Nyɛbaa Yehowa Gɔŋ Lɛ Nɔ

1. Wó ohiɛ nɔ okwɛ,

Kwɛmɔ gɔŋ ni kwɔ fe fɛɛ.

No ji Yehowa gɔŋ lɛ

Ni awó nɔ ŋmɛnɛ.

Mɛi pii jɛɔ he fɛɛ he,

Kɛjɛɔ bokã kɛ anai;

Amɛtsɛɔ gbɔmɛi akɛ,

‘Nyɛbajáa Yehowa.’

Be ni maŋ bibioo

Baatsɔ maŋ wulu diɛŋtsɛ lɛ nɛ.

Kɛ́ wɔsɔmɔ Nyɔŋmɔ,

No wɔbaaná edɛŋ jɔɔmɔ daa.

Mɛi pii baa Nyɔŋmɔ ŋɔɔ,

Amɛhiɔ emasɛi daa.

Mɛi nɛɛ yeɔ anɔkwa

Ni amɛjáa Nyɔŋmɔ daa.

2. Yesu fã wɔ akɛ

Wɔyashiɛ Nyɔŋmɔ wiemɔ.

Ŋmɛnɛ, sane kpakpa nɛɛ

Miikple je lɛŋ hei fɛɛ.

Kristo miiye maŋtsɛ,

Etsɛɔ mɛi kɛbaa eŋɔɔ;

Mɛi fɛɛ ni hereɔ nɔ

Hãa Biblia tsɔɔ amɛ gbɛ.

Kwɛ miishɛɛ ni wɔnáa

Akɛ asafo kple miishwere.

Kɛ́ wɔshiɛ kɛ ekãa,

Gbɔmɛi pii basɔmɔɔ Yehowa.

Wɔbaashiɛ be fɛɛ be

Ni wɔkɛɛ mɛi fɛɛ akɛ,

‘Nyɛbaa Yehowa gɔŋ nɔ,

Nyɛhia shi yɛ biɛ daa.’