Os Salmos
(24:1) De David, salmo.
24 Do Señor é a terra e canto a enche,
o orbe e canto nel habita.
2 El é quen a fundou sobre os mares
e quen a asegurou sobre as correntes.
3 ¿Quen poderá subir ó monte do Señor?
¿Quen poderá quedar no seu santuario?
4 O que ten as mans limpas e puro o corazón,
o que non pon a mente en cousas vas
e non xura nunca en falso.
5 Ese recibirá do Señor bendición
e xustiza de Deus, o seu salvador.
6 Así é a liñaxe dos que o buscan,
dos que buscan a presencia do Deus de Xacob.
8 ¿Quen é ese rei da gloria?
O Señor, forte e valente,
o Señor, valente nas batallas.
10 ¿Quen é ese rei da gloria?
O Señor dos exércitos,
El é o rei da gloria.