^૧૨ તે ગુસ્સાથી ભડકી ઊઠ્યો! એ બનાવનું વર્ણન કરી રહેલા યુવાને અબીગાઈલને કહ્યું, “એ તો તેમના પર ઊતરી પડ્યો.” કંજૂસ નાબાલે પોતાની રોટલી, પાણી અને માંસ આપવા વિશે મોટેથી બડબડાટ કર્યો. તે દાઊદ વિશે મન ફાવે એમ બોલ્યો અને તેમની સરખામણી નાસી છૂટેલા ચાકર સાથે કરી. નાબાલના વિચારો દાઊદને નફરત કરનાર શાઊલ જેવા હોય શકે. બંને માણસો યહોવાની નજરે જોતા ન હતા. દાઊદને ઈશ્વર ખૂબ ચાહતા હતા અને તેમને બંડખોર ચાકર તરીકે નહિ, પણ ઇઝરાયેલના ભાવિ રાજા તરીકે જોતા હતા.—૧ શમૂ. ૨૫:૧૦, ૧૧, ૧૪.

૧૪. (ક) નાબાલની મોટી ભૂલ સુધારવા અબીગાઈલે કયું પહેલું પગલું ભર્યું? (ખ) નાબાલ અને અબીગાઈલ વચ્ચેના તફાવતમાંથી આપણે શું શીખી શકીએ? (ફૂટનોટ પણ જુઓ.)

^૧૪ આપણે જોઈ ગયા કે અબીગાઈલે એક મોટી ભૂલ સુધારવા પહેલું પગલું ભર્યું હતું. તેના પતિ જેવી બનવાને બદલે, તે ધ્યાનથી સાંભળવા તૈયાર હતી. નાબાલ પાસે આ વાત લઈ જવા વિશે યુવાન ચાકરે કહ્યું: “તે તો એવો બલિયાલપુત્ર [નકામો] છે, કે તેને કોઈ કંઈ કહી શકે નહિ.”c (૧ શમૂ. ૨૫:૧૭) અફસોસની વાત છે કે નાબાલ પોતાને એટલો મહત્ત્વનો ગણતો કે બીજા કોઈની વાત સાંભળવા જ તૈયાર ન હતો. અરે, આજે પણ ઘણા લોકો એવા જ ઘમંડી હોય છે. પરંતુ, યુવાન ચાકર જાણતો હતો કે અબીગાઈલ જુદી જ માટીની બનેલી છે. એટલે, તે આ સમસ્યા અબીગાઈલ પાસે લાવ્યો હતો.