Os Salmos
(11:1) Do mestre do coro. De David.
11 Eu busco agarimo no Señor,
¿Como ousades aínda dicirme:
—“Voa, paxaro, ó teu monte”?
2 Mais os malvados tensan o arco,
axustan na corda as setas,
para tirar, na escuridade, contra os honrados
3 Se os fundamentos se derruban,
¿que poden face-los xustos?
4 O Señor desde o seu santuario,
o Señor desde a súa sede no ceo,
axexa cos seus ollos ós homes,
escrútaos coas súas pupilas.
5 O Señor proba os xustos,
pero aborrece o impío e violento.
7 O Señor é xusto e ama a xustiza:
os rectos disfrutarán da súa presencia.