૨૯ પછી યહોશુઆ બધા ઇઝરાયેલીઓ સાથે માક્કેદાહથી લિબ્નાહ ગયો અને એની સામે લડાઈ કરી.+ ૩૦ યહોવાએ લિબ્નાહ અને એના રાજાને+ ઇઝરાયેલના હાથમાં સોંપી દીધા. તેઓએ લિબ્નાહનો અને એમાં રહેતા બધા લોકોનો તલવારથી નાશ કર્યો, કોઈને પણ જીવતા રહેવા દીધા નહિ. તેઓએ એના રાજાના એવા જ હાલ કર્યા, જેવા યરીખોના રાજાના કર્યા હતા.+

૨૨ તોપણ અદોમ આજ સુધી યહૂદા સામે બળવો કરે છે. એ સમયે લિબ્નાહ શહેરે+ પણ બળવો કર્યો.

૮ રાબશાકેહને ખબર મળી કે આશ્શૂરનો રાજા લાખીશથી ચાલ્યો ગયો છે.+ રાબશાકેહ તેની પાસે ગયો ત્યારે આશ્શૂરનો રાજા લિબ્નાહ સામે લડતો હતો.+ ૯ એવામાં આશ્શૂરના રાજાએ સાંભળ્યું કે પોતાની સામે લડાઈ કરવા ઇથિયોપિયાનો રાજા તિર્હાકાહ ચઢી આવ્યો છે. આશ્શૂરના રાજાએ આ સંદેશા સાથે હિઝકિયા પાસે માણસો મોકલ્યા:+ ૧૦ “યહૂદાના રાજા હિઝકિયાને કહો, ‘તું તારા ઈશ્વર પર ભરોસો રાખીને બેસી રહેતો નહિ. તે તને છેતરે છે કે “યરૂશાલેમ આશ્શૂરના રાજાના હાથમાં નહિ જાય.”+ ૧૧ પણ તને ખબર છે કે આશ્શૂરના રાજાઓએ બધા દેશોનો વિનાશ કરીને તેઓની કેવી દશા કરી છે!+ તો તું કઈ રીતે બચી જઈશ? ૧૨ મારા બાપદાદાઓએ જે પ્રજાઓને ખતમ કરી નાખી, તેઓના દેવો શું તેઓને બચાવી શક્યા? ગોઝાન, હારાન+ અને રેસેફ ક્યાં છે? તલાસ્સારમાં રહેતા એદનના લોકો ક્યાં છે? ૧૩ હમાથનો રાજા અને આર્પાદનો રાજા ક્યાં છે? સફાર્વાઈમ, હેના અને ઇવ્વાહ શહેરોના રાજાઓ ક્યાં છે?’”+