એને આકાશની ઉત્તમ વસ્તુઓ,

ઝાકળ અને જમીન નીચેના ઊંડા ઝરાનું પાણી મળે,+

૧૪ સૂર્યના તાપથી ઊગતો સોનેરી પાક

અને દર મહિને થતી ઉત્તમ પેદાશ મળે.+

૧૫ પ્રાચીન પહાડોની*+ ઉમદા વસ્તુઓ

અને સનાતન ટેકરીઓની સૌથી સારી વસ્તુઓ મળે.

૧૬ પૃથ્વી અને એની સમૃદ્ધિમાંથી સારી સારી વસ્તુઓ+

અને ઝાડવામાં પ્રગટ થયેલા ઈશ્વરની કૃપા મળે.+

એ બધા આશીર્વાદો યૂસફ પર ઊતરી આવે,

હા, જે પોતાના ભાઈઓમાંથી પસંદ કરાયેલો હતો, તેના માથા પર વરસે.+

૧૭ તેનું ગૌરવ પ્રથમ જન્મેલા આખલા જેવું છે,

તેનાં શિંગડાં* જંગલી આખલાનાં શિંગડાં જેવાં છે.

પોતાનાં શિંગડાંથી તે સર્વ લોકોને

છેક પૃથ્વીના છેડા સુધી ધકેલી દેશે.

એ શિંગડાં એફ્રાઈમના+ લાખો લોકો

અને મનાશ્શાના હજારો લોકો છે.”