યશાયા

 ૨ છેલ્લા દિવસોમાં

યહોવાના મંદિરનો પર્વત

બીજા પર્વતોનાં શિખરો પર અડગ થશે.+

“ચાલો, આપણે યહોવાના પર્વત પર ચઢી જઈએ,

યાકૂબના ઈશ્વરના મંદિરે જઈએ.+

તે આપણને તેમના માર્ગો વિશે શીખવશે

અને આપણે તેમના માર્ગે ચાલીશું.”+

સિયોનમાંથી નિયમ* આપવામાં આવશે,

યરૂશાલેમમાંથી યહોવાનો સંદેશો જાહેર કરાશે.+

 ૪ ઈશ્વર પ્રજાઓનો ન્યાય કરશે

અને ઘણા લોકોની તકરાર થાળે પાડશે.

તેઓ પોતાની તલવારો ટીપીને હળની કોશો* બનાવશે

અને પોતાના ભાલાઓનાં દાતરડાં બનાવશે.+

એક પ્રજા બીજી પ્રજા સામે તલવાર ઉગામશે નહિ

અને તેઓ ફરી ક્યારેય યુદ્ધ કરવાનું શીખશે નહિ.+

 ૬ હે ઈશ્વર, તમે તમારા લોકોને, યાકૂબના વંશજોને ત્યજી દીધા છે,+

કારણ કે તેઓએ પૂર્વ તરફના રીતરિવાજો અપનાવી લીધા છે,

પલિસ્તીઓની જેમ તેઓ જાદુટોણાં કરે છે,+

તેઓમાં પરદેશીઓના વંશજોની કોઈ ખોટ નથી.

તેઓના દેશમાં ઘોડાઓનો કોઈ પાર નથી

અને રથોની તો કોઈ ગણતરી જ નથી.+

તેઓ પોતાના હાથની બનાવટ આગળ,

પોતાની આંગળીઓની કરામત આગળ નમે છે.

૧૦ યહોવાના ભયાનક કોપને લીધે,

તેમની શક્તિ અને તેમના ગૌરવને લીધે,+

તમે ખડકોમાં ભરાઈ જાઓ અને જમીનમાં સંતાઈ જાઓ.

૧૧ ઘમંડી આંખો નીચી કરવામાં આવશે,

માણસોનું અભિમાન ઉતારવામાં આવશે.

દરેક ઘમંડી અને અભિમાની પર એ દિવસ આવી પડશે,

ભલે કોઈ ઊંચી પદવી પર હોય કે નીચી.+

૧૩ લબાનોનનાં ઊંચાં અને મોટાં દેવદાર વૃક્ષો પર,

બાશાનનાં ઘટાદાર વૃક્ષો* પર એ દિવસ આવી પડશે.

૧૪ ઊંચા ઊંચા પર્વતો પર

અને ઊંચા ઊંચા ડુંગરો પર એ દિવસ આવી પડશે.

૧૬ તાર્શીશનાં બધાં વહાણો પર+

અને મનગમતી બધી હોડીઓ પર એ આવી પડશે.

૧૭ માણસોનું ઘમંડ તોડવામાં આવશે,

તેઓનું અભિમાન ઉતારવામાં આવશે.

૧૯ યહોવા જ્યારે ધરતીને ભયથી ધ્રુજાવી નાખશે,

ત્યારે તેમના ભયાનક કોપને લીધે,

તેમની શક્તિ અને તેમના ગૌરવને લીધે,+

લોકો ખડકોની ગુફાઓમાં ભરાઈ જશે

અને ખાડાઓમાં સંતાઈ જશે.+

૨૦ માણસોએ પૂજા કરવા

સોના-ચાંદીના જે નકામા દેવો બનાવ્યા છે,

એને તેઓ એ દિવસે છછુંદરો અને ચામાચીડિયાં આગળ નાખી દેશે.+

૨૧ માણસો ખડકોનાં બાકોરાંમાં ભરાઈ જશે

અને ભેખડોની તિરાડોમાં સંતાઈ જશે.

યહોવા જ્યારે ધરતીને ભયથી ધ્રુજાવી નાખશે,

ત્યારે તેમના ભયાનક કોપને લીધે,

તેમની શક્તિ અને તેમના ગૌરવને લીધે માણસો એવું કરશે.