૮. યશાયાહનો સંદેશો સાંભળીને લોકો શું કરે છે?

^૮ યહોવાહની ચેતવણી સાંભળીને યહુદાહના આગેવાનો શું કરે છે? તેઓ તો યશાયાહની મશ્કરી કરે છે. યશાયાહ પર આરોપ મૂકતા તેઓ કહે છે કે શું તેઓ નાના બાળકો છે કે તે તેઓ સાથે આ રીતે વાત કરે છે: “તે કોને જ્ઞાન શિખવશે? કોને સંદેશો સમજાવશે? શું તે ધાવણ મુકાવેલાઓને તથા થાન છોડાવેલાઓને સમજાવશે? કેમકે આજ્ઞા પર આજ્ઞા, આજ્ઞા પર આજ્ઞા; નિયમ પર નિયમ, નિયમ પર નિયમ; થોડું આમ, થોડું તેમ એ પ્રમાણે તેઓ બોલે છે.” (યશાયાહ ૨૮:૯, ૧૦) યશાયાહના શબ્દોથી તેઓને કંટાળો આવે છે અને એ વિચિત્ર લાગે છે! જાણે કે તે વારંવાર એકની એક જ વાત કહેતા હોય એવું લાગે છે: ‘યહોવાહે આમ આજ્ઞા આપી છે! યહોવાહે તેમ આજ્ઞા આપી છે! યહોવાહનાં આ ધોરણો છે! યહોવાહનાં તે ધોરણો છે!a પરંતુ, યહોવાહ જલદી જ યહુદાહના લોકો પર પગલાં ભરીને “વાત” કરશે. તે તેઓની વિરુદ્ધ બાબેલોનનું લશ્કર મોકલશે, જેઓ ખરેખર પરદેશી ભાષા બોલે છે. એ લશ્કરો ચોક્કસ યહોવાહની “આજ્ઞા પર આજ્ઞા” પૂરી કરશે અને યહુદાહનો અંત આવશે.—યશાયાહ ૨૮:૧૧-૧૩ વાંચો.