LA BIBLIA OMBOHOVÁI KOʼÃ PORANDU

Ko múndope umi hénte ojediverti, ombaʼapo, omenda, ifamília ha upéi ituja ha omano. Péro, ¿upearãnte piko jaju ko múndope? (Job 14:1, 2.) La Biblia heʼi umi hénte iñaranduvéva jepe oikuaase hague upéva. (Elee Eclesiastés 2:11.)

Ñantende hag̃ua maʼerãpa ñaime ko yvy ape ári, primero jahecha vaʼerã mávapa ñandeapo rakaʼe. Heta oĩ ostudiáva mbaʼéichapa ombaʼapo ñane apytuʼũ ha ñande rete, ha ohechakuaa hikuái oĩmante vaʼerãha peteĩ Kreadór iñintelihentetereíva ñandeapo vaʼekue. (Elee Salmo 139:14.) Ha oiméramo upéicha, nañandeapoichéne raʼe ñamano ha japa rei hag̃ua jeýnte. Upévare, iñimportánte jaikuaa maʼerãpa haʼe ñandekrea rakaʼe.

Ñandejára ovendesi vaʼekue pe primera paréhape ha onkarga chupekuéra peteĩ traváho iporãitereíva. Haʼe oipota kuri omyenyhẽ hikuái ko yvy, ojapo chugui peteĩ paraíso ha oiko pype pára siémpre. (Elee Génesis 1:28, 31.)

Péro pe primera paréha oñemoĩ Ñandejára kóntrape. Upéicharõ jepe, Ñandejára nokambiái ivolunta yvyporakuérape g̃uarã. La Biblia heʼi haʼe ojapomaha tekotevẽva guive osalva hag̃ua isiervokuérape ha okumpli hag̃ua ivolunta ko yvýpe g̃uarã. Ha Ñandejára oipota nde avei rehupyty umi mbaʼe porã haʼe oprometéva. (Elee Salmo 37:29.) La Bíbliape ikatu reaprende mbaʼépa rejapo vaʼerã rekumpli hag̃ua Ñandejára volunta.