^૯ ગીતકર્તા અનંત પરમેશ્વરના થોડા સમયના અનુભવને માનવ અસ્તિત્વનાં હજારો વર્ષો સાથે સરખામણી કરવા પ્રેરાયા. પરમેશ્વરનો ઉલ્લેખ કરતા તેમણે લખ્યું: “તું માણસને ધૂળમાં પાછું મેળવી દે છે; અને કહે છે, હે મનુષ્યપુત્રો, પાછા ફરો. કેમકે તારી દૃષ્ટિમાં હજાર વર્ષો વીતી ગએલી કાલના જેવાં, અને રાતના એક પહોર જેવાં છે.”—ગીતશાસ્ત્ર ૯૦:૩, ૪.

^૧૧ યહોવાહની દૃષ્ટિએ તો, ૯૬૯ વર્ષનો મથૂશેલાહ એક દિવસ પણ જીવ્યો નહિ. (ઉત્પત્તિ ૫:૨૭) પરમેશ્વરની નજરમાં હજાર વર્ષ એક દિવસ એટલે ફક્ત ૨૪ કલાકની વીતી ગયેલી કાલના જેવા છે. ગીતકર્તા એ પણ બતાવે છે કે પરમેશ્વરની નજરમાં હજાર વર્ષ, રાતે છાવણીની ચોકી કરતા ચોકીદારના ચાર કલાકના પહેરા જેવા છે. (ન્યાયાધીશ ૭:૧૯) તો પછી, એ સ્પષ્ટ થાય છે કે આપણને લાંબો લાગતો સમય, અનંત પરમેશ્વર યહોવાહ માટે બહુ જ ટૂંકો સમય છે.