૭. ઈશ્વરના રાજ્યના નિયમો વધારે ચઢિયાતા છે

સરકારો પોતાના નાગરિકોનાં રક્ષણ અને ભલા માટે નિયમો બનાવે છે. એવી જ રીતે, ઈશ્વરના રાજ્યના પણ નિયમો છે, જે એના નાગરિકોએ પાળવા જોઈએ. ૧ કોરીંથીઓ ૬:૯-૧૧ વાંચો. પછી આ સવાલોની ચર્ચા કરો:

• જ્યારે બધા જ લોકો ઈશ્વરના નિયમોa પાળશે, ત્યારે દુનિયા કેવી હશે?

• યહોવા ચાહે છે કે આપણે તેમના નિયમો પાળીએ. શું યહોવા જે ચાહે છે એ વાજબી છે? તમને કેમ એવું લાગે છે?

• શાના આધારે કહી શકાય કે જેઓ યહોવાના નિયમો પાળતા નથી, તેઓ પણ બદલાઈ શકે છે?​—કલમ ૧૧ જુઓ.

જ્યારે જાતીય સંબંધ અથવા સેક્સની વાત આવે, ત્યારે ઘણા લોકો વાત કરતા અચકાય છે. પણ બાઇબલમાં એ વિશે સાફ સાફ જણાવ્યું છે અને એ પણ પૂરા આદર સાથે. સેક્સ વિશે બાઇબલની સલાહ પાળવાથી આપણું ભલું થાય છે, કેમ કે એ સલાહ યહોવા ઈશ્વરે આપી છે. તેમણે આપણને બનાવ્યા છે, એટલે તે જાણે છે કે આપણા માટે સૌથી સારું શું છે. શું તેમના કરતાં વધારે સારી સલાહ બીજું કોઈ આપી શકે? તેમણે જણાવ્યું છે કે તેમને ખુશ કરવા અને કાયમ માટે સુખચેનથી રહેવા શું કરવું જોઈએ.

૧. જાતીય સંબંધ વિશે યહોવાના વિચારો શું છે?

જાતીય સંબંધ યહોવા તરફથી એક ભેટ છે. તે ચાહે છે કે પુરુષ અને સ્ત્રી એકબીજા સાથે લગ્‍ન કર્યા પછી જ જાતીય સુખનો આનંદ માણે. આ ભેટ દ્વારા પતિ-પત્ની બાળકો પેદા કરે છે. એટલું જ નહિ, તેઓ એકબીજા માટે પ્રેમ બતાવે છે અને લાગણીઓ વ્યક્ત કરે છે. એટલે બાઇબલમાં લખ્યું છે, “તારી યુવાનીની પત્ની સાથે તું ખુશ રહે.” (નીતિવચનો ૫:૧૮, ૧૯) યહોવા ચાહે છે કે પતિ-પત્ની એકબીજાને વફાદાર રહે, એટલે તેઓ વ્યભિચાર નહિ કરે, લગ્‍નસાથી સિવાય બીજા કોઈ સાથે જાતીય સંબંધ નહિ બાંધે.​—હિબ્રૂઓ ૧૩:૪ વાંચો.

૨. વ્યભિચાર એટલે શું?

બાઇબલમાં લખ્યું છે, ‘વ્યભિચારી લોકોને ઈશ્વરના રાજ્યનો વારસો મળશે નહિ.’ (૧ કોરીંથીઓ ૬:૯, ૧૦) બાઇબલ લેખકોએ વ્યભિચાર કે અયોગ્ય જાતીય સંબંધ માટે ગ્રીક ભાષામાં પોર્નિયા શબ્દ વાપર્યો હતો. એમાં આવાં કામોનો સમાવેશ થાય છે: (૧) એવાં સ્ત્રી અને પુરુષ વચ્ચે જાતીય સંબંધa જેઓનાં લગ્‍ન થયાં નથી, (૨) સજાતીય સંબંધ, એટલે કે પુરુષ-પુરુષ અથવા સ્ત્રી-સ્ત્રી વચ્ચે જાતીય સંબંધ અને (૩) પ્રાણીઓ સાથે જાતીય સંબંધ. જ્યારે આપણે આવા અયોગ્ય સંબંધ કે ‘વ્યભિચારથી દૂર રહીએ’ છીએ, ત્યારે યહોવા ખુશ થાય છે અને આપણું ભલું થાય છે.​—૧ થેસ્સાલોનિકીઓ ૪:૩.

વધારે જાણો

૩. વ્યભિચારથી નાસી જાઓ

યૂસફ ઈશ્વરનો ડર રાખતા હતા. જ્યારે એક સ્ત્રીએ તેમને જાતીય સંબંધ બાંધવા દબાણ કર્યું, ત્યારે તેમણે ના પાડી અને ત્યાંથી નાસી ગયા. ઉત્પત્તિ ૩૯:૧-૧૨ વાંચો. પછી આ સવાલોની ચર્ચા કરો:

• યૂસફ કેમ ત્યાંથી તરત નાસી ગયા?​—કલમ ૯ જુઓ.

• શું તમને લાગે છે કે યૂસફે જે કર્યું એ યોગ્ય હતું? શા માટે?

વીડિયો: વ્યભિચારથી દૂર ભાગીએ (૫:૦૬)

યહોવા ચાહે છે કે આપણે વ્યભિચારથી દૂર રહીએ. ૧ કોરીંથીઓ ૬:૧૮ વાંચો. પછી આ સવાલોની ચર્ચા કરો:

• એવા કયા સંજોગો છે, જેમાં એક વ્યક્તિ વ્યભિચારના ફાંદામાં પડી શકે છે?

• તમે કઈ રીતે વ્યભિચારથી દૂર નાસી શકો?

૪. તમે ખરાબ ઇચ્છાઓ સામે લડી શકો છો

વીડિયો: બાઇબલ વાંચો અને લાલચનો સામનો કરો (૩:૦૨)

• વીડિયોમાં જોયું તેમ, ભાઈને ખ્યાલ આવ્યો કે તેમનાં વિચારો અને કામો તેમને બેવફા બનવા દોરી જઈ શકે છે. એ સમજાયું ત્યારે તેમણે શું કર્યું?

યહોવાના વફાદાર ભક્તો માટે પણ અમુક વાર પોતાના વિચારો શુદ્ધ રાખવા અઘરું બની શકે છે. ખરાબ વિચારો મનમાં ભમ્યા ન કરે એ માટે તમે શું કરી શકો? ફિલિપીઓ ૪:૮ વાંચો. પછી આ સવાલોની ચર્ચા કરો:

• આપણે કેવી વાતો પર વિચાર કરવો જોઈએ?

• બાઇબલ વાંચવાથી અને યહોવાની સેવામાં વ્યસ્ત રહેવાથી આપણે કઈ રીતે ખરાબ ઇચ્છાઓ સામે લડી શકીશું અને પાપ કરવાથી દૂર રહી શકીશું?

૫. યહોવાના નિયમો આપણા ભલા માટે છે

વીડિયો: મૂર્ખ ન બનો! (૯:૩૧)

• યુવાન કઈ રીતે લાલચમાં ફસાયો?​—નીતિવચનો ૭:૮, ૯ જુઓ.

• નીતિવચનો ૭:૨૩, ૨૬માં જણાવ્યું છે તેમ, વ્યભિચારનાં ખરાબ પરિણામો આવી શકે છે. જો આપણે ચારિત્ર શુદ્ધ રાખીશું, તો કઈ મુશ્કેલીઓ ટાળી શકીશું?

• જો આપણે ચારિત્ર શુદ્ધ રાખીશું, તો ભાવિમાં કયા આશીર્વાદો મળશે?

અમુક લોકોને લાગે છે કે બાઇબલમાં સજાતીય સંબંધો વિશે જે જણાવ્યું છે એ ક્રૂર છે અને એ બતાવે છે કે ઈશ્વર લોકોને પ્રેમ કરતા નથી. પણ એ સાચું નથી. યહોવા તો પ્રેમના ઈશ્વર છે અને તે ચાહે છે કે દરેક વ્યક્તિને હંમેશ માટેનું જીવન મળે. પણ એવું જીવન મેળવવા તેણે યહોવાના નિયમો અને સિદ્ધાંતો પાળવા જોઈએ. ૧ કોરીંથીઓ ૬:૯-૧૧ વાંચો. પછી આ સવાલની ચર્ચા કરો:

• જો ઈશ્વરની નજરે જોઈએ, તો શું ફક્ત સજાતીય સંબંધોથી જ દૂર રહેવું જોઈએ?

ઈશ્વરને ખુશ કરવા આપણે બધાએ કોઈ ને કોઈ ફેરફાર કરવાની જરૂર છે અને એ માટે મહેનત કરવી પડે છે. શું મહેનત કરવાથી કોઈ ફાયદો થાય છે? ગીતશાસ્ત્ર ૧૯:૮, ૧૧ વાંચો. પછી આ સવાલોની ચર્ચા કરો:

• ચારિત્ર શુદ્ધ રાખવા યહોવાએ જે નિયમો અને સિદ્ધાંતો આપ્યા છે, શું એ વાજબી છે? તમને એવું કેમ લાગે છે?

આપણે શીખી ગયા

જાતીય સંબંધ યહોવા તરફથી એક ભેટ છે. યહોવા ચાહે છે કે એક પુરુષ અને સ્ત્રી લગ્‍ન પછી જ એનો આનંદ માણે.

તમે શું કહેશો?

• વ્યભિચારમાં કેવાં કામોનો સમાવેશ થાય છે?

• વ્યભિચારથી દૂર રહેવા શાનાથી મદદ મળશે?

• ચારિત્ર શુદ્ધ રાખવા યહોવાના નિયમો અને સિદ્ધાંતો પાળીશું તો, કયા ફાયદા થશે?

વધારે માહિતી

શું એક પુરુષ અને સ્ત્રી લગ્‍ન વગર સાથે રહી શકે? એ વિશે ઈશ્વરના વિચારો શું છે? આ લેખમાં વાંચો.

“લગ્‍ન વગર સાથે રહેવા વિશે પવિત્ર શાસ્ત્રમાં શું જણાવ્યું છે?” (jw.org/gu પર આપેલો લેખ)

બાઇબલમાં જણાવ્યું છે કે સજાતીય સંબંધ બાંધવા ખોટું છે. પણ એનો અર્થ એ નથી કે સજાતીય સંબંધ બાંધનાર લોકોને નફરત કરવી જોઈએ. એ વિશે આ લેખમાં વાંચો.

“શું સજાતીય સંબંધો ખોટા છે?” (jw.org/gu પર આપેલો લેખ)

જાતીય સંબંધ વિશે ઈશ્વરે જે નિયમો આપ્યા છે, એનાથી કઈ રીતે આપણું રક્ષણ થાય છે? આ લેખ વાંચો.

“શું મુખમૈથુન સાચે જ સેક્સ છે?” (jw.org/gu પર આપેલો લેખ)

“તેઓ મારી સાથે આદરથી વર્ત્યા” લેખ વાંચો અને જાણો કે સજાતીય સંબંધ બાંધનાર એક વ્યક્તિને પોતાનું જીવન બદલવા અને ઈશ્વરને ખુશ કરવા શાનાથી મદદ મળી.

“પવિત્ર શાસ્ત્ર જીવન સુધારે છે” (ચોકીબુરજનો લેખ)

તમે યહોવાને ખૂબ પ્રેમ કરો છો અને તેમને દુઃખી ન કરવા બનતું બધું કરો છો. પણ માણસ માત્ર ભૂલને પાત્ર. કોઈ વાર તમે પણ ભૂલ કરી બેસશો. અમુક ભૂલો કદાચ વધારે મોટી હશે. (૧ કોરીંથીઓ ૬:૯, ૧૦) જો તમારાથી કોઈ મોટી ભૂલ થઈ જાય, તો યાદ રાખો કે યહોવા હજીયે તમને પ્રેમ કરે છે. તે તમને માફ કરવા અને મદદ કરવા તૈયાર છે.

૧. કોઈ મોટી ભૂલ કરી બેસીએ ત્યારે, યહોવાની માફી મેળવવા શું કરવું જોઈએ?

યહોવાના ભક્તો કોઈ મોટી ભૂલ કે પાપ કરી બેસે છે ત્યારે ખૂબ દુઃખી થઈ જાય છે. પણ યહોવાના આ વચનથી તેઓને પુષ્કળ દિલાસો મળે છે: “ભલે તમારાં પાપ લાલ રંગનાં હોય, તોપણ એ બરફ જેવા સફેદ થઈ જશે.” (યશાયા ૧:૧૮) જો આપણે દિલથી પસ્તાવો કરીશું, તો યહોવા પૂરી રીતે માફ કરશે. પણ આપણને પસ્તાવો છે એવું કઈ રીતે બતાવી શકીએ? દિલથી અફસોસ કરીએ, ખોટાં કામો છોડી દઈએ અને યહોવા પાસે માફીની ભીખ માંગીએ. પછી આપણે જેના લીધે પાપમાં પડ્યા હતા, એ ખોટા વિચારો કે આદતો બદલવા ખૂબ મહેનત કરીએ અને યહોવાનાં ધોરણો પ્રમાણે જીવવા પૂરી કોશિશ કરીએ.—યશાયા ૫૫:૬, ૭ વાંચો.

૨. આપણે કોઈ પાપ કરી બેસીએ ત્યારે, વડીલો દ્વારા યહોવા કઈ રીતે મદદ કરે છે?

આપણે કોઈ મોટું પાપ કરી બેસીએ ત્યારે, યહોવા “મંડળના વડીલોને બોલાવવા” કહે છે. (યાકૂબ ૫:૧૪, ૧૫ વાંચો.) વડીલો યહોવાને અને તેમના ભક્તોને ખૂબ પ્રેમ કરે છે. તેઓ જાણે છે કે આપણને કઈ રીતે મદદ કરવી. એટલે યહોવા સાથે આપણો સંબંધ ફરી મજબૂત કરવા તેઓ જરૂરી મદદ કરશે.—ગલાતીઓ ૬:૧.

જો આપણે કોઈ મોટું પાપ કરી બેસીએ, તો વડીલો કઈ રીતે મદદ કરે છે? બે કે ત્રણ વડીલો આપણી મુલાકાત લેશે. તેઓ બાઇબલની મદદથી આપણી ભૂલ સમજાવશે. તેઓ આપણને અમુક સલાહ-સૂચનો પણ આપશે, જેથી ફરી એ પાપ ન કરી બેસીએ. જો એક વ્યક્તિ મોટું પાપ કર્યા પછી પસ્તાવો ન કરે, તો વડીલો તેને મંડળથી દૂર કરશે. એમ કરવાથી મંડળનાં બીજાં ભાઈ-બહેનો પર એ વ્યક્તિની ખરાબ અસર નહિ પડે.

વધારે જાણો

૩. પાપ કબૂલ કરવાથી યહોવા સાથે આપણો સંબંધ ફરી મજબૂત થશે

આપણે કોઈ મોટું પાપ કરી બેસીએ ત્યારે યહોવાને બહુ દુઃખ થાય છે. એટલે આપણે તેમની આગળ પોતાનું પાપ કબૂલ કરવું જોઈએ. ગીતશાસ્ત્ર ૩૨:૧-૫ વાંચો. પછી આ સવાલની ચર્ચા કરો:

• પોતાનું પાપ છુપાવવાને બદલે કેમ યહોવા આગળ એને કબૂલ કરવું જોઈએ?

વીડિયો: “યહોવા જેઓને પ્રેમ કરે છે, તેઓને તે શિસ્ત આપે છે” (૩:૦૧)

• વડીલોએ કઈ રીતે કૅનનભાઈને યહોવા પાસે પાછા આવવા મદદ કરી?

વડીલો આપણને મદદ કરવા ચાહે છે, એટલે આપણે વડીલોને બધું જ જણાવવું જોઈએ, કંઈ પણ છુપાવવું ન જોઈએ. યાકૂબ ૫:૧૬ વાંચો. પછી આ સવાલની ચર્ચા કરો:

• જ્યારે આપણે વડીલોને બધું જણાવીએ છીએ, ત્યારે તેઓ શા માટે આપણને સહેલાઈથી મદદ કરી શકે છે?

૪. પાપ કરનારાઓને યહોવા દયા બતાવે છે

જો કોઈ વ્યક્તિ મોટું પાપ કરે, પસ્તાવો ન કરે અને ખોટા માર્ગેથી પાછી ન ફરે, તો શું? એવી વ્યક્તિને મંડળમાંથી દૂર કરવામાં આવે છે. તેની સાથે આપણે હળતા-મળતા નથી. ૧ કોરીંથીઓ ૫:૬, ૧૧ વાંચો. પછી આ સવાલની ચર્ચા કરો:

• થોડું ખમીર બાંધેલા આખા લોટને ફુલાવે છે. એવી જ રીતે, પાપ કર્યું હોય અને પસ્તાવો કર્યો ન હોય એવી વ્યક્તિ સાથે હળીશું-મળીશું તો, એની મંડળ પર કેવી અસર પડશે?

• યહોવા જે રીતે પાપ કરનારાઓ સાથે વર્તે છે, એ કઈ રીતે બતાવે છે કે તે વાજબી, દયાળુ અને પ્રેમાળ છે?

૫. પસ્તાવો કરીએ છીએ ત્યારે, યહોવા માફ કરે છે

જ્યારે એક વ્યક્તિ દિલથી પસ્તાવો કરે છે, ત્યારે યહોવાને કેવું લાગે છે? એ સમજવા ઈસુએ આપેલા ઉદાહરણ પર ધ્યાન આપો. લૂક ૧૫:૧-૭ વાંચો. પછી આ સવાલની ચર્ચા કરો:

• આ ઉદાહરણથી તમને યહોવા વિશે શું શીખવા મળે છે?

હઝકિયેલ ૩૩:૧૧ વાંચો. પછી આ સવાલની ચર્ચા કરો:

• કઈ રીતે બતાવી શકીએ કે આપણે ખરા દિલથી પસ્તાવો કર્યો છે?

આપણે શીખી ગયા

જો આપણાથી કોઈ મોટું પાપ થઈ જાય, તો દિલથી પસ્તાવો કરીએ અને એવી ભૂલ ફરી ન કરવાનો પાકો નિર્ણય લઈએ. એમ કરીશું તો યહોવા આપણને માફ કરશે.

તમે શું કહેશો?

• યહોવા આગળ કેમ પોતાનાં પાપ કબૂલ કરવાં જોઈએ?

• યહોવા આપણાં પાપ માફ કરે એ માટે શું કરવું જોઈએ?

• આપણે કોઈ મોટું પાપ કરી બેસીએ ત્યારે કેમ વડીલોની મદદ લેવી જોઈએ?

વધારે માહિતી

યશાયા ૧:૧૮માં યહોવાની દયા વિશે જણાવ્યું છે. જુઓ કે એક ભાઈએ કઈ રીતે એ દયાનો અનુભવ કર્યો.

યહોવાની દયા પર ક્યારેય શંકા ન કરીએ (૫:૦૨)

મોટી ભૂલ કરનારને વડીલો કઈ રીતે મદદ કરે છે?

“વડીલો કઈ રીતે પાપ કરનારાઓને પ્રેમ અને દયા બતાવે છે?” (ચોકીબુરજ, ઑગસ્ટ ૨૦૨૪)

પસ્તાવો ન કરનાર પાપીઓને કઈ રીતે પ્રેમ અને દયા બતાવવામાં આવે છે?

“મંડળમાંથી દૂર કરાયેલા લોકો માટે મદદ” (ચોકીબુરજ, ઑગસ્ટ ૨૦૨૪)

એક ભાઈ યહોવાથી દૂર ચાલ્યા ગયા હતા, પણ તે પાછા ફર્યા. તેમને કેમ લાગતું હતું કે યહોવા તેમને પાછા લઈ આવ્યા છે? એ જાણવા “મારે યહોવા પાસે પાછા ફરવાની જરૂર હતી” લેખ વાંચો.

“પવિત્ર શાસ્ત્ર જીવન સુધારે છે” (ચોકીબુરજનો લેખ)