La Biblia heʼíva oñekumpli

La Biblia nomombeʼúi umi mbaʼe oikovaʼekue añónte. Heʼi avei mbaʼépa oikóta tenonderã. Yvypóra ndaikatúi heʼi mbaʼépa oĩ tenonderãme. Upévare jaikuaa la Biblia ouha Ñandejáragui. Mbaʼépa heʼi la Biblia oikotaha tenonderã?

Oñeʼẽ peteĩ gérra guasúgui, oguerútava Ñandejára. Ko gérrape Ñandejára omopotĩta ko Yvy opa mbaʼe vaígui ha hénte añágui, péro oñangarekóta umi chupe oservívare. Pe rréi Ñandejára omoĩva, Jesucristo, oñangarekóta Ñandejára siervokuérare oguereko hag̃ua pyʼaguapy ha vyʼa, ha anive hag̃ua núnka hasy térã omano.

Ajépa javyʼaite Ñandejára ojapóta rupi peteĩ paraíso pyahu ko Yvy ape ári? Péro jaikosérõ pe paraísope tekotevẽ jajapo peteĩ mbaʼe. Pe última istória oĩva ko lívrope ohechaukáta ñandéve mbaʼépa jajapovaʼerã jahupyty hag̃ua umi mbaʼe porãita Ñandejára oguerekóva isiervokuérape g̃uarã. Upévare, elee pe PÁRTE 8 ha ehecha mbaʼépa heʼi la Biblia oikotaha tenonderã.