નીતિવચનો

૬ મારા દીકરા, જો તું તારા પડોશીનો જામીન થયો હોય,*+

જો તેં અજાણ્યા સાથે હાથ મિલાવીને કરાર કર્યો હોય,*+

 ૨ જો તું વચન આપીને ફસાઈ ગયો હોય

અને તારા મુખના શબ્દોથી બંધાઈ ગયો હોય,+

 ૩ તો બેટા, તું પોતાને છોડાવવા આમ કર:

તું નમ્ર બનીને તારા પડોશી પાસે જા અને તેની આગળ કાલાવાલા કર,

કેમ કે તું તારા પડોશીના હાથમાં આવી પડ્યો છે.+

 ૪ તારી આંખો ઘેરાવા દેતો નહિ,

તારાં પોપચાં ઢળી પડવા દેતો નહિ.

 ૫ જેમ હરણ* પોતાને શિકારીના હાથમાંથી છોડાવે છે

અને પક્ષી પોતાને પારધીના હાથમાંથી છોડાવે છે, તેમ તું પોતાને છોડાવજે.

 ૭ તેનો કોઈ સેનાપતિ નથી, કોઈ અધિકારી કે શાસક નથી,

 ૮ છતાં તે ઉનાળામાં ખોરાક તૈયાર કરે છે+

અને કાપણીની મોસમમાં અન્‍ન ભેગું કરે છે.

૧૦ જા, હજી થોડું સૂઈ જા, એકાદ ઝોકું મારી લે,

ટૂંટિયું વાળીને થોડો આરામ કરી લે!+

૧૧ એવું કરીશ તો લુટારાની જેમ અચાનક ગરીબી આવી પડશે,

હથિયાર લઈને આવેલા ચોરની જેમ તંગી તારા પર હુમલો કરશે.+

૧૪ તેનું દિલ કપટથી ભરેલું છે,

તે હંમેશાં કાવતરાં ઘડે છે+ અને ઝઘડાનાં બી રોપે છે.+

૧૫ એટલે તેના પર અચાનક આફત આવી પડશે,

પળભરમાં તેનો એવો નાશ થશે કે તેના બચવાની કોઈ આશા નહિ રહે.+

૧૬ યહોવા છ બાબતોને નફરત કરે છે,

હા, તે સાત બાબતોને ધિક્કારે છે:

૧૭ ઘમંડી આંખો,+ જૂઠું બોલતી જીભ,+ નિર્દોષનું ખૂન કરતા હાથ,+

૧૮ કાવતરાં ઘડતું હૃદય,+ દુષ્ટ કામ કરવા દોડી જતા પગ,

૧૯ વાતે વાતે જૂઠું બોલતો સાક્ષી+

અને ભાઈઓમાં ભાગલા પડાવતો માણસ.+

૨૦ મારા દીકરા, તારા પિતાની આજ્ઞાઓ પાળ

અને તારી માતાએ શીખવેલી વાતો ત્યજીશ નહિ.+

૨૧ એને તારા દિલ પર છાપી દે

અને તારા ગળે બાંધી રાખ.

૨૨ તું ચાલીશ ત્યારે એ તને માર્ગ બતાવશે,

તું સૂઈ જઈશ ત્યારે એ તારી રક્ષા કરશે,

તું જાગીશ ત્યારે એ તારી સાથે વાત કરશે.*

૨૩ કેમ કે આજ્ઞા દીવા જેવી છે,+

નિયમ પ્રકાશ જેવો છે,+

ઠપકો અને શિસ્ત* જીવનના માર્ગ જેવાં છે.+

૨૪ ખરાબ સ્ત્રીથી એ તારું રક્ષણ કરશે+

અને વ્યભિચારી* સ્ત્રીની મોહક વાતોથી તને બચાવશે.+

૨૫ એ સ્ત્રીની સુંદરતા જોઈને તારા દિલમાં લાલસા ન જગાડતો,+

તેની મોહક આંખો પર ફિદા ન થઈ જતો.

૨૬ વેશ્યા પાછળ જતો માણસ રોટલીના એક ટુકડા માટે તલપે છે,+

પણ બીજાની પત્ની પાછળ જતો માણસ પોતાનું કીમતી જીવન ગુમાવે છે.

૨૯ જે માણસ બીજાની પત્ની પાસે જાય છે, તેને અડકે છે,

તેના એવા જ હાલ થશે, તેને સજા થયા વગર રહેશે નહિ.+

૩૦ જો ચોર ભૂખ્યો હોય અને પોતાનું પેટ ભરવા ચોરી કરે,

તો લોકો તેને ધિક્કારતા નથી.

૩૧ પણ જો તે ચોરી કરતા પકડાય, તો તેણે સાત ગણું પાછું આપવું પડે છે,

તેણે પોતાના ઘરની બધી કીમતી વસ્તુઓ આપવી પડે છે.+

૩૨ સ્ત્રી સાથે વ્યભિચાર* કરનાર અક્કલ વગરનો છે,

તે પોતાના પર આફત નોતરે છે.+

૩૩ તેને દર્દ* અને અપમાન જ મળશે,+

તેની નામોશી કદી દૂર થશે નહિ.+

૩૪ ઈર્ષાને લીધે પતિનો ગુસ્સો ભડકી ઊઠે છે,

તે વેર વાળશે ત્યારે જરાય દયા બતાવશે નહિ.+

૩૫ ભલે તેને મોટી કિંમત* ચૂકવો કે મોંઘી મોંઘી ભેટ આપો,

તે એને સ્વીકારશે નહિ, તેનો ગુસ્સો શાંત પડશે નહિ.