૩૯ જ્યારે મૂસાએ સર્વ ઇઝરાયેલીઓને એ જણાવ્યું, ત્યારે તેઓએ ભારે શોક કર્યો. ૪૦ એટલું જ નહિ, તેઓ સવારે વહેલા ઊઠ્યા અને પર્વતના શિખર પર જવા લાગ્યા. તેઓએ એકબીજાને કહ્યું: “આપણે પાપ કર્યું છે.+ પણ હવે આપણે એ દેશમાં જવા તૈયાર છીએ, જે વિશે યહોવાએ કહ્યું છે.” ૪૧ પણ મૂસાએ કહ્યું: “તમે યહોવાના હુકમની ઉપરવટ કેમ જાઓ છો? તમે સફળ નહિ થાઓ. ૪૨ યહોવા તમારી સાથે નથી, એટલે પર્વત પર ન જાઓ. તમે તમારા દુશ્મનો સામે હારી જશો.+ ૪૩ ત્યાં તમારે અમાલેકીઓ અને કનાનીઓનો સામનો કરવો પડશે+ અને તમે તલવારથી માર્યા જશો. તમે યહોવાના માર્ગે ચાલવાનું છોડી દીધું છે, એટલે યહોવા પણ તમને સાથ નહિ આપે.”+

૪૪ તેમ છતાં, લોકો ઘમંડી બનીને પર્વતના શિખર તરફ ગયા.+ પણ યહોવાનો કરારકોશ છાવણીની વચ્ચે જ રહ્યો અને મૂસા પણ ત્યાંથી હઠ્યો નહિ.+ ૪૫ પછી એ પર્વત પર રહેતા અમાલેકીઓ અને કનાનીઓ નીચે આવ્યા અને ઇઝરાયેલીઓ પર તૂટી પડ્યા. તેઓએ ઇઝરાયેલીઓને છેક હોર્માહ સુધી નસાડી મૂક્યા.+