Salmos

1 Katuete ovyʼa pe persóna ndosegíriva umi iñañáva konsého,

ndoikóiva umi pekadór apytépe,+

ha ndojeheʼáiva umi oñembohorývare Ñandejárare.+

 2 Haʼe ohayhueterei voi Jehová léi,+

ára ha pyhare olee ha ojepyʼamongeta hese.*+

 3 Peichagua persóna ojogua peteĩ yvyramáta

oñeñotỹvape arrójo ykére,

hiʼáva itiempoitépe ha siémpre hogue vérde asýva.

 4 Umi iñañáva katu ndahaʼéi upéicha,

haʼekuéra ojogua umi ñana pirukuépe pe yvytu ombovevéva ápe ha pépe.

 5 Upévare, ojehusga vove umi iñañávape, oñekondenáta chupekuéra,+

umi pekadór noĩmoʼãi umi hembiapo porãva apytépe.+

 6 Jehová oikuaa mbaʼéichapa oiko umi ihústova ha oñangareko hesekuéra,+

péro umi iñañáva katuete oñehundíta, ha ojapóva guive hikuái opa reíta.+