૪૫ દાઉદે તેને વળતો જવાબ આપ્યો: “તું મારી સામે તલવાર, ભાલો અને બરછી લઈને આવે છે.+ પણ હું તારી સામે સૈન્યોના ઈશ્વર યહોવા,+ ઇઝરાયેલી સૈન્યના ઈશ્વરના નામે આવું છું, જેમને તેં લલકાર્યા છે.*+ ૪૬ આજે ને આજે યહોવા તને મારા હાથમાં સોંપી દેશે.+ હું તને મારી નાખીશ અને તારું માથું ધડથી અલગ કરી દઈશ. આજે હું પલિસ્તી સૈનિકોનાં મડદાં આકાશનાં પક્ષીઓ અને ધરતીનાં જંગલી જાનવરોની આગળ નાખી દઈશ. પૃથ્વીના બધા લોકો જાણશે કે ઇઝરાયેલના ઈશ્વર, સાચા ઈશ્વર છે.+ 

૧૫ પલિસ્તીઓ અને ઇઝરાયેલીઓ વચ્ચે ફરીથી યુદ્ધ થયું.+ દાઉદ અને તેના સેવકોએ જઈને પલિસ્તીઓ સામે લડાઈ કરી. દાઉદ થાકીને લોથપોથ થઈ ગયો. 

૧૭ સરૂયાનો દીકરો અબીશાય+ તરત દાઉદની મદદે આવી પહોંચ્યો.+ તે પેલા પલિસ્તી પર તૂટી પડ્યો અને તેને મારી નાખ્યો. એ સમયે દાઉદના માણસોએ તેની આગળ સમ ખાધા: “હવેથી અમે તમને યુદ્ધમાં નહિ લઈ જઈએ.+ તમે એવું કંઈ કરશો નહિ, જેનાથી ઇઝરાયેલનો દીવો હોલવાઈ જાય!”*+