Kárta omboúva Kuérpo Governánte

Enterove ohayhúvape g̃uarã Jehovápe ha Iñeʼẽ la Biblia:

Jesús heʼi vaʼekue: “Peikuaáta pe añetegua ha upéva omeʼẽta peẽme liverta” (Juan 8:32). Katuete oiméne nemanduʼa mbaʼeichaitépa reñeñandu raʼe reikuaárõ guare pe añetegua oĩva la Bíbliape. Javyʼaiterei jahechárõ guare ikatuha jaikuaa pe añetegua ko múndo henyhẽtéramo jepe japúgui (2 Timoteo 3:1).

Jehová oipota jaikuaa pe añetegua, ha ñande jahayhúgui umi héntepe jaikuaa rire pe añetegua ñamombeʼuseterei chupekuéra umi mbaʼe ñaaprendéva. Péro tekotevẽ jajapove hetave mbaʼe jaservi porãve hag̃ua Jehovápe. Ñande ningo jarrespetaiterei umi konsého oúva Jehovágui, upévare ñañehaʼãmbaite jasegi Jesús ehémplo. Haʼe heʼi vaʼekue mbaʼéichapa ikatu avei jahechauka jahayhuha Jehovápe, haʼe heʼi: “Pejapóramo che mandamiénto, siémpre peikóta che mborayhúpe, péicha avei che ajapóvo che Túa mandamiénto, siémpre aiko imborayhúpe” (Juan 15:10).

Jesús ningo ohayhueterei Itúape, upévare ojapopaite Jehová ojeruréva guive chupe. Ñande jasegi meméramo Jesús ehémplo, Jehová ñandeguerohorýta ha añetehápe javyʼaitereíta. Jesús heʼi vaʼekue: “Peẽ peikuaáma koʼã mbaʼe, ha pevyʼáta pejapóramo umíva” (Juan 13:17).

Roipotaite ningo ko lívro nepytyvõ reiko hag̃ua la Biblia heʼiháicha ha oiko hag̃ua ndehegui Jehová amígo. Avei roñemboʼe penderehe pesegi hag̃ua pehayhuve Jehovápe “ikatu hag̃uáicha pesegi peiko Ñandejára mborayhúpe [...] jaikove hag̃ua pára siémpre” (Judas 21).