૧૩. તંદુરસ્તીને લગતી સલાહ આપતા કે લેતા પહેલાં શું યાદ રાખવું જોઈએ?

^૧૩ આજે, ચમત્કાર કરીને સાજાપણું આપવાની શક્તિ આપણામાંથી કોઈનામાં નથી. પરંતુ, ભાઈ-બહેનો આપણને મદદ કરવા ચાહતા હોવાથી, તેઓ આપણને તંદુરસ્તીને લગતી સલાહ આપે છે. ઘણી વાર આપણે પૂછ્‌યું નથી હોતું તોપણ તેઓ સલાહ આપતા હોય છે. ખરું કે, તેઓની અમુક સલાહ નુકસાનકારક નથી હોતી. જેમ કે, પાઊલનો વિચાર કરો. તેમણે તીમોથીને થોડો દ્રાક્ષદારૂ પીવાની સલાહ આપી હતી. કદાચ દુષિત પાણી પીવાને લીધે, તીમોથીને પેટની તકલીફ હતી.a (૧ તીમોથી ૫:૨૩ વાંચો.) જોકે, સ્વાસ્થ્યને લગતી સલાહ લેવામાં સાવધ રહેવું જોઈએ. કોઈ ભાઈ કે બહેન આપણને અમુક પ્રકારની દવા, જડીબુટ્‌ટી કે ઘરગથ્થુ ઉપચાર કરવા જણાવી શકે. તેઓ આપણને અમુક પ્રકારની પરેજી પાળવાનો આગ્રહ પણ કરે. તેઓ કદાચ એમ પણ જણાવે કે એનાથી તેમના કુટુંબના કોઈ સભ્યને રાહત મળી હતી. જોકે, એનો અર્થ એવો નથી કે એનાથી આપણને પણ ફાયદો થશે. કોઈ એક પ્રકારની દવા અથવા સારવારનો ઉપયોગ બહોળા પ્રમાણમાં થતો હોય તો, જરૂરી નથી કે એ લેવાથી આપણને કોઈ નુકસાન નહિ થાય. ભૂલીએ નહિ કે એ આપણા માટે જોખમી બની શકે છે!—નીતિવચનો ૨૭:૧૨ વાંચો.