Ñandénte ndaikatumoʼãi kuri ni mbaʼevéicharõ jarrekupera jey la Adán ha Eva operde vaʼekue (Sal. 49:​7-9). Ñandejehegui reínte ndaikatumoʼãi kuri jareko esperánsa ñane renonderãme g̃uarã. Ha ñamanórõ, ndaikatumoʼãi kuri ñahaʼarõ jaikove jeytaha, umi animál rehe oikoháicha (Ecl. 3:19; 2 Ped. 2:12). Ñande Ru Jehová omeʼẽ ñandéve peteĩ rregálo ojepagapa hag̃ua pe déuda oheja vaʼekue ñandéve Adán, haʼéva hína pe pekádo. Jesús heʼi vaʼekue pe rregálore: “Ñandejára ningo ohayhueterei umi héntepe, upévare ontrega Itaʼýra peteĩete orekóva, péicha entéro umi ohechaukáva ojeroviaha hese noñehundimoʼãi síno ikatúta oikove pára siémpre” (Juan 3:16). Avei upe rregálo ijojahaʼỹva ñanepytyvõ ikatu hag̃uáicha jareko peteĩ amista iporãva Jehovándi. Ñande ikatu jaaprovecha porã ko rregálo porãite ikatu hag̃uáicha oñeperdona ñande pekadokuéra. w25.02 3 párr. 3-6

¿Mbaʼépa oipytyvõ vaʼekue Sáulope ojevautisa hag̃ua? Jesús oñeʼẽrõ guare Sáulope yvága guive, peteĩ lus omimbíva oheja chupe siegoite (Hech. 9:​3-9). Upe rire 3 día aja haʼe ndoʼúi mbaʼeve ha katuete oiméne ojepyʼamongeta raʼe la oiko vaʼekuére hese. Upérõ Saulo oĩma vaʼekue segúro Jesús haʼeha pe Mesías, ha umi kristiáno oĩha pe rrelihión verdadérape. Saulo ehémplo ñanemboʼe heta mbaʼe. Ikatu kuri oĩ algúna kósa ojokóva chupe ojevautisa hag̃ua. Por ehémplo haʼe ikatu kuri oñemombaʼeguasu térã okyhyje la héntegui, péro Saulo ndohejái upéva oiko hese. Saulo oikuaa porã vaʼekue ojepersegitaha chupe, péro lomímonte odesidi oikotaha chugui kristiáno (Hech. 9:​15, 16; 20:​22, 23). Upéi ojevautisa rire osegi okonfia Jehová oipytyvõtaha chupe oaguanta hag̃ua umi pruéva ijetuʼúva (2 Cor. 4:​7-10). Rejevautisa ha oiko rire ndehegui Testígo, ikatu oĩ oñemoĩva nderehe térã rehasa umi pruéva ikatúva omokangy nde jerovia. Péro ani reduda Jehová ha Jesús siémpre nepytyvõtaha ha nemombaretetaha reaguanta ha resegi hag̃ua ndefiél (Filip. 4:13). w25.03 4 párr. 8, 9

Iporãiterei ningo jalee la Biblia, péro oĩ ótra kósa tekotevẽva jajapo ideprovechove hag̃ua ñandéve ñande lektúra de la Biblia. Ñapensamína ko ehémplore. Pe ama iñimportánte umi plánta okakuaa hag̃ua, péro oúramo oky tuichaiterei peteĩ sapyʼaitépe, pe yvy ndaikatumoʼãvéima oipytepa pe ama ha amo ipahápe umi plántape nog̃uahẽvéima pe y oikotevẽva. Ikuentavétante oky saʼi saʼíramo ikatu hag̃uáicha pe y oike pe yvýre, og̃uahẽ hag̃ua pe plánta rapo oĩháme. Péicha avei, ñañehaʼã vaʼerã ani hag̃ua jalee la Biblia apúrope, pórke upéicha ndaikatumoʼãi oikepa ñane akãme pe informasión ha ñanderesaráita chugui. Ha upéva oikóramo ndaikatumoʼãi jajapo upe jalee vaʼekue (Sant. 1:24). ¿Rehechakuaápa releeha nde Biblia pyaʼe pyaʼéntema? Eñehaʼãkena ani rejapuraiterei ikatu hag̃uáicha repensáma rehóvo la releévare, térã eñemotiémpo releepa rire ejepyʼamongeta hag̃ua. Upearã ikatu edesidi estudia arevetaha ikatu hag̃uáicha repensa la releévare. w24.09 4 párr. 7-9