૧૧ તેઓ સાથે બનેલા એ બનાવો દાખલારૂપ છે. એ બનાવો લખી લેવામાં આવ્યા, જેથી આપણને, એટલે કે જેઓ દુનિયાના* અંતના સમયમાં જીવી રહ્યા છે, તેઓને ચેતવણી મળે.+

૧૬ આખું પવિત્ર શાસ્ત્ર ઈશ્વરની પ્રેરણાથી લખાયું છે+ અને એ શીખવવા,+ ઠપકો આપવા, સુધારવા* અને ઈશ્વરનાં ખરાં ધોરણો* પ્રમાણે શિસ્ત* આપવા માટે ઉપયોગી છે.+ ૧૭ એનાથી ઈશ્વરનો ભક્ત એકદમ કુશળ બને છે અને દરેક સારા કામ માટે પૂરેપૂરો તૈયાર થાય છે.

૧૯ આમ, ભવિષ્યવાણીઓ પર આપણો ભરોસો વધારે મજબૂત થયો. (દિવસ થાય અને સવારનો તારો*+ ઊગે ત્યાં સુધી) તમે એના પર ધ્યાન આપીને સારું કરો છો. જાણે તે સળગતા દીવાની+ જેમ અંધારામાં, એટલે કે તમારાં હૃદયોમાં પ્રકાશ આપે છે.