યશાયા

૪૬ બેલ દેવ નમી ગયો છે,+ નબો દેવ વાંકો વળી ગયો છે.

 ૨ તેઓ બંને એકસાથે વાંકા વળી ગયા છે અને નમી ગયા છે.

તેઓનો સામાન* લઈ જવામાં આવે છે, પણ તેઓ એને બચાવી શકતા નથી.

તેઓ પોતે પણ ગુલામીમાં જાય છે.

 ૩ “હે યાકૂબના વંશજો, ઇઝરાયેલી પ્રજામાંથી બચેલા બધા લોકો,+ મારું સાંભળો!

મેં તમને જન્મથી સાથ આપ્યો છે અને ગર્ભમાં હતા ત્યારથી સંભાળી રાખ્યા છે.+

 ૪ તમારા ઘડપણમાં પણ હું જે છું, એ જ રહીશ.+

તમારા વાળ સફેદ થાય ત્યારે પણ હું તમને ઊંચકી લઈશ.

મેં હમણાં સુધી કર્યું છે તેમ, હું તમારી સંભાળ રાખીશ, તમને ઊંચકી લઈશ અને બચાવી લઈશ.+

 ૫ તમે મને કોની સાથે સરખાવશો? કોના જેવો ગણશો?+

તમે મારી સરખામણી કોની સાથે કરશો, જેથી અમે એકસરખા દેખાઈએ?+

 ૬ એવા લોકો પણ છે, જેઓ પોતાની થેલીમાંથી સોનું ઠાલવે છે.

તેઓ ત્રાજવામાં ચાંદી તોળે છે.

તેઓ સોનીને બોલાવે છે અને તે એમાંથી દેવની મૂર્તિ બનાવે છે.+

પછી તેઓ એને પગે લાગે છે અને એની પૂજા કરે છે.+

 ૭ તેઓ એને પોતાના ખભા પર ઊંચકી જાય છે.+

તેઓ એને ઊંચકીને એની જગ્યાએ મૂકે છે અને એ ત્યાં ને ત્યાં જ ઊભી રહે છે.

એ પોતાની જગ્યાએથી ખસતી નથી.+

તેઓ એને પોકારે છે પણ એ કોઈ જવાબ આપતી નથી.

એ કોઈને મુસીબતમાંથી બચાવી શકતી નથી.+

 ૮ ઓ પાપીઓ, એ યાદ રાખો!

એ ભૂલતા નહિ, જેથી તમે હિંમતથી કામ લો.

 ૯ લાંબા સમય પહેલાંની* વાતો યાદ કરો.

હું જ ઈશ્વર છું અને બીજો કોઈ નથી.

હું ઈશ્વર છું અને મારા જેવો બીજો કોઈ નથી.+

હું કહું છું, ‘મેં ધાર્યું છે એ ચોક્કસ થશે.*+

હું જે ચાહું છું એ જરૂર પૂરું કરીશ.’+

૧૧ હું પૂર્વથી* શિકારી પક્ષીને બોલાવું છું.+

મેં ધાર્યું છે એ પૂરું કરવા* દૂર દેશથી હું એક માણસને બોલાવું છું.+

હું જે બોલ્યો છું, એ પૂરું પણ કરીશ.

મેં જે હેતુ ઘડ્યો છે, એ ચોક્કસ પૂરો કરીશ.+

હું જે ઉદ્ધાર લાવવાનો છું, એમાં મોડું નહિ થાય.+

હું સિયોનનો ઉદ્ધાર કરીશ, હું ઇઝરાયેલને મારું ગૌરવ આપીશ.”+