18 Péro pe rréi de Judá penembou vaʼekuépe pembaʼeporandu hag̃ua Jehovápe, peje vaʼerã kóicha: “Péicha heʼi Israel Jára Jehová: ‘Nde rehendu kuri umi mbaʼe oikótava, 19 ha rehechauka ne korasõ porãha* ha reñemomirĩha+ Jehová renondépe, ha rehendu umi mbaʼe che haʼe vaʼekue oikotaha ko lugár rehe ha umi héntere, umi maldisión oútava chupekuéra ha mbaʼéichapa okyhyjéta hikuái umívagui, upévare remondoro nde ao+ reñembyasýgui ha nerasẽ che renondépe. Upéicha rupi avei che rohendúma, heʼi Jehová.

13 Manasés osegi oñemboʼe Ñandejárape, ha Haʼe oiporiahuvereko chupe ojerure asy haguére, ha avei ohendu chupe ojerurérõ guare imbaʼeporã hag̃ua hendive, ha ogueru jey chupe Jerusalénpe ha omoĩ jey chupe ogoverna hag̃ua.+ Ha péicha Manasés ohechakuaa Jehová haʼeha Ñandejára tee.+

Haʼe heʼi: “Che aiko yvatete peteĩ lugár sagrádope.+

Upéicharõ jepe, aime avei umi hénte iñumíldevandi ha umi oñeñandúvandi yvýre.

22 Itúa katu heʼi umi isirviéntepe: ‘¡Pyaʼéke! Pegueru chupe peteĩ ao puku, pe iporãvéva ha tomonde, pemoĩ ikuãre peteĩ kuãirũ ha sandália ipýre. 23 Pegueru pe tóro raʼy iporãvéva pekarnea ñandéve, jakaru ha javyʼa. 24 Pórke ko che raʼymi ningo omanóma kuri péro oikove jey,+ okañy kuri péro ou jey’. Ha oñepyrũ ovyʼa hikuái.

13 Péro pe okovráva impuésto katu oñemboʼy mombyrymínte voi, ha noñanimái omaña yvágare, upéva rangue ojepytiʼanupã ha heʼi: ‘Ñandejára, cheporiahuverekomína, che ningo pekadór’.+ 14 Che haʼe peẽme: pe kuimbaʼe okovráva impuésto oho rire pe témplogui ihustove Ñandejára renondépe pe fariséogui.+ Pórke ojeapoʼíta pe oikóvape oñembotuicha, ha oñembotuicháta pe iñumíldevape”.+