɛ mli akɛ: “Gbalɛ ko bako yɛ gbɔmɔ suɔmɔ naa pɛŋ, shi moŋ mumɔ krɔŋkrɔŋ lɛ tsirɛɔ Nyɔŋmɔ gbɔmɛi krɔŋkrɔŋi lɛ ni amɛwieɔ. Shi amale gbalɔi hu te shi yɛ maŋ lɛ mli, taakɛ bɔ nɔŋŋ ni amale tsɔɔlɔi baaba nyɛ hu nyɛteŋ lɛ, mɛi ni kɛ hiɛkpatamɔ tsɔɔmɔi aaabahɔ mli nigii, ni Nuŋtsɔ lɛ ni kpɔ̃ amɛ lɛ po amɛaakwa lɛ, ni amɛkɛ hiɛkpatamɔ ni he yɔɔ oya aaaba amɛ diɛŋtsɛ amɛnɔ lɛ. Ni mɛi pii aaanyiɛ amɛ nyenyeŋtswibɔɔi Iɛ asɛɛ, ni amɛ hewɔ lɛ aaawie anɔkwale gbɛ lɛ he musubɔɔ wiemɔi. Ni amɛkɛ kutumpɔo wiemɔi aaaye nyɛhe jara yɛ hiɛjoomɔ mli; mɛi ni amɛkojomɔ shashaooo shi kɛjɛ blema beebe, ni amɛhiɛkpatamɔ hu wɔɔɔ wɔdɔi lɛ.” (2 Petro 1:​1, 21 kɛyashi 2:⁠3) Enɛ yeɔ ebuaa wɔ ni wɔleɔ nakai “hiɛkpatamɔ bi” ni ji mlakwalɔ lɛ.

24, 25. Yɛ nɔ ni Paulo kɛ Petro wie yɛ yiteŋgbɛ nɛɛ hewɔ Iɛ mɛɛ saji wɔbiɔ koni wɔyoo mɔ ni “mlakwamɔ gbɔmɔ” loo “esha gbɔmɔ” lɛ ji?

²⁴ Yɛ nɔ ni bɔfoi Paulo kɛ Petro kɛɔ yɛ Nyɔŋmɔjamɔ kwamɔ lɛ he lɛ hewɔ lɛ, belɛ namɔ diɛŋtsɛ ji “esha gbɔmɔ (mlakwamɔ gbɔmɔ) , hiɛkpatamɔ bi” lɛ? Paulo kɛɛ “onukpai” lɛ, “nɔkwɛlɔi” ni damɔ shi kɛha Efeso asafo lɛ akɛ hii ni “wieɔ nii ni ejaaa” yɛ Nyɔŋmɔjamɔ mli baate shi. Enɛ muaa sane lɛ naa kɛbaa Kristofoi asafo lɛ mli jamɔ mli hiɛnyiɛlɔi lɛ anɔ, mɛi ni afɔ amɛ mu loo ahala amɛ akɛ ‘amɛlɛ Nyɔŋmɔ asafo lɛ.’ Belɛ namɛi ji jamɔ mli hiɛnyiɛlɔi ni kɛɔ akɛ amɛjɛ Nyɔŋmɔ asafo lɛ mli, ni tamɔ “klaji fulɔi” lɛ? Namɛi ji mɛi ni kɛɔ akɛ amɛji Kristofoi hiɛnyiɛlɔi ni “amɛbaaŋ tooikuu lɛ yi” lɛ? Namɛi ji jamɔ mli hiɛnyiɛlɔi ni ale amɛ ni te shi amɛwie “nii ni ejaaa” bɔni afee ni amɛkpala “kaselɔi lɛ amɛshwie amɛsɛɛ” lɛ? Namɛi ji hii, ni tamɔ apasa gbalɔi ni hi blema Israelbii lɛ ateŋ ni batsɔmɔ “apasa tsɔɔlɔi” yɛ blema Israelbii lɛ ateŋ lɛ?

²⁵ Hɛɛ, namɛi ji jamɔ mli hiɛnyiɛlɔi ni kɛ “hiɛkpatamɔ tsɔɔmɔi” ba mɛi ni susuɔ amɛhe akɛ amɛji Nyɔŋmɔ asafo lɛ teŋ lɛ? Namɛi ji jamɔi sɔrɔtoi ni mli egbala lɛ amli hiɛnyiɛlɔi ni kɛtsɔ amɛ jamɔ mli tsɔɔmɔi kɛ amɛnifeemɔi ahewɔ lɛ amɛkwa ŋwɛi “Nɔtsɛ ni kpɔ̃ amɛ lɛ po” lɛ? Mɛɛ jamɔ mli hiɛnyiɛlɔi ejie amɛhe kpo akɛ ámɛye “nyenyeŋtswibɔɔ” he fɔ yɛ bɔ ni amɛkɛ je lɛŋ nɔyelɔi ebɔ lɛ hewɔ? Mɛɛ jamɔ mli hiɛnyiɛlɔi eto nɔkwɛmɔ nɔ fɔŋ amɛha amɛ tooikuu lɛ ni amɛnyiɛ sɛɛ, ni yɛ enɛ hewɔ lɛ awieɔ “anɔkwale gbɛ lɛ he musubɔɔ wiemɔi” lɛ. Mɛɛ jamɔ mli hiɛnyiɛlɔi ahiɛ ekɔ̃ nibii ni amɛ asafoŋbii lɛ yɔɔ lɛ anɔ ni yɛ enɛ hewɔ lɛ amɛkɛ kutumpɔo wiemɔi eye amɛhe jara” lɛ?

“ESHA GBƆMƆ” LOO MLAKWAMƆ GBƆMƆ LƐ YOOMƆ

26. Namɔ nɔ akɛ wao ni akɛyooɔ mɔ lɛ tsɔɔ, ni yɛ mɛɛ gbɛ nɔ The Encyclopedia Americana lɛ tsɔɔ bɔ ni mɔ ni áyoo lɛ nɛɛ ji lɛ mli?

²⁶ Adesa yinɔsane fe afii ohai nyɔŋma kɛ ekpaa ni eho nɛ lɛ kɛ ewao tsɔɔ Kristendom jamɔ amli osɔfoi lɛ anɔ. Ani mɔ ko nuuu nɔ ni atsɔɔ akɛ Kristendom “osɔfoi” lɛ shishi? Kɛji nakai ni lɛ, belɛ ha The Encyclopedia Americana (1929 nɔ̃) , Kpo 7, baafa 90 lɛ afee lɛ faŋŋ aha nakai mɔ lɛ, yɛ nɛkɛ wiemɔi nɛɛ amli:

OSƆFOI (Latin clericus, ni jɛ Hela kléros, nɔ ko mlihalamɔ) ni yɔɔ Kristofoi asɔlemɔ lɛ mli, nakai anɔkwafoi lɛ fa ni atu amɛ ama shi aha Nyɔŋmɔjamɔ sɔɔmɔ lɛ. Mligbalamɔ ni ka amɛ kɛ asafoŋbii lɛ ateŋ lɛ bafee faŋŋ kɛtsɔ nitsumɔi kɛ sablai, hegbɛi, gbɛnaa nii, atadei kɛ sui sɔrɔtoi ni amɛná lɛ hewɔ. Osɔfoi agbɛhei sɔrɔtoi kpaanyɔ yɔɔ Roma Katolek Sɔlemɔ lɛ mli, ni nomɛi ji, halamɔbii lɛ, gbɛhei bibii ejwɛ lɛ kɛ gbɛhei krɔŋkrɔŋi etɛ, ni ji osɔfo hefatalɔ, osɔfosɛɛmɔ kɛ osɔfo lɛ. . . . Abuɔ naagbee etɛ lɛ akɛ ŋwɛi gbɛjianɔtoo. Mɔ ni ahala lɛ lɛ ji mɔ ni akɛ nitsumɔ ko ewo edɛŋ akɛ esɔmɔ; atsɔɔ nakai kusum nifeemɔ lɛ nɔ afeɔ lɛ mɔ ni ahala lɛ, ni yɛ enɛ hewɔ lɛ eyɛ hegbɛ yɛ nibii komɛi amli, hegbɛi kɛ ehe ni eyeɔ kɛjɛɔ nibii komɛi amli, ni akɛ gbɛnaa nii ko fɔɔ enɔ ni no kaaa asafoŋbii lɛ anɔ. Mligbalamɔ ni ka osɔfoi kɛ asafoŋbii lɛ ateŋ lɛ edaaa tsɔ yɛ Protestant sɔlemɔi lɛ amli.

27. (a) Mɛɛ Yesu wiemɔi teɔ shi ewoɔ asafo lɛ ni aaagbala amɛmli afee amɛ osɔfoi kɛ asafoŋbii akuu? (b) Te Yohane tsɛ asafo lɛ mlibii lɛ fɛɛ eha tɛŋŋ yɛ Kpojiemɔ wolo Iɛ mli?

²⁷ Ani Yesu Kristo, Kristofoi asafo lɛ Yitso kɛ famɔ ha ekaselɔi lɛ ni amɛgbala amɛmli amɛfee osɔfoi kɛ asafoŋbii akuu? He ko he ko bɛ Sanekpakpai ejwɛ ni ji Mateo, Marko Luka kɛ Yohane nɔ̃ lɛ aloo yɛ Bɔfoi lɛ Asaji lɛ loo Kpojiemɔ wolo lɛ mli ni akɛ famɔi ha ni tsɔɔ akɛ esa akɛ agbala ekaselɔi lɛ amli afee amɛ kui sɔrɔtoi enyɔ. Etsɔɔmɔi lɛ teɔ shi ewoɔ enɛ. Yesu kɛɛ ekaselɔi lɛ asafo babaoo ni ji Yudafoi lɛ yɛ Yerusalem sɔlemɔwe lɛ akɛ: “Shi nyɛ lɛ, akatsɛnyɛ Rabi; ejaakɛ mɔ kome ji nyɛtsɔɔlɔ, (lɛ ji Kristo) ; shi nyɛ fɛɛ lɛ, nyɛmimɛi ji nyɛ. Ni nyɛkatsea mɔ ko nyɛtsɛ hu yɛ shikpɔŋ lɛ nɔ; ejaakɛ mɔ kome ji nyɛtsɛ, mɔ ni yɔɔ ŋwɛi lɛ. Asaŋ akatsɛnyɛ nuŋtsɔmɛi hu; ejaakɛ mɔ kome ji nyɛnuŋtsɔ, lɛ ji Kristo. Shi mɔ ni ji agbo yɛ nyɛteŋ lɛ, etsɔ nyɛtsulɔ.” (Mateo 23:​8-11) Bɔfo Yohane tsɛ Kristo kaselɔi lɛ fɛɛ akɛ amɛji osɔfoi, yɛ Kpojiemɔ ni atsɔ Yesu Kristo nɔ akɛha lɛ lɛ mli akɛ: “Ni eŋɔwo efee maŋtsɛmɛi, (kɛ) osɔfoi eha etsɛ Nyɔŋmɔ lɛ. . . .” “Ni oŋɔwɔ ofee maŋtsɛmɛi kɛ osɔfoi oha wɔ-Nyɔŋmɔ lɛ, ni wɔɔye maŋtsɛ yɛ shikpɔŋ lɛ nɔ.”​—Kpojiemɔ 1:6; 5:⁠10.

28. Te Petro klɛŋkIɛŋ wolo lɛ hu bu mɛi fɛɛ ni yɔɔ asafo lɛ mli Iɛ eha tɛŋŋ?

²⁸ Nakai nɔŋŋ bɔfo Petro ŋma Kristofoi lɛ akɛ amɛ fɛɛ amɛji osɔfoi akɛ: “Nyɛhaa aŋɔanyɛ tamɔ tɛi ni hiɛ kamɔ akɛtswa mumɔŋ tsu ni afeenyɛ osɔfoi aweku krɔŋkrɔŋ, koni aŋɔshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ. Shi nyɛ lɛ, weku ni ahala ji nyɛ, maŋtsɛmɛi ni yeɔ osɔfoi, jeŋmaŋ krɔŋkrɔŋ, maŋ ni eŋɔfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ.”​—1 Petro 2:​5, 9.

29, 30. (a) Te Douay Biblia Shishitsɔɔmɔ lɛ kɛ wiemɔ “osɔfoi” lɛ tsu nii yɛ 1 Petro 5:​1-3 eha tɛŋŋ? (b) Te ŋmɛnɛŋmɛnɛ beaŋ Katolek shishitsɔɔmɔi tsɔɔ Hela wiemɔ ni akɛtsu nii yɛ jɛmɛ lɛ shishi eha tɛŋŋ?

²⁹ Ŋleshi wiemɔ “osɔfo” lɛ jeɔ kpo shikome yɛ Douay Shishitsɔɔmɔ ni ji Biblia lɛ mli, yɛ Petro klɛŋklɛŋ wolo lɛ mli, akɛ: “Blemabii ni yɔɔ nyɛteŋ lɛ, miikpa amɛfai akɛ mi hu ni ji blemanyo kɛ Kristo amanehului lɛ ahe odasefonyo, agbɛnɛ akɛ mɔ ni baaná nakai anunyam ni abaajie lɛ kpo yɛ be ni baaba lɛ mli lɛ eko lɛ: Nyɛlɛa Nyɔŋmɔ asafoku ni yɔɔ nyɛteŋ lɛ, nyɛkwɛa nɔ, jeee yɛ nɔnyɛɛ naa, shi yɛ suɔmɔ naa taakɛ bɔ ni Nyɔŋmɔ sumɔɔ: jeee yɛ shika ni yɔɔ taŋ lɛ nyɔmɔwoo hewɔ, shi moŋ nɔ ni jɛ suɔmɔ mli: Jeee akɛ mɛi ni baaye osɔfoi lɛ anɔ nuŋtsɔmɛi asane, shi moŋ mɛi ni baafee nɔkwɛmɔ nɔ aha tookuu lɛ kɛjɛ tsuiŋ.” (1 Petro 5:​1-3, Dy) Atsɛɔ Nyɔŋmɔ asafoku Iɛ fɛɛ ni ji mumɔŋ gwantɛŋi lɛ akɛ ‘osɔfoi,’ yɛ nɛkɛ Biblia shishitsɔɔmɔ nɛɛ mli, ni akɛɔ “blemabii” tamɔ bɔfo Petro akɛ amɛkaye nɛkɛ “osɔfoi” nɛɛ anɔ nuŋtsɔmɛi asane. Shi kɛ̃lɛ, akɛni amɛtsui enyɔɔɔ amɛmli yɛ nakai Douay Shishitsɔɔmɔ ni tsɔɔ Hela wiemɔ kle’ros (yɛ babaoo feemɔ wiemɔ mli) yɛ 1 Petro 5:3 lɛ he hewɔ lɛ, ŋmɛnɛŋmɛnɛ beaŋ Roma Katolek Biblia shishitsɔɔmɔi tsɔɔ Hela wiemɔ nɛɛ shishi yɛ gbɛ kroko nɔ yɛ Ŋleshi wiemɔ mli. Akɛ nɔkwɛmɔ nɔ:

³⁰ “Kaafee nɔyelɔ yiwalɔ yɛ kuu ko ni akɛo aaato amɛnɔ, shi moŋ, oto okadi ni tookuu lɛ fɛɛ baanyɛ anyiɛ sɛɛ ofɔ shi.” (The Jerusalem Bible) “Nyɛtoa okadii nyɛhaa asafokuu lɛ, nyɛkayea mɛi ni akɛ amɛ ewo nyɛdɛŋ lɛ anɔ nuŋtsɔmɛi asane.” (The New American Bible) “Nyɛkafea nyɛhe nuŋtsɔmɛi yɛ mɛi ni akɛ amɛ ewo nyɛdɛŋ lɛ anɔ, shi moŋ nyɛfea nɔkwɛmɔ nɔ nyɛhaa asafokuu lɛ.”​—The New Testament in the Westminster Version of the Sacred Scriptures.

31. Yɛ nɔ ni Yesu wie yɛ Mateo 23:​10-12, 14. 33 lɛ hewɔ lɛ, mɛni hewɔ wɔbiɔ sane yɛ jwɛŋmɔ ni gbɔmɛi hiɛ ni no haa amɛgbala amɛ diɛŋtsɛ amɛmli akɛ “osɔfoi” kɛ “asafoŋbii” ni esoroɔ amɛ lɛ?

³¹ Akɛni Yesu Kristo bɔfoi lɛ ni kɛ mumɔ wie lɛ kɛ wiemɔi “osɔfoyeli” kɛ “osɔfoi” (Douay Version) lɛ to Nyɔŋmɔ asafokuu lɛ fɛɛ he shi jeee wiemɔi tamɔ “blemabii” aloo “onukpai” tamɔ bɔfo Petro hewɔ lɛ, ejeee nɔ ni esaaa akɛ aaabi yɛ biɛ akɛ: Namɛi ji nakai Kristendom jamɔ mli hiɛnyiɛlɔi lɛ ni kɛ sabala “osɔfoi” tsɛɔ amɛhe ni amɛtsɛɔ amɛhe nakai akɛ mɛi ni esoro amɛ ni amɛyɔɔ sɔrɔto yɛ mɛi ni amɛtsɛɔ amɛ “asafoŋbii” lɛ ahe ni nɛkɛ wiemɔ nɛɛ po pueee yɛ mumɔ naa Ŋmalɛi Krɔŋkrɔŋi lɛ amli lɛ? Mɛni ji jwɛŋmɔ ni nɛkɛ jamɔ mli hiɛnyiɛlɔi nɛɛ hiɛ hewɔ ni amɛhaa sɔrɔtofeemɔ baa amɛ kɛ mɛi krokomɛi ateŋ lɛ? Mɛni amɛtaoɔ amɛfee amɛ diɛŋtsɛ amɛhe? Wɔkaiɔ akɛ yɛ be mli ni Yesu Kristo jɛ́ɔ Yudafoi woloŋmalɔi lɛ kɛ Farisifoi lɛ akɛ “osatofoi” lɛ kɛ “shikpaai ashwiei!” lɛ, ekɛɛ akɛ: “Asaŋ akatsɛnyɛ nuŋtsɔmɛi hu; ejaakɛ mɔ kome ji nyɛ nuŋtsɔ, lɛ ji Kristo. Shi mɔ ni ji agbo yɛ nyɛteŋ lɛ, etsɔ nyɛtsulɔ. Ni mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.”​—Mateo 23:​10-12, 14, 33.

32. Mɛɛ be mli Kristendom jamɔ mli hiɛnyiɛlɔi lɛ je shishi amɛtsɛ amɛhe “osɔfoi” ni esoro amɛ yɛ “asafoŋbii” lɛ ahe?

³² Yɛ anɔkwale mli lɛ, mɛɛ be mli Kristendom jamɔ mli hiɛnyiɛlɔi lɛ je shishi amɛtsɛ amɛhe osɔfoi ni amɛkɛ sabala “osɔfo” lɛ tsɛ amɛ pɛ amɛhe? Kɛ wɔnyiɛ saneyitso: “2. Sɔrɔtofeemɔ ni ka Osɔfoi kɛ Asafoŋbii Ateŋ,” yɛ M’Clintock kɛ Strong Cyclopedia, Kpo II, baafa 386 lɛ mli lɛ sɛɛ lɛ, ekɛɔ yɛ blɔfo wiemɔ “antithesis” (nɔ ni beɔ shi woɔ) aloo sɔrɔtofeemɔ ni ka osɔfoi kɛ asafoŋbii lɛ ateŋ lɛ he akɛ:

Sɔrɔtofeemɔ ni ka osɔfoi kɛ asafoŋbii ateŋ yɛ Yudafoi agbɛfaŋ lɛ ji nɔ ni aleee yɛ Kristofoi ateŋ; yɛ be mli ni “gbɔmɛi gbee shi kɛjɛ sanekpakpa lɛ he kɛtee Yudafoi asusumɔ lɛ he” lɛ eba akɛ heyelilɔi fɛɛ ni amɛfata Kristofoia osɔfoyeli lɛ he lɛ bafee nɔ ni aŋmɛɛ he yɛ gbɛ ko nɔ kwraa aha osɔfoyeli aloo osɔfoi krɛdɛɛ ko. . . No hewɔ lɛ Tertullian, (De Baptismo, c. 17, dani ebatsɔ Montanus jamɔ lɛ mlinyo) kɛɛ akɛ: “Asafoŋbii lɛ hu yɛ hegbɛ akɛ amɛkãa kitai krɔŋkrɔŋi lɛ ni amɛtsɔɔ nii yɛ akutso lɛ mli. Nyɔŋmɔ duromɔ nɔ atsɔ akɛ Nyɔŋmɔ Wiemɔ lɛ kɛ kitai lɛ ha mɛi fɛɛ, no hewɔ lɛ esa akɛ Kristofoi fɛɛ kɛ enɛ atsu nii akɛ dɛŋdadei ni jɛ ŋwɛi duromɔ naa. Shi jeee nɔ ni aŋmɛɔ gbɛ ni mɔ fɛɛ mɔ afee lɛ ji nɔ ni sanebimɔ lɛ kɔɔ he yɛ biɛ, shi moŋ nɔ ni sa yɛ shihilɛ ni yɔɔ lɛ shishi. Wɔbaanyɛ wɔkɛ St. Paulo wiemɔ lɛ atsu nii yɛ biɛ, ‘Mɛi yɛ hegbɛ yɛ nɔ fɛɛ nɔ he, shi jeee fɛɛ sa.’ Kɛji akɛ wɔkwɛ gbɛjianɔ ni ato ni esa akɛ ahiɛ yɛ Sɔlemɔ lɛ mli lɛ, belɛ esa akɛ asafoŋbii lɛ atsu amɛ osɔfoi anitsumɔ ni ji kitai lɛ akamɔ he nii yɛ be mli ni be kɛ hegbɛ lɛ aaabi ni amɛfee nakai pɛ kɛkɛ.” Kɛjɛ Cyprian . . . ni ji mɔ ni to osɔfoi akuu he gbɛjianɔ lɛ be mli kɛbaa nɛɛ, sɔrɔtofeemɔ ni ka osɔfoi lɛ kɛ asafoŋbii lɛ ateŋ lɛ ebafee faŋŋ, ni etsɛɛɛ ni akpɛlɛ nɔ yɛ jeŋ fɛɛ. Yɛ anɔkwale mli lɛ, kɛjɛ afii ohai etɛ lɛ nɔ kɛyaa lɛ, wiemɔ clerus (kle’ros, ordo) ji nɔ ni akɛtsu nii akɛtsɔɔ sɔɔmɔ nitsumɔ lɛ mli koni aha no afee sɔrɔto yɛ asafoŋbii lɛ ahe. Yɛ be mli ni Roma osɔfoi anɔyeli kuu lɛ shwereɔ lɛ, jeee gbɔmɛi ni esoro amɛ pɛ osɔfoi lɛ batsɔ, (ni bɔfoi agbɛnaa nii kɛ tsɔɔmɔi baanyɛ afata he) shi moŋ abayoo amɛ akɛ osɔfoyeli pɛ ni yɔɔ, kɛ nɔ ni gbɔmɔ kɛ Nyɔŋmɔ tsɔɔ nɔ amɛwieɔ.

33. Namɔ ji nɛkɛ Cyprian nɛɛ, ni mɛɛ gbɛhe eyɔɔ yɛ asafo lɛ mli yɛ afii ohai etɛ Iɛ mli?

³³ Taakɛ The Encyclopedia Americana, Kpo 8, baafa 368 lɛ tsɔɔ lɛ, nuu ni atsi eta yɛ yiteŋgbɛ nɛɛ akɛ Thascius Caecilius Cyprian lɛ, afɔ lɛ aaafee afi 200 Ŋ.B., ni egbo yɛ Carthage, Afrika, September 14, 258. “Beni abaptisi lɛ lɛ sɛɛ etsɛɛɛ (246) ni ahala lɛ akɛ osɔfo, ni Kristofoi ni yɔɔ Carthage lɛ hala lɛ akɛ amɛ osɔfonukpa (248) . . . . Efee babaoo yɛ hewalɛ ni ekɛha osɔfonukpai akuu ni eto lɛ mli. Ato gwabɔɔi sɔrɔtoi kpawo yɛ eshishi, ni naagbee nɔ lɛ ji 256.” Eyɛ mli akɛ abuɔ nɛkɛ Afrika osɔfonukpa nɛɛ akɛ Sɔlemɔ lɛ “tsɛmɛi” lɛ ateŋ mɔ kome, ni Roma Katolek Sɔlemɔ lɛ wo lɛ mɔ krɔŋkrɔŋ moŋ, shi anɔkwale lɛ ka shi faŋŋ akɛ eji osɔfo, osɔfoi ni bapue yɛ Yesu Kristo bɔfoi lɛ kɛ amɛ hefatalɔi lɛ agbele sɛɛ nɔŋŋ lɛ ateŋ mɔ kome.

34. Mɛɛ gbɔmɔ aŋkro nɛkɛ Biblia lɛ kɛ wiemɔ “esha gbɔmɔ” aloo mlakwamɔ gbɔmɔ lɛ tsɔɔ, ni mɛni hewɔ?

³⁴ Nɛkɛ osɔfoi akuu ni akɛɛ atsɛɔ amɛ “Kristofoi” nɛɛ ji nɔ ni jie ehe kpo diɛŋtsɛ akɛ “esha gbɔmɔ (mlakwamɔ gbɔmɔ) lɛ . . . hiɛkpatamɔ bi lɛ,” yɛ “Nyɔŋmɔjamɔ kwamɔ,” “shitee-kɛ-woo” aloo “atuatsemɔ” ni ba lɛ mli. Eka shi faŋŋ akɛ nɛkɛ wiemɔ ni Ŋmalɛ Krɔŋkrɔŋ lɛ kɛtsuɔ nii lɛ tsɔɔ “gbɔmɔ” ko ni ji kuu ni gbɔmɛi pii yɔɔ mli ni hi shi yɛ be kakadaŋŋ mli ni amɛmlibii ni feɔ enɛ lɛ tsakeɔ yɛ beni be yaa nɔ ni be shwieɔ be mli lɛ. No hewɔ lɛ nɛkɛ “esha gbɔmɔ (mlakwamɔ gbɔmɔ) ” nɛɛ mlibii lɛ yɛ sɔrɔto ŋmɛnɛ yɛ afii ohai etɛ lɛ mli nɔ lɛ he.

KWA NI EKWAA EFEƆ EHE NYƆŊMƆ

35. Mɛni hewɔ ebɛ naakpɛɛ akɛ “esha gbɔmɔ” loo mlakwamɔ gbɔmɔ lɛ aaabɔ mɔdɛŋ efee ehe Nyɔŋmɔ lɛ? Kɛyashi nɛgbɛ?

³⁵ Akɛni nɛkɛ “esha gbɔmɔ (mlakwamɔ gbɔmɔ) ” lɛ ni ji osɔfoi akuu lɛ “Nyɔŋmɔjamɔ kwamɔ” aloo “atuatsemɔ” lɛ teɔ shi ewoɔ Yehowa Nyɔŋmɔ hewɔ lɛ, ebɛ naakpɛɛ akɛ nɛkɛ “gbɔmɔ” ni kuu ko feɔ lɛ aaabɔ mɔdɛŋ afee ehe Nyɔŋmɔ, etsɔ nyɔŋmɔ ko lɛ diɛŋtsɛ. Mɔ ni tse atua klɛŋklɛŋ eshi Yehowa Nyɔŋmɔ, ni ji Satan Abonsam lɛ fee lɛ diɛŋtsɛ ehe nyɔŋmɔ, no hewɔ lɛ bɔfo Paulo tsɛɔ lɛ “nibii agbɛjianɔtoo nɛɛ nyɔŋmɔ.” (2 Korintobii 4:​4, NW) Blema Babilon maŋtsɛ wɔŋjalɔ lɛ ni yɔɔ Satan Abonsam shishi lɛ hu bɔ mɔdɛŋ ni efee ehe mɔ ni kɛ Yehowa Nyɔŋmɔ ni esɔlemɔwe yɔɔ Yerusalem lɛ yeɔ egbɔ. Taakɛ Yesaia 14:14 lɛ tsɔɔ lɛ, blema Babilon maŋtsɛ lɛ kɛɛ yɛ etsui mli akɛ: “Makwɔ kɛaateke atatuiaŋ hei grɔŋŋi lɛ, ni matamɔ mɔ ni yɔɔ ŋwɛi shɔŋŋ lɛ!” Esusu akɛ enine eshɛ nɔ ni eshweɔ nɛɛ nɔ beni ekpata Yerusalem kɛ Yehowa sɔlemɔtsu lɛ hiɛ yɛ afi 607 D.Ŋ.B. lɛ. Shi kɛ̃lɛ, Yerusalem kɛ esɔlemɔtsu lɛ hiɛkpatamɔ ni Babilonnyo ni taoɔ ni ekɛ Yehowa Nyɔŋmɔ aye egbɔ lɛ kɛba lɛ ji nɔ ko bibioo kɛ akɛto nibii fɛɛ ni kɔɔ Yehowa Nyɔŋmɔ he ni nɛkɛ osɔfoi akuu ni ji “esha gbɔmɔ (mlakwamɔ gbɔmɔ) ” lɛ kɛba lɛ he lɛ.

36. Yɛ mɛɛ gbɛ nɔ nɛkɛ “gbɔmɔ” ni kuu ko feɔ nɛɛ feɔ enii tamɔ ebuŋ ehe akɔntaa ehaŋ Yehowa, ni mɛni Paulo fɔɔ Tesalonikabii kɛɛmɔ yɛ nɛkɛ “gbɔmɔ” nɛɛ he?

³⁶ Akɛni eji mlakwalɔ kɛ atuatselɔ yɛ nibii ni kɔɔ jamɔ he hewɔ lɛ, efee enii tamɔ nɔ ni ebuŋ ehe akɔntaa ko etsɔɔŋ Ŋwɛi Flooflonyo kɛ Nyɔŋmɔ Ofe Yehowa, efee ehe tamɔ mɔ ko ni nɔ kwɔ fe anɔkwa Nyɔŋmɔ hiɛkalɔ kome lɛ mla lɛ. Jeee keketee bɔfo Paulo feɔ yɛ be mli ni ekɛɛ yɛ gbalɛ mli kɛkɔ nɛkɛ “mlakwamɔ gbɔmɔ” ni he yɔɔ naakpɛɛ ni gbɔmɛi akuu ko feɔ nɛɛ he akɛ: “Mɔ ni baate shi awo ehe nɔ ashi nɔ fɛɛ nɔ ni atsɛɔ nyɔŋmɔ loo Nyɔŋmɔjamɔ lɛ aahu ni lɛ diɛŋtsɛ eeeyata Nyɔŋmɔ we lɛ akɛ nyɔŋmɔ ko ni etsɔ ehe akɛ lɛ ji Nyɔŋmɔ lɛ. Nyɛkaiii akɛ, beni mikɛnyɛ yɔɔ lɛ mikɛɛnyɛ nɛkɛ nii nɛɛ lo?”​—2 Tesalonikabii 2:​4, 5.

37. Mɛɛ jamɔ mli gbɔmɔ ko ni ehe gbɛi mɔ ko kɛ enine baatsɔɔ enɔ ni ekɛma bɔ ni Paulo gbalɛ lɛ eba mli lɛ nɔ mi, ni mɛni hewɔ?

³⁷ Shi kɛ̃lɛ, yɛ be mli ni amaa bɔ ni nɛkɛ “mlakwamɔ gbɔmɔ” ni ji osɔfoi akuu nɛɛ eha gbalɛ nɛɛ eba mli lɛ nɔ mi lɛ, mɔ ko kɛ enine baatsɔɔ bɔ ni osɔfoi “Kristofoi” nɛɛ ateŋ mɔ ko ewie ni efee enii eha aloo bɔ ni áfee lɛ akɛ etamɔ nyɔŋmɔ ko aha lɛ. Akɛ nɔkwɛmɔ nɔ, mɔ ko kɛ enine baatsɔɔ Roma Katolek Sɔlemɔ lɛ paapa lɛ nɔ ni etsɛ wiemɔi kɛjɛ nɔ ni akɛɔ yɛ nɛkɛ paapa nɛɛ ni ji Roma osɔfonukpa lɛ he yɛ Ferraris osɔfoiajamɔ mli wiemɔi komekomei ashishitsɔɔmɔ wolob lɛ mli, akɛ:

Bɔ ni pope loo paapa lɛ ji anunyam gbɔmɔ ni enɔ kwɔ ha lɛ hewɔ lɛ, ejeee gbɔmɔ ko kɛkɛ, taakɛ eji lɛ, shi moŋ Nyɔŋmɔ, kɛ Nyɔŋmɔ Sɛɛyelɔ. . . No hewɔ lɛ akɛ akekrei etɛ buɔ pope loo paapa lɛ, ákɛ ŋwɛi, shikpɔŋ nɔ kɛ hell maŋtsɛ. . . . Dabi, pope loo paapa lɛ agbojee kɛ hewalɛ lɛ jeee nɔ ni kɔɔ ŋwɛi, shikpɔŋ nɔ kɛ kojomɔ he pɛ, shi moŋ enɔ kwɔ fe ŋwɛibɔfoi, ni ehi fe amɛ. No hewɔ lɛ kɛji akɛ ŋwɛibɔfoi nyɛɔ amɛtɔ̃ɔ kɛjɛɔ hemɔkɛyeli lɛ he aloo amɛnaa henumɔi komɛi ni ehiii lɛ, pope loo paapa lɛ baanyɛ akojo amɛ ni eshwie amɛ. . . . Bɔ ni egbojee kɛ ehewalɛ da ha sɔŋŋ hewɔ lɛ ekɛ Kristo taa kojomɔsɛi kome nɔ . . . no hewɔ lɛ nɔ fɛɛ nɔ ni pope loo paapa lɛ feɔ lɛ tamɔ nɔ ni baa kɛjɛɔ Nyɔŋmɔ ŋɔɔ . . . Taakɛ eji lɛ, pope loo paapa lɛ ji Nyɔŋmɔ yɛ shikpɔŋ nɔ, Kristo anɔkwafoi lɛ ateŋ lumɔ kome pɛ, maŋtsɛmɛi fɛɛ amli maŋtsɛ ni fe fɛɛ, mɔ ni yɔɔ hewalɛ babaoo; ni akɛ shikpɔŋ nɔ nɔyeli kɛ ŋwɛi maŋtsɛyeli ewo edɛŋ. . . . Bɔ ni pope loo paapa lɛ hewalɛ kɛ hegbɛ da ha hewɔ lɛ ebaanyɛ etsake ŋwɛi mla lɛ mli, ejaje ni etsɔɔ shishi. . . . Pope loo paapa lɛ baanyɛ aku ŋwɛi mla lɛ naa yɛ bei komɛi amli kɛtsɔ enaa ni eeetsi ni etsɔɔ mli lɛ nɔ,” kɛ ekrokomɛi.

38. Shi kɛ̃lɛ, yɛ be mli ni akɛ nine tsɔɔ osɔfo ko ni ji gbɔmɔ aŋkro ko nɔ lɛ, mɛni esa akɛ akai, no hewɔ Iɛ yɛ mɛɛ gbɛ nɔ nɔ ni kɔɔ “mlakwamɔ gbɔmɔ” aloo eshɛ gbɔmɔ nɛɛ he Iɛ eba mli diɛŋtsɛ?

³⁸ Shi kɛ̃lɛ, esaaa akɛ hiɛ kpaa nɔ akɛ “mlakwamɔ gbɔmɔ” lɛ jeee gbɔmɔ aŋkro ko ni ji jamɔ mli hiɛnyiɛlɔ tamɔ Roma pope loo paapa lɛ aloo (Hela Orthodox sɔlemɔ lɛ onukpa ni yɔɔ Athens lɛ, Hela Orthodox sɔlemɔ lɛ onukpa ni yɔɔ Constantinople Istanbul) lɛ aloo jamɔ mli onukpa ko. “Mlakwamɔ” ni awie he afɔ shi lɛ ji nɔ ni “gbɔmɔ” ko ni damɔ shi kɛha kuu ko feɔ, ni ji sɔlemɔ ni tsɛɔ ehe “Kristofonyo” lɛ ajamɔ mli osɔfoi akuu lɛ fɛɛ. Shi kɛ̃lɛ, nɔ ni nɛkɛ “gbɔmɔ” ni damɔ shi kɛha osɔfoi akuu nɛɛ mlinyo kome aaafee lɛ kɛ shwamɔ baa osɔfoi akuu lɛ mlibii fɛɛ nɔ, akɛni amɛkpɛlɛɔ nɔ ni afee lɛ nɔ aloo amɛteee shi amɛwooo aloo amɛŋɔɔ nakai nifeemɔ gbɛ lɛ ni amɛhiɔ osɔfoi agbɛjianɔtoo lɛ mli lɛ hewɔ. Shwamɔ lɛ gbɛnaa nii kome Iɛ nɔŋŋ ka osɔfoi akuu lɛ fɛɛ nɔ, akɛni amɛteŋ mɔ kome feɔ enii ni ewieɔ ehaa kuu muu lɛ fɛɛ hewɔ. Nɔ ni osɔfoi akuu muu lɛ fɛɛ feɔ aloo ámɛfata he kɛfee kɛtsɔ afii ohahai abɔ lɛ amli lɛ ji nɔ ni haa gbalɛ ni kɔɔ “mlakwamɔ gbɔmɔ” lɛ he lɛ baa mli.

39. Yɛ mɛɛ gbɛ nɔ “mlakwamɔ gbɔmɔ” loo esha gbɔmɔ kuu lɛ ejie amɛhe kpo akɛ ‘amɛteɔ shi amɛwoɔ’ Yehowa diɛŋtsɛ?

³⁹ “Mlakwamɔ gbɔmɔ” kuu lɛ ejie ehe kpo akɛ ‘shitee-kɛ-wolɔ’ kɛtsɔ je lɛ “naanyo” ni efeɔ ehe lɛ hewɔ, taakɛ mla ni kaselɔ Yakobo ŋma yɛ mumɔ naa yɛ ewolo lɛ mli lɛ tsɔɔ lɛ: “Je lɛ naanyo ji Nyɔŋmɔ nyɛ̃ɛ. No hewɔ lɛ mɔ fɛɛ mɔ ni baafee ehe je lɛ naanyo lɛ ebatsɔ Nyɔŋmɔ henyɛlɔ.” (Yakobo 4:​4, Douay) Kɛ ete shi ewo ni ebɔ mɔdɛŋ ni eha Nyɔŋmɔ Wiemɔ ni jɛ mumɔŋ ni aŋma lɛ afee efolo ni ebɔ mɔdɛŋ ni ekaha esɔlemɔ lɛ mlibii lɛ anine miishɛ Biblia lɛ nɔ lɛ, belɛ eete shi eewo Yehowa Nyɔŋmɔ. Kɛ ete shi ewo ni ewa Kristo kaselɔi lɛ ni jaa Nyɔŋmɔ yɛ mumɔ kɛ anɔkwale mli kɛtsɔ Yesu Kristo nɔ lɛ ayi lɛ, belɛ eete shi eewo Yehowa Nyɔŋmɔ. (Yohane 4:24) Eteɔ shi ewoɔ anɔkwa Nyɔŋmɔ hiɛkalɔ kome lɛ yɛ jamɔ kɛ yijiemɔ ni sa Nyɔŋmɔ ni ejieɔ kɛyaa ni okɛ jamɔ kɛ yijiemɔ ni tamɔ nɛkɛ haa osɔfoi akuu ni awo amɛhiɛ nyam moŋ lɛ hewɔ, ni ekɛ enɛ feemɔ teɔ shi ewoɔ anɔkwa Nyɔŋmɔ hiɛkalɔ kome lɛ.

40. Yɛ mɛɛ gbɛ nɔ “mlakwamɔ gbɔmɔ” Ioo esha gbɔmɔ kuu lɛ ebɔ mɔdɛŋ akɛ amɛaafee shikpɔŋ nɔ nyɔŋmɔ pɛ ni yɔɔ, taakɛ eji yɛ Sɔlemɔ lɛ kɛ Maŋ lɛ sane lɛ mli lɛ?

⁴⁰ “Mlakwamɔ gbɔmɔ” kuu lɛ miisumɔ ni efee ehe nyɔŋmɔ kome pɛ ni yɔɔ shikpɔŋ nɔ, yɛ anɔkwale mli lɛ, shikpɔŋ nɔ nyɔŋmɔi lɛ ateŋ ‘nyɔŋmɔ. Átsɔɔ enɛ yɛ wekukpaa ni ebaka Kristendom jamɔ mli Sɔlemɔi lɛ kɛ maŋkwramɔ Maŋ lɛ teŋ lɛ hewɔ. Yɛ ekomefeemɔ ni ka Sɔlemɔ lɛ kɛ Maŋ lɛ teŋ nɛɛ mli lɛ, osɔfoi lɛ ebɔ mɔdɛŋ yɛ be fɛɛ mli akɛ amɛaafee mɛi ni baa klɛŋklɛŋ ni amɛtsɔɔ nɔ ni esa akɛ afeea. Constantine be mli tɔŋŋ ekomefeemɔ ni tamɔ nɛkɛ etee nɔ yɛ Sɔlemɔ lɛ kɛ Maŋ lɛ teŋ. Enɛ ebatsɔ ekomefeemɔ yɛ hegbɛ hewɔ, yɛ nɔ ni osɔfoi lɛ baanyɛ ana kɛjɛ mli kɛtsɔ hewalɛ, gbɛinámɔ, hebuu kɛ heyeli, sɛɛfimɔ kɛ pɛsɛmkunya sɛɛnamɔi komɛi ahewɔ. The Encyclopedia Americana, Kpo 6, baafai 657, 658 lɛ kɛɔ yɛ “Sɔlemɔ lɛ kɛ Maŋ” lɛ he akɛ:

Gbeekpamɔ ni yeɔ emuu bako nɛkɛ gbɛjianɔtooi enyɔ nɛɛ ateŋ dã yɛ ŋmɛnɛŋmɛnɛ beaŋ. Nɛkɛ mpleshii ni etsɛ nɛɛ baahi shi nakai, ja nɔ ko ni hɛleɔ mɔ shi ni yɔɔ gbeyei eba ni baahi shi kɛya naanɔ. Efee nɔ ni joomɔ yɔɔ mli. Efee nɔ ni kɔɔ nibii babaoo he ni ekɛ sane naataamɔ kɛ nibii ahe susumɔ ni he hiaa eba. Ekɛ maŋ atuatsemɔi sɔrɔtoi fɛɛ eba, ni ekɛ woji ni aŋmalaa kɛ mlifu ni eko bako da yɛ maŋkwramɔŋ mli béi amli eba. Efee maŋkwramɔŋ béi yɛ be fɛɛ mli. . . . Sɔlemɔ lɛ bote jeŋ muu fɛɛ nitsumɔ mli yɛ Constantine ni ye bua lɛ shishi akɛ nitsumɔ ni aatsu ni akɛgbele je lɛ hiŋmɛi. Akɛni ákpɛlɛ enɔ akɛ mumɔŋ hiɛnyiɛlɔ hewɔ lɛ, ekɛ fiofio baná shihilɛ he kɛ gbɛi akɛ hewalɛ fɛɛ tsɛ yɛ be kukuoo ko mli. Ebatsɔ jeŋ hewalɛ. Nɛkɛ omanye ni eye nɛɛ ji nɔ ni je naagbai sɔrɔtoi ni ba Sɔlemɔ lɛ mli lɛ shishi. . . . Maŋkwramɔŋ hewalɛ lɛ kɛ ehe wo Sɔlemɔ lɛ saji amli eyɛ mli akɛ ekpɛlɛ enɔ yɛ mla naa kɛjɛ Constantino yinɔ kɛyashi Charlemagne yinɔ. Kɛjɛ Charlemagne yinɔ aahu kɛyashi be ko ni bɛŋkɛɔ Tsakemɔ lɛ be mli lɛ, Sɔlemɔ lɛ kɛ Maŋ lɛ bafee ekome kɛ nɔkpɛlɛmɔ ni amɛna amɛha amɛhe ni maŋ lɛ ba ehe shi eha mumɔŋ hegbɛ lɛ.

41. (a) Mɛɛ jamɔ hegbɛ Roma maŋtsɛmɛi lɛ yɔɔ, ni “esha gbɔmɔ” loo mlakwamɔ gbɔmɔ lɛ taoɔ ni eho eta nɔ lɛ? (b) Mɛɛ jamɔ gbɛhe Roma maŋtsɛ lɛ yɔɔ, ni akɛ enɛ tsu nii yɛ sɔlemɔ lɛ ni ekwa hemɔkɛyeli lɛ mli yɛ mɛɛ gbɛ nɔ?

⁴¹ Eji yinɔsane mli anɔkwale akɛ abu wɔŋjamɔ Roma Maŋtsɛyeli lɛ nɔyelɔi lɛ akɛ nyɔŋmɔi, ni asha tsofa-kɛ-ŋma aha amɛ akɛ nyɔŋmɔi loo krɔŋkrɔŋbii. Kɛjɛ Maŋtsɛ Constantino kpeteŋkpele lɛ beaŋ yɛ afii ohai ejwɛ Iɛ mli, “hemɔkɛyeli kwamɔ” Iɛ mli osɔfonukpai lɛ kɛ Maŋ Iɛ bafee ekome ni amɛbɔ mɔdɛŋ ni amɛnɔ akwɔ fe Roma Maŋtsɛ ni atsɔ lɛ nyɔŋmɔ lɛ. Maŋtsɛ Constantino bɔ mɔdɛŋ ni eto futufutu jamɔ ni ka wɔŋjamɔ kɛ Kristojamɔ teŋ ema shi ni ewo akpɔ akɛ osɔfonukpai ni amɛkwa hemɔkɛyeli Iɛ ajamɔ lɛ baafee Maŋ jamɔ. Akɛ wɔŋjalɔi asabla Pontifex Maximus, onukpa ni kwɛɔ jamɔŋ saji anɔ lɛ tsɛ́ lɛ aahu kɛbashi egbele mli yɛ afi 337 Ŋ.B. Ni nɛkɛ ni eji akɛ Pontifex Maximus (wulɔmɔ nukpa) ni abaptisiko Iɛ lolo Iɛ nɔ Constantino damɔ ekɛtsɛ Nikaia kpee Lɛ yɛ afi 325 Ŋ.B. lɛ, koni asaa jamɔ mli béi ni ka sɔlemɔ lɛ mli osɔfonukpai lɛ ateŋ lɛ. Nakai be Iɛ mli ekpɛlɛ wɔŋjalɔi atsɔɔmɔ ni ji Triniti (Nyɔŋmɔ Kome yɛ Gbɔmɛi Etɛ Mli) ni sɔlemɔ lɛ mli osɔfonukpai lɛ ateŋ mɛi ni fa tsɔɔ Iɛ nɔ.

[[Shishigbɛ niŋmai]

November Daa Gbi Ŋmalɛ

(Kɛ́ ootao ona bɔ ni saji nɛɛ ji diɛŋtsɛ lɛ, no lɛ kwɛmɔ wolo lɛ mli)