• બાઇબલમાંથી શીખતા રહેવા તમને શું મદદ કરશે?
    દુઃખ જશે, સુખ આવશે—ઈશ્વર પાસેથી શીખો

    • ૪. બાઇબલમાંથી શીખવું મહત્ત્વનું છે

      અમુક વાર એટલું બધું કામ હોય કે બાઇબલમાંથી શીખવા કે અભ્યાસ કરવા સમય જ ન બચે. જો એવું હોય તો તમને ક્યાંથી મદદ મળી શકે? ફિલિપીઓ ૧:૧૦ વાંચો. પછી નીચે આપેલા સવાલોની ચર્ચા કરો:

      • તમને શું લાગે છે, જીવનમાં ‘વધારે મહત્ત્વની’ વાતો કઈ છે?

      • બાઇબલમાંથી શીખવાને મહત્ત્વનું ગણવા તમે શું કરી શકો?

      ક. ચિત્ર: અહીં બતાવ્યું છે કે ડોલમાં પથ્થર અને રેતી કઈ રીતે ભરી શકાય. ૧. રેતીનો ઢગલો અને થોડાક પથ્થર. ૨. એક ડોલમાં રેતી ભરી છે. ૩. રેતી ઉપર પથ્થર મૂક્યા છે. અમુક પથ્થર ડોલમાં આવી ન રહ્યા એટલે બાજુમાં મૂક્યા છે. ખ. ચિત્ર: ૧. એ જ રેતીનો ઢગલો અને પથ્થર. ૨. એ ડોલમાં પથ્થર ભર્યા છે. ૩. ડોલમાં પથ્થરની ઉપર રેતી ભરી છે. જરાક રેતી ડોલની બાજુમાં પડી છે.

      1. ક. જો તમે એક ડોલમાં પહેલા રેતી ભરો અને પછી પથ્થર નાખો, તો બધા પથ્થર ડોલમાં નહિ આવે

      2. ખ. જો તમે ડોલમાં પહેલા પથ્થર નાખો અને પછી રેતી, તો મોટા ભાગની રેતી ડોલમાં આવી જશે. એવી જ રીતે, જો તમે ‘વધારે મહત્ત્વનાં’ કામ પહેલા કરો, તો એ કામ સારી રીતે કરી શકશો. એટલું જ નહિ, બીજાં કામો માટે પણ સમય બચશે

      આપણને ઈશ્વરના માર્ગદર્શનની જરૂર છે, જેથી તેમને ઓળખી શકીએ અને તેમની ભક્તિ કરી શકીએ. બાઇબલમાંથી શીખીએ છીએ ત્યારે એ જરૂરિયાત પૂરી થાય છે. માથ્થી ૫:૩ વાંચો. પછી આ સવાલની ચર્ચા કરો:

      • બાઇબલમાંથી શીખવાને મહત્ત્વનું ગણીશું તો કેવો ફાયદો થશે?