NIKASEMƆ 1

Kpa Osane Lɛ Hiɛ Jogbaŋŋ

Bɔfoi 17:22

NƆ NI ESA AKƐ OFEE: Esa akɛ ohiɛkpamɔ lɛ atee mɛi amiishɛɛ shi, ehã ana sane ni obaawie he lɛ, ni ehã otoibolɔi lɛ ana nɔ hewɔ ni esa akɛ amɛbo toi lɛ.

BƆ NI OBAAFEE LƐ OHÃ:

Teemɔ mɛi amiishɛɛ shi. Halamɔ sanebimɔ ko, wiemɔ ko, nɔ ko ni ba diɛŋtsɛ, loo nɔ ko ni awie yɛ TV loo redio nɔ ni otoibolɔi lɛ baanya he.

Tsɔ hiɛ osusu nibii ni otoibolɔi lɛ nyaa he kɛ nibii ni gbaa amɛnaa lɛ ahe jogbaŋŋ, ni okɛ amɛteŋ eko akpa osane lɛ hiɛ.
Hã ana sane ni obaawie he lɛ. Bɔɔ mɔdɛŋ ni ohã sane ni obaawie he lɛ, kɛ nɔ hewɔ ni obaawie he lɛ afee faŋŋ ahã otoibolɔi lɛ yɛ ohiɛkpamɔ lɛ mli.
Tsɔɔmɔ nɔ hewɔ ni sane lɛ he hiaa lɛ. Hã otoibolɔi lɛ ana bɔ ni amɛbaaná owiemɔ lɛ he sɛɛ amɛhã. Esa akɛ amɛteŋ mɔ fɛɛ mɔ ana bɔ ni sane lɛ baanyɛ aye abua lɛ lɛ faŋŋ.

Kɛ́ oosaa ohe ni oyahã wiemɔ ko lɛ, bi ohe akɛ, ‘Mɛɛ shihilɛi misafo lɛ mli bii lɛ kɛkpeɔ?’ Ni okɛ eko akpa osane lɛ hiɛ.