મોટા ભાગના ધર્મો ‘ઈશ્વર વિશેનું સત્ય શીખવવાને બદલે અસત્ય’ શીખવે છે. (રોમનો ૧:૨૫) દાખલા તરીકે, મોટા ભાગના ધર્મો શીખવતા નથી કે એક જ સાચા ઈશ્વર છે, જેમનું નામ યહોવા છે. પણ બાઇબલમાં જણાવ્યું છે કે આપણે બધાએ યહોવાને તેમના નામથી બોલાવવા જોઈએ. (રોમનો ૧૦:૧૩, ૧૪) બીજો દાખલો લો. કોઈ ખરાબ બનાવ બને ત્યારે ધર્મગુરુઓ કહે છે, “જેવી ઈશ્વરની મરજી.” પણ એ હળહળતું જૂઠું છે. બાઇબલમાં જણાવ્યું છે, ઈશ્વર ક્યારેય કોઈને દુઃખ આપતા નથી. (યાકૂબ ૧:૧૩ વાંચો.) દુઃખની વાત છે કે એવી જૂઠી વાતો શીખવીને ધર્મોએ લોકોને ઈશ્વરથી દૂર કરી દીધા છે.

૪. આપણા દુઃખો માટે કોણ જવાબદાર છે?

ઘણા લોકોને લાગે છે કે ઈશ્વર દુનિયાને ચલાવી રહ્યા છે. પણ શું એ સાચું છે? વીડિયો જુઓ.

વીડિયો: આ દુનિયા કોની મુઠ્ઠીમાં છે? (૧:૨૪)

યાકૂબ ૧:૧૩ અને ૧ યોહાન ૫:૧૯ વાંચો. પછી આ સવાલની ચર્ચા કરો:

• શું ખરાબ કામો અને દુઃખ-તકલીફો પાછળ ઈશ્વરનો હાથ છે?