22 Upe rire Moisés ogueru pe ótro ovecha mácho, pe ojepurúva ojejapo hag̃ua nombramiénto,+ ha Aarón ha itaʼyrakuéra omoĩ ipo pe ovecha akã ári.+

25 Upéi Moisés ojagarra pe ovecha kyrakue: huguaikue ikyraitéva, kompletoite pe ikyrakue oĩva hyekue ári, pe ikyrakue oĩva pe ígadore, umi mokõi irriñón, umi ikyrakue oĩva hiʼári ha hetymangue a la derechapegua.+ 26 Upe rire ojagarra avei umi pan ilevaduraʼỹva pe kanásto oĩvagui Jehová renondépe: peteĩ pan argólla,+ pan argólla ojejapo vaʼekue arína ha aséitegui,+ ha peteĩ pan pererĩ opururũ asýva. Upéi Moisés omoĩ koʼã mbaʼe pe animál kyrakue ha hetymangue a la derechapegua ári. 27 Entéro koʼã mbaʼe omoĩ Aarón ha itaʼyrakuéra pópe ha oñepyrũ ombokacha hikuái Jehová renondépe. Kóva hína peteĩ ofrénda oñembokacháva Ñandejára renondépe. 28 Upéi Moisés ojagarra jey chuguikuéra upe ofrénda ha ohapy pe altár ári ikatu hag̃uáicha otimbo, ha omoĩ pe ofrénda ojehapýva ári. Kóva hína peteĩ sakrifísio de nombramiénto hyakuã asýva,* peteĩ ofrénda ojehapýva Jehovápe g̃uarã.