દાખલા તરીકે, ઈસુએ પોતાના શિષ્યોના મૂલ્યનું ઉદાહરણ આપતા કહ્યું: “પૈસાની બે ચલ્લી વેચાતી નથી શું? તોપણ તમારા બાપની ઇચ્છા વગર તેમાંથી એકે ભોંય પર પડનાર નથી. અને તમારા માથાના નિમાળા પણ બધા ગણેલા છે. તે માટે બીહો મા; ઘણી ચલ્લીઓ કરતાં તમે મૂલ્યવાન છો.” (માત્થી ૧૦:૨૯-૩૧) ઈસુના પ્રથમ સદીના સાંભળનારાઓ પર એ શબ્દોની શું અસર થઈ હશે એનો વિચાર કરો.

શું તમે ઈસુના હૃદયોત્તેજક ઉદાહરણનો મુદ્દો સમજ્યા? યહોવાહ નાના પક્ષીને પણ મૂલ્યવાન સમજતા હોય તો, તેમના પાર્થિવ સેવકો તેમને કેટલા વધારે વહાલા હોવા જોઈએ! યહોવાહ સાથે આપણામાંનું કોઈ પણ ટોળાંમાં ગૂમ થયેલું નથી. આપણામાંના દરેક યહોવાહની નજરમાં મૂલ્યવાન છે કે તે આપણા વિષેની સૌથી નાની બાબતની પણ નોંધ રાખે છે—આપણા માથાના બધા વાળ પણ ગણેલા છે.