Hii Shi Akɛ ‘Mɔ Ni Kɛ Je Lɛ Woko Ehe Muji’
“Jamɔ ni he tse ni ehe bɛ muji ko yɛ Nyɔŋmɔ kɛ Tsɛ lɛ hiɛ ji enɛ, okɛ mɔ osafo awusai kɛ okulafoi yɛ amɛ omanehulu mli, ni eto ehe kɛjɛ je nɛŋ koni ekawo ehe muji.” YAKOBO 1:27.
1, 2. Mɛni ji jamɔ ni he tse lɛ taomɔ nii komɛi?
1 YEHOWA taoɔ jamɔ ni he tse. (Yohane 4:23, 24) Kɛfata nibii krokomɛi ahe lɛ, jamɔ ni he bɛ muji ko lɛ kanyaa suɔmɔ ni aaana aha mɛi ni ehia amɛ lɛ. (Galatabii 2: 10) Ebiɔ hu ni wɔkɛ je lɛ akawo wɔhe muji, ni ji akɛ, adesa weku ni ámɛtsi amɛhe kɛjɛ Nyɔŋmɔ he ni “amɛka mɔ fɔŋ” Satan Abonsam, hewalɛ mli lɛ.—1 Yohane 5:19.
2 Kaselɔ Yakobo ŋma akɛ, “Jamɔ ni he tse ni ehe bɛ muji ko yɛ Nyɔŋmɔ kɛ Tsɛ lɛ hiɛ ji enɛ, akɛ asara awusai kɛ okulafoi yɛ amɛ amanehulu lɛ mli ni eto ehe kɛjɛ je nɛŋ koni ekawo ehe muji.” Bɔ ni Shishitsɔɔmɔ kroko fee lɛ nɛ: “Jamɔ ni yɔɔ krɔŋŋ ni efiteko yɛ Nyɔŋmɔ, wɔ Tsɛ lɛ hiɛ ji enɛ: ni aaaye abua awusai kɛ okulafoi kɛ nɔ ko he miihia amɛ, ni mɔ atsi ehe ni ekɛ je lɛ akɛbule ehe.”—Yakobo 1:27, The Jerusalem Bible.
3. Mɛɛ sanebimɔi wɔbaasusu he agbɛnɛ?
3 Shi te wɔɔfee tɛŋŋ ni ákɛ Yehowa tsuji lɛ wɔɔhi shi ni wɔkɛ “je lɛ akabule wɔhe” lɛ? Mɛni ji Ŋmalɛ naa susumɔ yɛ nibii tamɔ je lɛŋ shihilɛ mli nibii, woloŋlee he gbɛjianɔtoo, nitsumɔ mli nifeemɔi kɛ hiɛtserɛjiemɔi amli nibii lɛ?
‘Ni Wɔɔhi Akɛ Mɛi Ni Kɛ Je Lɛ Buleko Amɛhe’
4. Yohane 17:14 kɛ Yesaia 2:2-4 tsɔɔ mɛni yɛ tsakpaa ni ka wɔ kɛ je nɛɛ teŋ lɛ he?
4 Akɛni wɔ, akɛ Yehowa Odasefoi lɛ, “jɛɛɛ je nɛŋ” hewɔ le, esa akɛ wɔfee sɔrɔto yɛ adesa weku ni ejaaa lɛ he. (Yohane 17:14) Yɛ gbɛ ko nɔ lɛ, enɛ tsɔɔ akɛ esa akɛ wɔhi shi akɛ mɛi ni kɛ amɛhe wooo jeŋ maŋkwramɔ saji amli. Esa akɛ wɔtsi wɔhe kɛjɛ emli basa basafeemɔi lɛ ahe ni wɔtiu toiŋjɔlɛ tamɔ mɛi ni ‘amɛkɛ amɛklantei esɔ kɔii.’—Yesaia 2:2-4.
5. Kɛ wɔɔhi shi akɛ mɛi ni kɛ je nɛɛ buleko amɛhe lɛ, mɛni esa akɛ wɔfee taakɛ (a) 1 Korintobii 6:9-11 tsɔɔ lɛ? (b) Efesobii 5:3-5 tsɔɔ lɛ?
5 Akɛ gbɔmɛi ni miisumɔ ni amɛhi shi akɛ mɛi ni kɛ je nɛɛ buleee amɛhe lɛ, esa akɛ wɔkwa wiemɔi, jeŋba kɛ sui ni efa babaoo yɛ je lɛŋ bii aŋkroaŋkroi ahe ni kɛ Nyɔŋmɔ Wiemɔ lɛ kpaaa gbee lɛ. Akɛ nɔkwɛmɔ nɔ lɛ, nyɛ̃ɛ, hiɛjoomɔ jeŋba ni yɔɔ hiɛgbele kɛ yakayaka fɛoyeli bɛ gbɛfaŋnɔ ko yɛ wɔshihilɛ mli. (1 Korintobii 6:9-11; Efesobii 5:3-5) Ebɛ naakpɛɛ akɛ esoro wɔ nifeemɔi kɛ subaŋ yɛ je lɛŋ bii lɛ anɔ̃ he, ejaakɛ amɛ lɛ, amɛbɛ wɔ Kristofoi ahiɛnɔkamɔ lɛ eko.
Be Ni Jeŋ Gbɛjianɔtoo Nɛɛ Yɔɔ Lɛ Faaa
6. Yɛ 1 Korintobii 7:29-31 hewɔ lɛ te esa akɛ Yehowa Odasefoi asusu gbalashihilɛ, heloo gbɛfaŋ nibii aloo shikpɔŋ nɛɛ nɔ nibii krokomɛi ahe amɛha tɛŋŋ?
6 Bɔfo Paulo ŋma akɛ: “Be lɛ faaa dɔŋŋ. Nɔ ni eshwɛ ji akɛ, mɛi ni yɔɔ ŋamɛi tete afee tamɔ mɛi ni bɛ eko, ni mɛi ni foɔ lɛ hu afee tamɔ mɛi ni fooo, ni mɛi ni nyãa lɛ hu afee tamɔ mɛi ni nyaaa; ni mɛi ni heɔ lɛ atamɔ mɛi ni jeee nɔtsɛmɛi, ni mɛi ni tsuo je nɛɛ he nii lɛ afee tamɔ mɛi ni tsuuu he nii, ejaakɛ ŋmɛnɛŋmɛnɛ jeŋ gbɛjianɔtoo lɛ miiho aya.” (1 Korintobii 7:29-81, Modern Language Bible) Enɛ tsɔɔ akɛ esa akɛ wumɛi Kristofoi atsu amɛ gbalashihilɛ mli gbɛnaa nii ahe nii moŋ, shi amɛkɛ gbalashihilɛ akafee amɛshihilɛ mli nɔ fɛɛ nɔ. Kɛ́ Kristofoi ni akɛ mumɔ efɔ amɛ lɛ gboi lɛ, amɛbaashi amɛshikpɔŋ nɔ wekui fɛɛ, amɛ miishɛɛi, awerɛhoi kɛ amɛhewɔ nibii. Amrɔ nɛɛ po, Kristofoi ni yɔɔ ŋwɛi loo shikpɔŋ nɔ hiɛnɔkamɔ lɛ baanyɛ alaaje ŋa loo heloo gbɛfaŋ nibii! Agbɛnɛ, wala ji nɔ ni ahaahaa yi yɛ “amanehnlu kpeteŋkpele” lɛ mli, shi jeee heloo gbɛfaŋ nibii. (Mateo 24:21, NW; Jajelɔ 9:11) No hewɔ lɛ esaaa akɛ Yehowa Odasefoi lɛ ateŋ mɔ ko kɛ gbalashihilɛ, heloo gbɛfaŋ nibii aloo shikpɔŋ nɔ nibii krokomɛi yeɔ klɛŋklɛŋ gbɛhe yɛ eshihilɛ mli. Shi moŋ, esa akɛ Kristofoi fɛɛ kɛ wekukpaa kpakpa ni aaaka amɛ kɛ Yehowa Nyɔŋmɔ teŋ lɛ afee sane ni he hiaa amɛ fe fɛɛ. Nakai enɛ ji, titri lɛ akɛni “naagbee gbii” lɛ amli wɔyɔɔ nɛɛ, ni “ŋmɛnɛŋmɛnɛ jeŋ gbɛjianɔtoo lɛ miiho aya” hewɔ.—2 Timoteo 3:1.
7. Taakɛ niiahelɛtemɔ he nilelɔ ko tsɔɔ lɛ, mɛni hu efa kɛfata woloŋlee, shika kɛ nibii krokomɛi ni efa babaoo lɛ ahe?
7 Mɛi pii susuɔ “ŋmɛnɛŋmɛnɛ jeŋ gbɛjianɔtoo” lɛ wɔsɛɛ be he. Akɛ nɔkwɛmɔ lɛ, adafitswaa woloŋmalɔ Naney Brown tsɛ wiemɔ ko kɛjɛ shikahelɛtemɔ he nilelɔ Ezra Misham wiemɔi amli, ákɛ ewie sane ni nyiɛ sɛɛ nɛɛ yɛ woloŋlee ni yaa hiɛ kɛ shika ni jɛɔ mlibaa ni fa lɛ he akɛ: “Ehako shihilɛ ahi fe tsutsu. Yɛ nɔyaa ni etee nɔ yɛ jeŋ nilee, woloŋlee kɛ heloo gbɛfaŋ nibii amli lɛ fɛɛ sɛɛ lɛ, gbɔmɛi ena bɔ ni basabasafeemɔ, efɔŋfeemɔ, awuyeli, mɛi anibii afitemɔ, gbɔmɔgbee kɛ he ni agbeɔ, yakayaka wiemɔ kɛ nyaŋemɔ nitsumɔ efa babaoo eha.” Nɔ ni sa kadimɔ jogbaŋŋ hu ji adafitswaa wolo nɛɛ mli wiemɔ ko ni jeɔ shishi nɛkɛ lɛ: “Nyɔŋmɔ ni kɛ ehe aaawo mli lɛ nɔ abaatsɔ ahere je lɛ yiwala koni gbɔmɔ akakpata lɛ diɛŋtsɛ ehiɛ.”—Times Colonist, Victoria, British Columbia, March 25, 1982.
8. Mɛni hewɔ esaaa akɛ wɔnaa nɔ fɛɛ nɔ ni wɔɔnyɛ kɛjɛɔ je nɛŋ lɛ?
8 Shi Yehowa bɔ shikpɔŋ lɛ koni adesai ni ji jalɔi ni yeɔ emuu ahi nɔ, jeee adesa weku ko ni ejaaa. (Yesaia 45:18; Lala 37:29, 38) No hewɔ lɛ Nyɔŋmɔ eŋmɛŋ gbɛ ni adesai akpata amɛ diɛŋtsɛ amɛhiɛ. Shi ŋwanejee ko bɛ he akɛ etsɛŋ ni nɛkɛ jeŋ gbɛjianɔtoo momo nɛɛ baaho aya kwraa. No hewɔ lɛ, Yehowa tsuji ni amɛjɔɔ amɛhe nɔ lɛ kɛ je lɛ ‘akatsu nii kɛmiimɔ shi.’ Aloo taakɛ shishitsɔɔmɔ kroko wie he lɛ; “Yɛ be mli ni nyɛkɛ je lɛ tsuɔ nii lɛ, nyɛkabɔa mɔdɛŋ akɛ nyɛaaná nɔ fɛɛ nɛ kɛaajɛ mli, akɛni bɔ ni je nɛɛ yɔɔ nɛɛ miiho aya hewɔ.”—1 Korintobii 7:31, The New Testament in the Language of Today, ni Wiliiam F. Beckfee.
Ani Eba Akɛ Wɔkɛ Je Nɛɛ Atsu Nii Kwraa Po?
9. (a) Yehowa webii baanya ni amɛkɛ je nɛɛ atsu nii yɛ gbɛ ni sa nɔ kɛyashi nɛgbɛ? (b) Yɛ Mateo 6:31-33 kɛ 1 Timoteo 6:7, 8 hewɔ lɛ, mɛni ji su ni esa akɛ wɔna yɛ heloo gbɛfaŋ nibii ahe?
9 Akɛ Yehowa odasefoi ni amɛjɔɔ amɛhe nɔ lɛ, ani eja gbɛ akɛ wɔɔna nɔ ko kɛjɛ je nɛɛ mli? Hɛɛ, Paulo tsɔɔ akɛ wɔbaanyɛ ni wɔkɛ je lɛ atsu nii, shi jeee kɛmiimɔ shi. No hewɔ lɛ, wɔbaanyɛ ni wɔkɛ je lɛŋ gbɛjianɔtooi ni mla ŋmɛɔ gbɛ lɛ atsu nii yɛ wɔ Ŋmalɛ naa gbɛnaa nii ni ka wɔnɔ lɛ kɛ Maŋtsɛyeli lɛ he sane lɛ ni wɔshiɛɔ lɛ he nitsumɔ mli. (1 Timoteo 5:8; 6:17-19) Akɛni wɔmiisumɔ ni wɔhi shi akɛ ‘mɛi ni kɛ je lɛ wooo amɛhe muji’ hewɔ lɛ, wɔnyɛŋ wɔkɛ wɔhe awo emli naataomɔi, shitee kɛ wooi, bei kɛ tai aloo shihilɛi ni tamɔ nakai lɛ amli. Wɔnyɛŋ wɔfi mɔ kome sɛɛ po ni wɔkete shi wɔshi mɔ kroko yɛ teemɔŋ. Ni asaŋ esaaa akɛ wɔhaoɔ wɔhe yaka yɛ wɔ shihilɛ mli nibii ni wɔɔye kɛ heloo gbɛfaŋ nibii ahe, ejaakɛ Yesu kɛɛ: “Nyɛkahaoa nyɛhe nyɛkɛɛa akɛ: Mɛni wɔɔye, eloo mɛni wɔɔnu, mɛni hu wɔɔŋɔha wɔhe? Ejaakɛ nii nɛɛ fɛɛ sɛɛ jeŋmajiaŋbii lɛ diɔ. Shi nyɛ Tsɛ lɛ ni yɔɔ ŋwɛi lɛ le akɛ nii nɛɛ fɛɛ he miihia nyɛ. Shi nyɛtaoa Nyɔŋmɔ Maŋtsɛyeli lɛ kɛ ejalɛ lɛ tsutsu, ni akɛ nii nɛɛ fɛɛ aaafata he ahanyɛ.” Yesu tsu nɔ ni eshiɛ lɛ he nii, ejaakɛ eyɛ mli akɛ osɔi yɛ bui, ni ŋwɛi loofɔji hu yɛ tsũi moŋ, shi ebɛ he ko ni ekɛ eyitso ŋmɛɔ. Belɛ eba akɛ wɔmii aaashɛ ŋmaa kɛ hehaa nɔ he yɛ be mli ni wɔtaoɔ “Nyɔŋmɔ Maŋtsɛyeli lɛ . . . tsutsu lɛ.”—Mateo 6:31-33; Luka 9:58;1 Timoteo 6: 7, 8.
10. Yɛ woloŋlee he lɛ, mɛɛ sanebimɔi esa akɛ wɔtsɔ sɔlemɔ nɔ wɔsusu he, ni te obaaha amɛ hetoo oha tɛŋŋ?
10 Shi je lɛŋ nitsumɔ ni aaatsɔse mɔ ko aha hu? Ojogbaŋŋ, akɛni je nɛɛ baaho aya yɛ wɔgbii nɛɛ amli hewɔ lɛ, ani ebaafee nɔ ni suɔmɔ yɔɔ mli akɛ aaato gbɛjianɔ aha shihilɛ ni atu aha je lɛŋ nɔyaa? (Mateo 24:34) Dabi! Ni kɛlɛ, susumɔ ni tamɔ nɛkɛ baanyɛ ana hewalɛ yɛ bɔ ni wɔkwɛɔ je lɛŋ woloŋlee wɔhaa lɛ nɔ, aloo jeee nakai? Eyɛ mli akɛ shishijee woloŋlee he miihia moŋ, shi onyɛŋ ni ojo je lɛŋ susumɔi ni yaa nɔ yɛ skul sɔrɔtoi ni kɛ woloŋlee ni yaa hiɛ efee oti ni ma amɛhiɛ lɛ naa foi. Eyɛ mli akɛ mɔ diɛŋtsɛ baato eyiŋ yɛ woloŋlee he moŋ. (Galatabii 6:5) Shi nii ahesusumɔ ni akɛ sɔlemɔ feɔ he miihia yɛ sanebimɔi ni nyiɛ sɛɛ nɛɛ ahe: Ani nikaselɔi kɛ afii ni amɛyeɔ yɛ university lɛ etee nɔ ‘amɛtao Maŋtsɛyeli lɛ kɛ Yehowa jalɛ lɛ tsutsu’? Ani susumɔi ni akaa hiɛ atsɔɔ kɛ jeŋ nilee ni fiteɔ anɔkwale hemɔkɛyeli lɛ esako amɛhe kwraa? (Kolosebii 2:8) Ani je lɛŋ nanemɛi lɛ ena amɛnɔ hewalɛ kpakpa, aloo eye amɛ awui yɛ mumɔŋ? (1 Korintobii 15:33) Ani aŋkroaŋkroi ni ámɛna woloŋlee ni yaa hiɛ lɛ etee nɔ amɛba amɛhe shi diɛŋtsɛ?—Filipibii 2:2, 3.
11. Yɛ bɔ ni mɔ ko woloŋlee yɔɔ ha lɛ fɛɛ sɛɛ lɛ, mɛɛ yelikɛbuamɔ akɛhaa yɛ biɛ koni akɛka wɔjwɛŋmɔ akwɛ?
11 Yɛ enɛ hu hewɔ lɛ, mɛi ni yaa skul ni tsɔɔ ninenaa nitsumɔ lɛ hu kɛ amɛhe ewo amɛ nitsumɔ nɛɛ mli vii aahu akɛ amɛbɛ be dɔŋŋ po ni amɛkɛaawo Yehowa sɔɔmɔ mli. No hewɔ lɛ, bɔ fɛɛ bɔ ni woloŋlee ni ataoɔ ni nine ashɛ nɔ lɛ ji lɛ, babaoo hu damɔ mɔ lɛ jwɛŋmɔ nɔ. Ani shwe ni mɔ shweɔ akɛ eeeye ehe ni etsɔ niiatsɛ lɛ ji liɔ titri yɛ eshihilɛ mli? Ani nɔ ni baajɛ woloŋlee loo tsɔsemɔ ni etaoɔ lɛ mli aba ji esɔɔmɔ ni ekɛhaa Yehowa lɛ ni eeeba lɛ shi kwraa, aloo ebaaye ebua bo ni oya nɔ okɛ sɔɔmɔ krɔŋkrɔŋ aha? Eyɛ mli akɛ oji Kristofonyo ni esa akɛ ohi shi akɛ mɔ ni kɛ je lɛ wooo ehe muji moŋ, shi ani ootao ni ofee gbɛi ko oha ohe yɛ nibii agbɛjianɔtoo nɛɛ mli, aloo okɛ ohe ewo Maŋtsɛyeli lɛ he nibii ni okɛaaye klɛŋklɛŋ gbɛhe yɛ oshihilɛ mli lɛ mli diɛŋtsɛ?
12. Mɛni etsirɛ aŋkroaŋkroi komɛi ni le woloŋ jogbaŋŋ lɛ ni amɛmɔ Maŋtsɛyeli lɛ he anɔkwale lɛ mli lɛ?
12 Eŋɔɔ wɔnaa akɛ aŋkroaŋkroi komɛi ni le woloŋ jogbaŋŋ ebamɔ Maŋtsɛyeli anɔkwale lɛ mli. Shi amɛfeee nakai yɛ amɛ woloŋlee ni yaa hiɛ lɛ hewɔ. Shi moŋ amɛbayɔse akɛ, yɛ amɛ woloŋlee ni yaa hiɛ lɛ fɛɛ sɛɛ lɛ, ámɛyoo akɛ shishinumɔ ko kwraa bɛ amɛshihilɛ mli, ejaakɛ amɛbɛ Nyɔŋmɔ ni amɛbɛ hiɛnɔkamɔ ni ma shi shiŋŋ. Agbɛnɛ ámɛbale akɛ ‘jeee nilelɔi pii, jeee hewalɔi pii, jeee abladei pii’ naa ŋwɛi nɔkpɛlɛmɔ (1 Korintobii 1:26-31) No hewɔ lɛ, amɛ diɛŋtsɛ lɛ amɛna miishɛɛ babaoo akɛ yɛ naagbee lɛ amɛbana yiŋtoo ni yɔɔ shihilɛ mli diɛŋtsɛ lɛ, ákɛ Yehowa odasefoi
“Shihilɛ Mli Jarayeli Nitsumɔi Amli Saji”
13. Timoteo Wolo ni Ji Enyɔ, yitso 2:3, 4 kɛ mɛɛ ŋaawoo haa yɛ jarayeli nitsumɔi asɛɛdii kɛ Kristofonyo ni ejɔɔ ehe nɔ lɛ he?
13 Akɛni wɔmiisumɔ ni wɔhi shi akɛ mɛi ni kɛ je nɛɛ woko amɛhe muji hewɔ lɛ, mɛni ji su ni esa akɛ wɔna yɛ emli nitsumɔi asɛɛdii lɛ he? Bɔfo Paulo kɛɛ Timoteo akɛ: “Miamɔ ohiɛ yɛ amanehulu mli akɛ Kristo Yesu asraafonyo kpakpa ko. Mɔ ko sɔmɔɔɔ akɛ asraafonyo ni ekɛ ehe aaawo shihilɛ mli jarayeli nitsumɔi amli saji amli koni esa mɔ ni ŋɔlɛ akɛ asraafonyo lɛ hiɛ.” (2 Timoteo 2:3, 4, NW) Esa akɛ Kristofoi atsu nii ni amɛna nibii yɛ anɔkwayeli mli amɛha amɛ diɛŋtsɛ amɛhe kɛ amɛwekui. Shi ani efeŋ nɔ ni yɔɔ naakpɛɛ akɛ aaawie Kristofonyo ko ni ejɔɔ ehe nɔ lɛ he titri akɛ nitsumɔ agbo ko mli onukpa ni hiɛ gbɛhe ni kwɔ gojoo fe ni aaawie ehe akɛ sɔɔlɔ moŋ? Ani esaaa akɛ klɛŋklɛŋ kwraa lɛ, aleɔ lɛ akɛ Maŋtsɛyeli lɛ jajelɔ kɛ “Kristo Yesu asraafonyo kpakpa”?
14. Mɛɛ gbɛ nɔ aaatsɔ akɛ Hebribii 13:18 ato wɔ jarayeli nitsumɔ mli nifeemɔi ahe?
14 He ni akaa akwɛɔ yɛ gbɛi sɔrɔtoi anɔ he miihia yɛ jarayeli nitsumɔi amli. Nɔ kome ji akɛ, anɔkwale ni eji akɛ ekolɛ wɔkɛ gbɔmɛi pɛsɛmkunyatsɛmɛi ni yɔɔ je lɛ mli lɛ yeɔ lɛ haaa wɔjie wɔnaa yɛ amɛgbɛi ni ehiii ni,amɛtsɔɔ nɔ amɛshishiuɔ mɛi kɛ amɛwiemɔ shara lɛ kasemɔ mli. Shi moŋ, esa akɛ “wɔba wɔjeŋ fɛfɛo yɛ nii fɛɛ mli.” (Hebribii 13:18) Eji anɔkwale akɛ, je lɛŋ jarayelɔi kɛ nitsumɔtsɛmɛi hiɛjoolɔi lɛ kɛwɔ yeŋ yɛ nakai gbɛ nɔ. Shi wɔbaanyɛ wɔna nɔmimaa akɛ Yehowa baajɔɔ wɔ yɛ wɔ anɔkwayeli gbɛ lɛ hewɔ, ni enɛ ji gbɛ kome ni wɔɔtsɔ nɔ “wɔwula Nyɔŋmɔ ni ji wɔyiwalaherelɔ lɛ tsɔɔmɔ lɛ.”—Tito 2:9, 10.
15. Mɛɛ Ŋmalɛ mli ŋaawoo akɛhaa yɛ wɔ diɛŋtsɛ wɔteemɔŋ nitsumɔi asɛɛdii mli?
15 Ákɛ mɛi ni miisumɔ ni amɛhi shi akɛ mɛi ni kɛ je nɛɛ wooo amɛhe muji lɛ, esa akɛ wɔfee “mɛi fɛɛ ejurɔ, shi titri lɛ, mɛi ni ji hemɔkɛyeli lɛ webii lɛ.” (Galatabii 6:10) Shi wɔnyɛŋ wɔfee enɛ kɛji akɛ wɔtsɔ pɛsɛmkunya nifeemɔ ko nɔ wɔkɛ wɔhe wo wɔ diɛŋtsɛ wɔ jarayeli nitsumɔ ko mli kɛtsɔ Nyɔŋmɔ webii ni wɔkɛ amɛ bɔɔ lɛ ahe sɛɛ ni wɔɔna nɔ.Hɛɛ, esa akɛ Kristofoi ‘anyiɛ tamɔ nilelɔi.’ (Efesobii 5:15) Yɛ anɔkwale ni eji akɛ mɔ ko ni atsɛɔ lɛ nyɛmi kɛ gbɛjianɔtoo ko ni haa anaa shika oyayaayai baa wɔŋɔɔ lɛ etsɔɔɔ akɛ belɛ esa akɛ atsɔ wɔyiŋ oya ni wɔŋmɛɛ wɔ shika he wɔha nakai. Yiŋtoo kpakpa ji nɔ ni yɔɔ kɔkɔ ni Nyɔŋmɔ gbɛjianɔtoo lɛ bɔɔ wɔ yɛ be kɛ bei amli yɛ mɛi ni kɛɔ akɛ amɛji wɔmumɔŋ nyɛmimɛi shi amɛsumɔɔ ni amɛná Nyɔŋmɔ “tooi” lɛ ahe sɛɛ yɛ gbɛ ni ejaaa nɔ lɛ sɛɛ lɛ.
Amɛjeee Je Lɛ Fa Yɛ Gbɛi Fɛɛ Nɔ
16. Mɛni ji gbɛi komɛi ni wɔbaatsɔ nɔ wɔtsɔɔ akɛ wɔmiihi shi akɛ “mɛi ni kɛ je nɛɛ wooo amɛhe muji”?
16 Eka shi faŋŋ akɛ wɔnyɛŋ wɔkane gbɛ fɛɛ gbɛ ni Yehowa Odasefoi tsɔɔ yɛ akɛ amɛmiibi shi akɛ ‘mɛi ni kɛ je lɛ wooo amɛhe muji’ lɛ fɛɛ. Shi yɛ anɔkwale mli lɛ, dãa ni wa ni anuɔ kɛtekeɔ nɔ, akaŋshii ni mli wa aloo kpɔiaŋgbɔlemɔ nifeemɔi ni yɔɔ basabasa, ŋmlɛtswaai abɔ ni afiteɔ akɛkwɛɔ sinii loo tɛlivishiŋ ni jieɔ ojotswalɔi, awuyelɔi kɛ ahoshwibɔlɔi krokomɛi yɛ mli, woji ni kɔɔ bɔlɛnamɔ he kɛ video nɔ shwɛmɔi ni tsɔɔ awuyeli ni akwɛɔ lɛ jeee gbɛ̀i ni atsɔɔ nɔ ahiɔ shi akɛ mɛi ni kɛ je wooo amɛhe muji. (1 Korintobii 6:9, 10; 15:33; Galatabii 5:19-26; 1 Petro 4:3) Yehowa miikpa gbɛ akɛ edasefoi lɛ baakwa nii ni afeɔ kɛtekeɔ nɔ, jeŋbashara kɛ basabasafeemɔ ni yɔɔ je nɛŋ lɛ. No hewɔ lɛ esaaa akɛ wɔtaoɔ je lɛŋ efɔŋfeemɔ he nilee aloo ehe niiashikpamɔ, shi moŋ esa akɛ ‘efɔŋ gbɛfaŋ lɛ, wɔfee wɔhe abifabii ni efɔŋ ko bɛ wɔhe.’—1 Korintobii 14:20; okɛto 1 Yohane 3:2, 3 he.
17. Yɛ mɛɛ gbɛ nɔ je lɛ ni wɔkɛwooo wɔhe muji lɛ aaanyɛ asa wekukpaa ni ka wɔkɛ mɛi krokomɛi ateŋ lɛ he?
17 Ni wɔɔfee mɛi ni kɛ je lɛ wooo amɛhe muji lɛ boteɔ wɔshihilɛ mli nibii fɛɛ mli, ni eka shi faŋŋ akɛ ekɔɔ bɔ ni wɔkɛ mɛi krokomɛi bɔɔ haa lɛ hu he. Yɛ be mli ni sui tamɔ awuŋayeli fɔŋ, bei, hepupuumɔ kɛ amale efa babaoo yɛ je nɛŋ lɛ, amɛbɛ gbɛ ko yɛ wɔteŋ, ejaakɛ Yakobo ŋma akɛ: “Namɔ ji nilelɔ kɛ sanesɛɛkɔlɔ yɛ nyɛteŋ? Ha ni ekɛ jeŋba kpakpa atsɔɔ lɛ diɛŋtsɛ enitsumɔi lɛ yɛ nilee kpoofeemɔ mli. Shi kɛ awuŋayeli fɔŋ kɛ bei yɛ nyɛtsui mli lɛ, nyɛkashwãa ni nyɛmalea nyɛshia anɔkwale lɛ. Nɛkɛ nilee nɛɛ, jeee ŋwɛi ejɛ, shi moŋ shikpɔŋ nɔ nɔ̃ ni, heloo naa nɔ̃ ni, daimonioi anɔ̃ ni. Ejaakɛ he ni awuŋayeli kɛ bei yɔɔ lɛ, jɛi sakasakafeemɔ kɛ nishaianii fɛɛ yɔɔ.” (Yakobo 3:13-16) Kwɛ bɔ ni ehe hiaa akɛ,wɔɔjie “nilee kpoofeemɔ” kpo koni ‘wɔtiu wɔkɛ gbɔmɛi fɛɛ ateŋ toiŋjɔlɛ sɛɛ’! (Hebribii 12:14) Yɛ anɔkwale mli lɛ, ákɛ Yehowa odasefoi anɔkwafoi lɛ, wɔnyɛŋ wɔŋmɛ gbɛ ni mlifu ni ka wɔkɛ mɛi ateŋ lɛ afite wekukpaa ni ka wɔ kɛ wɔnyɛmimɛi hii kɛ yei ni yɔɔ hemɔkɛyeli lɛ mli ateŋ lɛ, Shi moŋ, esa akɛ ‘wɔna wɔha wɔhe, ni wɔkɛ sane ake, taakɛ bɔ ni Yehowa hu kɛke wɔ yaka lɛ.’ (Kolosebii 3:13) Enɛ jeee gbɛ ni je lɛ tsɔɔ nɔ ekɛ mɛi krokomɛi yeɔ, shi no ji Nyɔŋmɔ gbeyeishemɔ gbɛ lɛ.
18. Je lɛ ni wɔtse wɔhe kɛjɛ he lɛ jeɔ kpo titri kɛ wɔfee mɛni?
18 Mɛi ni yɔɔ Kristofoi asafo lɛ mli kɛ esɛɛ fɛɛ lɛ ni wɔɔha toiŋjɔlɛ ahi wɔkɛ amɛteŋ lɛ ji gbɛ titri ni wɔɔtsɔ nɔ wɔtsɔɔ akɛ wɔkɛ je lɛ woko wɔhe muji. Shi wɔhe ni wɔtsi kɛjɛ je lɛ he lɛ jeɔ kpo faŋŋ, titri lɛ kɛji akɛ wɔtee nɔ wɔdamɔ shi shiŋŋ akɛ Yesu Kristo esraafoi ekãalɔi, ni wɔkɛ mumɔŋ tawuu nii ni jɛ eŋɔɔ lɛ ewula wɔhe kwraa ni wɔkɛ “hejɔlɛ sanekpakpa lɛ he saamɔ-kɛ-too ewo wonaji.” (Efesobii 6:11-18) Gbɔmɛi babaoo yɛ ni Maŋtsɛyeli lɛ he sane ni haa wala lɛ he hɔmɔ kɛ kumai miiye amɛ. No hewɔ lɛ eha akɛ wɔkɛ nibii ni wɔyɔɔ, wɔnyɛmɔi kɛ hewalɛ atsu nii ni pɛsɛmkunya bɛ mli yɛ “sanekpakpa” lɛ jajemɔ he nitsumɔ kpeteŋkpele lɛ mli yɛ be kuku ni eshwɛ dani nibii agbɛjianɔtoo nɛɛ aaaba enaagbee lɛ mli.—Mateo 24:14.
19. Mɛni wɔbaanyɛ wɔkpa gbɛ akɛ Satan baafee yɛ naagbee gbii ni hiɛ foi nɛɛ amli, shi mɛni wɔbaanyɛ wɔye omanye yɛ efeemɔ mli kɛ ŋwɛi yelikɛbuamɔ?
19 Satan, je nɛŋ nyɔŋmɔ lɛ baatutua Yehowa anɔkwa odasefoi lɛ lolo yɛ naagbee gbii ni hiɛ foi nɛɛ amli. Abonsam baamia ehiɛ yɛ enaagbee mɔdɛŋbɔɔ lɛ mli ni etsi wɔ kɛjɛ sɔɔmɔ krɔŋkrɔŋ ni wɔkɛhaa wɔ Nyɔŋmɔ lɛ he, ekɛ je lɛŋ heloo gbɛfaŋ ninamɔ, nibii ni feɔ hiŋmɛi lɛ fɛo, woloŋlee ni yaa hiɛ kɛ nibii babaoo baagbala wɔ. Shi wɔbaaye omanye, yɛ ŋwɛi yelikɛbuamɔ ni efeee efolo lɛ hewɔ, koni wɔhi shi akɛ ‘mɛi ni kɛ je lɛ wooo amɛhe muji’ kɛha Yehowa, wɔ Nyɔŋmɔ ni yɔɔ krɔŋkrɔŋ lɛ yijiemɔ.a
[Shishigbɛ niŋma]
a Ajie kɛjɛ October 1, 1984 Watchtower lɛ mli.
Te Obaaha Hetoo Oha Tɛŋŋ?
◻ Taakɛ Yakobo 1:27 tsɔɔ lɛ, mɛni ji anɔkwale jamɔ taomɔ nii lɛ ekomɛi?
◻ Mɛni ji gbɛi komɛi anɔ ni wɔɔtsɔ wɔhi shi akɛ mɛi ni kɛ Je nɛɛ buleko amɛhe?
◻ Anɔkwale ni eji akɛ je nɛɛ miiho aya lɛ baanya ana mɛɛ hewalɛ yɛ bɔ ni wɔsusuɔ woloŋlee ni yaa hiɛ he lɛ nɔ?
◻ Yɛ nitsumɔ kɛ jarayeli mli nibii agbɛfaŋ lɛ,he ni aaaka akwɛ he miihia yɛ mɛɛ gbɛ nɔ.
◻ Te Yehowa Odasefoi aaafee tɛŋŋ amɛjie kpo amɛtsɔɔ akɛ ‘amɛkɛ je lɛ woko amɛhe muji’ yɛ amɛjeŋba kɛ bɔ ni amɛkɛ mɛi krokomɛi yeɔ haa lɛ mli?
[Mfoniri ni yɔɔ baafa 15]
Akɛ Kristofoi ni kɛ amɛhe wooo maŋ saji amli lɛ, Yehowa Odasefoi kpooɔ je lɛŋ basabasafeemɔi
[Mfoniri ni yɔɔ baafa 16]
Jee nɔyaa yɛ je lɛŋ ji nɔ ni kɛ Nyɔŋmɔ nɔkpɛlɛmɔ baa
[Mfonirii ni yɔɔ baafa 18]
Yehowa miikpa gbɛ akɛ edasefoi lɛ baahi shi akɛ mɛi ni kɛ je nɛɛ wooo amɛhe muji yɛ nibii ni efeɔ kɛtekeɔ nɔ yɛ jeŋbashara kɛ awuyeli mli lɛ mli